جعل حوبتي ماتتعداهم وجعلي اجوفها فيهم والله يوريني فيها يوم الظالمه هي واخوها تعاالو

[نعم كويتية]

اختي الله يصبرج وياجرج آمين

 

[استكانه1]

حسبى الله عليهم ,,, الناس صارت ماتخاف ربها

 

[روح امها]

مو زين تدعين عليهم ولا احنا بعد ندعي عليهم
اذا لج حوبة الله ياخذها ان شاءالله وراح تشوفين بس الانسان عجول يبي كل شي بسرعة
ونصيحة البنت اللي ادق عليج وتنقل لج الكلام قولي لها لو سمحتي انا تطلقت وكل شي بينا انتهى مافي داعي
تنقلين لي اخبارهم

 

[قـنـد]

ياحياتي والله حاسه فيج وبجيت من كلامج

بس صدقيني كما تدين تدان

وان بعد العسر يسرا ان بعد العسر يسراا

انتي على بالج اذا شوهو سمعتج خلاص محد بيخطبج

ليش الرزق عندهم ولا عند ربي

؟؟


حبيبتي انتي الحمدلله ايمانج قوي لا تخلين الشيطان ياثر فيج وتدقين عليهم لا عطيهم طناش

وخليج اقوا والحقران يقطع المصران اهم يبونج تتكلمين عشان صج بيقولون الناس عوبه وكاهي تتراددهم


انتي اسكتي وصدقيني ربي بيطلع الحق وبينصرج باذن الله انتي مظلوومه ودعووتج مستجابه ياقلبي

ادعي كثر ماتقدرين بين الاذان والاقامه وحافظي على صلاه الوتر وقيام الليل لاتطوفينه ادعي بكل سجده ربي ينصرج

ويعطيج على قد نيتج

ورددي اللهم اجرني في مصيبتي واخلف لي خيرا منهااا

يارب يعضووج ياقلبي

والله صار لي نفس اللي صار لج والحمدلله ان كل سالفه تطلع من ام وخوات طليقي

كانو الناس يضحكون عليهم لأن الناس ياربي لك الحمد عارفيني وعارفينهم من قبل بس انا مسكينه انغشيت فيهم
والناس عارفه اني مستحيل اكون مثل اللي قالوه علي واني سنعه
والدليل انهم كل ماراحو يخطبووون لطليقي


يقولون مستحيل بنتنا بتعجبكم دامكم عفتووو فلانه

ماتو قهرر

عساهم من قهر لي قهرر


يااربي يعوضونا انا وياج وكل مظلوومه يارب


ونصيحه تحاشي اي سالفه عنهم فكي عمرج وارتاحي شوفي حياتج والله كثر السوالف تجيب الهم وتصدع الراس

افتكي منهاااااااااااا خففي مكالماتج وياها


وترتاحين


عمري مارديت رد طويل بالمنتدى بس من حرت قلبي عليج رديت

 

[قـنـد]

اختي طمنينا عنج وينج
؟

 

[تنـــاســـانــي]

الله يعوضج باللي احسن ،،

 

[sunshine22]

رد : جعل حوبتي ماتتعداهم وجعلي اجوفها فيهم والله يوريني فيها يوم الظالمه هي واخوها تع

استانسي خل تاخذ ذنوبج
تخفيف ذنوب

حسبي الله على اللي ما يخاف ربه


المشكله نقول حريم مثلنا يحسون بمعاناتنا والحموله ما تخلى من كم نسره بينهم ..............

ودايم نقول خلكم رسميين ويا الحموله كا تشكيج لها ومسح المنافقه لدموعج خلاج تنصدمين!!

الحموله حموله تضلين ثقيله بينهم

مهما سويتي
مهما فعلتي

اللهم من رحم ربي وخاف عذاب ربه وخاف الله ببنات الناس مثل باقي الامهات الطيبات
بعضهم تعاون ولدها واخوها على مرته

عساهم يشوفونها بعيالهم وبانفسهم قبل عيالهم

ادعي ثلث الليل ادعي

 

[&& دعاء &&]

لا حول ولا قوة الا بالله,,,,

 

[جوري 2007]

حبيبتي لاتحرين روحج

انا مااستغرب من هالنوعية من الناس اللي من اخوهم يطلق مستحيل يقولون انه اخوهم في شي

لأ طبعا بنت الناس اهية اللي تنعاف وموزينه

يامعودة ماعليج منهم حسبي الله عليهم ظلموج بس اشوة انج تدرين ان الدنيا دوارة

ورب العباد يمهل ولايهمل

 

[لوازم العائلة]

رد : رد: جعل حوبتي ماتتعداهم وجعلي اجوفها فيهم والله يوريني فيها يوم الظالمه هي واخوه

صراااااااااااااااحة كلام ما يدخل الرااااااس ,, عرووووووووس وتوج 3 اشهر والناااااااااس قايمين عليج مني وطريق ليش ,, انتي حتى ما يمدي يبين طيبج من رداج,,,, حبيبتي مافي نار من دون حطب السالفة نااااااقصة!!! ولا ليش هالحقد عليييييييييج ,,,, مستحيل لو مايبووونج ما خذووووووووووج,, قوية ما صار لج 3 اشهر وهاااذي سوالفهم معاااااااج شدعوة فراغة يجمعون الناس ويتحجون عللليج مني وطرييق,,, غير السالفة حبيبتي,,,

انا اصدقها انا اهل ريلي كنو يحاولون من قبل لانملج بعد
ومن تزوجت وهمه حاطين دوبهم من دوبي والسبب الغيره

 

[حرم الحوت]

حسبي الله هو نعم الوكيل والله الناس صارت ماتخاف ربها

 

[جوري وبنفسج]

السلام عليكم

الله يعينج يا قلبي ويبرد حرتج

وصدقيني حقج راح تأخذينه منهم بالدنيا قبل الآخرة لأن الظلم من ظلمات يوم القيامة

وأنا عندي لج نصيحة وهي علاج لكل مهموم > قراءة سورة الأنبياء بعد كل صلاة وراح تشوفين اللي يسرج بإذن الله ​

 

[خاتم ذهب]

بعد خليهم يشبوعون من لحمج مالت عليهم
بس انت مفروض تتصلين فيهم وتشرشحينهم يعني تقولين لها
بس اسمع وحده يايبه في سيرتي اشتكيج بالمخفر
واخلي اللي مايشتري يتفرق لاني مفتك منكم بزواجي
ولا بطلاقي والحمدلله اني مااستريت جنتكم
والله يعين الضحيه الثانيه حق اخوكم
جذي وسكري التلفون بويهاااا

 

[غزلان الشماليه]

رد : جعل حوبتي ماتتعداهم وجعلي اجوفها فيهم والله يوريني فيها يوم الظالمه هي واخوها تع

عادي تصير بهالدنيا الطيبه تتشرشح والعوبه كلن يحترمها..
مالج غير الدعاء وتحسبين الله فيهم

 

[eL 3eFa]

يمكن خيره صار هالشي وتطلقتي اهم مايستاهلونج ورمقدرينج

الله يعوضج يالقلبي باللي احسن منه والل يستاهلج واهم شي اهله يكونون طيبيبن

 

[‏إنگِسَارْ آلشَـوْق ..!]

حسبي الله ونعم الوكيل
الحمدلله انج افتكيتي منهم ..~
الحين مالج إلا الدعاء .. وربهم فوقهم ..~

 

[Stylista_Q8]

حسبي الله عليهم!

مآ يعرفوون إنه كمآ تدين تدآن؟

والله يمهل ولا يهمل ،، وإن شآلله حوبتج مآتتعدآهم

وطليقج مآدري شلون كآن سآكت على كل هالحجي!

بس الحمدالله إفتكيتي منهم! ربي يعوضج إن شآلله ،،

 

[L A T T E]

لا تدعين عليهم وخلي دعواتج لنفسج بالتوفيق و سامحي ترى المسامح كريم

طوفي الموضوع وكملي حياتج صح .. ترى مو زين تفكيرج السلبي حتى لو منطقي و ما تنلامين

بس كملي حياتج .. شنو تستفيدين لو تهاوشتي معاهم بيطلع عنج حجي اكثر و الناس بيشكون انج فعلا نسرة

بس هديهم و ادعي ان الله يعوضج خير والناس بنفسها بتحس انج مظلومة و بيكرهون اهل طليقج