جسمـي وعرسـي ?

[عبوور21]

السلام عليكم ،،

تكفون بنات ساعدوني مالي غيركم. ،،

مشكلتي اهي اني عندي شوي كرش وابي شي يشيله او يخففه ع الأقل

لحد يقولي سوي رياضه سويت >> بوش اب << ليما انكسر ظهري ههه
ومابي احد يقولي روحي لدكتور او شي ابي شي بالبيت ...
ابي شي ثاني يعني اكل معين ويكون شي مجرب ومضمون !!!

في ناس يقولون جربي اشفطي بطنج لي داخل وعدي ليما الـ 20 كل يوم وكل ماتتذكرين اشفطي بطنج ،،
شرايكم في احد مجربها ؟؟

بليييز بنات تكفون ساعدوني انا عروس وابي اضبط جسمي حق عرسي كل شي اوكي بس مشكلتي بالكرش ،،

تكفووون بنات لاتخلوني والي تساعدني بدعيلها ان الله يوفقها اهي وزوجها ويرزقها والي مومتزوجه الله يرزقها وان شاء الله تتزوج ،،، :eh_s(7):

 

[Aloe Vera]

دايما شفطي بطنج
و طلعيلج برنامج تمارين البطن من النت او نادي او اخصائية تغذية ترا اهو شهر و يروح الكرش اذا انتي ضعيفة اصلاً و التزمتي بالتمارين الصحيحة
و في شورت من ماركس اند سبنسر ينلبس تحت البدل يخلي الجسم حلو و مشدود بس هذا حل اخير حق البدل

 

[الجادل الخشف]

روحي الممشى والله حييل يشد البطن انا صارلي اسبوع احس ضعفت حييل وبطني قعد تروح

 

[عبوور21]

دايما شفطي بطنج
و طلعيلج برنامج تمارين البطن من النت او نادي او اخصائية تغذية ترا اهو شهر و يروح الكرش اذا انتي ضعيفة اصلاً و التزمتي بالتمارين الصحيحة
و في شورت من ماركس اند سبنسر ينلبس تحت البدل يخلي الجسم حلو و مشدود بس هذا حل اخير حق البدل

مشكوووره ياقلبي ماقصرتي ،، الله يسعدج ويوفقج :eh_s(17):

 

[ورقة ناعمة]

صح اختي تمارين شفط البطن تساعد واايد

وعندج بعد الماي والليمون ( عصري في دبة الماي ليمون وحطي شرائح الليمون وشربيه مفيد للكرش وله فوائد اكثر بعد )

حاولي توقفين شررب المشروبات الغازية والاكلات المعروف منها انها تنفخ البطن

ومع المشي 40 دقيقه

وباذن الله فشهر بتشوفين النتيجه

وفي فالصيدليه مشد خاص للكرشه قد ماتقدرين لبسيه

 

[عبوور21]

ماقصرتو حبايبي الله يسعدكم ،،

وييين الباجي ساعدوني

 

[~جودي~]

روحي الممشا يوم و ترك و لا تكثرين بالعشا

 

[الشيخه3]

قشر القهوه وكمون وزنجبيل في كوب مويه مغليه بعد كل وجبه ومبروك

 

[معي احلى]

الله يتمم لش على خير ..

 

[Royof]

حبيبتي

اول شي اقطعي الغازيات كلها مرا وحده استبدليها بعصيرات و ثاني شي سوي التمارين مالت البطن اللي بالنت و امشي باليوم نص ساعه لابسه مشد قوي ع البطن و روحي محل انور اطلبي منهم المشد اليومي والبسيه طول اليوم ولاجيتي تنامين قطيه واذا كنتي داومين حلو بعد راح يفيدج اكثر و اشربي مره باليوم او يوم وترك شاي الزنجبيل والكمون .. ولج مني شهر تختفي الكرش

 

[nameIess]

في ناس يقولون جربي اشفطي بطنج لي داخل وعدي ليما الـ 20 كل يوم وكل ماتتذكرين اشفطي بطنج ،،
شرايكم في احد مجربها ؟؟

حاولي تشفطين بطنج طول اليوم. وانتي قاعده وانتي واقفه وانتي تمشين... طبعا المشي افضل بعد، اذا تقدرين تخصصين لنفسج ساعه باليوم تمشين وانتي شافطة بطنج. مجربة صدقيني :rerrerek:

 

[ضــمــاد]

عندي حلين

١: لبسي كورسيه .. لاتقطينه حتى وقت النوم ، هالشي انا مجربته قعدة سنين مالي بطن بارز مع اني كنت متينه بس

سمنتي متركزه بالفخوذ ، بس للامانه سمعت انه كثرة لبس الكورسيه يضر ، انا الحمدلله ماشفت منه ضرر ، واذا بـ تاخذين

أخذي اصغر من قياسج برقم



٢: الحل الثاني يبيله ميزانيه ، عندج شركة شوقر فتنس اييون لج للبيت عندهم جلسات مساج بالاجهزه تنحت الجسم وتضعفه

بس طبعا لازم وقتها ماتخربطين بالاكل عشان تضمنين النتيجه. هذا اكاونتهم بالانستقرام suger fiteness



وفي بعد جهازين جهاز اكسنت لشد الجسم

وجهاز ال بي جي تفتيت الدهون

واحد عند عيادة لاري ان ماخانتني الذاكره ١٠ جلسات ب ١٥٠ دك

والثاني عند مستشفى حياة رويال ١٥٠دك ٧ جلسات

 

[Amonito]

شاي اخضر بعد كل وجبه

وقطعي المشروبات الغازيه

وسوي اشتراك مثل ماقالت الاخت

حق تفتيت الدهون ييونج للبيت

ومع المشي والاصرار راح تروح باذن الله

 

[Tom ♥ Jerry]

المشي + قللي الاكل و الكاكاو و الخرابيط

 

[queen2020]

انا سألت دكتوره تغذيه عن الكرش
قالت اشربي موية دافيه على الريق مع قطرات ليمون
بس بشرط مايكون فيك قولون
اذا فيك قولون اشربي بس مويه دافيه بدون ليمون
اذا افتدك ادعيلي ربي يسر اموري

 

[ايشآ]

الكرششه ماتروح بسرعه شي معروف
بس اهم شي تبتعدين عن المشروبات الغازية والاكل اللي ينفخ البطن

 

[لتين ~]

اول شي ابعدي عن كل شي يتفخ البطن مثل الغازيات وغيره ...

واكلي كل يوم علبة زبادي (روب) قبل النوم بربع ساعه وايد يمدحونه للكرش
والمويه والليمون هم زين

الله يوفقج

 

[عاشقة هواك]

تبين شي يطير الكرش ومضمون شربي زنجبيل وادعي لي

 

[kuwaitawiya]

شربي جاي اخضر بعد كل وجبه
خلطة الزنجبيل بالليمون والكمون يوميااا شي خياااااالي
وقطعي المشروبات الغازيه
وخلي عشاج روب خالي او قليل الدسم
وادعييييييلييي

 

[عبوور21]

مشكوووورين ماقصرتو ياابعد قلبي ،، الله يوفقكم ويسعدكم

بس >> عاشقه هواك << شلون طريقه الزنجبيل يعني احطه مع ماي ولا شنو