جزاكم الله خير اذا بروح عمرة بطيارة

[غزلان الكويت]

السلام عليكم ورحمة الله وبركاته بسالكم اذا بروح عمرة بطيارة متى احرم

 

[.. نواري ..]

طبعا إنتي تلبسين وتتحممين بالبيت وتمتنعين عن مبطلات الإحرام أتوقع تمشيط الشعر والتطيب وإلخ

وبالطياره لما تمرون ع الميقات راح يبلغونكم ويقولون إن إحنا الآن نمر على الميقات
وراح تلقين الرياجيل يلبسون ملابس الإحرام ولبي لبيك اللهم لبيك لاشريك لك لبيك .. إلخ
بس طبعا المره مو ترفع صوتها بالتلبيه

وهذا لقيته بموقه بن جبرين إن شاء الله يفيدج

/////////////////////////////

نسألكم عن كيفية الإحرام بالطائرة من الكويت ؟
الجواب:-
إذا عزمت على الإحرام وأنت في الطائرة، فإنك تلبس إحرامك وتتأهب بالنظافة قبل الإقلاع، فإذا قربت من الميقات نويت الإحرام ولبيت بالحج أو بالعمرة، ولا بأس لو نويت قبل محاذاة الميقات، ولو من المطار.
ولا يجوز تأخير النية إلى جدة فمن أخره وأحرم من جدة فعليه دم عن مجاوزة الميقات، فإن نزلت في جدة بدون إحرام فعليك بركوب السيارة، والرجوع إلى الميقات وهو السيل الكبير لتحرم من هناك حتى تسلم من لزوم الدم، والله أعلم.

وإدعي لي تكفين إن ربي يفرج همي وييسر أمري

 

[*صَبا*]

اختي تحرمين فالطياره

لانج لو احرمتي من البيت وماسافرتي لا قدر الله لأي سبب عليج تعتمرين عن هالعمره

فالطياره بيقولون لج ان الحين انتو في منطقة الميقات
تحرمين وتصلين لج ركعتين

الله يتقبل منج
ولاتنسينا من صالح الدعاء

 

[غزلان الكويت]

جزاكم الله خير اللي ردوه والله يوفقكم خواتي بس اسئل استحملوني شوي

يعني نتسبح بالبيت ونحرم بالطيارة

اخوي مثلا يلبس احرامه بالبيت

اذا وصلنا جده نروح الحرم عطول والا نروح الفندق نحط اغراضنا ونروح نعتمر

وجزاكم الله خير

 

[بعيون مغليك]

حبيبتي الحريم والرياجيل يتسبحون وكل شيء

ممكن ياخذ لبسه معاه بالطائرة ويقول لهم نبي موعد الاحرام عشان نحرم طبعا بالطائرة يلبس لبس الاحرام وينطر اذا قالوا له خلاص طفنا مكان الاحرام او بدايه مكان الاحرام تكونين جاهزة مو شرط يلبسه من البيت

عادي تروحون تحطون اغراظكم بمكانها وتروحون الحرم بس اهم شيء ما تبطلون الاحرام


احنا اذكر وصلنا جده على طول رحنا مكة ودينا اغراضنا الفندق ونزلنا نعتمر



ادعيلنا تكفين حتى لو ما تعرفيني تكفين ادعيلي

 

[الكرم و الجود]

اللهيوفقج ويوفقك كل البنات وعد لادعيلج وادعي لكل الكوييتات اللي ساعدوني بس سؤال صغير اذا انتقض الاحرام مثلا الوضوع شسوي

والصلاه شلون اذا بنطير 3 و45 دقيقة

 

[هنـــد]

بالطياره تحرمين

اهما يقولون لج بالطياره

 

[addict to me]

حبيبتي تسبحين البيت وتلبسين اي عباه وتحتج اي نوع ملابس تفضلين

وبالطياره قبل ماتوصلين الميقات اهوا بقولج ترا بعد نص ساعه نوصل الميقات

فتتطيبين وتحرمين وقولي فان حبسني حابس فمحلي اي حبسني

عشان لاسمح الله صار شي او يتلج الدوره محل ماصار الشي بس تنتهي العمره ماتضطرين تعيدينها

وطبعا النيه بالقلب ماتتلفظين فيها يعني ماتقولين اللهم اني نويت عمره

وعادي اذا رحتي هناك تقدرين تغيرين العبايه بس ملابسج الي تحت العبايه ماتتغير


وعمره مقبوله ان شاء الله

 

[بعيون مغليك]

http://www.saaid.net/rasael/omrah/index.htm

http://www.almajara.com/forums/showthread.php?t=42183

http://www.islammessage.com/questions.aspx?cid=1&acid=7&qinid=281&qid=10595
شوفي شكاتبين

واسالي اخوانج اكيد ادرى

 

[ياشوقي للجوري]

حبيبتي وانت في البيت قبل تروحين المطار تتسبحين وتحفين الفطرة وتقصين اظافرج
وبعدين تلبسين ملابس نظيفة مو شرط جديدة وتلبسن عبايتج ونقابج اذا كنت منقبة
ولما تركبين الطيارة راح يقول الكابتن نحن الان نمر فوق الميقات هنية تقطين النقاب
وتلبسين قطوة وتقطين الدسوس اذا كنت تلبسين الدسوس
وبعدين تقولين الدعاء" لبيك اللهم عمرة وان حبسني حابس فمكاني حيث حبستني "
ونسيت اقولج مايصير تحطين عطر وانت طالعة من البيت لان الرسول علية الصلاة والسلام قال : أيما امرأة استعطرت فمرّت بقوم ليجدوا ريحها فهي زانية . رواه الإمام أحمد وغيره
والله يقبل منج ان شاءالله وتروحين وتردين بالسلامة​

 

[حلاتي بندرة وجودي]

نفس رد البنات

تروحين وتردين بالسلامة وادعيلنا بالصلاح

 

[مرتاحه]

كابتن الطياره يقول انكم بتمرون
بعد شوي بالميقات فما عليك
الا التلبيه بالعمره

 

[اوم خليل فلسطين]

بارك الله فيكي وانشاء الله تعالى الاخوات يردو عليكي بارك الله فيهن