جميع استفساراتكم بما يخص زجاجات الرضاعة ( المميات ) - تم دمج المواضيع المتشابهة

[nouna82]

رد: شلون انظف المميه

لازم غلاية خاصة لهم انظف و امن

 

[cute_butterfly27]

رد: شلون انظف المميه

1- تغسيل الممية عقب ما يخلص منها الياهل مباشرة بالصابون العادي
2- لازم تشترين جدر ما تسنخدمينه الا حق فوح المميات (يعني كل يوم بليل قبل لا تنام الخدامة تسوي تعقيم حق المميات تفججينهم وماي حار وملح شوي اذا تبين وتفوحهم شوي مو تذوبهم )
3- حرصي على هالخطوات يوميا
4- تغيير حلمة الممية بشكر شهري
5- سلامتج وتعيشين

 

[ZajiL]

رد: شلون انظف المميه

انا مااااااااحب الجدور شاريه غلاية الممات الخاصه فييييييه

 

[كلي نظر]

رد: شلون انظف المميه

مشكوووووووووووووووووووووورين بس الغلايه من مذكير؟؟


كان ودي فيها بس حسيت اني كل شي حق البيبي بشتريها مهاايط اذا حلووووه صج بشتريها لان الثاني جاي بالطريج(من اولها ناويه رضاعه صناعيه ههه)

 

[أم عبدالله Q8]

رد: شلون انظف المميه

حبيبتي أنصحج بالغلاية وايد أحسن من غلي المميات بالماي الحار

 

[*دانة الخليج*]

رد: شلون انظف المميه

لا غلايه ولا شي استخدم الماي الحار وبس

 

[همسة ورد]

رد: شلون انظف المميه

الحين ايهو احسن مميات فنت ولا بيجون زجاج ؟ ؟

 

[همسة ورد]

ايهو احسن مميات افنت الانجليزيه البلاستيك ولا بيجون الزجاج ؟؟ وليش

حبايبي الامهات الحلويييييييين ..

كل وحده فينا تهتم بصحه طفلها ...

ياليت اعرف شنو احسن نوعيه مميات افنت ولا بيجون زجاج ؟؟

وكل شكثر تغيرون المميات ؟؟

والحلمات هم شكثر تغيرونهم ؟؟ وسلامتكم يالغاليييييين لاتبخلون علي ..

:gathering:

 

[asOola_21]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

هلا حبيبتي بالنسبه لي انا امي نصحتني بمميات الزجاج لأن البلاستيك مو زينه حق البيبي لصغير ف انا استخدم مميات بيجون واذا بغسلهم اغسلهم بصابون وعقبها اغليهم بماي حار وليلحين المميات اللي شريتهم ماغيرتهم مافيهم شي بس كنت شاريه حلمات زياده لما اشوف القديمه ذابت شوي اغيرها واحط يديده وبس

اتمنى اكون فدتج !

 

[أنفاسي دخون]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

مميات بيجون الزجاج احسن من البلاستيك والحلمات ابدلهم كل 3 شهور تقريبا وطريقتي في التنظيف اغسلهم بصابون وانظفهم بالماي عدل وعقبها احطهم بماي مغلي واحط ملح للتعقيم وسلامتش

 

[همسة ورد]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

اهااا مشكورين بعد قلبي ...

بانتظار راي البقيه

 

[سيلينا]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

انا استخدمت الاثنين عندي ممتازين

افنت حلوين بس والحلو فيهم ماينكسرون عكس بيجون .. وطريقه الغسيل عادي اغسلهم واغلي ماي وحطهم فيه
انا بيجون اغليهم بالماي عادي بعد الغسيل لان سمعت المميات البلاستيك لي انغلت تطلع ماده مضره

بالعاده استخدم بالبدايه زجاج بس عقب ال 3 شهور استخدم افنت او اي مميه بلاستيك احس عمليه اكثر

 

[*&* المميزهـ *&*]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

انا استخدم لوليدي بيجون زجاج زيييييييييييينيييييييييييين حيييييييييييييييل
وانظف من البلاستيك

 

[طيبة الكويتية]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

انا استخدمت لعيالي NUk
لأنه الحلمه مالتهم افضل لأسنان الطفل. البلاستيك ما كنت استعملهم الا وقت السفر بس لأنهم اخف بصراحه و عملين. لكن دام اني في الديره الزجاج طبعا افضل بمليون مره من البلاستيك.
يقولون انه البلاستيك مع الماي الحار يتفاعل و يطلع ماده سامه مو زينه. من جذي ابتعدي عنه.
حتى لما كنت استعمله ( البلاستيك) كنت احط الماي صحه اول لي نص الرقم اللي ابيه و بعدها اكمل بماي حار علشان مايكون حاره مغلي في البلاستيك علطول.
عندج نوع ثاني يبيعونه بمركز سلطان اسمه bibi
هذا بعد وايد زين و اشكاله حلوه و منه بعد مصاصات لليهال.

 

[شمس و قمر]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

تو من كم يوم حطوا بوحده من القنوات ان السعوديه سحبت جميع رضاعات بيجون وحلمات بيجون لان فيها ماده مسرطنه

انا عاد استخدم بيجون ليما افطمهم من الرضاعه

 

[همسة ورد]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

من صجج يعني اكيييييييد هالخبر ؟؟

 

[الوردة المكنونة]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

انا استخدمت حق بناتي بيجون وهم صغار زجاج ولما بداو يمشون بلاستيك لان طاحت مره من ايد بنتي والله ستر اني واقفه يمها ولا جان داست عليها وراحت ريولها والحلمات كل شهر ابدلهم

 

[الاسطورية]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

الي اعرفه البلاستيلك يطلع ريحه
والزجاج احسن خصوصا للادويه مثل ماي اليانسون وغيره

 

[miss-fofo]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

البلاستك ماتقدرين تغلينهم وايد يطلعون ماده واذا ماغليتيهم يطلعون ريحه خموره احسن شي الزجاج

شمس وقمر لا تعلقينه صج هالخبر ومن متى انا دورت بالانترنت مالقيت مثل هالخبر خرعتيني

 

[شمس و قمر]

رد: ايهو احسن مميات افنت الانجليزيه البلاستيك ولا بيجون الزجاج ؟؟ وليش

بنات والله الخبر صج

حتى كنت بالمطبخ وزوجي هو الي جا وقال توه شايف اعلان على قناة الصحراء

وجا المطبخ يشوف شنو ماركة رضعة ولدي وبناتي

وتضايق لمن شافهم كلهم بيجون وبلاستيك بعد والحلمات كلللللها بيجون


وعلى فكره موبس بيجون الي انسحبت من الاسواق فيه ماركه ثانيه قالها لي بس نسيت اسمها ماضن مرت علي

بس والله والله الكلام صج موسامعته من ناس