جم المفروض يكون المهر

[لوكي وكلي دلع]

اقل من 8 ما عندج سالفه تكاليف وربي تقطين فووق 10 على التجهيز
ولا يكفوووون عن تجربه

 

[بنت الاحلام]

اضن 4 حلو حيل وكافي الحمد لله واهم شي البركه

وبعدين اقلهن مهرا اكثرهن بركه

 

[قلبهـ 86]

على حسب من 5 الي 6

 

[بنت^مطير]

المطران ٧ لي ١٠ ماكو اقل

 

[ضحاوي الديره]

المطران من ٦ لي ١٠ ماكو اقل من ٦
رفيجتي عجميه ماخذها ولد عمها مشالله مهرها ٩

 

[كتكات احمر]

حضر من ٨ لي ١٢

هههههههههههههه تطنزين من صجج شنو 8 الى 12

حد الحضر 4 الى 5 ان ذبح نفسه :krkrkr:

 

[عرباوية من قدي]

ترى الحضر اقل من 4000 خصوصا العيم

 

[دلوعتةة : $]

،


الي تقول القبيله الفلانيه جذي وجذي ..
ماتوقع شي ثابت ، كل ( عائله ) والي متعارف بينهم ،،
وأهم شي مقدره الزوج ، بعضهم ياخذ قروض عشان يعطي مهر ويسوي عرس ويأثث البيت ويروح شهر العسل ،
وبس تخلصون من لويه العرس تجي الصدمه لووول
بتصير حياتكم كلها ديون × ديون ! فليش تتشرطين من البدايه بشي زوجج موقادر عليه
احنا اهلنا كل واحد ومقدرته مافي شي ثابت ، يبدا من 4 ويمكن يوصل ل10 والعرس ع الزوج طبعا
والبعض يجيب الشبكه والبعض يجيب ساعه كشخه وجذي ،
الحمدالله مومحددين ههههههههه

عن نفسي مهري مناسب جدأ الحمدالله والشبكه والعرس كاااامل ع زوجي ،
وأهم أهم شي التوفيق يابنات ، أعرف وحده مهرها 10 وبيت كامل لها بروحها وخدامه وشبكه وعرس خيالي
وصارلها شهور في بيت أهلها !!

صح كل شي غالي ، بس أقلهم مهورأ أكثرهم بركه ،،والمهر موقيمتج ،هذا تجهيزلج لزوجج وعندج أهلج ماراح يقصرون
والله يوفقنا ويسعدنا يااااااااااااااااااااااارب ،


-​

 

[أموووووولة]

شخصيا مهري 6 والحمدلله

 

[Zen&7ala]

انا مهري 5

و مو نظامنا نطلب و نتشرط كلش !!

لان عيب حتى جماعتنا (انا بدويه)

و اصلا عن نفسي و الحمد الله ما انطر المهر كلش ولا همني شخصيا حتى امي و ابوي لان ماراح اجهز نفسي على اساسه

اهوا يعتبر شي رمزي و تقاليد لازم تصير و بالدين بعد