جم كان عمرج ^^

[cramela]

اول زواجه كنت اصغر من 19 وكنت صغيره مغروره ياهل بكل معني الكلمه والحمدلله تطلقت وتزوجت بعمر 30 والحمد لله احس ان سني كان حلوو للزواج وتغيرت فيني اشياء وايده عقلت وكبرت

 

[نجمة_الكون]

انا تزوجت شوي مبجر 19

والله حلو الزواج الحمدلله استانست

احس البنت تتزوج مبجر وايد افضل من انها تتاخر بالزواج

 

[احبك ليش؟]

ملجت و تزوجت 17 و الحمدلله ما ندمت

 

[احبك ليش؟]

تزوجت و انا بالثانويه و حملت و حولت مسائي و قاعده اكمل الحين و الحياه حلوه صج في ضغط لان عندي مسؤولية كبيره بس عادي لما يكون يمج الي تحبينه تنسين الدنيا و ما فيها الله يتمم علي و عليكم انشالله

 

[Koko7taty]

20
الحمد لله على كل حال

 

[ملح الكون]

تزوجت 25 واحسن عمر احسه للبنت لزواج..
الزواج مسؤوليه .. انا افضل العزوبيه (؛

مالج شغل لا بزوج ولاعيال ولا بيت ولا حموله ولا مواجيب ..

 

[Aloe Vera]

صح عمر ٢٥ احلى عمر للزواج برايي بس انا تزوجت ٢٣ و هذا النصيب

 

[زين ودلال]

21 :eh_s(7):

 

[عبوه]

تزوجت 23 سنــه

 

[مزيونة الخبر]

انا بعد كم شهر بصير 29 وماتزوجت حيل زعلانة ومتضايقة ابي عيال واستقرار لكن شسوي نصيب من الله الله يعجل الفرج من عندة

 

[ياسمين.]

مزيونة الخبر، الله يرزقج ان شاءاالله
-
أب

 

[his only]

21 و الحين 22
مو ندمانه علا الزواج بهالعمر بس ندمانه اني ما استعيلت بدراستي
لان المفروض انا سنه تخرج و مو قادره اوفق بين الدراسه و الزواج
و هالشي كان بيدي انا وايد خذيت راحتي بالدراسه عبالي اني لاحقه علا كل شي
طلع كل شي اهو الي مو لاحق علي :eh_s(4):

 

[Jolyan]

20
لا ما ندمت حتى الان و ان شاء الله ما اندم أبد

 

[هِتاف]

تزوجت وعمري 22
حاسه انو عمري مناسب والحمدلله
فعلاً الزواج استقرار وكل مرحله من حياتنا لها طعمها

 

[mona86]

أنا لمن خطبني زوجي كنت 25 و اليوم اللي وراه كان عيد ميلادي فصرت 26 ..
يعني تزوجت 26 و اشوفه العمر المناسب .. شبعت بحياتي و استانست و تزوجت في عمري النضوج ..
و سلااااااااااااااااااااامتكم

 

[M!ss CoLoRz]

ملجت وعمري 21 وتزوجنا وانا 24

الزواج حزتها كان محذوف من بالي وماله مكان في خططي

بس النصيب والمكتوب محد يقدر يقوله لا

ما تحسفت لأنه احنا صرنا في طريج بعض بطريقة عجيبة وغريبة ومكتوبة عند الله سبحانه

اكيد ما اتحسف على الحلال لأنه ما في احلى منه واجوف الموضوع من نظرة انا احنا كبرنا مع بعض والحمدالله كنا قدها وكان فعلا الوقت مناسب لي وله

اما عن شنو احلى العزوبية ولا الزواج ... الاثنين حلوين ولهم طعهم الخاص لما في بيت أهلج حلو "وفي ايام مرة" ولما مع زوجج وفي بيتج ومملكتج حلو "وفي أيام مرة"

 

[لوولوو_88]

تزوجت عمري 25 هههه و ليلحين 25 لاني عروس ههههه

الف الحمدلله اني تزوجت بالعمر هذا ولو أنه أول و تالي نصيب .. بس درست و سقت سياره و عشت جميع فترات عمري و توظفت و بعدها تسهلت عند زوجي و بعدها الهدف الأساسي الأمومة ♡

ف اشوف عمري الحمدلله واااايد مناسب و ما ندمت ابدا ابدا ..

مع العلم كان ودي أتزوج صغيره عشان اعيالي يكبرون معاي كنت حابة هالفكره بس الخيره فيما اختاره الله و احمده مليووون مره عليها .. لأنه لا يكلف الله نفسا إلا وسعها أهوا اعلم بالانسب لي

 

[taioba]

تزوجت عمري 19 وتوني دخلت 20
للحين عروس
والحمدالله ما ندمت عالزواج صج مسؤولية بس مع الوقت تعودت

 

[امـ خــزامـى]

تزوجت وباقي كم شهر وادخل ٢٢

بالبدايات ندمت ههههههههه بصراحه حسيت اني استعجلت ومرات اكثر احس اختياري كان غلط


لان اساسا تزوجت وانا مو مقتنعه بس سبحان الله الامور مشت بشكل عجيب
مكتوب لي ومقدر وهذا نصيبي اللي مهما سويت وفعلت ربي كاتبه لي

والحمدلله رضيت واستوعبت بعد فتره

الحمدالله الذي تتم بنعمه الصالحات


والله يرزق كل من تمنى الزوج والذريه الصالحين

 

[عويتقة]

الله يهنيكم يارب