جلسة التصوير الاولية... الموضوع الاول لحملة نيولوك أنثى الصيفية الرمضانية

[ماف راسها]

العنونة مافيني شدة أكتب رسالة


أخاف أكتب عدلوا المنتدى لأفجر فيه لوووووول​

 

[القائده]

<<لبسه الحزام الناسف
ناويه نيه قشره الله لايعوق بشر

 

[القائده]

<<لبسه الحزام الناسف
ناويه نيه قشره الله لايعوق بشر

 

[القائده]

مدرى انفكت العقده والالا

 

[طفلة كبيرة]

ياربي ساعدنا انا كلش مو قادرة اتواصل وياااكم ) :

 

[miss.lol]

السلام عليكم

شلونكم بنات عساكم بخير

حبيت أوريكم جدولي في حملة نيو لوك انثى مع حيادر و هذا جدولي و طبعا قسمته لاربع أقسام رئيسية و اهيا

- العناية بالشعر
- العناية بالويه
- العناية ببشرة الجسم (( توحيد اللون ))
- معالجة التشققات البيضا
* طبعا ً في قسم بالجدول للملاحظات و ان شاء الله مع اليوميات راح تشوفون الملاحظات و حبيت اذكر لكم إني راح أنا وزني 71.9 أبيه إن شاء الله خلال هالحملة يوصل الستينات

تفضلوا الجدول

و الحين نبدي بعرض الأشياء

هذي صور لعرض الاشياء الي راح استخدمها لووووول عارفه شوية بس ان شاء الله راح ازيد عليهم و بتشوفون مع اليوميات

نطروني بالرد الثاني اشرح لكم المجموعات لوووول

 

[miss.lol]

بااااااااك رجعنالكم مع المجموعات


و الحين نبدي مع المجموعة الأولى : معالجة الشعر


طبعاً قبل كل شي حبيت أقولكم انا مشاكل شعري التساقط و انه خفيف و ان شاء الله مع هالحملة راح اهتم فيه و اعتني اكثر بس أغلب المنتجات الي استخدمها طبية لأني قاعده أعالج عند عيادة مونتانا كلينك للشعر و آخذ أبر ميزوثرابي لعلاج التساقط خصوصا هالفترة لان فيني فقر دم بسبب الرجيم

هالصور أعرض لكم فيها الشامبو الي استخدمه و أهوا شامبو بيوديرما لعلاج القشرة و التساقط و حلو وايد للشعر الجاف
و بعد بالصورة في بلسم اكرينال عشان يوخر تشابك الشعر
و استخدم انبولات اكراديرم وحدة باليوم أو نص وحده على حسب الاستخدام
استخدام حبوب الاكرينال للشعر معاهم حبوب فيروجلوبين طبعا حبة وحده باليوم
و هالاشياء وصف الدكتورة لي و انا ماخذتهم كعلاج


و بعد المنتجات الطبية الي عرضتها لكم حبيت أقولكم اني بجرب زيت هيمتاج عشان يطول الشعر و يمنع التساقط و معاه زيت نيليبريغاندي و طبعا معاهم زيت اللوز عشان الشعر الجاف .. و بعد غسيل الشعر أحط عليه بريل كريم عشان ينعمه لان شعري ويفي

 

[miss.lol]

المجموعة الثانية : العناية ببشرة الوجه

قبل كل شي ... أنا ماشية على جلسات الليزر لشعر الويه و عشان جذي متقيدة شوي ما اقدر استخدم اي شي و كل المستحضرات طبية طبعا و بوصف دكتورتي و الحين اعرضها لكم

طبعا كريم سيباميد لسواد تحت العين صراحة وايد حلو و يناسب السن مابين 15 - 30 أكثر شي و كريم ماركة Omare هالكريم حلو وايد للتفتيح و خصوصا تفتيح الاماكن الي جلدها يكون حساس و رقيق من مثل الرقبة و الاندر ارمز و المنطقة الحساسة و هذا مثل وصف الدكتورة - غسول سيمبل للويه و الرقبة واايد روعه جل خفيف على الويه و ما يجفف بعد الغسيل - كريمات بيوديرما للترطيب و الحماية طبعا من الشمس

حبيت أحط لكم بعد و أذكر اني استخدم خلطة الملاك للرموش و كحل أثمد مغربي شريته من التاجرة أتوقع اسمها نوارة و حدهم روعه للرموش و أنصحكم فيهم

و نطروني ع المجموعة الثالثة

 

[miss.lol]

احم احم هيااااا وصلنا الثالثة و محد رد

المجموعة الثالثة : العناية ببشرة الجسم (( توحيد اللون ))

هالمستحضرات الي بتشوفونها بالصورة معروفة و غنية عن التعريف ، لوشن فير آند وايت لتفتيح الجسم - سيروم فير آند وايت للتفتيح و انصحتني فيه الدكتورة للركب و الاكواع - سنفرة مشمش للجسم - كريم فيتامين C

و اكيد ماراح أنسى لوشن البابايا للتفتيح و كريمات زبدة الكاكاو خذيتهم من التاجرة خزامى صراحة وايد روعه و ديودرنت حبيبتنا حيادر حده روعه مع ديودرنت بدي شوب عشان ما يأثر على لون الاندر ارمز

و بعد طبعا راح اعرض لكم الصابون الي استخدمه (( الصابون المغربي )) و صابون البابايا انا وايد مرتاحة لهالماركة و ان شاء الله مع الحملة في احتمال كبير أستخدم خلطة مزيونة وشقرة الصابونية الغنية عن التعريف

و اخر شي من هالمجموعة كريم الاظافر من فازلين ... و جل بيبي جونسون ينعم الريوول على حسب تجربتي

بربووووووووووز نطرو الرابعة الاخيرة

 

[miss.lol]

باااااااااااااااااااااااااك رجع يعلق السيرفر الجميل

المجموعة الرابعة و الأخيرة : معالجة تشققات الجسم

طبعا هالمشكلة مشكلتنا كلنا و نشوف ان مالها حل بس مع الحملة و مع حيادر كل شي له حل

شريت مجموعة كريمات يمكن أغلبها موجوده بخلطة ام عفاف اذا ما خاب ظني و راح اخلطهم مع بعض و بيومياتي راح اوريكم الخلطة ،، بس هالشي ما يغنينا عن زبدة الشيا الخام الي ناخذها من تاجرتنا حبيبتنا قراس لان صج روعه و طبعا اخلطها مع زيت زيتون

و هذي الكريمات بالمرز بزبدة الكاكاو .. و كريم نيفيا للسيولايت ... و كريم نيفيا لشد الجسم ... و زبدة الشيا الخام


و ما نستغني عن لوشنات فازلين و خصوصا لوشن زبدة الكاكاو و لوشن التجديد البنفسجي و معاه لوشن جرجنز و لوشن الكولاجين من ستيفز

و خلصنا

هذي اهيا اشيائي و مع الحملة بنتحمس أكثر طبعاً ،، و ان شاء الله بالحمله راح اذكر لكم الخلطات الي بستخدمها لان لي الحين ما سويتها و ان طلبت أي شيء من المنتدى راح اذكره بيومياتي


و يعطيج العافيه حبوبتنا حيادر

و يعطيكم العافية بنات

 

[احساس مرمر]

وووووووووووه اخيرآآآآآآآآآآ تسلك


اخباركم بنات

 

[غلآيُ]

آلعنونآَ & إم عفوف & حيآدر :
سلآمات مآ تشوفين شر يآ رب =$
حصنوّ آنفسكمٍ ،

،،

مس لول :
مآ شاء الله حلوه إغرآضج
وعقبآل مآ تشوفين آلنتايج آللي تسرّج ..

،،،،

دعوآتكم بنآت بكره عندي فآينل :eh_s(16):

 

[القائده]

مشاءالله اغراض حلوين
<<خذت شغلات من عندك

 

[الكريستال]

واي اخيرا فتح معاي المنتدى بس عقب ما دخت
ابي اقرا ردودكم واشوف تجهيزاتكم

 

[ماف راسها]

:eh_s(11):


بذمتكم شلون بتكتبون يوميات ؟


طول اليوم رايحة رادة على الكمبيوتر أسوي ريفرش !


وقال أيش قال لما تبدا الحملة بنام بدري !!​

 

[Nokia N95]

مس لول ....
ماشاء الله ... اغراضج حلوة ....
وجدولج مرتب ... ويونس ماشاء الله

 

[ماف راسها]

ميس لول تتهني بأغراضك يارب


غلاي الله يوفقك ويوفقك كل الي وراهم إمتحانات



القائدة , مرمر , الكريستال ,عشرينية نوكيا وحشتوني​

 

[الدلـــع كله]

مياو مياووو
شلووووووووووونكم ياصبايا؟؟؟

في جم اضافه على جدولي
الا وهي ::
اول اسبوعين بستخدم كريمات التقشير خق المنطقه الحساسة بعدها ابلش بالخلطات الطبيعية طبعا بالليل احط الكريمات والصبح زيت اللوز المر
وهذي صور الكريمات
(اليكا +الدوكويت+رتن اي)



وبعد بضيف كل اسبوع بحط ماسك لشعري (صفار بيض+زيت زيتون+روب +عسل+مايونيز)
أو (جرجير+زيت زيتون) يعني انوع بالماسكات مرة احط من الماسك الاول ومرة احط من الماسك الثاني((مرة وحده بالاسبوع))

وبس
سلااااااااااااااااااااام

 

[غلآيُ]

ميس لول تتهني بأغراضك يارب


غلاي الله يوفقك ويوفقك كل الي وراهم إمتحانات



القائدة , مرمر , الكريستال ,عشرينية نوكيا وحشتوني​

آمييينٍ يآ رب ،
لآ هنتي ع آلدعوه آلطيبه غلآي ..

شـ دعوهَ مآف ،
وآنا مآ وحشتك :bbbiu:

 

[احلى دبه]

:flower:

:flower:

بدع فيني المنتدى تبديع تبديع غير طبيعي

توبه اقرى اللي فاتني توبه :eh_s(11)::eh_s(11):



بنااااااااااات شلونكم احس فاتني كثير والبركه بالمنتدى :eh_s(16):




وحشتووووووووووني دبات :eh_s(16):



اليوم حطيت ماسك الحنه البيضا

وشربت كوبين زعتر

وحطيت قبل شوي ماسك عسل


وبس
انتو شلوونكم ايش اخر العلوم << ولا رياضيات برااااااااااااااا :s141: