في مرة كنت ببيت يدتي وكنت قاعدة بالصالة وحدي ملانه جان اروح غرفة خالتي كانت خالتي داخل تسولف بالفون وقافلة الباب وحاطة المفتاح بالباب يبت ورقة ودخلتها من تحت الباب ويبت دبوس وطيحت المفتاح على الورقة وسحبت الورقة بسرعة وخليت خالتي داخل الغرفة وانحشت بس بعدين خالي شكني بس مافضحني لانه انا المدلللة عنده لانه يحب الشطانة واخذ المفتاح وقال حق خالتي انه اهوه مسوي المقلب واخذ الزفة عني فديته والله وبعدها رحت دار خالتي الثانية ولعبت بمكياجها ورسمت على الطوفة والفراش بس خلوني انظفه كله وفوقها ماخذيت مصروف لمدة اسبوع.......في مرة كنت بمطعم مع امي وابوي واخواني احنا 3 بنات وصبي وانا اصغر البنات فقعدت يم اخوي تعرفون الترتيب التنازلي هع وبعدين قلت حق اخوي اذا كليت فلفل اعطيك 5 دنانير جان يقول لي اوكي كلاها وعيونة كانت بتطلع جان اقول له تصدق بوكي بالبيت راحت عليك بس بعدين خلوني ادفع له الدبل 10 بدل خمسة ........في مرة كنت متهاوشة مع اكبر اخت عندي اكبر من ب4 سنين فما اقدر اطقها وانا ماقدر اسكت لازم انتقم يبت زهيوي ميت ويبت كندر سبرايس كليت الككاو وخليت علبة اللعبة وحطيت الزهيوي داخلها ورحت عند اختي وقلت لها هذه حقج بس اول شي سكري عيونج والمسكينة حسبالها خاتم ولا سلسلة ولما سكرت حطيت الزهيوي بايدها وانحشت ولما بطلت عيونها قعدت تصارخ وظلت كل اليوم تغسل ايدينها
