جم رقم حليب اعطي ولدي.. ساعدوني

[جمالي ايطالي]

السلام عليكم ورحمة الله وبركاته








ولدي اسم الله عليه عمره 7 شهور


جم اعطيه رقم حليييب وكل جم ساعه


بصراحه لحد الحين مو عارفه شكثر اعطيه


وبالنسبه للاكل شنو تنصحوني فيه حق عمره:082502bye_prv:



وتشكراااات




:bye22:

 

[حبـ admant ـك]

رد : جم رقم حليب اعطي ولدي.. ساعدوني

على حسب ولدج
اذا تعطينه 4 عطيه 5 و جوفيه اهو متى ماشبع بتجوفينه مايبي
كل ياهل وعلى حسب معدته
مو شرط كل اليهال نفس الشي
وعن الاكل سويه له بطاط جزر قرع اي شي من الخضره بس يكون مهروس

 

[مدمنة ككاو]

كل ياهل شهيته تختلف عن الثاني المفروض تعرفين جم رضعته اذا 5 او 6 ما تشبعه عطيه اكثر ونظميها مثلا كل 4 ساعات او 5 ساعات
ومن بينهم وجبتين غير الحليب فواكه او خضار او بسكوت الاطقال

 

[لانجري المسك]

اولا : غير نوع الحليب .. يعني قبل تعطينه c26 الحين بروميل ( المرحله الثانيه )

ثانيا : بالنسبه للرقم كل ياهل يختلف عن الثاني بجري كان يوصل الي 7 امه بنتي حدها 4 ما تقدر تشرب اكثر

ثالثا : الاكل المفروض من زمان مبلشه فيه

طريقتي

اسلق ( جزر - كوسا - قرع - بطاط ) كل يومين

وطريقة الاكل

وجبة الريوق ( سيريلاك - فارليز - بسكوت بالعسل )

الغدا ( بالخلاط ) قرع وبطاط وجزر وكوسا -- او بطاط وكوسا ودجاج وجبن -- او بطاط وجرز -- او قرع وبطاط وجزر وعيش )

العشا ( بالخلاط ) تفاح و عصير برتقال -- او موز وحليب -- او خوخ وعرومط -- او عنب وتفاح


ومرات ادخل بالوجبات ( كريم كراميل ) روب بالفواكه ( من كي دي دي )


وبين الوجبات بسكوت الاسنان او بفك ( الاكثر بفك بو ذرة



وسلامتج

واي استفسار انا حاظره

 

[حبيبي مالكني]

رد : جم رقم حليب اعطي ولدي.. ساعدوني

حبيبتي ولدج لازم يشرب حليب رقم 2
وسويله حليب كل ما تحسينه ياع

 

[q8 83]

لازم تعطينه رقم 2 مثل ما قالت اختي

بس لا تستهينين بالاكل بلشي معاه خضار و فواكه

و انصحج بكتاب الطفل السليم مع الدكتورة ريم تلقينه بمكتبه جرير

فيه و صفات اكل صحي للاطفال من عمر 6 شهور لي 10 سنين وايد وايد مفيد عن تجربه

وكل شهر يبين لج شنوا التطورات الي تصير حق طفلج و شنوا الحركات اليديدة الي راح يسويها و شنوا الالعاب الي تلعبينا اياها بالعمل

 

[جمالي ايطالي]

ياحياتي انتو ماقصرتن والله يجزاكن الجنه يااااارب

 

[غلا الروح79]

حبوووبه البنااات ماقصروااا

 

[<<لمار>>]

كل ياهل شهيتة غير عن الثاني لاتضغطين عليةخل ياخذ شبعتة

 

[دانة بعين بحاري]

مثل ماقالوا البنات ماقصروا