جم مرة انخطبتي؟!

[رجااوي]

وحده قالت لي ؟!!
متزوجه قلت لها لا ,, قالت ليــــــــــــه الناس مايشووفون ؟؟!!!

 

[تذكر خافقي رمحك]

عادي انا الي بسني
في خطاب طقوا بابهم
وانا ولا حتى خيال خاطب
بس عادي مو مهتمة وايد
الزواج قسسمة ونصيب

 

[عضوا]

الموضوع مو جم مره انخطبتي الموضوع بالزوج الصالح ولاتهتمين لكلام الحريم طنشي تلاقين الوحده فيهم متبهذله ويا زوجها وهواش وزعل وخيانات وتجي باليمعات تخربط وي وي مانخطبتي ماتزوجتي يامعوده عابلي روحج وبيتج ومشاكلج ))حياتي والله لاتهتمين انا موضوع هذا مايهمني ولا ياثر فيني وانا اكبر منج لانه قسمه ونصيب وعارفه وواثقه قال تعالي ((الطيبون للطيبات))اصلي واخاف الله وابر والديني وعندي يقين الله بيرزقني انسان مثلي لانه مومنه بكلام الله قلته لج فلاتهتمين اختي وخلج نفسي )))وبذكر لج سالفه صارت لوحده اعرفها حيل قريبه مني واهي نفسها قالت لي تقول انا. بنت

عمري بنهاية العشرين وماانخطب يجون ناس واطلع انا واختي عمرها بالعشرين ويخطبونها جدامي وتصير سوالف بعدها يطلع الولد فيه شي واختي صغيره ترفض. وتمررر الايام



ويجون ناس مره ثانيه واطلع انا واختي صغيره وتنخطب اختي وانا مايطالعوني وانقهررر وتصير ظروف وماتوافق اختي انه العمر للولد مايناسبها ومره مذهبه غير ويرفض الابو وتمر والله تقول شكثر تنخطب اختي وانا لا. صارت تكره تطلع وتعصب

وتمر الايام ويجون ناس وقالت البنت الكبيره ماني طالعه موكل مره اتفشل وحاولوا معاها قالت مابي وخروا عني وقالت لاختها صغيره روحي طلعي خل يخطبونج واختها صغيره رفضت المهم بعد حنه وتدخلات اقنعوا الكبيره وطلعت واهي من داخل تقول الحين بيطلبون اختي الصغيره وقامت واهيا متضايقه ودشت غرفتها وبجت لانها وصلت انها فقدت الامل واهيا من نوع حساسه وعصبيه جان تدش اختها وتقولها اخطبوج وقالوا يبونج ووتزوجت وطلعت احلي عروس والحمدلله توفقت بانسان يحبها وتحبه وماشالله عليهم احلي اثنين الله يوفقهم والحين تذكر هالسالفه لما تنقهر ليش اختها تنخطب واهيا لا واقسم بالله اهي تزوجت واختها اللي شكثر تنخطب للحين ماانخطبت ولاتزوجت بس يجونها ناس للحين شفتي النصيب له يومه ومكتوب عند الله طولت بسالفه بس حبيت اوصلها لج والله يرزقج ويرزقني ويرزق كل بنات المسلمين ازواج صالحين تقين نقين محبين لله اللهم امين

صدقتي يا وخيتي :eh_s(15):

وحده قالت لي ؟!!
متزوجه قلت لها لا ,, قالت ليــــــــــــه الناس مايشووفون ؟؟!!!

هذا طبع الحريم إلا من رحم ربي
لقــــــــــــــافه زايدة

عادي انا الي بسني
في خطاب طقوا بابهم
وانا ولا حتى خيال خاطب
بس عادي مو مهتمة وايد
الزواج قسسمة ونصيب

نفس حالتج يا وخيتي
و الموضوع ار طبيعي عندي
بس يا ريتهم لو يسكتون

مشكوووووووورين على المرور

 

[حلم مذبوح]

للاسف مجتمعنا دوم يحبطنا ويحطمنا
انا تقدموا لي وماصار نصيب
بعدالله مايرضى اخذ لي زوج واتمرمر معاه
رفضي كان بمحله طبعا موكلهم الرفض مني
الحين انا اخواتي كلهم تزوجوا اخر وحدة الصغية تسعتعش
انا الحمدلله مقتنعة ان هذا نصيبي وان شاء الله كل تاخيرة فيها خيرة
بس الناس ذابحيني
وحدة تقول لامي بنتج كاسرة خاطري
من تشوفني تردد نفس السنفونية تتاسف على حالي
توني بداية الثلاثين انا الحمدلله حققت اهداف وايد وللحين ابي احقق موحابسة نفيي بقفص النصيب اللي اتاخر
ولاموقفة حياتي الحمدلله احاول اكون ايجابية

 

[ليمونه حلوه]

عدد الخطاب مو مقياس ..

ياما في بنات يهبلووون ومع هذا محد خطبهم .. وفي العكس الخطاب واجد .. بس البركه ماش

العبره بالنوعيه وليس بالكميه ..


بالنهايه كلها توافيج ..

 

[زهراء 24]

عادي مافيها شي انا عمري 25 وللحين ماانخطبت ولا مرة
واحس اني احسن من غيري رفيجتي من كثر ما ييولها خطاطيب
وراحوا وماصار نصيب صار فيها حاله نفسيه ماتحب انها
تنخطب مرة ثانيه
كل شي خيره يمكن اول شخص يخطبج
يكون من نصيبج العبره مو بالعدد
​

 

[Lemon Juice]

انا أشوفها من منظور ثاني ، تكون البنت سنعة وذربة وجميلة ومؤدبة مو أي ناس يخطبونها ، يفكرون مليون مره قبل لا يطقون بابها

بالذات اذا كان الشاب مو بذيج الأخلاق أو العقلانية

الله يرزقج ويرزق كل البنات رياييل صالحين طيبين يا رب

 

[خانها الحظ]

.,


موفقه يارب

مثل ماقالوا البنات الزواج توفيق من الله وليس بعدد الخطاب\\

 

[عضوا]

مشكووووورين على المرور و المشاركه

 

[سلاسل ذهبيه]

اللي تسأل هالسؤال فيها جهل وعندها نقص وعندها فضووووول بعد

 

[ريـحآنه]

أنا عن نفسي كنت أرفض
وبعدين أول واحد تقدم لي صار نصيب

بس ترى عادي يعني وايد بنات حلوات وأنيقات وكل وحدة فيهم تقول الزود عندي أنا اعرفهم شخصياً

يعني لي 22 سنة محد تقدم لهم وبعضهم بس جم مرة يدقون على الأم ولا يروحون لهم
لي 22 23 سنة جذي وأول واحد تقدم لهم صار نصيب وتزوجو يعني اهو عالنصيب مو عالجمال والشكل والأناقة والدلع

وهذيلا الناس ما عندهم ذوق أبد !

 

[عضوا]

معاااج حق ما عندهم ذووق
مشكوورة على المرور

 

[فطوم السعوديه]

صدق سخافه وكثير تحصل بس ماعليك منهم طنششششي

وبتعيشين وبتنخطبين وبتتزوجين وتقزينهم بعيونهم ان شاء الله

 

[عين غزية]

ارتاااااااحي وخلي الناس اخر اهتمامك انا بنت خالتي عمرها 28 وعمرها مانخطبت وبنات جيلها ومنهم اختي تزوجو وهم 18 سنه والله خطبها واحد لو يلفون بنات جيلها مايلقون اظفره ورجال متفهم ومتعلم وهي مشالله قدها واعيه وفاهم ومتهنيه بحياتها انت لا يهمك الناس اهتمي بحياتك وزواج مو يوم ولليله لا عمر لازم تحسنين الاختيار حتى لو اضطريتي تقعدين وربك ماينساء عبده ادعي ربك والله يرزقك

 

[* ذوق *]

وش ينفع البنت خطابها عشر ولا مية
مادام بالاخير هو واحد
المهم وش هو عليه هالواحد

وبعدين ليش الناس يعتقدون ان فيه عمر للزواج دام الامر كله نصيب وبيد الله وحده
ليه شايفين البنيه علبه تونه خايفين تخزن ها
20 او 30 او اكثر ماهو مهم العمر بقدر صلاحية الطرف الاخر للزواج

 

[گـحِـلْ |~]

سسسؤال فيــه آلكثييـر مِـنْ آلتطفـــل وممآله دآعــــي

 

[some one waw]

نصيب وربي كاتبه

ماعليج من الفضوليات الله يهديهم

 

[غراوي]

انا انخطبت
بس للاسف كلهم الله لا يبلانا ما يشجعون
واهلي اهم اللي رفضو
وتري ينعدون عالاصابع 4 يمكن

 

[نمله ذربه]

والله انا مابقى احد ما خطبني من قبيلتي بس سبحان الله النصيب نصيييييييبالحكمه مو جم واحد خطبجالحكمه بالتوافيق

 

[فطوم 84]

اللي تسال هالسوال مليقه

وانتي شكووووووو

جم مره انخطبت
اوكي انا عن نفسي وايد جوا ناس وماصار تفاهم

وماحسبتهم

ومااحس انه شي مهم

مو معناة البنت مانخطبت ولا مره انها م حلوه او مو مرغوبه ياما بنات من اول مره تنخطب علي طول تتزوج

الموضوع اقدار. الله كاتبها

وقسمه ونصيب

لج يوم بتزوجين فيه


والله يرزق كل البنات ازواج صالحين اللهم امين