جـم تعطـين أمـج مـن معاشـج ( بنـات أبـي الكـل يشـارك)....؟؟؟

[M!SS.LOBY]

100 دينار عطيها وفوقها خاتم ذهب او اساوره ذهب او ساعه ماركة او قطعة قماش او سلة عطور او موبايل في اذكار وايات قرأنيه

 

[micmac]

انا يمشي لي معاش التأمينات والاعانة مالت الجامعه لان ابوي متوفي
واعطي امي 150-200 .. لان مرات يكون مصاريفي واجد وانقص خمسين
وبعض المرات ادفع فلوس لأغراض البيت وامور اخرى

والحين ملكت وتخرجت لا معاش تامينات ولا اعانة هههههه
وامي منكسر قلبها علي تقول قبل غنية وراهية ومو مقصرة
والحين انفقرتي فمحد يطلب مني شي وكاسرة خاطرهم خخخخخخخخخخخخخخخ

 

[روح امها]

انا ما اشتغل بس اخذ معاش من الشؤون لاني مطلقة
اعطي ابوي كل شهر 100 لان قاعدين بايجار
وهذا غير مرات اشتري اغراض للبيت من الجمعية

وامي كل ما احتاجت تطلب مني وانا اعطيها
وانا اقولها لا تطلبين من ابوي انا ماعندي عيال والحمدالله
المعاش امكفيني
ابوي يقولي عطيني بس 100 والباجي لج
حتى لو ما اسمع كلامه

 

[أم حبيبتي]

ياليت لو اشتغل معاشي كله ما يغلا على أمي تاج راسي

 

[nanda]

والله انا موظفه ومتزوجه وعندنا وايد إلتزامات إلتزامات اعطيها اللى فى النصيب اول ما استلم المعاش وبعدين اصرف حق إلتزاماتى .ادعى واحلم ساعات انه ربى يفتحها علي ويزيدون معاشي عشان اول شي اتمناه إنى ازيدها وما اقصر عليها.

 

[سوزي الشرقية]

اني موموظفه وخواتي بعد بس يوم جا عيد الأم كل وحده فينا حطت مبلغ معين وشرينا الها سوارذهب

 

[سندس 90]

أنا إن شالله إن الله قدرني وتوظفت
لأمي 100د.ك شهرياً
ويارب ياحبيبي طول بعمرها وعمر أبوي وتلبسهم لباس التقوى والصحه والعافيه
وكل أمهات المسلمين

 

[حظ من عنده انا]

انا مو مووظفه


وان شاء الله لا تووظفت

الله يقددرني وارد لهم الجميييل اللي سووه لنااا


واول شي بسويه بشتري لابوي سياره اخر مووديل وهو يختارها

 

[umfahad84]

هو مو حاجه هذه يسمونها بركه يعني بركه للرزق ان تشاركني فيه الوالده والا اكيد الله لايعوزها الخير وايد وعلي قولة امي احلي رزق الي من شقي عيالي احسه غير وطعمه غير فالله يبارك لنا ولكم

 

[تسمح لي آحبكـَ]

اول شي بشكرج على الموضوع الحلو

ثانيا انا تنزل لي اعانة حافز والحمدلله اذا طلبت مني شي اسويه لها

بس ودي اشتري لها اشياء حلوة ابي اغير شوي ماعندي فكره

 

[e7sasi]

أنا من ثاني شهر توظفت فيه لين طلعت من وظيفتي كنت احط بإيد الوالدة 100 دينار غير طبعآ الأغراض إلي أييبها من الجمعية أو أي أجهزة وسوالف ناقصة البيت أما اليوم الله يحفظها لي هي إلي تعطيني مصروفي أو أي شيء أحتاجه بحكم إني ما أشتغل من مدة طويلة وعسى الله يرزقني بوظيفة معاشها قوي عشان أخلي الوالد يرتاح =)

 

[جهراويه مزيونه~]

يازين امي خن اتوظف ولها عيوني

 

[aṕriliå]

كثر الله خيري إن ماخذيت منها
بس بالطلعات للمطاعم والكوفيات أحاسب عنها بعض المرات > كلفت على عمري

 

[M2REOOM...]

والله هاذي الغاليه فلوس دنيا ماتوفي حقها ماتوضفت لين انحين بس من ادخل الجامعه الكارت كله لها فدووه لعيونها ماقصرت فينا وحنا صغار صح عندها خير وابوي ممومقصر بعد عمري وهي الحمدالله عندها معاش بس ابستغل كل شغله ارضي فيها امي عشان مااندم بيوم من الايام بعطيها الكرت وبقول لج

 

[جـــواهر]

والله انا اكنت عطيهااا كل شهر الله يرحمهااا برحمتها لييييتها تررجع بس والله والله
لأفدديها بمالي وعيالي وحلالي وكلماااا املك ،،، الله يرحمهااابرحمته

 

[lala2]

السلام عليكم
انا موظفة ومتزوجة
مسوية استقطاع لامي الله يحفظها 80دينار
واعطيها اذا احتاجت ولو تطلب عيوني فديتها اذا معطيناها الحين متي راح تذوق نفعتنا ماقصرت جا دورنا نرد لها ولو جزء بسيط من جمايلها الله يحفظ لنا امهاتنا وامهاتكم ويرحم المتوفين منهم يارب
ووالدي متوفي الله يرحمة ويرحم اموات المسلمين يارب

 

[غرور 9]

أنـْْ♡ـْْا كل ما ادش جمعيه او قطيه ادفع سهمين سهم لي وسهم لامي
اخرها عطيتها ٥٠٠ من سهم مسويته لها بالقطيه
ياروحي اهيا تستاهل دمي وعيوني وقلبي فديتها عسئ ربي يطول بعمرها ويخليها لي ويخليلكم كل امهاتكم يارب

 

[فجر بنت أحمد]

عاد أنا بصراحة طفرانة أحتاج أحد يكد علي
وش أسوي الشكوى لله
الله يرزقني من حيث لاأحتسب

 

[S H A Y O 5 K A]

حاليا مو متوظفه قاعدة ع الاعانه

و أمي الغاليه ما تطلب مني

أقول لها انا تحت امرج شنو تبين لج

تقول لي يعز شانج بس مابي منج شي خشيهم حقج
و أذا توظفتي أكيد بتعطيني صح؟!:eh_s(6):
جان اقول لها اكييد كله لج:eh_s(15):
و ترد امي و تقول لأ خشيهم و استانسي فيهم . إذا ابي باخذ :eh_s(15):

مشكووره ع الطرح

و السلام ,,

​

 

[ماعرفتك زين!!!]

رفـــــ رفع ـــــع