جكيته للمرة الثانية ومادري شسوي

[ghadeer212]

سلام

ودي كل وحدة تدخل الموضوع تقول لي شسوي لان والله محتارة قبل سنة تقريبا شفت تلفون زوجي وطبعا تعرفون بنات الحرام ما يخلون الواحد في حالة وتصالحنا,,,, واول امس كنا بننام زوجي نسى تلفونه مفتوح انا قلبي رقع ما كان ودي افتش بس قلت يالله لان زوجي مستحيل ينسى تلفونه ووين ما يروح كله بيده وشنو شفت !!!!!!!

يمكن يكلم 6 بنات وصور ويتشاوفون انزين ليش لا و نص البنات اعرفهم!!!!!

طبعا بسرعه سكرته وما ركزت وايد على الكلام لان مالي خلق ورجعت تلفونه طبعا اهو نايم ويشاخر قعدته وقلت له ب اذون لا تنسى تلفونك مفتوح لان شفت كل شي طبعا فز وشاف تلفونه وسوى روحه ان رجع ونام والصبح امس كل شوي يتصل ويعتذر ويوعدني بالتغيير

ويوم سالته ليش تسوي هالحركات مافي سبب مقنع !!!

قال لي عامليني كمراهق طرشي لي كلام حلو على الواتساب انزين انا اطرش بس تخيلوا دوام وبنت عمرها سنه ونص وبيت ومسئولية شسوي يا رب!!!!!

بدل ما يساعدني طلع ان اهو بعالم وانا بعالم !!!

الحين مشكلتي مو قادرة اكلمه ولا اطل بويهه وتخيلوا يوم شافني حتى ما فكر يعتذر بس على التلفون كلامه واعتذاره!!!


شسوي علموني !!! ابي اخليه يحس بغلطه!

 

[طيبة83]

ويييع

عسا الله يهدى الرياييل

كلشي بصوب وانج تعرفين البنات بصوب ثاني

كوني حازمه معاه لا تعدين السالفه على خير

والاحسن شوفي لج شيخ دين ينصحه منهها يتفشل من نفسه ومنها يتعض

 

[زوجة عزيز]

فشليه وخوفيه وجان خليتي تلفونه خشيتيه عندج واي وحده تتصل له فشليها وزفيها وزعلي عليه ولا ترضين بكل سهوله لايسوي روحه يوم صدتيه فاقد حنان حتى لو كنتي طول يومج مشغوله عنه هالشي مومبرر انه يكلم بنات ويطلع معاهم

 

[نور دنياه]

حسبي الله على بنات ابليس، مأذين ريايل خلق الله

ريلج اسمحيلي فوق شينه قوات عينه!! يعني بس اعتذر على الواتس اب!! ليش يوم شافج ماباس راسج وتأسف !! هذا اقل شي اصلا؟ّ؟ّ
دامها هذي ثاني مره معناته انتي طوفتي الاولى وسكتي! انا لو مكانج والله ماعديها دامها ثاني مره لانج عطيتيه فرصه وماتأدب ، هذا بدال لايساعدج في المسئوليات رايح يغازل
انا اقول كلمي ابوه ولا قولي لاهلج ، لاتردين له بسهوله عشان مايتعودها لو سامحتيه صدقيني بيعيدها وبيقول عادي بغلط وبترد تسامحني مثل كل مره. والي بتقولج لاتكبرينها وادخلين الاهل !انا اقول شتبون بعد هذي اسمها "خـيانــه" اذا مادخلوا الاهلل بهالسالفه متى يدخلونهم. وبراحتج فالاخير انتي صاحبه القرار وسوي الي يريحج

 

[عناقيد الجنه]

حاس بنقص معاج
ويسد النقص الي عنده بهالعلاقات
صيري مثل ما يبي

الله يعينج حبيبتي

 

[ghadeer212]

حسبي الله على بنات ابليس، مأذين ريايل خلق الله

ريلج اسمحيلي فوق شينه قوات عينه!! يعني بس اعتذر على الواتس اب!! ليش يوم شافج ماباس راسج وتأسف !! هذا اقل شي اصلا؟ّ؟ّ
دامها هذي ثاني مره معناته انتي طوفتي الاولى وسكتي! انا لو مكانج والله ماعديها دامها ثاني مره لانج عطيتيه فرصه وماتأدب ، هذا بدال لايساعدج في المسئوليات رايح يغازل
انا اقول كلمي ابوه ولا قولي لاهلج ، لاتردين له بسهوله عشان مايتعودها لو سامحتيه صدقيني بيعيدها وبيقول عادي بغلط وبترد تسامحني مثل كل مره. والي بتقولج لاتكبرينها وادخلين الاهل !انا اقول شتبون بعد هذي اسمها "خـيانــه" اذا مادخلوا الاهلل بهالسالفه متى يدخلونهم. وبراحتج فالاخير انتي صاحبه القرار وسوي الي يريحج

يا اختي يعرف اني مكسورة وما اتكلم لاحد ابوي مو موجود وامي كافي اللي فيها واخواني لاهييين

 

[مالك صاحب]

الواحدما يقول االا حسبي الله ونعم الوكيل بنات ابليس لا والله الغاط مو منهم الغلط من اللي ما يخاف الله فيج

انا مريت بموقفج ورحت بيت اهلي وما رديت له رغم انه ما سأل فيني قهدت اسبوعين ما كلمته ولاس راس امي وتعذر

وعايشة حيات كلها شك وخوف

حبيبتي لا تردين له بالساهل هلنوعبه حرام انج تسامحينه بسهولة بدال لا بحط حرته بالبنات الوصخين اشفيج انتي عازته ورازتة وتحبينه ودايرة بالج علا بيتج المفروض يعاونج يحطج علا راسة ووقته اللي ضيعه علا وصاخته انتي اولا فيه لا تعدينها نصيحة من اخت

 

[sweet-rose]

اختي لا اتخلين عنده فراغ ... خليه يتحمل مسؤولية بنتج معاج عشان ما يحس بفراغ وجنه مو متزوج

 

[شادن33]

انزين الريال قالج اعتبريني مراهق قولي كلام حلو >>>> يمكن انتي جافه معاه بالكلام وغيره
هذا سهل وايد تتعاملين معاه طيريه بالكلام الحلو ويمكن انتي جربتي اشياء وايد وما نفعت
جربي هالشي وهذا سهل وبسيط كلام ابلاااااااش وشوفي النتيجة

 

[M!SS.LOBY]

الله يهديه

 

[banota_kuwaitya]

دايما أقرا البنات يقولون لا تواجهين ريلج إذا طحتي عليه لأن من تواجهينه يصير كل شي عادي عنده، وبالفعل كلامهم صحيح، أنا سويت نفسج بالضبط، واللي يضحك مادري يبجي إنه تعامل معاي نفسج بالضبط، مسجات فقط لين انفجرت فيه، تدرين شنو رد علي؟ بكل بساطة جذبني وجذب عيوني اللي شافت الحوارات اللي بينه وبين هالتعيسات!!!

أنا ماطحت عليه مره ولا مرتين، لااا طحت عليه عشرات المرات والله العالم شكثر أكو غير اللي أنا طحت عليهم، وعدد منهم كانوا معاه بالجامعة ودوامه الأولي، وأزيدج في منهم متزوجات، ومره هددت وحدة إن شفت رقمها بعد مره.

التطنيش مع إنه ما يشفي غليلي لكن اهو الحل الوحيد، حاليا ما قام يهمني كلش يكلم ما يكلم، لأنه اصلا أنا مو مرتاحة معاه، حياتنا كلها مشاكل ونجرة، شوفي شنو وضعج إنتي؟ كل شي أوكي؟ بس يكلم بنات؟ وفكري باللي تسوينه بس ارد أقولج اللي يقولج واجهي، فيمكن ما جرب نتيجة المواجهة، نتيجتها لا تودي ولا تييب.. مخمخي صح.. والله يصلحه وتتهنين معاه يارب..

 

[fruity]

انا ضد انج تعلمين او ادخلين احد من اهلج او اهله خلي اسرار بيتج داخل بيتج
لان باجر اذا الله صلح الامور بينكم نظرة اهلج له بتكون مو حلوه
ووضد انج تطلعين من بيتج قعدي نار زوجج ولا جنة اهلج سالي مجرب انا جربت ومع ان يدرون ان اهو غلطان وانا مظلومه حاصروني وين رايحه ومتى تردين ولا تلبسين ووووووو
تجاهليه وطالعيه بنظرة احتقار ونامي بغرفة ثانيه واهتمي في نفسج ولبسج وكشختج وناستج وحقريه هم عن تجربه اقولج بيحتقر نفسه ويتحسف
واخر شي واهم شي واول شي الصلاة والدعاء والاستغفار وترك المعاصي والذنوب جربيه لمدة اسبوع وشوفي النتيجه
بس خلتكون نيتج خالصه لوجه الله مو عشان قضاء حاجه بس .

وسلامتج والله يهديه ويصلحه ويسهل امرج يا رب

 

[Pinky -cat]

انزين اهوا غلطان ما قلنا شي سوي كل اللي تبينه بس يا عمري سوي اللي بخاطري يعيشه ليش لا ، كوني له زوجه
وحبيبة وعاشقة وكل شي ثاني دامه ريلج دافعي عنه وعن بيتج بكل الطرق ، بعد شنسوي هاذا المكتوب

 

[امـ خــزامـى]

شوفي حبيبتي دامكم هذي ثانيه مررره لازم يكوون موووقفك قوووووووووووووووووووووووووي
ههددي شيلي عفشك قدامه قولي عيالك خلهم عندك
انا بعد برووح اعيش حياتي
قولي له بعلم اهلي اهلك تهديد بس
وهالبنات اللي تعرفينهم لاتسكتين لهم بلغي اهاليهم سوبي اي شي يحس زوجك انه مهتمه !!!!!!!



اجل ساكته وبس نقاش على الواتس ؟؟؟؟؟

اسمحيلي بررودك عجيب

 

[طريق السعاده]

مو كل مره تدعون ع البنات اهو العيب منه خاين وعينه زايغه ويلاحق البنات !!!

اكره كل شيء تحطون العيب بالبنات ليش اهو ماعنده مخ ومايخاف ربه ! ولا بس شاطرين تستقوون ع بنات جنسكم !!

يكفي قاعد يقزرها ع 6 بنات مو وحده ولا ثنتين يعني يلعب ع كل جهه ونصابين هالنوعيه من الاوادم الخيانه بدمها لين تموت !!


زوجك علميه انك وراك ظهر وانك مو مكسوره وانك عادي جدا تتنازلين عنه وعن هالزواج اذا ماتسنع خليه يخاف يخسرك مو يحس ان مالك ظهر ومارح تسوين شيء ويقوم يلعب براحته وربي هالاشكال مايتوب لين تقرصينه قرصه تصحيه ويعرف ان الله حق !!

 

[latkt7as]

شوفي ي حياتي الله يكون بعونج

وحاسه فيج المسئوليات وحوسه واحنا بشر ونتعب

لكن زوجج بين لج نقطه ضعفه وحاجته

اهو يحب سوالف التلفون والصور

واهو زوجج حلالج
حتى لو شنو طرشي له بوسه او اشتقت لك ..فقدتك..
شتسوي ححياتي... الخ

كثر ماتقدرين ارسلي

وبالوقت الي تكونين فاضيه صوري جم صوره
ونزلي برنامج قفل حق الصور

وبين فتره وفتره طرشيها له

ولحد يقولج لااااا لو شنو مارسل لزوجي صوره جسمي
وحرام الخ

هذا زوجج حلالج واهو قالج ووضح لج شنو يبي

نصصصيحه دام عرفتي مفتاح زوجج لاتضيعينه من ايدج
والله انصحج من قلبي لاني حاسه فيج
ومريت بالي مريتي فيه والعن بعد وللحيني اعاني
لاني كل شي سويته وماعرفت مفتاح قلبه شنو

بس زوجج مفتاحه هو يبي دلع سوالف تلفونات ومراهقه ودلع
وصور وغزل ومكالمات

الله يوفقج حياتي ويصخره لج
ورددي دايم
اللهم املكني قلب زوجي الذي احوجتني اليه
اللهم استودعتك قلب زوجي وسمعه وبصره وفرجه وجميع جوارجه يامن لاتضيع ودائعه
اللهم اجعلني ماؤ عينه ودم قلبه ودف حياته واسعدني ولاتشقني معه

 

[مناير ...!]

مدري شلون تفكرين
شنو بنات الحرام؟؟
ريلج العفيف الطاهر والسته كلهم اهم متحرشين فيه !!
لهدرجه حده فتنه !!

اول حل لمشكلتج
ماتقطين غلط ريلج ع البنات
ويكون لج موقف وشخصيه

 

[شــــــــــــــوقــــه]

شوفي حبيبتي دامكم هذي ثانيه مررره لازم يكوون موووقفك قوووووووووووووووووووووووووي
ههددي شيلي عفشك قدامه قولي عيالك خلهم عندك
انا بعد برووح اعيش حياتي
قولي له بعلم اهلي اهلك تهديد بس
وهالبنات اللي تعرفينهم لاتسكتين لهم بلغي اهاليهم سوبي اي شي يحس زوجك انه مهتمه !!!!!!!



اجل ساكته وبس نقاش على الواتس ؟؟؟؟؟

اسمحيلي بررودك عجيب

:rerrerek::rerrerek:

 

[شــــــــــــــوقــــه]

فاضين سويله و تغيري

اول خل تاخذ حقها ثالث و مثلث

بعدين تسوي كل هذا

 

[نونه المنكوشه]

اكبر غلط انه المره اتبين لريال انها مكسوره ومالها ظهر مسكيه وتناقشي معاه خلاص مدام واجهتيه لاتمررين الموضوع جذي قوليله ترضي اخونك محد يتحمل الخيانه الله يمسح ع قلبج ويعينج ولاتعبين نفسج عليه وشاده حيلج وشايله المسؤليه حطي نص المسؤليه عليه هذا مشكلت الحريم اتشيل كل المسؤليه والريال يصير فاضي ماعنده شي فيروح يغازل علشان يضيع وقت