جسمــــي قاعد ياكلنـــــــــــي ذبحني ...!!! بليـــــــــــز ساعدوووووني :(

[SaD FaCe]

السلاام عليكم

واي بنات احس جسمي ياكلني من كثر ما احكك !!!

ظهري فيه بقع حمره منتفخه حيل وريولي وايدي وحتى بطني واذوني بعد !! جنه باعوض قارصني بس هذا مو باعوض

والله بموت من التحكك حتى اصابعي تحكني

انا شكيت بالفراش لان اول مااقعد عليه يبدي التحكك ولما اقوم عنه تخف شوي بس هم اظل احك جسمي

مع اني اغير الشراشف شبه يومي واغسلهم بالبيت والكفرات هم اغيرهم واوديهم المصبغه !

حتى ريلي نفس حالتي ! اليوم اول ما قعد عالفراش قام يحك ريوله ومايدري شسالفه :krkrkr:


وانا قبل يومين حطيت كفر يديد مع الشراشف ملوته بدون لا اغسلهم قبل ..! نسيت :tomato2:

تهقون من جذي ؟؟

وشنو هذا اللي قاعد يصير :0bee2e8d89:

هذول حشرات صغار ولا شنو بالضببببببببط !!!



شسوي الحين ؟؟؟؟؟؟؟؟؟؟؟؟؟

بليز بنات اللي عندها خبره تفيدني :0bee2e8d89:

 

[مزيونه 79]

ساد
من الفراش اتوقع غيري مكانج نام بفراش ثاني وشوفي

 

[kakawaq8]

ساد

أتوقع من الشرشف يمكن نوعية الخامة مو قطن 100%

جربى حطى شرشف ثانى وشوفى اذا نفس الشى يمكن يطلع من الأسفنج

الله يكون بعونكم حبيبتى

 

[SaD FaCe]

روزي وكاكاوه

ما قصرتو :*

انا بعد اتوقع من الشرشف اليوم بغيره بعد وبحط واحد ثاني واجرب ..

 

[ALMZa^_^JeYa]

اول شي بقولج غلط تحطين شرشف مو مغسوول

وحتى ملابسج اليديده لمن تشترينها غسليها بماي حار وصابون

لان تعرفين من التخزين ومن مصنع لي مصنع على ما ينقلونهم

الا مليون حشره دخلت بالشراشف والملابس

واذا شفتي الغسيل مو نافع معاج

جيكي على الاسفنج نفسه

لان مرات يعطونج اسفنج مغشوش

ويكون قديم ولا فيه وصخ وما يبين معاج الا بعد ما تستخدمينه جم سنه

 

[SaD FaCe]

مزمز

تهقين يعني !

انا بغير الشرشف بعد اذا ما فاد اغير الفراش نفسه بعد شسوي

 

[واي فديتني]

حبوبة هذي حشرة تطاع بالفراش الاغلبية طالعتلهم بالفرش

 

[واي فديتني]

اخذي طشت في ماي دافي وحطي كلونيا ريف دور وحطي ديتول ومسحي في الفرش وخلي الشمس اطقة لين ينشف

 

[شيــوخه]

الله يعينج حبيبتي شوفي فيه شركات تتصلين عليهم ايون يغسلون لج الفرااااااااش ويشفطوونه بسرعه يعني مو تقولين فيه ماي وجذيه

مخصص للفرش

وحاولي اتغيرين الشراشف اشتري يدد وهذول خليهم عنج شوفي نامي على اسفنج ثاني ماتدرين يمكن من الاسفنج

 

[مـيـراس]

رديها عني انها دوود الحشب وانا اختج هاب بالناس هبه


هذي انا اعاني مثلج الله يكون بالعون ويفكنا من هالافة

هوووي غرفتج كل يوم ورشي تحت الكرفاية مبيد حشرات وورا الكبتات عشان تخف هالدود

 

[SaD FaCe]

الظاهر مثل ما قلتوووو

مع ان قبل فتره يبنا الريال ورشلنا الفراش والسرير !! والسرير يديد حتى الفراش بعد !!

شكلي اليوم بشتري شراشف يدد واغسلهم .. والفراش بخليه بالشمس

 

[منارة الإيمان]

حبيبتى طبعا أنصحج بأن تغسلين الكفر قبل ما تحطينه ولا تنسين تحطين بالشطف الأخير الديتول
ولا تنسون حبيبتى سنة عن الرسول قبل النوم تنفضين الفراش مع التسمية والتكبير 3 مرات ..
وأيضا أسم الله عليكم شيكو على السكر الله يحفظكم ..
هذي أقتراحات وأسأل الله أن يحفظكم ...

 

[معكرونه أسبكتى يم يم]

اختى صار لها مثلج قبل جم يوم جسمها كله تبقع وحكه وحالتها حاله غيرت كفر السرير وهدومها وكل شي وماكو فايده وراحت الطبيب جان تقول لها الدكتور من الجوى عشان الغبار فيمكن انتى من جذيه روحى الطبيب

 

[تنايفـ]

بشري شصار عليج عقب ماغيرتي الشرشف والفراش؟
​

 

[~*~الملكة~*~]

هلا حبيبتي


ذكرتيني باول ماسكنا بيتنا

كان الفرش يديد وفراشاتنا ماترس


امي مسكينه كل يوم تقعد تحكك وجسمها مبقع طلع من الفراش


يبنا شركة رشت الفراشات كلها وبس من يومها ماشفنا شي الحمدلله

 

[الجفول&]

غيري الشرشف

 

[Heaven Light]

منتشر النمل الابيض وحشرا الفراااش ..

اظن هذا السبب

​

 

[فديت منورة]

غيري الاسفنج لانه يكون فيه

 

[SaD FaCe]

بنات وديت فراشي ونقعته بالشمس
ومسحت السرير بديتول كلللللللله الخشب

والشراشف اغيرهم كل يومين مره ..


احس في فرق بسيط ..!

بس للحين اتحكحك

والمشكله ان في بيتنا شفتها لونها بني بيضاويه قطيعه جنها ام علي شوي ..

شلون نفتك منهااااا وشلون تقرصنا بدون ما نشوفها :/ لان كبيره تنشاف مو صغيره

مادري عاد اذا هذي اهيه اللي تقرصنا او لأ .. بس جنه من وصف البنات ان اهيه ..

 

[نداااوي]

ساد كيفك حبيبتي ؟؟

هاد بق الفراش

من كم يوم في بنت حطت موضوع عنه

هاد مابيروح إلا لما تكبي كل الأثاث يخرب بيته هالحيوان شو كريه

وبيعيش بكل مكان فيه خشب

انتبهي حبيبتي

هاي بتقرص ومابتخليكي تنامي والبيضة تبعتها بيكون لونها شفاف وبتقرص كمان

كبي كل شي بالبيت حتى اللبس أغسليه وخليه بالشمس وعلى فكرة حتى لو حطيتي فراشك بالشمي مابيروح

ادخلي جووجل وشوفي فكرة عن بق الفراش

جيبي شركة ترشلك يومين ورا بعض وأول لما تنقرصي افتحي الضو وشوفيها بتكون بتتمشى على الفراش لإنه بعد ما تقرص بتحسي مو بنفس الوقت