جـم تعطـين أمـج مـن معاشـج ( بنـات أبـي الكـل يشـارك)....؟؟؟

[ماعرفتك زين!!!]

الله يخلـي أمهاتكـم لكـم يـارب

 

[اميره بكلمتي]

أنا مؤ موظفه بس ينزله راتب التأمينات حق اللي أبوهم متوفي

مرات اعطي أمي 100 دينار او 50 دينار او اذا شفتها محتاجه عطيتها مرات اروح وياها للجمعيه تشتري ماجله للبيت ادفعها

تستأهل الوالدة كافي بالنهاية تحصلين منها دعوه حلوووة

 

[استثنائيهـ]

اانا موظفه بشركه زين

واعطي ماما كل شهر 200 دينار

وتستاهل اككككثر

 

[ماعرفتك زين!!!]

الله يخلي امهاتكم لكم يالغاااليات
ولايحرمنا منهم امييين

 

[ماعرفتك زين!!!]

الله يخلي امهاتكم لكم يالغاااليات
ولايحرمنا منهم امييين

 

[كتكوته نورة]

جزاكم الله خير

أنا اول ما أتوظف ناويه ان شاء الله أعطيها ١٠٠ او ١٥٠ على حسب معاشي .. تستأهل الغاليه

 

[كافي صمت]

.

آنـآ ـ أ آسـآعدهـآ اذا احتاجت وبسس

 

[فديت اثنينه بس]

أنا مسؤوله اداريه والحمدلله

نفس حالة امي وابوي مستحيل ياخذو عنا ولا فلس

والحمدلله ما مقصره عليهم ف الهدايا واهم شي رضاهم

 

[mona q8]

أنا ليما الحين ما اشتغلت
بس إحنا عندنا عاده اللي يشتغل اول معاش
نحطه بيدها كله واذا محتاجه تاخذ اللي تحتاجه
وترد الباقي
ومن بعدها كل واحد يحدد المبلغ على حسب معاشه
ان شاء الله أنا ناويه أعطيها 100

 

[بكيزة هانم]

اذا هي محتاجه يكون واجب ..واذا مو محتاجة يكون هدايا

 

[Laidy n3ooma]

انا ماشتغل بس حتى لو اشتغلت احسن اي مكان بروح بقولها تامريني على شي بس امي عندها خير يعني حتى لو عطيتها مبلغ كبير يعتبر ولا شي بالنسبه لمدخولها الشهري فبتقول لي مابي خلهم لج ينفعونج

 

[بحرينية للأبد]

أنا أعطي أمي 100 دينار ولو بيدي عطيتها عمري كله

العمر غالي بس يرخص لها حبيبتي وتاج راسي وبعد مايوفيها أفضالها علي​

 

[بخـــارى]

50 ثابت

واشريلها اغراض وكل شي واطلعها وادلعها

 

[ماعرفتك زين!!!]

رفـــــ رفع ـــــع

 

[PuPa^^SWeeT]

والله انا امي مو محتاجة غير ابتسامتنا


الحمدلله اهلي عندهم خيير


بس مايمنع الهدايا من فترة لي فترة


لامي و ابوي

 

[Hand]

انا عن نفسي موظفه في قطاع خاص

وعندي التزامات ولمن اجي اعطي لي امي ماترضى تاخذ لو ايش

فاقوم ايش اسوي .. اشتري لها للعيد .. اذا اشتريت شغله اجيب لها بعد أو مثلن تبي شي من الجمعيه اجيبه لها

اشتري اغراض للبيت مرات ... مع انه ابوي مو مقصر معاها بس ابي اريح ضميري

 

[LiLy_S]

يارييييييييييييت اقدر أعطيها من معاشي! أمي ما ترضى وجم مره سويتها زفتني وما تكلمني
الحين بعض المرات مو كل الاوقات لأن ادري راح تدري وتجكني فا قمت أبطل بوكها وأحط مره جم عشره أو جم عشرينه اذا كان فيه بوكها طبعا لأن أدري فيها ما تثبت بس يعني مبلغ بسيط كل مره عشان لاتدري
همممم منو عنها فكره شلون أقدر أعطيها؟ أو اخليها ترضى تاحذ مني؟؟؟ بليز بنات قولولي

 

[ام حنااين]

مثل ما قالت اللي قبلي ياااااااريت ترضى تاخذ

امي رافضة هالموضوع تمامااااا

واللي يعطون امهاتهم بارك الله فيكم هذا اقل شي ممكن نسويه لامهاتنا

 

[شقاوتي غير]

انا ان شاء الله لي توظفت 50 لامي و50 لابوي كل شهر ان شاء الله

 

[Patcholli]

انا امي ماترضى تاخذ تقول مايطاوعني قلبي كنت اترجاها اول ماتوظفت بس مارضت تاخذ وزعلت مني تقول انا ربيتكم عشان اخذ منكم واي فديت قلب امي اشكثر حنونه حتى واحنا ماعندنا التزامات مارضت تاخذ فلس منا بس انا كل شهر اشتريلها هديه واطلعها واعزمها حبيبتي والله لو تبي معاشي كله اقطها بحظنها فديتها والله