جسمـي وعرسـي ?

[((غلاي))]

لازم رياضه

وممكن تستخدمين كريم للتخسيس مع مشد بوقت الرياضه
يساعد اكثر بعد

وعندج الزنجبيل واااايد ممتاز

موفقه ياعروسه

 

[عبوور21]

انا إن شاء الله بشترك بنادي واضبط جسمي ،،

بس اخاف من كريمات التخسيس ،، مشكوره ماقصرتي

 

[مطيريه ووبس]

المشي..او احجزي نادي صحي

 

[فروحته]

الله يوفقج غلاتي انا بعد عندي نفس المشكلة والله
بس عرسي بعيد شوي عشان جدي ما افكر فيها هه
بس صج سمعت صديقاتي يقولون ماي دافية مع قطرات ليمون
و مشي بيفيد انا بيجربهم و ان شاء الله بقولج النتيجة انتي بعد جربي
ربي يتمم عليج بالخير

 

[برنسس كاتي]

شوفي سمعت وحده مدربة تقول الجسم 20 بالمية عوامل وراثية ورياضية و80 بالمية الأكل الي تاكلينه
حاولي تاكلين اكل صحي واقطعي الغازيات وكل الي ينفخ البطن ..
بعدين حاولي دايما تكونين مادة ظهرج
وسوي رياضة بس ما يصير رياضة من عندج حاولي تتبعين جدول معين ..
ولمن تسوين رياضة لازم تكونين شافطة بطنج عشان تعلمين جسمج انه لازم البطن يكون جذي عرفتي ...
وبس

 

[عبوور21]

مشكووورين حبايب قلبي ما قصرتو ،،

>> فروحته<< اي قلبي جربي وقوليلي ،،

إن شاء الله بجرب الي قلتولي عليه ،،

 

[samoOor]

حطي بالليل كوب ماء مغلي وملعقة كمون وشريحتبن ليمون وغطيهم
وخليهم الين الصبح .. واشربيهم على الريق

بإذن الله تشوفين نتيجه تعجبك من اول اسبوع

 

[aauu-]

اختي انا قبل عرسي جربت الاعشاب ومافادتني وجربت جهاز تفتيت الدهون ب cmc مافادني
الي نفعني اني كنت مسجله بنادي وبعدت عن المشروبات الغازيه والنشويات وكنت اشرب ع الريق ليمون وكمون يوميا
تقطعين الليمونه شرائح وتحطين معاها ملعقه كمون وماي يكفي لكوب واحد صج صج نفعني
وانتبهي لاتشربين الخل ع الريق سبب لي حرقه بالمعده ومادري عن الزنجبيل بس احسه حار ع المعده اذا تشربينه كل يوم
بس سوي الي قلت لج عليه مع رياضة الكرش وبتروح بإذن الله

 

[جامعيه طموحه]

حبيبتي الله يتمم لج بالخير ان شاءالله

كل الي بكتبه عن تجربه والحمدلله نتيجه فادتني

اول شي قطعي كل الاكل الي فيه دهون والمشروبات الغازيه والحلويات بكل انواعهااا خير شر وبعد العصاير الي مو طبيعيه وفيها مواد حافظه

وشربي عصاير فرش

واكلي شوفان وكورن فليكس مع شوي حليب خالي الدسم

واكلي فاكهه مثلآ التفاح لانه مهما اكلتي ماراح يمتن فتكونين ضامنه انه اكل بيفيدج وما يمتنج

وشربي زنجبيل وليمون لانه يحرق الدهون ومنطقه الكرش

وبعد عندح سنا مكي وايد حلو يخفف الكرش

وروحي الممشى وسوي تمارين البطن تقدرين تطلعينها من يوتيوب


ودعوااتج بالزوج الصالح لي

 

[غلآ نآصر]

انا كرشي اخس منج كرش ولآده ..

اللي وداه صج قشور القهوه .
افوح لي ماي فيه قفشتين من قشور القهوه .. و عقب احط زنجبيل في الدله و عقب اصب الماي ف الدله و اشرب منه ع قد ماقدر 4 او 5 مرات ...لي تقريبا اسبوعين و زوجي لآلآحظ و هاي بدون رياضه . لو مع رياضه اتوقع بتان اكثررر ...

موفقه

 

[عبوور21]

مشكوووره حبيبتي >> غلا ناصر بس جم احط زنجبيل يعني شوي ولا وايد !!

 

[جوك احلى جو]

زنجبيل ودارسين وكمون يوميا شربيهم خاصه بالليل استمري اسبوع وقطعي لان كثرته مضره وهم وقت الحمل هالشي تقطعينه

 

[laplacekwt]

مو بس تشفطين بطنج حق 20 يوم لازم تلفين مخده على بطنج



وين قاعدين؟ هالسؤال سنين و تسئله الناس و يتم الجواب نفسه اكلي عدل و سوي رياضه

او اذا ما تبين الطريقه الطبيعيه يمكن في عمليات تساعدج

 

[عبوور21]

^^^^^^^^^^
شدعوه اختي ،، اوكى ماقلنا شي عن الرياضه والأكل الصحي ، بس في اشياء الناس مجربتها وحبيت استفيد وافيد بنفس الوقت

بعدين الحمدلله انا ما احتاج عمليه ،،

اشكرچ على مرورچ !!

 

[غلآ نآصر]

مشكوووره حبيبتي >> غلا ناصر بس جم احط زنجبيل يعني شوي ولا وايد !!

عادي انا احط نص و ابشره او قطع بس نص تقريبا ..
موفقه غلآي :eh_s(17):

 

[oshi_q88]

مبرووك ي عرووس موووفقه يارب
ابعدي عن العلك + شرب الماي بعد الاكل على طول + تآكدي مافيج مساك
امششي وااايييييد ووبس ي قلبي
ادعييييلي اتزوج واففرح

 

[yam_yam]

هههههههههههه نفس معاناتي يوم عرسي
و انا بزيادة مترهل عشان التكميم

قطعت الخبز و العيش
و البس كورسيه
و ليمون و ماي حار الصبح

و الحمدلله بينت النتيجه

 

[عبوور21]

مشكووورين حبايبي ما قصرتووو اسعدني مروركم ،،

oshi_q88 الله يرزقج بالزوج الصالح الي يملا عينج وقلبج :eh_s(7):

 

[sara.]

في عشبة بالعطار اسمها بنت السلطان ومكتوب عليها تعليمات ، أشتريها وماتكلف وأستمري عليها وادعي لي ..

 

[غــايــه]

رفجتي جربت الروب وتقول كرشتي حيييل خفت