جم تصرفين في ماليزيا او تاليلند ؟؟؟؟

[wishesangle]

مرحبا بنات .. اشلونكم يا حلوات ؟؟


انا انشالله بسافر هالصيف لماليزيا و بخاطري اختم السفره في بوكيت في تايلند .. و بكون مع زوجي

بس بتكون هذي اول سفرة لي لشرق اسيا ... وبصراحة بعرف جم اخذ معاي فلوس لسوق و المشتريات ؟؟

وانا سمعت ان ماليزيا كل شي فيها غالي حيل و ماتنفع للتسوق ؟؟صج ؟؟؟ :q8:

 

[إستبرق]

والله حبوبه انا رحت تايلند وماليزيا تايلند بس لعبت لعب مو طبيعيييييييييييي يعني شحنت للكويت 5 جناط كباااار غير ان معانا بالمطار جنطتين فصرفت وايد بو 3 الاف بس لما رحت شهر 10 ماليزيا حسيت اني صج لاعبه لعب بتايلند لان السفره التذاكر والسكن والرحلات وتسوق هم تسووقت والله شريت كل شي ابيه وقعدنا 15 يوم وفنادق 5 نجوم بس واحد 4 نجوم وشحنت للكويت 3 جناط وبالمطار معاي جنطتين كلفتنا 1800 تقريبا وماليزيا بعد اغلى من تايلند هني عرفت اني بتايلند خامه الديره وراده الكويت خخخخخ وانا عندي سوق تايلند وااايد احلى من ماليزيا

 

[مشتطة وبس]

والله يعتمد صرفج............اذا بتشرين وايد وصوايغ يبيلج 1000 وفوق واذا بتختصرين لا اقل انشالله..........بس نصيحتي لاتشترين ماليزيا موحلو سوقها..........الا يمكن عندهم ماركة جناط وجواتي حلوة اخذي لج طقم ينفعج حق دوام حق طلعات..........اما تايلند اذا انتي ضعيفة قمصانها ماتدرين شتاخذين على 3 و2 و5........بس موكلهم لان وايد منهم يابوهم بالسوق على 5...........وجواتي وملابس اطفال طبعا حلوة هناك..........بس نصيحة لاتاخذين الا اللي موموجود لان العالم كله صار سوق واحد وكل شي قاعد يتوزع ويستوردونه ....... اذا عندج يهال هناك بضاعتهم حلوة وموموجودة عندنا بس بالمجمعات الكشخة..........بس لاتخافين مو غالية

 

[kandora]

انا صارلي 23 يوم بتايلند صرفنا تقريبا 3000 لان بصراحه بسوقهم امشي واخمطططططططط لول

 

[أحلى همبه كويتية]

انا صارلي 23 يوم بتايلند صرفنا تقريبا 3000 لان بصراحه بسوقهم امشي واخمطططططططط لول

موفقة حبيبتي
وااااااااااي انا مثلج امشي واخمط وزوجي يزفني
وخاشة فلوسي حق السفرة بشهر 7
ان شاءالله
سويلنا تقرير عن سفرتك بس ترجعين
بتفصيل ممل
انا ناطرتك

 

[wishesangle]

مشكورييييييييييييييييين حبيباتي عالرد .. و ماقصرتوا ..
و انشاالله الله يسهل سفرتنا ياااااااااااااااااب و اصرها لكم و احط خوووووش تقرير ..

 

[!طواري!]

حبيبتي قصدك بس مشتريات

 

[د-سوسه]

والله حبيبتيي انا عن نفسي رحت ماليزيا مو تايلند السفره كانت 28 يوم واحنا اربع اشخاص كلفتنا التذاكر والفندق 2800 وعلي فكره كانت من سفريات يعني انصحج تصيرين احسن مني وتحجزين من الحين ارخصلج وبالنت اوفر بوايد ..
اما المصرف فكان معانا 1800 مطاعمنا كلها كانت زينه يعني مووجبات سريعه وطلعنا ورحنا رحلات و وشرينا كل الي بخاطرنا ورديت الكويت معاي فلوس

 

[aL7La_kaLeh]

انا رحت تايلند من قبل 6 شهور تقريباً وقعدت فيها 18 يوم طبعاُ قسمتها 13 يوم في بوكت و 5 ايام في بانكوك و الصراحه تقسيمت الأيام كانت وايد مناسبه لي وكان حجزي على اساس ان 25 يوم بس الصراحه الفلوس بلشت اتخلص فحجزت على 18 يوم وكان معاي 3700 دينار لي انا بروحي و على اخر الأيام بلشت تخلص الفلوس لأنه رفهت عن نفسي بما فيه الكفايه بالتسوق و الرحلات و المطاعم العربيه والفنادق انا رحت لها مرتين تايلند سنة 2007 كانت وايد ارخص لكن سنة 2008 كانت الاسعار مرتفعه وايد وبالذات الموسم اللي رحت فيه كان موسم سياحة الخليجين و الاجانب فا كانت الاسعار مرتفعه وايد

 

[Marka Store]

حبوبة اذا انتي نوعج ما تخمين الأكو واللي ماكو، واذا مو ناوية تاخذيلج جم جنطة ماركة
500 دينار تكفيج، وتترس لج جنطة