جميع استفساراتكم بما يخص زجاجات الرضاعة ( المميات ) - تم دمج المواضيع المتشابهة

[*الزين*]

شنو افضل مميات زجاج استخدمتو حق عيالكم ضد الغازات؟

معروووف ان مميات الزجاج افضل من البلاستيك

لكون البلاستيك في اضرار مع الماي الحار

الزجاج بالتنظيف انظف واعقم ومايتحلل مع الحليب

بس شنو النوعيه الزينه الي ممكن الواحد يستخدمها؟ غير بيجون

ابي شي ضد الغازات ؟ د- بروان في زجاج بس مشكله دكتور بروان بالتنظيف عود وفرشه خاصه ماتثقييين بتنظيف الخدامه ؟؟

ووموقته صراحه اتجكين وراها ؟

من تجااااااربكم شنو افضل نوع !!!


بليييز هييلب

 

[كيوي كويتي]

رد: شنو افضل مميات زجاج استخدمتو حق عيالكم ضد الغازات؟

واللة انا ولدي لحد 6 شهور وانا حاطته على ايفانت اللي تلقينها بمذركير وسنتر بوينت بس انا كنت اغيرها كل شهر واشتري معاها 3 حبات رأس الممية اللي يرضع منه البيبي عشان كنت احاتي الفطريات متخوفة لأن رفيجتي يت لبنتها فطريات وهي عمرها 3 شهور واخترعت بس عيب ايفانت مافي منها زجاج بس واللة حتى مايحتاج تفتحينها لان الهوى ينظغط وحلووو وماكان يعاني ولدي من اي غازات لمن استعملها سمله عليه بس من كبر شوي حطيته على بيجون القزاز اللي ب 7 ارقام بس
وبلاستيك لعصيره :>

 

[*الزين*]

رد: شنو افضل مميات زجاج استخدمتو حق عيالكم ضد الغازات؟

اي بس الزجاج افضل

ايفتنز ميزتها انه ضد الغازات بس حجم عود + اهما بلاستيك مو زجاج

 

[كيت كات]

رد: شنو افضل مميات زجاج استخدمتو حق عيالكم ضد الغازات؟

دكتور براون

 

[ZajiL]

رد: شنو افضل مميات زجاج استخدمتو حق عيالكم ضد الغازات؟

نك وايد زيييينه وزجاج

جيكووووووووووو هم ايد زينين وزجااااااااااج

والنوعين تحصلينهم بسنتربووينت والجمعيات

 

[LaSt WoMeN]

رد: شنو افضل مميات زجاج استخدمتو حق عيالكم ضد الغازات؟

انا استخدمت افنت و شريت منها وااايد بس بنتي ما كانت تشرب لين غيرت مميتها و شربتها بيجون اسم الله عليها قامت تشرب و صج تسبب الغازات بس اذا رفعتيها و انتي تشربينها تخف واايد و تصير طبيعية يعني على طريقة الرضاعة .. حلمة ايفنت وايد عردة تتعب الياهل لما يشرب ..

 

[*&* المميزهـ *&*]

رد: شنو افضل مميات زجاج استخدمتو حق عيالكم ضد الغازات؟

انا استخدم لولدي بيجون زجاج

 

[اسيرة زوجها]

رد: شنو افضل مميات زجاج استخدمتو حق عيالكم ضد الغازات؟

بيجون الزجاج بس عيبها لازم منظم وترفعينها لليهال لما يرضع

 

[weneedthAT]

رد: شنو افضل مميات زجاج استخدمتو حق عيالكم ضد الغازات؟

دكتور براون وايد زينة و ماخذا جوائز عالمية و اوبرا سوت حلقة كاملة عنها و فايزة ببرائة اختراع فيها بايب يطلع الغازات و موجوده ب برووي

 

[لمار الكويت]

رد: شنو افضل مميات زجاج استخدمتو حق عيالكم ضد الغازات؟

وين احصل دكتور براون

 

[*دانة الخليج*]

رد: شنو افضل مميات زجاج استخدمتو حق عيالكم ضد الغازات؟

مشكل مافي شي يمنع الغازات بي يقللها لان الحليب اهو اللي يسبب الغازات
ماتشوفين اللي فيهم غولون مايشربون حليب

لا تركضون ورا الاعلانات ترى بس يبون يزيدن من مبيعاتهم

 

[ديم00]

رد: شنو افضل مميات زجاج استخدمتو حق عيالكم ضد الغازات؟

دكتور براوووونز روووووووووعه
انا اخذتها من جمعية لشاميه من الصيدليه

 

[Little Things]

رد: شنو افضل مميات زجاج استخدمتو حق عيالكم ضد الغازات؟

و الله انا استعمل دكتور براون بس ما فرقت معاي هم غازات لان من الحليب اصلن

 

[نورهان]

حلمات المميات... اي نوع وأي حجم لكل عمر

بنات حبيت أسألكم عن نوع حلمات المميات

انا عن نفسي اول ما اشتري المميه اغير حلمتها البيضة و استبدلها بالحلمة البنية لانها الين واترف

بس اللي محتاره فيه ان شنو الحجم المناسب

انا بنتي اسم الله عليها عمرها 4 اشهر

الحلمة ال small تعور بلاعيمها احس

والحلمة medium تدق عليها

ما ادري شسوي

بس هم اللي اعرفه اني في احجام غير small medium large

في شي يكون Y يعني فتحة الحلمة يكون تقريبا على شكل Y ما ادري زينه ولا لأ؟؟؟

انتوا شنو تستخدمون؟؟؟؟؟؟؟؟

 

[الريشة]

رد: حلمات المميات... اي نوع وأي حجم لكل عمر

أحسن شيء الحلمة الشفافة مو البنية(أو البيجية) لأن البيجية فيها مواد كيماوية أكثر تضر الياهل

كلما شفتي البيبي قام يرضع بطريقة بطيئة، اشتري حلمة مقاس أكبر

اذا كانت الميديام تصب حيل اشتري مميات بايجون فيهم شيء يتركب تحت المميه عشان تنقط و ما تصب حيل

الحلمة اللي على شكل y هذي حق المشروب الثقيل مثل: الحليب مع البسكوت اللي يذوب بالحليب

 

[cute_butterfly27]

رد: حلمات المميات... اي نوع وأي حجم لكل عمر

شوفي حبيبتي الحلمة البنية تستخدمينها من 0 الى 6 شهور والبيضة عقب الست الشهور ودايما خذي مقاس لارج واحسن شي ماركة بيجون وهالكلام من سابق تجربة وانشالله تستفيديين

 

[أموناليزا]

رد: حلمات المميات... اي نوع وأي حجم لكل عمر

حبيبتي شوفي أنا بعد لما اشتري المرضعة عطول أبدل الحلمة استخدم ماركة ( بيجون) استخدمي _ s_ حق الحليب و _m_ حق السيريلاك بعدين وبالنسبة للحلمة y تستخدم للطعام المهروس بعد الستة شهور مثل الخضار والفاكهة . وتسلمين

 

[ZajiL]

رد: حلمات المميات... اي نوع وأي حجم لكل عمر

انا استخدم بيجون ونك الثنتين ولدي يحبهم
وعندي نف مشكلتج السمول مسكينه ساعه الا يشرب الممه وخيرته ينام ولا يكملها
والميديووم وااااااايد عوده عليه ويشرق منها

على حرف الوy الي اعرفه ماتصب الا لمه الياهل يمص
انا عندي جدول مال حلمات بيييييجون وكل وحده شنو وظيفتها والاعمااااااااااااار

ولدي عمره 3 شهور واسبوع جربت ماركو نك يحبها لانه نفس احلمت مصاصته
ووعكس بيجووووووووون السموووووووووول دق دق وحدي توهقت

والحين اعيطه الثنتين بيجون سموووول ونك

 

[ZajiL]

رد: حلمات المميات... اي نوع وأي حجم لكل عمر

بنات على فكره الحلمع y يحطونها بالممات الصغيره ام رقمييييييييييين
شلووووووووون تقولون للاكل المهرووووووووس انا عندي الجدووووول وهي مانتزل الحليب الا اذا مص الياهل

 

[الريشة]

رد: حلمات المميات... اي نوع وأي حجم لكل عمر

بنات على فكره الحلمع y يحطونها بالممات الصغيره ام رقمييييييييييين
شلووووووووون تقولون للاكل المهرووووووووس انا عندي الجدووووول وهي مانتزل الحليب الا اذا مص الياهل

يمكن تصلح حق الياهل اللي ما يمص بسرعة عشان تصب شوي شوي