جـم تعطـين أمـج مـن معاشـج ( بنـات أبـي الكـل يشـارك)....؟؟؟

[& ام خالد &]

والله أنا مو موظفه ...خواتي موظفات ويعطون أمي 50 دينار ...

وأنا ان شاء الله قريب بتوظف وراح أعطيها نفس خواتي ...مع انها ياحياتي ماترضى تاخذ

منا بس احنا نجبرها ...لأنها تستاهل وهذا طبعا مايمنع الهدايا لها واي شي نسمع أنه عجبها ...

لازم نجيبه لها ... والله يخليلنا أمهاتنا هم ضوا وسراج البيت ...بدونهم ما نسوا ...

​

 

[عذبة السجآيآ]

للحين ماتوظفت بس اي فلس يطيح بأيدي ما انساها اقل شي من الجمعيه حليب عصير اي شي اهم شي اذكرها

واذا عطاني زوجي اعطيها اللي اقدر عليه او اشتري لها كرووت حق تلفونها

وان شاءالله اذا توظفت 100 دينار على صوب لها تستاهل حلوة اللبن

 

[دنيتي بنتي@@@]

الناس بخير اللحين محد محتاج بس انا اعطيها مرات 5000 ريال ومرات 7000
فديت قلبها والله ما ترضى تاخذ بس انا احطها في البوك والا اعطيها اختي تعطيها اذا رحت ..

 

[ام رينـاد]

أنا أمي ماتاخذ مني ..لانها صغيره وتوها متقاعده اييلها معاش

مشكورة

 

[نبض شرياني]

اهي ماترضى تاخذ مني كلش تقولي هذا حلالج لج بروحج

بس انا بطريقتي اقدم اي شي لها بطريقه غير مباشره

بس اكثر شي اعطي لخواني واشتري اغراض الجمعيه بطريقه غير مباشره اني انا ابي هالاشياء

يعني مافي مبلغ محدد

 

[*مطبخ الذواقة*]

خوووش موضوع بارك الله فيج ..

وحتى لو الام مو محتاجه صدقوني ترى لها معنى حلو انج تعطينها الفلوس كهديه ...

 

[بطوووطة$بيضة]

انا اهلي ما عليهم قاصر

بس امي اشتري لها هدايا من فترة لي فترة

ما اعطيها مبلغ في ايدها اهيا ماتتقبل

 

[! بــدويه وآآيــد !]

,


انا اذا توظفت ناويه افتح لها سياره خاطرها فيها
واكيد راح اعطيها واشتري لها كل شهر شي مره ساعه مره دراريع مره ملافع يعني جذي
وعلى صوب ٥٠ او١٠٠ لها كل شهر الله يقدرني يارب تستاهل عمري كله عسى يومي قبل يومها

 

[pink Barbie]

انزين ليش محد يعطي الابو ؟؟
شنو ماله رب حتى اهوا تعب علينا

انا توني توظفت بس قاعده اسوي اوراقي ليلحين ما داومت ومادري جم اعطيهم
ودي اعطيهم اثنينهم كل واحد 100 احس 50 دينار شويه مادري

الله يقدرني ان شاء الله و يطول بعمرهم يارب

 

[رفـاعية]

امي و ابوي ما يرضون يآخذون مني ,, انه اخذ المبلغ و اخذ لهم به هدية

 

[هواجيس ضائعة]

انا مسويله لها حساب واستقطع من المعاش 100كل شهر فيه .واحس اني مقصرة بعد

 

[*ريمي*]

انا امي تشتغل وابوي متقاعد بس ماعليهم قاصر الحمدالله ..
بس اذ محتاجين اكيد مابقصر بعطي الي اقدر عليه ..
ومرات ايبهم اشياء يحبونها اغراض جمعية بس خفايف

 

[قطوووة]

الله يخليكم لامهاتهم ويخلي امهاتكم لكم

 

[حلمي اكون آم]

انا ما اشتغل
الله يسلم حافز خخخخ
اعطي امي مرات الف ريال
او 500 ريال
على حسب ما استطيع

 

[ShEmOkH]

موظفة قطاع خاص
امي ماعليها قاصر
بس اعطيها 50
ومعاش خدامة
طبعا غير المناسبات والاعياد

 

[ميونة الحلوة]

يعطيج العافيه على الموضوع وايد حلو

الله يسلمج اشتغل مدرسه و اعطيها 100 دينار

الله يخليهم لنا يا رب و يطولنا باعمارهم

 

[ماعرفتك زين!!!]

أب أب أب أب أب

 

[(أم جناوي )]

انا اعطي امي خمسين قبل لا تشتغل وانا متزوجة وعندي بنات والله مرات
يضلي مبلغ بسيط حيل كانو يقولولي قوليلها ما عندي كنت اقول ينقطع
اللساني ولا اجرحها علشان الفلوس اهي رايحة رايحة بس احبها لمن تفرح
وما اقدر اقولها ما عندي اهم شي هي وهي امي مو محتاجة
بس كافي تحس اني احس فيها ومن توظفت جبت فلوسها قالت ما ابي
خلاص قلتها جان تبين هذي بطاقتي اي شي تحتاجينها الله يخليها لنا
ورضا الوالدين من رضا الرحمن واتمنى اني اكون ما اقصر عليها بكل شي
الله يحفظها ويشفيها ويحميها من كل امور الحياة اهي وابوي

 

[أحلى غمازة]

اهديها هدايا بين فتره هي وابوي
لو احتاجت مني مابقصر فديتها امي الله يشفيها

 

[Pinky -cat]

والله بالنسبة لي من زمان مخصصة لاهلي ما بين 60 و100 كل شهر ويختلف حسب احتياجهم وغير اغراض للبيت او هدية
لهم الاثنين ابوي وامي الله يخليهم لي يستاهلون اكثر