جزيرة بالي بعيون كويتية (بالصور)

[[[ عيون جابر ]]]

يحلات الطبيعه
عليكم بالعافيه وتعودونها يارب

 

[كويتيه بالرياض]

حبيبتي عليج بالعافية


صج صج جزيرة ما تنسى انا رحت لها قبل خمس سنوات بشهر العسل


وكانوا يقولون لنا اول مره نشوف عرب هههههههههههههههههههههه

بنات نصيحه روحوا لها صدق راحه وطبيعه وانا هم قعدت فيها 8 ايام


ذكرتيني بشهر العسل خخخخخخخخخخخخخخ

 

[kaboOOOOOOOOsa]

اول شي عظم الله اجرج واقوم يدتج بالسلامه

الصور عجيبه بس تقدرين تاخذين راحتج بالبحر جنه كلها رياييل

 

[أم الجوري]

متابعين التقرير
لا تطووولين علينا

 

[om MaRyooM]

معااااااااج




والحمدلله على السلامة .. كان يبيله والله شكلها يشوق

 

[جوديے... كيوت]

عليج بالعاااافيه

وعظم الله اجرج

 

["*آآآنؤؤؤقهـ*"]

الحمدالله على السلاااااااااااااااامه


تهبل والله


و14 يووم قعدتو بس بالجزيره ولا غيرتوو


وكم كلفتكم ووافيديناا


شوقتيني ازورهااااااااااااااااا

 

["*آآآنؤؤؤقهـ*"]

وعظم الله اجرج يارب

 

[rawona]

بانتظارج حبيبتي .. ومقدرين ظروفج .. بس عاد لا اطولين :dddds:
​

 

[*لانا حياتي*]

ررررررررررررررروعة

 

[bentalgomar]

السلام عليكم... شلونكم يا كويتيات عساكم بخير ....
حبيباتي سوري عالتأخير.... ان شاء الله راح أكمل التقرير اليوم....

اخت (كابووووسا): صج البحر شوي مزدحم لأن فيه وايد ناس ابيعون بضايع و يأجرون سياكل بس نادر أحد يطب بالبحر منهم الا السياح.... الله يعافي المايوه الإسلامي p;


اخت (انيقة و جميله): ايي قعدنا 14 يوم بنفس الجزيرة بس قعدت بهالمنطقة (كوتا) 8 أيام و بمنطقة ثانيه 6 أيام ان شاء الله راح اتحجى عنها...

دقائق و أحط التقرير

 

[نادره الوجود]

مرحبا الصراحة موضوعج مميز والجزيره بعد بس حبيت اسأل عن الاماكن السياحية والرحلات متوفرة لاني توني رادة من بوكيت وانا مثلج احب شرق اسيا وعليج بالعافية السفرة

 

[bentalgomar]

نتابع يا كويتيات:

أول يوم ريحنا عقب سفرة طويلة.....
في اليوم الثاني طلعنا رحلة city tour (رحلة استكشافية للمنطقة).... مدة الرحلة 10 ساعات (من 8 الصبح الى 6 المسا).... خذا راعي التاكسي 400,000 روبية

أول شي رحنا الرقص الشعبي(tradirional dance)
تذكرة الدخول: 80,000 روبيه للشخص







بعدين رحنا مزرعة القهوة... اهناك يزرعون القهوة, الشاي, الزنجبيل, الكاكاو, شاي الليمون, فاكهة...
تذكرة الدخول: 40,000 للشخص.... طبعا تتمشى بالمزرعة و بعدين يضيفونك يشربونك كل أنواع الشاي و القهوة مجانا... عندهم محل يبيع منتجاتهم... انا الصراحه أكثر شي عجبني شاي الزنجبيل و الليمون وشريت منهم....



عقبها رحنا مزرعة العيش (الرز)... طبعا مشهوره ببالي...





وعقبها رحنا منطقة الشلالات... التذكرة: 10,000 للشخص



بعدها رحنا منطقة كنتاماني المشهورة بالبراكين... التذكرة: 10,000 للشخص..

 

[bentalgomar]

بعدها رحنا لمنطقة اسمها أوبود (ubod) فيها غابة الشواذي... التذكرة: 40,000 للشخص

 

[bentalgomar]

وختمنا اليوم بحديقة الطيور... سعر التذكرة: 250,000 للشخص























بنهاية حديقة الطيور مسويين حديقة صغيره للزواحف....





رجعنا الفندق عقب الحوسة و الحر وخذينا شور و ريحنا شوي...
بعدها عالساعة 9 طلعنا نتمشى بالشارع و تعشينا وسألنا عن الرحلات عند الكوشكات... بس طلع سعرهم نفس سعر الفندق لأن السعر محدد بالدولار عالبروشور... فحجزنا الرحلات عن طريق الفندق أظمن....

اعذروني يا بنات ... لازم أروح أنوم ولدي الحين.... ان شاء الله باجر أكمل التقرير ... تصبحون على خير[/B]

 

[لوازم العائلة]

لايوقف لايوقف لايوقف:ada:

 

[نور النهار]

ونااسة عليكم بالعافية

 

[bentalgomar]

مساء الخير يا كويتيات... كيف الحال ...
نتابع اليوم الثالث:

عقب رحلة ال city tour والتعب قررنا ثالث يوم ان نتمشى بشارع الكوتا و نستكشف المكان.... المهم تريقنا و طبينا بحمام السباحه وبعدين ريحنا شوي بالغرفة و طلعنا العصر... في يم الفندق مول اسمه : discovery mall... رحنا تمشينا فيه.. في محلات بسيطه و مطاعم و صيدلية و ميك اب و اكسسوارات..... من المحلات المعروفة: توب شوب, مارك اند سبنسر....





وهذي الصورة من جهة البحر:



واحنا طالعين من المول اخذنا من برد هاق اند داز(ستروووباري جيز كيك) يامي.... و كملنا المشوار... الشارع من الجهتين كله محلات ملابس و مساج و مطاعم.... و في نهاية الشارع وصلنا لمكان اسمه الكوتا سنتر اللي فيه محلات التقليد درجة أولى... بس الله لايسامحهم حده غالي أغلى من ماليزيا و تايلند بدبلات... هذي صورته:



عقبها بساعات من المشي و الرطوبه رحنا تعشينا بمطعم بحري من المطاعم اللي بالشارع:

 

[bentalgomar]

واليوم الرابع رحنا رحلة كرووز(bali hai cruise) :
سعر التذكرة للشخص: 95 دولار من الساعة 9-4... ودونا لجزيرة صغيرة سوينا فيها :
1) سنور كلينج
2) ألعاب مائيه: parasailing, jet., banana bout, canou,waterpark
وتغدينا باليخت وودونا اليال عشان نتمشى بالجزيرة وسوينا مساج هناك....











هذي الصورة تحت الماي:



هذي الصور لمن وصلونا الجزيره: فيها أكواخ للأجار : سعر الليلة ب 90 دولار... شكلهم كيوت...















ان شاء الله باجر راح أحط لكم صور اليوم الخامس في رحلة السفاري ..

 

[أم المهــى]

ماشاءالله تبارك الرحمن عليج بالعافية هالسفرة