جزيرة بالي بعيون كويتية (بالصور)

[bentalgomar]

السلام عليكم ورحمة الله و بركاته...عيدكم مبارك.... شلونكم يا كويتيات.....
هذا أول موضوع أكتبه بالمنتدى... يعني مبتدئه لوول:icon30: .... انا من محبي السفر لدول شرق اسيا... هناك تحسيين بالراحة و الهدوء.... سافرت من قبل لماليزيا و تايلند.... و توني رادة من السفر من جزيرة بالي... خلوني أكلمكم عنها شوي...

جزيرة بالي تابعة لأندونيسيا.... أكثر سياحها من استراليا و اليابان ومن العرب من السعودية.... من أجمل الأماكن اللي رحتلها بحياتي... اهي الصراحة تصلح لشهر عسل... اهي أرقى شوي من تايلند.... ما أطول عليكم... راح أشرح لكم بالتفصيل بس أبي تشجيع منكم _03BA:.... أخليكم مع أول صورة و أشوفكم على خير ان شاء اللة:eh_s(8):​

 

[dalooo3h]

واااااااااو بصراحة أنا من عشاق الجزر والطبيعه الله يوفقج جم كلفتج السفرة وتنصحيني أروحلها جم قعدتو وين وأسعار كاملة

 

[fromkuwait1]

انا رحت اندونيسيا بس للأسف مارحت هالجزيرة .. و الصراحة شكلي بتحسف
وعليكم بالعافية

 

[rawona]

وااااااااااااااااو شكلها السفرة تشوق ..!


الحمدلله على سلامتكم وناطرين التقرير على نااااااااااار


​

 

[*يارا*]

عليج بالعافيه

 

[أم^سلمان]

واااااااااااااااااااااااااااو شحلااتها

 

[لوازم العائلة]

ناطرين تقريرج لا تطولين بليز دام احنا بويك اند وفاضيين

 

[%الجورية%]

الحمدالله على السلامة وناطرين التقرير

 

[(( غلا زوجـي ))]

الحمدالله علي السلامه الصور جد رووووعة
كملي احنا متابعين

 

[تعويذه الحب]

الحمدالله على السلامة وناطرين التقرير

 

[suger_spice99]

عجيييييييييييييييييييييييييبة

 

[عسل111]

الله يهنيييييج حبيبتي

نبي نشوف باجي الصور بليييييييييييييييييز

 

[أم@الحلوين]

عليكم بالعافيه روووووووعه

 

[*caramel macchiato*]

عليج بالعافية ...وشكل المكااااان زوووووووووووغة !!!!

بس ويييييييين التقرير ...بليييز لا تطولين ...

 

[غير كل الناس]

بالانتظار قلبووووووووووووووووو

 

[الفراشة_البيضاء]

عليج بالعافيه

 

[bentalgomar]

السلام عليكم...
مشكورين يا بنات عالمرور و التشجيع... سامحوني طولت عليكم شوي..
صارلتلي ظروف صعبة ( جدتي بالمستشفى و خالي توفى رحمة الله عليه)....

 

[q.u.e.e.n]

عظم الله اجرج

 

[bentalgomar]

انكمل الموضوع:

رحلتي كانت من 14-28 نوفمبر... يعني (14 يوم)...

عملة أندونيسيا اهي (الروبية)
مليون روبية = 100 دولار= 30 دينار
10,000 روبية = 300 فلس

طرنا على طيران الإماراتية... ماشاء الله طيران مرتب و مريح والخدمة روعة... طبينا دبي كترانزيت وبعدين وصلنا جاكرتا.....
المطار حده قديم تقولين كأنه مطار سيلان.... يتكون من 3 مباني:
terminal 1 & 2 :حق الطيران العالمي
terminal 3 : حق الطيران الداخلي

عشان تروحين من 1 الى 3 عندج خيارين: يا تاخذين باص المطار المجاني ( بس مالج أمل لأن الجناط كبار يصير حده لوية) أو تأجرين تاكسي... طبعا هناك نصابين راح يعطونج سعر خيالي...
سعر تكلفة التوصيل = 50,000 روبية (1,5 دينار)

شرينا تذاكر داخلية من هناك.. اخترنا طيران lion air ممتاز ويعتبر من أحدث و أرخص الطيران الداخلي... للأسف ماتقدرين تحجزين منه بالسايت الا اذا كان عندج حساب بنك اندونيسي.... كلفت التذكرة روحه و رده 30 دينار للشخص....
من أنواع الطيران الداخلي الموجود: garuda, batavia, air asia
طبعا أغلاها garuda ( انا مسميتها قارودا المقرودا p: ) لأن سعر تذكرة للشخص 90 دينار....

تاخذ الرحلة ساعه و نص بالطيارة.... وصلنا المطار حده صغير و قديم... البروشرات اللي فيه أغلبها بالأندونيسي....


أخذنا تاكسي و رحنا للفندق: discovery kartika plaza hotel
التاكسي أخذ 50,000 روبية... الطريق تقريبا ربع ساعة....
الفندق موقعه بال kuta beach..... اهو مثل طريقة الpatong beach اللي بتايلند بس أرقى شوي...
أخليكم مع صور الفندق:
















و الغرفة اللي أخذناها مواجهة للبحر من زاوية : room facing beach



قعدنا بهالفندق 8 أيام....


باجر أكمل لكم ان شاء الله

 

[bentalgomar]

مشكورة اخت queen عالمرور...
أجرنا و أجرج حبيبتي