جـــزء من حيــــاتي

[تيناا]

سالفه تقطع القلب

 

[فيلجـ كول ـاويه]

والله عورتي قلبي ناطرينج

 

[تيناا]

ابوج مسحور اكيد بس امج ليش تنقلب ضدج فجأه ؟؟؟؟؟!!!!!

 

[ღ بنت المسيله ღ]

اخر سالفه عمري فيها 14 سنه اولى ثانوي كنت

 

[ღ بنت المسيله ღ]

انا اتمنى اعرف ليش فجاه قلبت!!
مع الوقت بتعرفون كل شي ان شاءالله

 

[فيلجـ كول ـاويه]

انشالله بس كملي بلييييييييييييييييييييز

 

[تيناا]

حبيبتي مهما صار خلج قويه وخلي ايمانج بربج قوي

يارب ابوكم يردلكم

 

[ღ بنت المسيله ღ]

نكمل اخر جزء من البارت الثاني

راحت قمر المدرسه مرتاحه حست ان في احد وياها
اول مادشت قمر المدرسه

الوكيله : وقفي مع المخالفات
قمر : يالله صباح خير
الوكيله تهاوش البنات ا: انا لي متى اعلم فيكم ماتفهمون واليوم بخليهم بس باجر ان شفت هالمخالفات متكرره والله فصل 3 ايام وانتي (عن قمر) طويلي مريولج ووسعيه
قمر : ان شاءالله وتتذكر حمد وعبدالله وتضحك
الوكيله : تضحكين ها اشوف باجر
قمر : قلت ان شاءالله
الوكيله شافت قمر شاقه الحلج ابتسمت : روحي لحصتج
قمر : انزين

آآآممم اكلمكم عن ستايل وشكل قمر (( بيضه طويله يعني طولها حلو شعرها اسود ناعم لي نص ظهرها على قولة نوني شعر فلبينيات لانه ناعم محتره مني لووول و جسمها مخصر و حلو وكلهم عبالهم يسالونها عن اهتمامها بجسمها وهي ماتدري وين الله قاطها جسمها خلقه جذي لوول وكل ماقالت من الله جذي حقدوا عبالهم اتجذب ))
كان مريولها المدرسه لي ركبتها وضيج شوي وشعرها عنقوص لي فوق وقذل اي تحت حاجبها .

راحت قمر للساعه : السلام
الابله والبنات : وعليكم السلام
قمر وهي قاعده تتذكر اللي صار وتدمع عيونها بس لما تتذكر حمد وعبدالله تضحك :eh_s(2):


وبالفرصه كانت قمر مع رفيجاتها قاعده وحست بتعب وحط راسها على ريل رفيجتها واهما عالكرسي الطويل نفس كراسي (القهوه الشعبيه ) لووول
ولا وحده تاشر لقمر ان تعالي بكلمج قمر سوت نفسها ماتشوف :tongue22:
ولا تيي البنت وتقول لقمر بنيه ممكن تاخذين الورقه
خذتها قمر وقرتها ولا (( انا بصراحه معجبه فيج وايد وودي اتعرف عليج ونكون رفيجات بس مابي رفيجاتج يدرون))
قمر >>>
وقالت للبنت : اوكي مو مشكله
وطنشتها قمر لان مالها خلق لووول

وهالبنت اسمها ملاك اللي معجبه في قمر
هالبنت كانت اخر سنه لها كانت ملاك دفعة 99 و قمر دفعة 2002
ملاك اكبر من قمر بـ 4 سنين طيبه وقلبها ابيض وكانت منقبه و بيضه ومتبتبه وطويله اطول من قمر بشوي
والكورس اللي وراه راحت ملاك قالت لقمر ان يسوون نفس المواد الاختياريه
وقمر وافقت خذوا البدنيه سادسه مع بعض والفنيه الاولى مع بعض :rerrerek:

قمر راحت لرفيجاتها وقعدت رفيجات قمر (شهد , غاليه , مها , شعول بنت خالها , فجور , بنت خالتها , وميس , ابرار و منى و الزعيم نوره )

نوره ملسونه وايد وشيطانه ونسميها الزعيم

لما اتذكر ايام الثانويه استانس وااااااااااااايد لانها احلى ايام ولاحظتوا كله ابتسامات

ملينا نكد وحطيت هالجزء اخر جزء بالبارت الثاني
وراح اكمل لكم ان شاءالله البارت الثالث اليوم او باجر بإذن الله
وسامحوني ع القصور لاني مو من النوع اللي اقرا قصص ولا اعرف شلون اكتب قصه
انا اكتب الاحداث اللي بحياتي لكم مني كل الشكر على المتابعه وانتظروا البقيه

:aha:
..

 

[أدووويا]

كملي متابعة

بليز بليز خلصي القصة قبل 14-2

تكفين

 

[تيناا]

بعد قلبي والله اسلوبج حلو وعفوي كملي وسامعينج

 

[sωεεт ρîикч]

حــيـآتي قموور ..
ربي يكون ف عونج انشالله والله يفرج همج حبيبتي =)
waiting

 

[عطر مذهب]

ناطرييين

 

[أروسا]

قصتج تعور القلب

شكل البيت كله مسحور

ناطرينج

 

[The purple]

عورت قلبي القصه !!

الله يعينج !!

ناطرين ~

 

[ŚnfôôRă ŽǒǾŏ`3ǎ]

قصتج تعور القلب

الله يعينج حبيبتي شكل الخدامة ساحرة البيت

حسبي الله عليها

ناطرينج

 

[تيناا]

ناطرين البارت حبيبتي

 

[ღ بنت المسيله ღ]

البــــــــــارت الثــــــــــالث :eh_s(21):


شعول تكلم فجور بنت عمتها : الو هاااي
فجور : هايات وينج مالت عليج امس
شعول : امس انايمه ومادري عن موبايلي
فجور : اها شي حلو انزين شتبين داقه بسرعه قاعده اسوي كيكه
شعول : فجور شرايج نطلع اليوم وناخذ قمر ويانا
فجور : ايييييييييييي اوكي
شعول : خلاص اليوم اشوفها بس تصدقين اهيا ماتعلم عن شي
فجور : من صجج ماتعرفين طبع قمر تموت وماتتحجى اهم شي عندها كبريائها
شعول : بس لازم نساعدها
فجور : عبالج ماحاولنا حاولنا بس قالت لاحد يتدخل
شعول : ادري اعرف طبعها الله يعينها


.......................

" الثانويه "

قمر بالهده تنطر وتنطر البنات راحوا وبقت اهيا و الابله
الابله : إييه فين اهلك
قمر : انا هني مو بالبيت شدراني عنهم << تتكلم بعصبيه
لابله : ايه الاسلوب ده
قمر : ابله حقج علي بس تقدرين تروحين انا انطر عادي
الابله : اسبيك مع الراقل لوحدك لاه مش ممكن
قمر : شدعوا بياكلني عادي والله روحي انا انطر
الابله : انا حستنى شوي كمان
قمر : براحتج

قمر طالعه ساعه 12 ونص والحين 2 راحت دقت على البيت محد يرد حاولت ولا امها : ها شفيج
قمر : يما البنات راحوا وانا بقيت بروحي
ام قمر : قولي لاي بنت توصلج السايق رايح يصلح السياره
قمر شافت ان زوج الابله شكل عليها : ابله روحي امي بتاخذني الحين
قمر دقت على خالتها وماردت :eh_s(2):
شوي ولا سياره وهرناااات طلعت من داخل راخت تشوف

ولا عبدالله : قمرررر
قمر : هلاااا
عبدالله : تعالي
قمر : هلا شفيك
عبدالله : شفتج تاخرتي حسبالي طالعه رحت دقيت عالسايق قال لا ماجبتها اساسا
قمر : انزين والمطلوب
عبدالله : اركبي اوصلج
قمر : اخاف امي اطقني
عبدالله : اركبي بس وانا اكلمها

قمر ركبت ورا

عبدالله : اخاف انا سايق تركبين ورا بس يالله ماعليه
قمر ابتسمت

عبدالله : ها شلون يومج بالثانويه
قمر : نايس
عبدالله : شدي حيلج عاد هذي ثانويه مو لعبه هني تحددين مصيرج وين
قمر : ان شاءالله
عبدالله : شوفي ان بغيتي مدرسين خصوصيين لاتستحين مني
قمر

................

وصلت البيت ولا يوسف توه سافط
عبدالله : ولييييه زوج امج
قمر : عادي اهو طيب
عبدالله سفط عند البيت : السلام عليكم
يوسف : وعليكم السلام
قمر دشت عرض : عمي ليش تاخرتوا علي والسايق راح يصلح السياره حبكت الحين يعني لو مو عبدالله مار عند الثانويه وشافني ولا انا نايمه بالثانويه
يوسف : يزاك الله خير عبدالله
عبدالله : وياك ان شاءالله يالله مع السلامه
يوسف : مع السلامه

ام قمر : يوسف انت خذيتها
يوسف : لا عبدالله ولد جيرانه يقول مر لقاها بروحها ومرها
ام قمر : اها زين
قمر بقلبها : لو ابوي يدري ذبحني بس زوج ام لاعرج ام ولا ابو شعليه يغار او يخاف :eh_s(2):

قمر راحت غرفتها بدلت وغسلت ونامت على سرير نوني ..
(( آآآخ يانوني وينج والله اشتقت لج وقامت تبجي قمر حييييييييييل لما تذكرت صوت نوني وهي تبجي :eh_s(2):
نوني اللي بقت لي من هالدنيا امي تزوجت وابوي راح عنا و ماما عوده ماتت ))

ام قمر : قمررررررر تعالي غدا
قمر مسحت دموعها وغسلت ويها : اوكي
يوسف يخز قمر : شفيج
قمر : شفيني شايف فيني شي
ام قمر : اووووه خلونا هاديين
يوسف : ليش شايفتني اصرخ انا
قمر : ماكو شي بس تذكرت نوني
ام قمر : فكينا من هالسيره
يوسف : بسم الله سموا
ام قمر و قمر : بسم الله الرحمن الرحيم


............

في بيت ابو قمر

محمد : صقوووووور وفصول ونوني يلا الغدا
نوني بتنهيده : ان شاءالله يبا يلا فصول صقور
محمد : سموا قبل لاتاكلون
نوني تنطر ابوها يخلص غدا وتسوي له جاي عشان تقوله عن "قمر"
محمد : الحمدالله وقام يغسل ايده
نوني راحت وراه : يبا
محمد : نعم
نوني : يبا انا ابي اكلم قمر اشتقت لها والله
محمد بعصبيه : هالبنت وامها مابي اسمع سيرتهم فاهمه
نوني : يبا ماقدر والله ابيهم :eh_s(2):
محمد : لاحبيبتي انسيهم اعتبريهم ماتوا
نوني شهقت : لايبا اسم الله عليهم
محمد : عساهم للماحي ثنتينهم
نوني راحت غرفتها ماتبي تسمع اكثر وقامت تبجي ( انا لي متى على هالوضع تعبت زهقت انا لازم اسوي شي يقربني منها لازم )

من باجر نوني بالمدرسه كانت رابعه متوسط ..
سوسو (ساره رفيجة نوني حيل وياها) : نوني شفيج مو على بعضج
نوني : ماكو شي
سووسو : قوليلي شفيج قبل الطابور تحجي
نوني وعيونها متغارقه : اشتقت لقمر حيييل
سوسو (تعرف قمر وكانت وياها قبل) : اوووف
نوني تبجي : والله اشتقت لها مو قادره
سوسو تحضن نوني حيل : شوفي نوني عندي فكره اهيا صعبه وخطره بس حلوه وايد
نوني توخر شوي وتمسك ايد سوسو : تكفين علميني شنو
سوسو : انج تشترين تليفون من ورا ابوج
نوني سكتت تفكر بالوضع : انزين بس شلون اطلع انا ماطلع الا وياه
سوسو تفكر : شوفي انتي دبري الفلوس ووعد مني احطه بين ايدج
نوني : الفلوس سهله جم تبين اقدر بس شلون الطريقه
سوسو : الصبح لاقطني السايق اكلمه يروح محل تليفونات يشتري لج والخط باسمه بعد
نوني بنظرة امل وتفاؤل : خلاص اوكي باجر اعطيج 50 دينار
سوسو وهي تمسح دموع نوني : تـــــــــــــم يلا نقوم للطابور
نوني وهي مرتاحه : يلا

وراحت نوني من باجر عطت سوسو الفلوس وعقبه بيومين ..
سوسو وهي بالسياره مع السايق : اشرف
اشرف : نعم
سوسو : شوف اشرف انا صديقتي يبي تليفون و خط انا اعطيك خمسه دينار حقك بس حط الخط باسمك وانا معاي خمسين دينار الحين قطني المدرسه وروح الجمعيه اشتر خط وجهاز و قول للهندي هناك حط الخط بالجهاز وشيل العلبه و هذا جيس فيه بالطو علوم فيه جاكيت حط التليفون داخل المخباة اوكي وتعال سكول عط الحارس
اشرف : محل كله سكر الحين
سوسو : تعال ساعه 10 ونص وقت البريك اوكي
اشرف : ان شاءالله

................

نزلت سوسو للمدرسه تعلم نوني تونسها

سوسو : نووووووووووني
نوني تكتب الواجب : هلا حياتي تعالي
سوسو تركض لها : كلمت السايق تحسين مجرمات
نوني : سكتي خايفه حيل
سوسو : ااشرف يضبطج ماعليج
نوني تبوس خد سوسو : احبج يا اغلى صديقه
سوسو استحت : كلي لج فديتج ترى ساعه 10 راح اييبه
نوني : ان شاءالله

..........................

ساعه 9 اشرف
راح للمحل
اشرف : السلام
العامل وعليكم السلام
اشرف : انا يبي جهاز مع خط
العامل : في جهاز كت كات واجد حلو ملون ومع خط يطلع 35 دينار
اشرف : زين هاذا بطاقة مدنيه مال خط وانتا حط خط داخل جهاز
العامل : اوكي
اخذ الاغراض اشرف وراح السياره و حط الجهاز والشحن و الباقي 15 دينار داخل المخباة مالت بالطو العلوم و حط الجيس جدام عنده

الحارس : نعم
اشرف : يايبي ودي اغراض حق ساره
الحارس : روحي هذي غرفه كلم الاخصائيه
اشرف راح للاخصائيه : السلام عليكم
الاخصائيه : وعليكم السلام
اشرف : انا يبي يعطي ساره مشعل اغراض اهيا حق ابله
الاخصائيه : شسم البنت
اشرف : ساره مشعل احمد
الاخصائيه : اوكي خلاص
وراحت للمكروفون لان فرصه : ساره مشعل تحضر للاخصائيه حالا
نوني : سارووو خايفه
سوسو حطت الصمونه ومسكت ايد نوني : تعالي يلا
نوني نطرت سوسو برا :اااففف ياربي تعدي على خير
سوسو طلعت من الاداره وشاقه الضحكه : تعالي الصف

دشوا الصف وطلعت سوسو التليفون والوكاله و الشحن والفلوس
سوسو : هذا التليفون خشيه عاد وهذا الشحن
نوني مستانسه : اووكي

 

[ღ بنت المسيله ღ]

اشوف لك من وين مارحت ذكرى
ولاشفتها صديت عنها ودنّقت !

 

[ღ بنت المسيله ღ]

كتبت الجزء الثاني وعقب ماخلصت دست اوكي وطلعت صفحه بيضا علق الموقع
وانمسح كل شي قهرررررررررررررررررر
بحاول اعيده

 

[فيلجـ كول ـاويه]

الله يستر
مشكوووووره ع البارت وناطرييييييينج موتطولين