جروحي تنزف احزاني<==احلى قصه قريتها للكاتب احمد 666

[بنوته كيوت]

جروحي تنزف احزاني
بقلم: احمد666

الجزء الاول
جلست واسندت ظهرها لشجرة الوحيده في بيت عمها.......وتأملت مغيب الشمس والمعركه التي كانت تدور بين الليل والنهار...بين النور والظلام..ابتسمت بمراره وهي تشهد انتصار الظلام على النور....بس بكره فيه يوم جديد وفيه معركه جديده بتنصر الشمس فيها وبتطرد الظلام.......تنهدت بعمق واخذ شريط الذكريات يمر امامها لكن الظلام اللي خيم على حياتها ماله شمس تطرده.......

-"لازم يعني من هالقعده كل يوم في هالوقت"
التفتت بسمه على بنات عمها اللي توهم دخلو البيت:"قاعده اتأمل مغيب الشمس"
هدى بسخريه:" اش تحبين في مغيب الشمس عشان تتأملينه"
بسمه وهي قايمه بتدخل:"ما احبه......احب الشروق اكثر... بس كرهي له مايمنع اني اتعلم اتعايش معاه....مثل ما فيحياتي اشياء كثيره
مااحبها بس متعايشه معاها"
هدى:"انتي اش قاعده تقولين....الحمد لله والشكر على نعمة العقل"
هند:"قصدها حياتها عندنا"
كملت بسمه طريقها....وماردت عليها حتى تبعد عن المشاكل...
هدى وهي تناظر بسمه بعد مااختفت:"ياكرهي لها"
هند:" حتى انا....تصدقين احيانا احاول احبها... بس لما اشوف كل اللي احبهم صاروا يفضلونها علي...."
هدى تقاطعها بضيق:" بدال هالمقدمه الطويله العريضه.... قولي باختصار اغار منها"
هند وهي تلتفت على اختها:"وانتي ليش تكرهينها ياام العريف؟؟"
هدى:"اكرهها كذا بدون سبب"
هند:"هههههه....بدون سبب ولا لان مرة خالي خطبتها....لحبيب القلب"
هدى بعصبيه:"سكتي لاتسمعك"
هند:"حتى لوسمعتني.... مافيه امل انها تتزوج يوسف لن ابوي رفض حتى من غير يشاورها"
بسمه بنت اخو ابو عبد العزيز(حمد)تعيش عند عمها من سبع سنين من عقب وفاة ابوها ومها واخوها في حادث سياره.... عمرها 19سنه تدرس ثالث ثانوي...رغم صعوبة الحياه في بيت عمها الا انها متفوقه...
جميله كان جمالها بسيط وهادي متوسطة البياض ويميزها صفاء بشرتها عيونها سود ووساع وشعرها اسود متوسط الطول واحلى مافيه انه غزير......

هدى بنت عم بسمه اكبرمنها تدرس ثاني جامعه....جميله وتحب تغير في شكلها...كل فتره لشعرها قصه وصبغه مختلفه...
هند عمرها 17سنه تشبه اختها هدى...لا انها قصيره نسبيا.....

اول مادخلت كانت مرة عمها في الصاله وكالعاده لما تشوفها....لازم تنكد عليها....
-"ذكرتي لعبد العزيز".
بسمه:"ايه ذاكرت له بس هو الله يهديه...."
ام عبد العزيز(حصه)مقاطعه كلامها:" لا بس ولا غيره ان جات علاماته ضعيفه ياويلك يابسمه"
بسمه :" وانا اش ذنبي ؟؟"
ام عبد العزيز:" ذنبك انه هو مسؤليتك وان ما نجح تحلمين تدخلين امتحانات الثانويه... ان يروح تعبك على الفاضي..."
بسمه في خاطرها ياها الثانويه اللي كل شوي والثاني تهددني بسبتها...ما لي الا الصبر..
بسمه:"لا ان شاء الله ينجح وبتفوق بعد"
ام عبد العزيزبسخريه:"نشوف...التفوق"
تنتبه بسمه على رنة التلفون...
ترد ام عبد العزيز:"الوه"
-"السلام عليكم"
ام عبد العزيز:"وعليكم السلام هلا والله بالغاليه"
-"اشلونكم.....واشلون العيال؟؟"
ام عبد العزيز:"طيبن الله يسلمك...اشخبارك انت؟؟"
بدريه"الحمد لله بخير.....يسرك الحال"
ام عبد العزيز:"وينك يالقاطعه مااحد يشوفك"
بدريه:"خليها على الله التهينا في العيال والمدارس"
ام عبد العزيز:"صادقه....هالمدارس جننتا"
بدريه:"عاد كلمتك عشان امل لها اسبوع غايبه مثل ماتدرين وبغيتها تذاكرمع بسمه"
ام عبد العزيز:"ايه ما عليه خليها تجي الخميس تذاكر معها..كان اقول اليوم بس اليوم رايحين بيت اهلي"
بدريه:"طيب خلي بسمه تجي اليوم عندنا... تدرين ابو مازن مسافر وما عندي عيال كبارعشان تخافون عليها"...
ام عبد العزيز:"افا عليك انتي مثل امها بس ما ادري عن عمها يرضى تجيكم...بالذات انا نتأخر في بيت اهلي"
بدريه:"ماودي احرجك ياام عبد العزيزمع ابو عبد العزيز..."
ام عبد العزيز مقاطعه:" تدرين ما يكون خاطرك الاطيب"
بدريه: "هذا العشم فيك يام عبد العزيز"...
ام عبد العزيز:"بكلمه وان شاء الله ما يخالف"...
بدريه"مشكوره....ياللا تامرين شي"...
ام عبد العزيز:" سلامتك يالغاليه...مع السلامه"
على طول من سكرت ناظرت بسمه...نظراات كلها كره..
ام عبد العزيز:"هذي جارتنا ام مازن...بنتها كانت مريضه الاسبوع الماضي..
وتبغى تروحين اليوم تساعدينها في المذاكره"
بسمه (في خاطره والله منتي هينه ياامل قول وفعل):"على راحتك...مرة عمي"
ام عبد العزيز:" والله راحتي ما تروحين...لكن هذي ام مازن غاليه علي ما اقدرارفض لها طلب"



######################

-"ها يمه...عسى وافقت"
-"انت قاعده بجنبي وسامعه كل شي لا يكون انا اتكلم سيلاني وانا ما ادري"
أمل:"ههههههههه...حلوه منك ياام احلى امل...اقصد يا احلى ام"
بدريه:"امل قومي ذاكري لك كلمتين...انا متأكده من تجي بسمه على المذاكره السلام"
أمل:"أي مذاكره الله يهديك انا ناديت بسمه عشان ننبسط مع بعض مهو نذاكر...
بدريه:"وانا لوشفتك مقصر في دروسك....كان مستحيل انادي بسمه"
امل:"على اني كنت غايبه بس بسمه ارسلت لي كل الدروس اللي ما حظرتها "
"بدريه وهي تفكر:"فيها الخير...بس تصدقين ياامل بسمه كاااااسره خاطري"
أمل:"ايه والله يمه..الله يعينها...كل اللي في البيت ما يحبونهالا عمها ولا مرته...ولا هند ولا هدى الا بالعكس يغارن منها بشكل فضيع هي سحر اللي كانت طيبه معها ومن يوم تزوجت وسافرت فقدتها بسمه"..
بدريه وهي تناظر ساعتها: الله يعينها"
امل:"اشفيك...كل شوي تناظرين الساعه"
بدريه:"خالك خالد اتصل وقال بيمر علينا واشوفه تأخر"
امل:"والله اشتقت له من زمان ما شفناه"
بدريه وهي تتنهد:"حتى هو حالته حاله من عقب اللي صار"
أمل:"خالي خالد يستاهل مسوي قيس ليلى"
بدريه بعصبيه:"اي يستاهل الله يهديك من يوم هم صغار وهم خالد لعبير وعبير لخالدحتى حببوهم في بعض....لكن الله يسامح اللي كان السبب"
أمل:"الحين صدق عبير انخطبت"
بدريه:"ماادري وحتى لوما انخطبت ابوي مستحيل يوافق ان خالد يخطبها مره ثانيه عقب اللي صار"
امل:"انا اللي قاهرني اش اللي محببه فيها الاقمه في الغرور والتكبر"
بدريه: "اقول ..ترى لسانك طويل"
أمل:"اسفه يمه...بس مقهوره منها ومن امها الشريره"..
بدريه:"ما كنك تسبين خالتي وبنتها"
تقوم وتحب راس امها:"اسفه يمه بس كل ما اشوف خالي وحاله اللي تغير احقد عليهم"
ام مازن:"اقول اسكتي...احسن لا يدخل خالك واحنا في طاري...."
-"طاري شو..."
التفتوا ثنتينهم لمصدر الصوت...
أمل تمثل دور مرعوبه:" بسم الله روعتني....وبعدين من فتح لك الباب"
خالد:"ليه لها الدرجه اخوف...وبعدين يالذكيه عندي مفتاح"
ام مازن:"هلا والله بخالد"
خالد:"هلا فيك يالغاليه"
بدريه:"تو ما نور البيت"
أمل:"لا تغلطين يمه البيت منور بوجودي...(تقرب من امها كأنها بتقولها موضوع مهم)
"بعدين يمه ليش تعطينه مفتاح بيتنا ...ما تدرين ان حاميها حراميها"
تجرها امه من شعرها بلين ...
بدريه:"حاميها حراميها في عينك ياللي ما تستحين فيه بنت محترمه تكلم خالها بهالطريقه"
امل تقرب وتحظن خالها:"امون على خالي "
خالد:"ههههههه تمونين بس لاتزودينها"
امل:"افا عليك...الحين انا ازودها "
بدريه:"اقول سوي القهوه لخالك...احسن من الهذره الزايده"
أمل:وهي تأشر على خشمها... "حاضر على ها الخشم"
خالد:" ما ابغى قهوه من يدها ...اخاف اتسمم"
أمل:"لا تخاف المستشفى قريب ..وتجي الاسعاف لحدنا اذا تبغى توصيل مجاني"
خالد:"هههههههههه ...يالله اقلبي وجهك ابغى اسولف مع اختي"
أمل:"اشبع في اختك انا رايحه"
طلعت امل وهي سعيده بشوفة خالها...
خالد:"اش اخبار ابو مازن"
بدريه:"ما عليه طيب ...موعد وصوله يوم الجمعه"
خالد:"يوصل بالسلامه"
بدريه:"الله يسلمك...الا اشلون امي وابوي"
خالد:"ما عليهم طيبن..عاد تروحين معي اليوم ان شاء الله"
بدريه:"لا اليوم ما اقدر... بكره ان شاء الله اجي"
سمعت بدريه امل تناديها:"خلني اشوف ها الخبله اش تسوي في المطبخ"
خالد هو الولد الوحيد لامه وابوه عمره 28 سنه يشتغل في شركة ابوه وعمامه...وسيم...قمه في الاخلاق لكن اذا عصب يفقد القدره على التحكم في نفسه.....

سمع التلفون يرن نادى بدريه ماردت عليه
خالد:"شكلها ما تسمع...خلني اشوف مين"
توه رافع التلفون الا ويسمع ضحكه...
-"هههههههه ...سلام ياجميل"
خالد:"الوووو"
ارتبكت بسمه...اخر شي توقعته يرد عليها رجال لانها داريه انه ابو مازن مسافر ..
خالد:"الووووووو"
بسمه...ما قدرت ترد وسكرت السماعه...
خالد:"ياحلو هاالضحكه"
أمل اللي توها داخله هي وامها:"ضحكت منو ...اعترف"
خالد:"ههههههه...ما ادري وحده ما عجبها صوتي وسكرت في وجهي"
امل بحشريتها المعتاده:"بشوف رقم منو"
تقرب امل من التلفون:"هذا رقم جيرانا ...اكيد هذي بسمه...بكلمها اشوف ما جاها سكته"
خالد:"وليش يجيها سكته.. الا سلمي عليها "
أمل وهي تدق الرقم:"لو اقولها خالي يسلم عليك.... تقاطعني وترمي بصداقة سبع سنين عرض الحائط"
خالد:"ههههههههه حلوه عرض الحائط"
ماردت على خالها لانها بسمه رفعت التلفون-"الو"
أمل:"مساء الخيييييير"
بسمه:"امل انتو عندكم احد.....ولا انا غلطت في الرقم"
أمل:"شوي ...شوي... كل ذا اسئله ...ايه خالي خالد عندنا...وهو اللي رد عليك"
كانت امل تبغى تحرجها:"بس اشرايك في صوته حلو صح"
بسمه:"ترى والله لسكر"
أمل:"لا امزح معاك ياشيخه ..(.وهي تقلد اللهجه السوريه)لك طولي بالك"
بسمه:"المهم...ترى بجيكم بعد ساعه"
أمل وهي تمزح:"عاد ما صدقتي عزمناك...تقومين تجين بدري"
بسمه:..................
أمل:"هههههه امزح والله امزح لا تزعلين ...الاعلى فكره اشرايك في الافكار"
وهي توطي صوتها علشان امها ما تسمعها :"خليت سحيله ام الخلاقين توافق تخليك تجين"
بسمه:" خطيره افكارك....."
امل:"غريبه قدرتي تكلمين"
بسمه:"طلعوا فوق وما صدقت"
امل:"انتبهي لايصيدونك"
بسمه:" اقول يالله مع السلامه عمي توه داخل وصوته معصب الله يستر"
وسكرت حتى قبل تسمع ردها
أمل:"مع ....."
خالداللي كان منتبه:"هههههههههههه ما عطتك فرصه تقولين مع السلامه ما تنلام لانك ممله"
ما ردت عليه وكانت سرحانه استغرب خالد منها... شوي الا وتكلم امها...
أمل:"يمه بسمه تقول جا عمها وصوته معصب اخاف ما يخليها تجي"
بدريه:" لا تخافين على انه عصبي بس ما يقدر يكسر كلمة مرته"
أمل:"ان شاء الله يمه...انا ماادري اشلون متحمله هالوحش"
بدريه: "اقول روحي شوفي اخوك محمد ما صحى من نومه"
أمل:"حركااااات والله يمه...طرده مؤدبه...عادي قولي ضفي وجهك.. اتقبلها بصدر رحب"
ام مازن وخالدفي نفس الوقت:" طيب ضفي وجهك"
أمل:"ههههه لها الدرجه انا على قلوبكم...اوكيه يالله باي"
طلعت الدرج وهي عارفه اش الموضوع اللي رح يتكلمون فيه...
امل علاقتها مع امها قوبه ...يمكن لان ما فيه فرق في السن كبيربدريه عمرها 34سنه تزوجت عمرها 15سنه...و امل 18سنه اكبر عيالها
عقبها رهف عمره 14سنه دلوعت ابوها ومازن عمره 9سنين واخر العنقود محمد عمره سنه...

 

[بنوته كيوت]

بعد ماطلعت امل التفتت بدريه لاخوها وتاملت وجهه خالد كانت له معزه خاصه يمكن لانه الاخ الوحيد ويمكن لانه عمره ما قطعها ودايم يسأل عنها ويستشيرها في كل شي...
قطع تاملتها خالد:"وين رحتي قاعد اكلمك ما تردين ... اكيد عند الحبيب الغايب"
بدريه:" وانت الصادق عند الحبيب الحاضر اللي قاعد قدامي"
خالد:"هذ انتي قلتها قدامك....ومثل ماانتي شايفه طيب وما فيني الا كل خير"
بدريه:"ونظرة الحزن اللي تطل من عيونك"
تنهد خالد وابتسم بمراره :"يابدريه لا تقلبين المواجع"
بدريه:" ياخوي من باعك بيعه"
خالد:"هي مالهاذنب"
بدريه: "النتيجه وحده ..الحين عقب فتره بسيطه بتكون في ذمت رجال"
خالد:"بس هي للحين ماانخطبت وما سمعنا الاكلام"
بدريه:"اصلا حتى لو ماانخطبت تتوقع ابوي يرضى يخطب لك عبيرمره ثانيه عقب اللي صار"
خالد:"انا وعبير مالنا ذنب في كل اللي يصير"
بدريه:"ذنبكم انها هي اخت محمد والعنود تصير بنت عمك"
خالد:"محمد والعنود لا اول اثنين ولاآخر اثنين يتطلقون"
بدريه:"صحيح بس ياخالد طلاقهم اثر في علاقة العايلتين لدرجة ان ابوها فسخ الخطبه"
خالد بحسره:"اه...يالقهر كان موعد ملكتنا عقب الامتحانات"
بدريه بحنان:"كل شي ياخوي قسمه ونصيب"
خالد:"خلاااااااص انا ما افكر اتزوج"
بدريه:" حرام عليك اللي تسويه في نفسك...طيب ما فكرت في امي وابوي اللي امنيتهم يشوفون عيالك"
خالد: "هذا اللي مقطع قلبي امي وابوي"
بدريه: "ياخالد انت اللي معيش نفسك في دوامه منت قادر تطلع نفسك منهااشلون ياخالد لوصابتك مصيبه لا قدر الله"
قاطعها بعصبيه :"اللي انا الحين فيه ما تعتبرينه مصيبه اني افقد انسانه كان حلمي انها
تكون شريكة حياتي وام عيالي وتبغيني اكون سعيد"
بدريه:" انا ما قلت كذا ياخالد بس الانسان لازم يساعد نفسه انه يطلع من اللي هو فيه تصدق اعرف انسانه عايشه انواااع المآسي لكن لما تشوفها تقول هاالانسانه قمه في السعاده... فقدت اسرتها في
كانت هي الناجيه الوحيده... عايشه عند عم قمه في حادث
الظلم والتسلط ما يرحمها واسرته ماتقل عنه في ظلمها ولكن ...صابره ومحتسبه وتنتظر الفرج من الكريم"
خالد:" هذي بسمه اللي تو كلمت امل"
بدريه وهي متفاجئه:"اش دراك..."
خالد.:" سمعت امل يوم تقول عمها جا وما ادري شو"
بدريه:"ايه...الله يعينها...المهم حاول يخالد تنسى عبير"
خالد:"تطلبين يابدريه المستحيل"
بدريه:"هالكثر تحبها ياخالد؟؟"
تنهد ومارد عليها الابابتسامه حزينه وسرح بعيد....ولعبير اللي مايتصور انه بيحب احد غيرها..
-"هيه ...انت يالحبيب وين رحت؟؟"
خالد:"هلا والله برهوفه الحلوه ..ما انتبهت يوم دخلتي"
رهف:"اكيد ماانتبهت كنت في عالم ثاني ...المهم ترى اشتقنا لك ما قمت تجينا ...وان جيت تكون ثلاثة ارباع وقتك وانت سرحان وين خالي الاولي
... والله اني اشتقت له"
ضمها بحنان لصدره ..حتى انتي يارهف ...اجل اشلون حال امي وابوي انا لازم اطلع من اللي انا فيه اكراما للي يحبوني...
خالد:"اقول اش مسويه في الدراسه عسى بس شاطره على خالك"
رهف:"اعجبك انا مهو الغبيه اللي فوق"
خالد:"ههههههه ليتها تسمعك"
رهف:"والله صدق واللي يقهر صديقاتها اشطر ثنتين"
بدريه:"على الاقل تعرف تختار صديقاته مهو انتي اللي صديقاتك المترديه والنطيحه "
خالد:هههههههههههههههه
رهف:"يمه حرااام عليك اش حلاتهم صديقاتي وبعدين حصلت انا مثل بسمه ودلال وما صادقت بالذات بسمه ياحبي لها والله انها خسااااره تكون صديقه لامل"
خالد.:"اقول اش فيكم ما عندكم طاري الابسمه لايكون هذا اليوم العالمي لبسمه"
رهف:"ومن اللي يشوف بسمه وما يحبها......تصدق حتى مازن يموت فيها"
خالد:"ماشاء الله... عرفوني ياجماعه عليها يمكن احبها معكم"
رهف بكل برآه:"عااااااااااادي تزوجها وانت تحبها على طول"
خالد:"ههههههه تدرين يابنت اختي كفايه انتوا تحبونها"
رهف وهي تهزكتفها:"كيفك انت الخسران"
خالدوهو قايم بيطلع:"ههههههههه ياللا يابدريه انا استئذن....اشوفكم ان شاء الله بكره انتي وفرقة معجبين بسمه"
بدريه:"هههههههههه ان شاء الله"
طلع من عندهم وهويتصنع الضحك...يحاول يبين قدام اخته وعيالها انه عادي ..وهو من داخله ميت قهروحزن ...مايتخل ان عبير تكون لغيره..

##################################

 

[بنوته كيوت]

دخل البيت وهو معصب من شغل المكتب ومن الزبون اللي كان ذكي وما قدر يلعب عليه ....ويغشه في الارض طايحه في كبده لها شهر... لقاها في وجهه توها تسكر التلفون بسرعه...
ابوعبد العزيزبعصبيه: "من تكلمين انتي ووجهك"
بسمه:"هلا عمي ...هذي امل بنت ابو مازن"
قرب منها وشدها من شعرها بقسوه...
ابوعبد العزيز:"لو شفتك ماسكه التلفون مره ثانيه صدقيني لكسره على راسك"
بسمه والخوف يطل من عيونها:"ان شاء الله عمي"
ابوعبد العزيز:" فارقي عن وجهي لا احط حرتي فيك"
وهي في خاطرها من عندك غيري....تحط فيه كل قسوتك وظلمك...
ابوعبدالعزيز (حمد)عم بسمه الوحيديشتغل في مكتب عقار حالته الماديه جيده.... رجل قمه في القسوه والظلم وعلشان مصلحته عنه استعداد يبيع أي شي....اكثر شخص يقع عليه هالظلم هي بسمه يمكن لانه ما احد يدافع عنها....ويمكن لانه كارهها مثل ماكن يكره ابوها لانه الوحيد اللي كان يوقفه عند حده....عياله هم سحر وهي متزوجه وساكنه في جده...وهدى وهند..وعبدالعزيز وعمره 8سنين....

هند:"هلا والله ببوي الغالي ...اش فيك صوتك واصل اخرالدنيا...(وهي تناظر بسمه بنظرااات كره)... ما تنلام مادام ذي اللي كانت في وجهك اول مادخلت"
ابوعبد العزيزوهو يبتسم بحنان:"هلا والله ..بالغاليه...اشوفك فرحانه اش عندك"
هند تقرب من ابوها وتحب راسه:"اليوم الاربعاء بنروح لخوالي ما تبغاني اكون مبسوطه"
تناظر بسمه بنظرات كلها حقد:"بس بسمه مهي رايحه معنا بتروح بيت جيرانا"
ابوعبد العزيز:"مهو على كيفها"
سكت لما تذكر انه اكيد هالروحه بتكون برضى مرته :"بس اذا امك موافقه ماعندي مانع (وبسخريه) هي حسبة امها وادرى بمصلحتها"
هند:"ايه موافقه بتروح لانه..."
قاطعه:"ما ابغى اعرف ليش انا تعبان وداخل ارتاح شوي ...لا اسمع صوت"
تنهدت بسمه بارتياح لانه الموقف عدى على خير... التفتت هند لهاوناظرتها نظرات كلها حقد ...
هند:"المره هذي ما قدرت اخرب عليك لكن الجايات اكثر اما قطعتك من امل ما اكون اناهند"

هند تغار من علاقة بسمه مع امل لان امل كانت صديقتها على انها اكبر منها و لما جت خلود عاشت عندهم ...طيب اخلاقها هو اللي حبب امل واهلها فيها...




##########################


كانت في الصاله مع امها واخوانها تنتظر بسمه اول ما سمعت الجرس راحت تركض عشان تتفتح الباب ....
رهف "شوي شوي لا تتكسرين"
امل وهي مستعجله:" يشين اللقافه"
اول ما فتحت الباب دخلت بسمه استغربت ان اللي فتح هي امل
بسمه:"انا عارفه انك تحبيني بس مهو لدرجة انك تتكرمين وتتفضلين علي وتتفتحين الباب بنفسك"
امل:"افا عليك كم بسمه عندي ...يالله اليوم وناسه بسمه في بيتنا يامرحبا يامرحبا"
بسمه:"ههههههههه اقول ماكني اليوم شايفتك في المدرسه.. خلينا بس ندخل ولا بتقعديني برى"
امل:"تفضلي ...لانا لوتاخرنا شوي نلقى جمهور المعجبين طالعين في الحر لعيونك"
دخلوا الصاله وفعلا كان الجميع ينتظرهم...
بسمه وهي مبتسمه::السلام عليكم"
بدريه:"وعليكم السلام هلا وغلا بسمه"
قربت بسمه منها وسلمت عليها:"اشلونك خالتي "
بدريه:" طيبه الله يسلمك"
قربت رهف من بسمه وسلمت عليها:"هلا برهوفه ...كيفك و كيف الدراسه معاك"
رهف:"الحمد لله كل شئ تمام"
مازن مسوي نفسه زعلان :"اللحين تسلمين على الكل وتنسين خطيبك اللي بيكون اهم شخص في حياتك"
بسمه:"هههههههههه ...لا تزعل بس تدري استحي من امك"
بدريه:"لا تستحين يازينها والله خطيبة ولدي اذا بتكون بسمه"
رهف:"اي خطيبه انت ووجهك ...قل ام خطيبتي لان بسمه اكيد بتتزوج وانت ما خلصت الابتدائي"
بسمه:"هههههههه ما عليك منها ...اذا انا وانت متفقين ماعلينا من الناس"
مازن: "وانتي الصادقه ...الا اقول رحوا اهل عمك ولا بعد"
خلود:"لا بعدهم ما راحوا"
مازن وهوطالع:"اجل يمه بروح عند عبد العزيز عنده اشرطة بلاي ستيشن جديده"
بدريه:"تعال....لا.."
كان يركض ماانتبه لامه اش كانت تقول...
بدريه:"الله يصلحك وانا امك...اقول امل ما اشوفك جبتي شي لضيفتنا"
امل وهي ماسكه يد بسمه:" بعدين يمه الحين بنطلع نذاكر خلي الشغاله تجيب العصير لغرفتي"
وهي تناظر اختها:"وياليت يمه ما احد يزعجنا"
بدريه:"هههههههه امحق مذاكره"
طلعت امل وبسمه لغرفة ...اول ما وصلوا رمت نفسها على السرير وجلست بسمه على كرسي مقابلتها...
بسمه:"يالله ياامل اليوم ضاع وجهي مع خالك كنت متاكده انه ما فيه رجال في بيتكم كنت ماخذه راحتي واضحك في التلفون"
امل:"هههههه ايه دخلت عليه وهو يقول الله يازين الضحكه"
استحت بسمه:"الله ياخذك وتقولين بعد"
امل:"ياعزيزتي انا مشكلتي الصراحه...المهم تصدقين انا خفت انه عمك ما يخليك يوم قلتي صوته معصب."
بسمه تبتسم بسخريه:" لا هو مستحيل وحطي مية خط تحت مستحيل انه يكسر كلام حرمته"
امل:"بصراحه ماادري اش مصبرك على هالوضع؟الوحيده اللي تطيعه ومع ذلك ماهو راحمك"
بسمه بمراره:"ما تدرين ... اللي مصبرني ياحلوه انه ما قدامي الا الصبر ولا من راح يوقف معي في وجه عمي"
امل:"اكيد فيه حل"

 

[بنوته كيوت]

بسمه:بعصبيه:" أي حل ...وهو ولي امري الوحيد...مالي الاخاله وحيده وحارمني منهاولو حاولت اعانده ...قولي على بسمه السلام...اصلا انا من غيرعناد ماني سالمه منه تذكرين الكدمه اللي كانت في وجهي من اسبوعين"
امل وهي تفكر:"ايه تذكرتها..بس انتي قلتي..."
قاطعتها بسمه:"قلت لكم طحت والصحيح انه هو رمى الريموت على وجهي ولو لقى غيره كان ما قصر والسبب...هدى طلبت فلوس تروح السوق...وهو مثل ما انتي عارفه يتعذب اذا احد جاب طاري الفلوس ما لقى احد يفرغ غضبه فيه غيري رمى الريموت على وجهي وقال انقلعي عن وجهي...يوم ارتاح شوي عطاها فلوس وراحت السوق وانا اخذت اللي فيه النصيب"
حست امل انه زودتها ...وحبت تلطف الجو شوي...
امل:"اسفه يابسمه ادري ان لساني طويل ويبي له قص...اشريك تقصينه"
بسمه:"هههههههه لا مشكوره خلي هالمهمه لغيري..الاما قلتي اشلونك مع الدراسه..لازم نشد حيلنا...ونجيب نسبه تساعدنا في
دخول الجامعه...( وهي تنهد) : ولو اني ما ادري يخلوني اكمل ولا يحرموني"
امل :"لا ان شاء الله نكمل بعض"
بسمه وهي تهز راسه:" ان شاء الله ...بكره بتروحون لاهلك"
امل:"ايه ان شاء الله"
بسمه:"تصدقين اشتقت لخالتي ...مستحيل هي تجي عقب ما طردتها مرة عمي"
فتحت رهف الباب...وطلت براسها:"ها... ما خلصتوا مذاكره"
قامت بسمه ومسكت بيدها وهي طالعه معها ابتسمت لامل اللي مقهوره من اختها
بسمه:"اكيد خلصنا"
##########################
-"اقول داوم خالد امس"
ابوخالد تنهد بعمق: "ايه..."
ام خالد :"اشوي ...ما بغى يداوم"
ابو خالد:"من اسبوعين توه امس يروح ما اقول الا حسبي الله عليهم "
ام خالد :"حرام عليك اختي وبنتها مالهم ذنب..هذا ابوها الله يهديه هواللي فسخ الخطبه "
ابو خالد بضيق:" الله يهدي الجميع ويعوض ولدي احسن منها"
ام خالد بأسف :"ما ضني فيه احسن منها ...لكن الله كريم"
ابو خالد بعصبيه:"ايه... استمري انتي وريم في ترديد هالكلام قدام خالد اللي فيه مكفيه"
ام خالد :"الله يهديك ياابوخالد فيه ام تكره تشوف ولدها متزوج وتشوف عياله انا بس اقول ننتظر يمكن عبير ماانخطبت"
قاطعها ابوخالد بعصبيه :"والله اذا انتي ترضينها علىولدك انا ماارضاها...من باعنا نبيعه لوهو من يكون....وبعدين نسيتي اللي صار في العنود بسبب ولد اختك"
ام خالد بضيق:"خالد وعبير مالهم في كل اللي صار"
ابو خالد بعصبيه:"اذا هم مالهم ذنب ليش ابو محمد يفسخ الخطبه..."
ام خالد:"ماادري عنه يمكن عصب على اخوك لما راح له البيت وحب ينتقم"
ابو خالد:"تدرين الحمد لله انها جت منه....لانه الحين مستحيل ارجع اخطب لولدي عنده"
ام خالد:"حرااااام عليك ياابو خالد تدري ان خالد يحب عبير"
ابو خالد:"أي حب واي خرابيط"
ام خالد:"لا تنسى انها كانت خطيبته "
ابو خالد:" اذا تزوج غيرها بينساها"
ام خالد:"ماراح يرضى يتزوج غيرها"
ابو خالد بعصبيه:"بيرضى انتي بس اطلعي منها"
ام خالد :"زين لا تعصب روحك"
ابو خالد:"انا ياام خالد مثل ماانتي شايفه ماقطعتك ولا بقطعك من اختك بس مالنا نصيب عندهم"
ام خالد حرمه طيبه وحنونه...عيالها بترتيب.. بدريه ساره وخالد واخر العنقود ريم…تحب خالد بجنون….وشصيتها ضعيفه وتتأثر بسرعه
واكثر من يقدر يأثر عليها… اختها ام محمداللي هي ام عبير
على رغم استغلال الاخيره لها...
ابوخالد رجل شخصيته قويه وله مكانته في المجتمع مكون مع اخوانه شركه ...
-صباح الخير على الحلوين
ابوخالد:صباح الورد على دلوعة ابوها ... تقرب من ابوه وتحبه على راسه
ام خالد :"غريبه ريم صاحيه من بدري يوم الخميس"
ريم :"ابد سلامتك بس البارح من الملل نايمه من بدري"
ابو خالد:"احسن وانا ابوك مامن السهر فايده"
ريم :"وانت صادق يبه الاوينه ولدكم المدلل العاده ما تفوته هالقعده الصبح"
خالد اللي كان توه داخل:" مدلل في عينك يالحسوده"
ريم :"لوطريت مليون كان احسن"
ام خالد :"لا ولدي اغلى من ملاين الدنيا"
خالد وهو يبتسم :" موتي قهر"
ريم :"اقول ماتحسون اني اصير صفر على الشمال اذا جا خالد"
ابو خالد:"هههههههههه انتي حبيبة ابوك ما يكفيك"
ريم الدلوعه في البيت حلوه ومغروره قدوتها في الحياه عبير بنت خالتهاعمرها 19 تدرس اولى جامعه مع عبير...
ريم وهي تبتسم لابوها :"اللي يكفيني ...الا متى بتجي بدريه وبناتها والله اني اشتقت لهم اسبوع ما شفناهم"
ام خالد :"بتجي الظهر"
ريم وهي تكلم امها:"عبير كلمتني اليوم وتقول بيجون اليوم في الليل"
تغيرت ملامح خالد من جا طاري عبير وانتبه له ابوه...
ابو خالد:"على فكره يام خالد نسيت اقولك اليوم انا وخالد رايحين المزرعه مع ابو فيصل وابو ناصر (اعمام خالد )وعيالهم"
استغرب خالد بس حس ان ابوه يبغى يبعده عن البيت عشان خالته بتجي...

ريم :"والله قهر يبه ياليت تاخذونا اشتقت للمزرعه"
ابو خالد:"مره ثانيه وانا ابوك "

%%%%%%%%%%%%%
الجزء الثاني



فتحت عينها من نومها المتقطع ...على صوت الظحك اللي تسمع برى غرفها كانوا بنات عمها وهم يظحكون مع امهم وابوهم....وتذكرت الايام الحلوه..ايام ما كانت هي دلوعة بيتهم...كانت طلباتها اوامر وتذكرت اخوها بندراللي كانت تختلف معاه على كل شي وكان يحب يعصبها باي طريقه وكانت لما تعصب تسمع ضحك ابوه ولما تسأله وهي زعلانه "ليش يبه تضحك؟؟"
يرد عليه" لانك حلوه حتى وانتي معصبه"..
تذكرت امها الحنون اللي كانت دوم تغمرها بنصائحها وكأنها كانت عارفه انها ماراح تكمل معاها مسيرة حياتها...
-"بسمه انتي تبكين"
ماحست لما دخل عبد العزيز...
بسمه وهي تمسح دموعها :"ها...لا بس عيوني ما ادري اش فيها... بغيت شي"
عبد العزيز:"امي قالت لي اناديك"
قامت بسرعه وراحت غسلت وجهها...ودخلت الصاله
بسمه:"هلا مرة عمي بغيتي شي"
ام عبد العزيز بعصبيه: "كل هذا نوم"
بسمه:" ما نمت البارح الامتأخره و...."
ام عبدالعزيز مقاطعه:" ايه ماعلينا ...اشلونها ام مازن"
بسمه :" تسلم عليك ...شفتها اول مادخلت وعقب انشغلت مع امل في الدروس اللي فاتتها "
رمي عمها الجريده اللي كان كان يقرها وقاطعها بعصبيه :"ليه ماتذاكرين لبنت عمك بدل مانتي مسويه نفسك مدرس خصوصي"
هند:"لا يبه واللي يعافيك انا مااحتاج هالاشكال"
ام عبد العزيز تواصل تحقيقها: "كان عندها احد من خواتها"
بسمه :"لا وانا عندهم ماشفت احد"
هدى :" ياكرهي لاختها ريم قمه في الغرور هي وبنت خالتها عبيردايم اشوفهم في الجامعه ...ما اقول الا مالت عليهم"
بسمه في خاطرها عندك وعندهم خير ...
ام عبد العزيز :" اقول قومي شوفي عبد العزيز ان كان طاع يذاكر..بدل ماانتي قاعد متنحه كذا"

##########################

 

[بنوته كيوت]

بعد الظهر وهي في بيت اهلها..جالسه مع امها وابوها دخل خالد ..
خالد :"عاد اليوم مااحد بيعطينا وجه بعد ماجات الغاليه"
بدريه :"هههههههه خل عنك الغيره انت داري انه ما احد بغلاك عند امي وابوي"
ابتسم وهو متجه لها:"ايه متأكد بس الواحد احيانا يحب يشوف غلاه"
بدريه :" ههههه تصدق انك طماع..... الا ما كن ساره تأخرت هي قالت لي بتجي الظهر"
ساره اختهم اللي اصغر من بدريه واكبرمن خالد متزوجه من ولد عمها ناصر من عشر سنين تأخرت في الحمل حملت بعد ست سنين وجابت توأم (زياد وريناد)عمرهم ثلاث سنين...
ام خالدوهي طالعه:" بتجي العصر لان في بيت عمك ضيوف على الغدا. حتى ابوك وخالد بيروحون"
بعد ماراحت ام خالد...
ابو خالد : اقول بدريه ماكلمتي خالد عن الموضوع اللي قلت لك عليه"
بدريه وهي تناظر خالد:"كلمته يبه وقال بيفكر"
ابو خالد :" الى متى بتضل تفكرياخالد"
خالد:"يابوي انا ابغى بنت خالتي"
ابوخالد:"ياولدي ابو محمد بعد ما فسخ الخطبه يبيني اروح له واترجاه بما انك ولدي الوحيد.... بعدين نسيت انها الحين مخطوبه و نسيت اللي سواه ولده في بنت عمك "
خالد:"مانسيت يبه بس ياخوفي ان العنود ومحمد يرجعون لبعض بعد ماانحرم انا من عبير"
ابو خالد:"اذا ترضى لابوك المذله مشينا اليوم العصر لابومحمد" "
خالد:"ما عاش من يذلك"
ابو خالد:"واذا تبغى شوري عند ابو محمد مالنا نصيب خلنا ندور لك بنت الحلال اللي تسعدك"
تنهدابو خالد:"ياخالد نفسي اشوف عياله قبل لا اموت"
بدريه:" الله يعطيك طولة العمر يبه وتفرح بعياله"
خالد:" الى هالدرجه مسبب لكم مأساه"
ابو خالد: "ياخالد انت ولدي الوحيد....فلا تستكثر علي اني افرح بك واشوف عيالك
خالد:يابوي ماادري اش اقول لك"
ابوخالد:"طلبتك ياولدي فرح قلبي الله يفرح قلبك"
خالد اتجه لابوه وحبه على راسه:"انت ما تطلب يبه انت تأمر....خلاص يابدريه ابدي مهمتك في البحث عن بنت الحلال"
بدريه:"يازينها من مهمه ياخوي"
ام خالد وهي داخله وما سمعت وش يدور:"اقول ما كنكم تأخرتوا"
خالد: وهو يتجهز لطلعه هو وابوه ويحاول يظهر انه طبيعي:"هذا احنا طالعين بس تعرفين ابو خالد لما يشوف بدريه يبدون في المؤامرات"
بدريه:"ههههههه الله يسامحك مقبوله منك"

طلع خالد وابوه..والتفتت بدريه على امها
بدريه:"سمعت انه خالتي بتجي اليوم ...اسمحي لي يمه احس المفروض انها تقلل زياراتها اواقل شي ماتجيب عبير"
ام خالد :"عيب عليك يابدريه هذي اختي مهما صار واذا جات عبير اللي يسمعك يقول انها ما تغطلى عن خالد"
بدريه :"حتى ولو ...احساسه انها في البيت يزيد المواجع...على فكره يمه ابشرك خالد وافق ندوره بنت الحلال يالله شدي حيلك"
ام خالد :"الله يوفقه ...فرحانه لولدي وكانت فرحتي بتكمل لو "
بدريه :"يمه الله يهديك كل واحد ياخذ نصيبه..."
ام خالد : "وانتي صادقه...انتي دوري لاخوك وما اوصيك"
بدريه :" لا توصين حريص يمه"


$$$$$$$$$$$$$$$$$$$$$$$$$$


كانت قاعده في الصاله تتفرج على التلفزيون...دخلت مرة عمها وشافتها مرة عمها
وضايقها انها قاعده مرتاحه....
ام عبد العزيز :"اقول انتي قومي ساعدي الشغاله في الغدا"
بسمه وهي طالعه : "ان شاء الله"
وهي طالعه كانوا بنات عمها نزلين الصاله...
هند :"احسن انها طلعت يكرهي لها"
ام عبد العزيز وهي تبتسم :"لا وابشرك قريب بتذلف من هاالبيت"
التفتوا ثنتينهم لامهم...
هدى :"اشلون بتذلف؟؟"
ام عبد العزيز :"انخطبت امس من واحد"
هدى قاطعت امها وهي تحس بالغيره :" ومن هو هالمنحوس اللي خطبها"
ام عبد العزيز وهي تضحك :"هالمنحوس اكبر من ابوك ومتزوج ثنتين"
هند :" اكيد غني "
ام عبد العزيز :"هو غني غني بس بخيييييييييييييل"
هدى : "هههههههههه احسن خليها تذلف عنا "
اللي ما يدرون عنه ان بسمه كانت راجعه تسأل مرة عمها متي يبون الغد وسمعت كل شي ..............

##############################

في المغرب في بيت ابوخالد كانوا قاعدين في الصاله...
ام محمد وهي توجه كلامها لبدريه :"وينك يابنيتي قطعتينا مانشوفك"
بدريه :"تدرين بعد ياخالتي ..مشاغل البيت والعيال"
ام محمد :" هذي ساره حتى بعد التوم وتسأل وتزور"
عبير:"حتى المناسبات ماتحضرينها
بدريه :"عاد المناسبات ماافضى لها... تصدقين عساني بس اقدر احضر خطوبة خالد"
كل الانظار اتجهت لعبير عشان يعرفون ردة فعلها...اللي بان عليها هي وامها الصدمه الشديده...
ام محمد : "اشوف يام خالد خطبتوا لخالد وما قلتي "
ام خالد :"لا والله ياوخيتي ما صار شي توه هو وافق وطلب من بدريه تدور له"
عبير وهي تحاول تبان طبيعيه : "اش معنى بدريه؟؟"
بدريه تبي تقهرها:"والله عاد اخوي يثق في ذوقي ..الا ياخالتي متى خطوبة عبير"
ام محمد بضيق :" ما تحدد للحين...الا انتي فيه احد في بالك؟؟"
بدريه :" بصرااحه لا "
ساره وريم على الرغم من حبهم لاخوهم مستحيل يرشحون احد للزواج من اخوهم...
من حبهم لعبير وكانوا متأملين عودتهم لبعض ....


###############################

كانت في غرفتها ...ماكان لها نفس في الاكل ...وكيف يكون لها نفس عقب ما سمعت كل شي ...يالله كنت صابره على عمي واهله ومتحمله الطق والاهانات على امل الله يرزقني باابن الحلال يريحني من كل هذا ..آه من عمي اللي يبي يرميني هالرميه...
حطت راسها على المخده ومو قادره تتحكم في دموعها ....... سمعت صوت آذان صلاة العصر رددت الاذان مع المؤذن وقامت تتوضا وتصلي وتدعي ربها ...يفرج كربتها....
##########################

دخلت البيت وهي معصبه ورمت عباتها وشنطتها على الكنبه.....
-"شفتي يمه خالد بيخطب"
ام محمد :"يابنتي استهدي بالله ما ظني خالد يسويها"
عبير :"بموت يمه لو خالد يتزوج"
ام محمد:"انتي الغلطانه لو ما طاوعتي ابوك ماكان فسخ الخطبه"
عبير:"ابوي بغى يذل ابوه وعمه وكنت متاكده ان خالدمستحيل يتخلى عني بهالسهوله"
ام محمد:"اذا كان خالد يحبك مره فهو يدور رضى ابوه الف مره"
عبير:"لا مستحيل......خالد يكون لغيري"
ام عبير:"هو اكيد ماوافق الا لما قالوا له انك مخطوبه"
عبير:"اي خطبه المفروض انه هو اول واحد يدري اني مستحبل اوافق على غيره"
ام عبير:"اش يدريه واحنا قلنا لهم انك انخطبتي"
عبيروهي معصبه:"كل اللي صار بسبب محمد"
قاطعتا امها بعصبيه :عبير كل شي صااار برضاك وما احد غصبك...انا الحين شايله هم اخوك اللي اختفى من بعد ماطلق مرته"
عبير:"انتي تدرين انه مسافر وكل شوي يتصل زميله يطمنا عليه"
ام محمد:"بس هو ليش مايتصل"
عبير بلامباله:"ماادري عنه "

ام محمد هي اخت ام خالد الكبيره عيالها هم محمد وعمره 33سنه يشتغل في شركة ابوه....كان متزوج العنود بنت عم خالد ....وعبيروعمرها20سنه....عبيرفائقة الجمال وتبهر الكل....قمه في الغرور والتكبر وانانيه ماتهتم الافي نفسها....


يتبع.....

###############################-
الجزء الثالث

 

[بنوته كيوت]

&&&&&&&&&&&&&&&&&&&&&&&&
-مبروك مدااام انتي حامل..
انصدمت وهي تسمع الممرضه وجلست على الكرسي.....يالله انا ناقصني الحمل الحين...حست بيد حانيه على كتفها....
-"العنود اشفيك يمه اكلمك ماتردين..."
العنودوهي تصيح:"ما سمعتي يمه اش قالت الممرضه..."
ام فيصل:"سمعتها يابنيتي....والحمد لله اللي يجي من الله زين...."
العنود:"كنت شياله هم نايف ونواف والحين ادري ان فيه واحد ثالث في الطريق..."
ام فيصل:"اللي بيعيشهم بيعيشه وانا امك..."
العنود:"صعب يمه يعيشون بعاد عن ابوهم....."
ام فيصل:ا"بوهم الله يسامحه"
العنود في خاطرها الله يسامحك يامحمد عقب كل السنين اللي عشتهم معك ضيعت نفسك وضيعتنا معاك...



**********************************************



اشرايك صح اللي ناويه اسويه ولا غلط...
عبد الله : "والله يابدريه ما ادري ....بس انتي موقفك صعب ....اخاف بدل ما تكحلينها تعمينها للأثنين..."
بدريه :" ياعبد الله بالنسبه لخالد عندي مطلق الحريه للاختيار وصدقني لو ما قلبه مشغول مستحيل كان يلاقي احسن من بسمه وابوي مستحيل يخطب عبيرلخالد مره ثانيه....اما بسمه ياتتزوج هالشايب اللي جابه لها عمها او خالد اللي بيكون مناسب لها من كل النواحي الا الحب الاول اللي مع الايام يقدر ينساه....وبعدين في خالد ميزه ثانيه
ان عمها مستحيل يرفضه ..".
عبد الله:"بس لا تنسين يابدريه ان بسمه من عايله بسيطه ويمكن هالشي يفرق مع اهلك.."
بدريه:"اهلي وخصوصا ابوي اهم شي تكون من اصل طيب..."
عبد الله:"فيه مشكله ثانيه البنت اكيد منكسره واتوقع تكون شخصيتها ضعيفه واخوك الافضل له وحده لها شخصيتها و..."
قاطعته بدريه وهي تفكر:"تصدق بسمه على رغم حياتها لما اشوفها في المدرسه وفي حفلة نهاية السنه استغرب كان الكل يعجب بقوة شخصيتها وحسن القائها بنت محبوبه من الجميع..."
عبد الله:"موغريبه تكون كذا وانتي ادرى بحياتها عند عمها.."
بدريه: "بس لا تنسى انها عاشت في بيت ابوها الله يرحمه حياه كريمه ويمكن هذا اللي معطيها القوه اللي تظهر بها احيانا"
عب الله:"بس ماتخافين اخوك يحطم هالقوه الباقيه عندها.."
بدريه:"وهذا اللي مخليني متردده"
عبد الله : "انا اقول اذا كنتي واثقه من اخوك ماراح يرفض ...شاوري البنت وشوفي ردها..."
بدريه وهي تفكر :" لازم ادور طريقه اخليها تجي بيتنا حتى اشاورها...."
عبد الله:"بس لا تخبين أي شي خصوصا انه كان خاطب ..."

******************************




*************************************

ام عبد العزيز وهي تكلم زوجها :"اليوم بنروحالعصر بيت ابو مازن بيجون اهلها وعزمتنا ..."
ابو عبد العزيزبعد اهتمام : "الباب يفوت جمل ..."
هند : "يمه كلنا بنروح ..."
ام عبد العزيز : "لان بدريه مأكده علي تجون"
هند : "بس بسمه خليها تنثبر يمه في البيت ..."
ام عبد العزيز بحزم :"لا بتروح ...اش بيقولون اذا تركنها في البيت ...."
ام عبد العزيز يهمها كلام الناس وتحب تظهر قدامهم انها حنونه على بسمه ...

 

[بنوته كيوت]

-"أقول صدق الأخبار الحلوةاللي سمعناها ..."
خالد بضيق : "لا تقول الخطوبه.... هم ما صدقوا قلت إيه..... ونشروا الاخبار تصدق أنت الثاني اللي تسألني اليوم .."
فهد :"من الاول اللي سألك ..."
خالد بارتباك: "واحد من الشباب ...بس أنتمن قال لك ؟؟"
فهد : "اللي يسمعك يقول أني غريب ما كني ولد عمك ...بعدين إذا أنتماقلت لي أخبارك لازم أنا أدورها من مصادر موثوقه بس اللي ما عرفته تعيسة الحظ أقصدسعيدة الحظ من تكون؟"
خالد :"تعيسه في عينك ..."
فهد : "ما قلت من المزيونه .."
خالد :" أقول أحترم نفسك لا تقعد تتغزل في حرمتي اللي ما أدري للحين من هي ..."
فهد : "ههههه إيه أكيد قاعدين يدورن لك عروسه بمواصفات خاااصه .."
خالد:"أي مواصفات خاصه ...عقبها ما أحد يملى العين ..."
فهد :"أقول خل عنك الحبالأول وخرابيطه وعيش حياتك ..."
خالد : "وأنت يالحبيب متى بتعيش حياتك ..."
فهد وهو سرحان : "قريب إن شاء الله...خالد بغيت أقول لك شي بسمتردد..."
خالد:"وليش تتردد من متى هالأدب ما شاء الله"
فهد:"بصراحه العنودمتلومه فيك وتقول أكيد أهي السبب في كل اللي صار..."
خالد:"لا العنود مالها دخلوبعدين أبو محمد هو اللي فسخ الخطبه وأبوي زعل وتعرف الوالد إذازعل..."
فهد:"ياأخي ما تدري يمكن في الأمر خيره..."
خالد:" يمكن....لاأشلونها العنود عقب ما طلقها محمد..."
فهد يتنهد:" حالتها حاله...سبحان الله عقبسنين من الحب والعشرة الطيبة يتغير عليها..."
خالد:"تصدق حتى أنا أحس محمد لهفتره متغير بس ما أدري أش السبب..."

فهد هو ولد عم خالد الكبير (عبد الرحمن(عياله هم فيصل 38سنه متزوج
العنود 34سنه واخيرا فهد عمره 28سنه
فهد يعتبرهو صديق فيصل الروح بالروح وأقرب عيال عمهله...

كانواقاعدين في بيت بدرية الحريم سوااالف وضحك والبنات الجو متكهرب بينهم ...
بسببالغرور اللي في ريم اللي تحس أنه قاعده مع ناس مو من مستواها....
أما أمل وبسمةكانوا منبسطين مع بعض رغم الحزن اللي تحاول تخفيه بسمة في قلبها...
أم عبدالعزيز : "كيف الجامعة معك ياريم ..."
ريم بعدم أهتمام : "ماشي الحال ....ياللهملل في بيتك يابدرية ...لو مجتمعين في بيتنا ماكان حسيت بملل...."
بسمة : "لوكان في بيتكم ماكان شفناكم ..."
ريم :" وهذ هو المطلوب...."
أستحت بسمه ونزلت رأسها... بنات عمه أنبسطوا على رد ريم ..أنقهرت أمل منخالتها : "والله أحنا ماتحلى لنا القعده إلا في بيتنا ( وهي تنا ظربسمة ) ولا تحلىإلا مع حبايبنا"
رهف :" وبعدين لو سمحتي لا تغلطين على بسمة"
بسمةحبت تلطفالجو: "أشلونك مع التؤام ياساره"
ساره :"متعبين (وهي تبتسم ) بس يازينه منتعب"
بسمة :"ياحلوهم ...بالذات ريناد تجنن أموت فيها "
ساره : "إيه أكيدطالعه قمر على أمها"
ريم : "إلا قولي طالعه على خالتها ريم "

أم خالد:"أشلون سحر ياأم عبد العزيز ماجاتكم قريب من جده "
أم عبد العزيز : "طيبه اللهيسلمك بتجي عقب الامتحانات"
أم خالد : "إيه هانت مابقى إلاشهرين ...سلمي عليهاإذا اتصلت "
أم عبد العزيز : "الله يسلمك"
بدرية :"عن أذنكم يمه أنتي وأم عبدالعزيز أنا بروح المطبخ ...(التفتت على البنات) ...أحد يقوم يساعدني .."
ما حبتتحدد أحد وتمنت اللي في بالها يصير ..
بسمة (وهي قايمة )"أنا بروح معك .."
رهف : "حتى أنا يمه بساعدك"
بدرية : "أنتي أطلعي شوفي أخوك محمد إذا صحىمن النوم ...بدلي ملابسه ونزليه ..."
رهف بضيق :" إن شاء الله يمه .."
بعد ماطلعوا من الصاله مسكت يد بسمه ودخلتها غرفة المكتب وسكرتالبااااب....

-"تدريناليوم أنك بغيتي تفضحيني قدام ريم ..."
مشاعل : "عاد أنتي ليش تخبين عنها .."
عبير :" يعنى ما تدرين ...هذي لو درت أكيد بتقول لأخوها ....ولو درى خالد أنسي أنه يفكر يتزوجني في يوم من الأيام..."
مشاعل : "للحين ما فقدتيالأمل..."
عبير : "ولا بفقده ...حتى لوخطب ...ما رح يتزوج إلا أنا ... عشان كذاكوني حذره قدام ريم ..."
مشاعل:"طيب واللي يخلي ريم تكلمشباب"
عبير:"مستحييييييل"
مشاعل :"وليش مستحيل.."
عبير:"أحنا صحيح بناتخالات بس حياتي غير عن حياتها..."
مشاعل:"مشاء الله شرح وافي عزيزتي..... فهمتالحين.."
عبير:"هههههه يعني أنا عادي أطلع متى مابغيت أكلم ولا أحد يسأل منتكلمين بس هي مستحيل تطلع إلامع أمها أو خالد أو وحده من خواتها..."
مشاعل:"مالتعليك وتبغين تتركين هالحريه وتتزوجين واحد متشدد..."
عبير:"ياحبيبتي بيدي أخليهيتغير"
مشاعل:"مشكله الثقه الزايده...الحين خليه يرجع يخطبك مره ثانيه وعقبغيريه على كيفك..."
عبير:"بيخطبني مره ثانيه وبيكون لي ومستحيل أخلي وحد ثانيهتتهنى فيه(وهي تتنهد)...بس تصدقين اليوم كلمته وما عطانيوجه"
مشاعل:"معقووووله"
عبير:"بس أعرف خالد من متى يحبني ولا كلمني إلا يومماخطبني مسوي فيها شريف وما يرضى علي إلا مايرضاه على خواته"
مشاعل :"طلعنا عنموضوعنا المهم طيب واللي يخلي ريم تكلم شباب..."
عبير : "ياشيخه روحي ...هالشيمستحيل يصير"
...مشاعل وهي تفكر :" صدقيني مو مستحيل والايام بيننا ..."
*******************************************
-"وهذا هوالموضوع اللي بغيت أعرف رايك فيه ...."
بسمة وهي متفاجأه: "والله ما ادري بسأنتي علشان تنقذيني من هالشايب... تعرضين علي الزواج من أخوك..."
بدرية: "يابسمهأنا ماراح ألاقي أحسن منك زوجه لأخوي وبعدين أنا فهمتك وضعه كيف....هو كان خاطب بنتخالتي بس زواجه منها صار مستحيل.."
بسمة:"أكيد هو قلبه لازال متعلقفيها..."
بدرية:"أنا ما أقدر أكذب عليك وأقول لا...بس خالد بتزوج سواء كنتي أنتيأوغيرك
وصدقيني مستحيل أحصل لخالد أحسن منك..."
بسمة:"خايفه يابدريةبموافقتي أظلمه معي..."
بدرية:"ما أقدر أأثر على قرارك بس تأكدي أن خالد ماوافقإلا لما صار عنده قبول لفكرة الزواج "
بسمة:"طيب بنت خالتك اللي تحبه أحسحراااام يصير فيها كذا"
بدرية:"عبير بنت ماتفكر إلافي نفسها وحبها لخالد لأنهالأفضل ولوكان لقت أفضل من منه كان بسهوله تخلت عنه"
بسمة:" ما أدري أحس أني فيدوامه ماني قادرة أفكر..."
بدرية:"خذي وقتك....أنا ماأطلب ردك الحين أنتياستخيري ربك واللي مرتاحه عليه سويه ولما توصلين لقرار قولي لي وصدقيني غلاك ما راحينقص لوكان جوابك الرفض...."
وهي سرحانه: إن شاء الله يصير خير ..."

بعدما طلعت أم عبد العزيز وبناتها وبسمة ...
التفتت أم خالد لبنتها:"أنتي متىبتتركين هالغرور والتكبر عنك ..."
ريم: "أنا ما سويت شي عاملتهم عادي وبعدين أناما أحبهم ليش أنافقهم ..."
ساره: "مو نفاق أنك تعاملين الناس بأدب وأحترام حتىلو ما حبيتهم..."
ريم: "ما أقدر وبالذات هالبسمة اللي ماحبيتها ما أدري ليش ..."
أمل: "أكيد غيرانه لأنها أحلى منك..."

ريم: "ما عنك ذوق ياعزيزتي إذا بسمة أحلى مني ..."
رهف: "أنا أحبك ياخالتي بس حبي لك ما يمنع أقولك الحقيقه المرة...بسمةأحلىمنك بكثير...."
ساره: "ههههههههههه تستاهلين لا تسبين بسمة في هالبيت ولابيطلعونك برى .."
بدرية:أنتي يمه اشرايك في بسمة"
ام خالد:"ماشاء الله عليهبنت تنحب..."
أرتاحت بدرية لما سمعت رد أمها ...


قاعدةفي غرفتها....بعد ما صلت ركعتين الاستخاره...وتتحسب على عمها اللي حطها في هالموقفالصعب اليوم .مر أسبوع بعد ماكلمتها بدرية وهي مهي قادرة تتخذ قرار
كان خالدمناسب لها لو ماكانت تعرف أنه خاطب قبلها وفسخ الخطبه صار غصب عنه.
تنبهت علىصوت عمها يناديها بصوت عالي ...
راحت تركض وهي في خاطرها الله يستر ...
أبوعبد العزيز : "ساعه لين تردين ..."
بسمة:" ما سمعتك عمي ...تآمر شي..."
أبوعبد العزيز : "اليوم عندي ضيوف على العشاء ...أدخلي المطبخ وساعدي الشغالة أبغىعشاء يبيض الوجه..."
وهو طالع: "سامعه ......."

هيأقرب أخونها لها كان يناظرها ويشوف الارهاق والتعب مبين في وجهها والدموع فيعيونهابعد مادرت بحملها......
فهد:"العنود الله يهديك هذا شي من ربك وحرامتعترضين"
العنودوهي تتنهد من الاعماق :"أستغفر الله...بس لا تلومنيياخوي..."
حط يده على كتفها:"ما ألومك بس ترى الصبر يمدحونه..."
مسحت العنوددموعها :"فهد بغيت أسألك سؤال بس مترددة..."
فهد:"أدري وش سؤالك....سألت عنهوما أحد يدري وينه...."
العنود:"الله لا يحرمني منك ما أحد يفهمنيغيرك.."
فهد:"إيه هذا أنا الله يسلمك ذكي بالفطرة"
العنود:"ذكيبالفطرة...واللي كان ياخذ السنه بسنتين..."
فهد:"لازم يعني من الاحراااااجوبعدين أنا كنت أخذ خبرة في الدراسه...
العنود:هههههه "

 

[بنوته كيوت]

وهيفي المطبخ وتحاول قدر الامكان يكون كل شئ تمام ....ومن الاستعجال حطت إبريق الشاهيعلى رف المطبخ اللي كان مزحوم أغراض ....ومال الإبريق بيطيح حاولت تمنع سقوطه بيدهابس لما حست يدها إحترقت ما قدرت تتحمل فكت الشاهي وطاح على الارض ... كان عمها جايياخذ الشاهي لما سمع الصوت ...
شافها وهي جالسه وماسكه يدها وتبكي ....مسكها منشعرها وجرها بقسوه إلين وقفت على رجلينها ....
أبو عبد العزيز : "أنتي أش سويتي ..."
بسمة ودموعها في عينها : "عمي طاح الشاهي على الارض وإحترقت يدي ..."
أبو عبد العزيز :" ليتك كلك إحترقتي ..."
وعطاها كف على وجهها من قوتهطلع دم من طرف فمها ...
أبو عبد العزيز وهو طالع: "كملي شغلك ... ولا تطلعينإلين تخلصين ..."
نست الالم اللي في يدها وألم الكف لأن الألم اللي في قلبها غطىعلى كل ألم ...
الشغالة والشفقة ظاهره في عيونها : "بسمه أنتا في تأبان روووهارتاه ..."
ما قدرت ترد عليها إلا بهزه من راسها وقالت في خاطرها أنتي رحمتينيوعمي اللي من لحمي ودمي ماأشوف منه إلا كل قسوة....
وراحت تكمل شغلها ....عقبالعشاء ما طلعت إلين خلص كل شي ...
أول ما طلعت كان الهدوء مخيم على البيت لأنالجميع فوق ......
وطاح نظرها على التلفون ....اللي كانت تدوره ....دقت الرقمويدها ترتجف ...وما أهتمت إذا الوقت متأخر ...
- "ألو......."
ارتاحت اول ماسمعت صوتها ....
بسمة :"هلا بدرية..
كانت تنتظرها في المدرسة على أحر منالجمر ...تفاجأت يوم شافت يدها ملفوفه ...
أمل : "سلامات عسى ماشر..."
سكتتلما قربت منها انتبهت للاحمرار اللي على خدها اليسار..
حطت يدها على وجه بسمهولفته علشان تشوف خدها بوضوح ...
بسمة بسخرية : "طحت كالعادة ..."
أمل :"حسبي الله عليه الظالم اللي ما يخاف ربه ...........عشان كذا اتصلتي البارح صح ..."
بسمة :"لا ....أنا استخرت ...وبعدين اللي صار كمل الناقص ..."
أمل وهيتمسك يدها : "هذي حياه طول العمر لازم تكون الموافقة بأقتناع ..."
بسمة: "أذا ماوافقت على خالك بتزوج غيره من غير ما يسألوني حتى رأيي ...
(وهي تبتسمبمرارة)وبعدين أنتي ما تبيني أصير مرة خالك ...."
أمل : "أكيد أبيك تصيرين ...."
بسمة:"خلاص لا تخليني أهون..."
أمل:"لا... حرااام عليكتهونين..."
بسمة وهي تفكر:" تتوقعين عمي يوافق...."
أمل:" أكيدبيوافق...."
بسمة:"واش اللي يخليك متاكدة كذا..."
امل:"لأن عمك... وأسمحي ليعلى هالكلمة...طمااااااع وزواجك من خالي فرصة مستحيل تتكرر مرهثانية..."
بسمة:"عمي ما أحد يقدر يتوقع ردود أفعاله..."
أمل:"لا إن شاء اللهيوافق..."
بسمة:"تدرين ليش وافقت..."
أمل:"ههههه لأنك حبيتي خالي اللي عمركماشفتيه..."
بسمة تبتسم بمراره:"لا مهو هذا السبب ...أنا زي الغريق والامواجتلعبي...وحلصت واحد يسبح بجنبي أقدر أتعلق فيه وممكن ينقذني....بس أخاف أغرق وأغرقهمعاي..."
أمل:"لا تخافين خالي سباح مااااهر..."
بسمة:"ههههه فظيعه أنتي أشلونتحولين الجد للهزل ما أدري..."
أمل:"هذا سر المهنه....ما أقدر أعلمككيف..."
بسمة:"مشكوووورة ما أبغى أعرف كيف..."
سمعوا الجرس وتجهزوا بيدخلونالفتت على صديقتها ...
أمل : "صدقيني ماراح تندمين على هالقرار ..."
بسمة: "إن شاء الله ......."
وهي في خاطرها عساني ما استعجلت وغلطت غلطتعمري....

كانت قاعده مع أهلها في الصالهوعقلها مو معاها...
فهد:"أكلمك وين رحتي."
العنود:"ها...ماسمعتك..."
فيصل: "بعذرها ماتسمع وهي اللي شافته من هالحيوان شويه.."
حز فيخاطرها أنه يسب محمد...وانتبه فهد لها وضايقه كلام فيصل...
فهد:"يا أخي لا تنسىأن عياله ممكن يدخلون في أي وقت..فماله داعي يسمعون هالكلام..."
فيصل:"خلهميعرفون أبوهم على حقيقته..."
فهد:"تراه أبوهم مهما صار..."
فيصل:"ياليتنيأشوفه النذل..."
فهد:"ياأخي ما عليك منه...."
فيصل بعصبيه :"أشلون ما علي منهأهان أختي وتقول ماعلي منه..."
ماقدرت العنود تسمع أكثر من كذا وقامتغرفتها...
فهد:"أرتحت الحين نكدت عليها..."
فيصل:"أنا ما قلت شيغلط..."
أبو فيصل واللي كان طول الوقت ساكت:"إلا قلت أشياء غلط موشيواحد..."
فيصل:"بس يبه..."
أبو فيصل:"أنا كنت ساكت أحتري تسكت من نفسك "
فيصل:"أعتقد عقب اللي سواه ما ظني تهتم فيه.."
أبو فيصل:"شوف أنت وياه مناليوم ورايح محمد مايجي طاريه في هالبيت لابالخير ولا بالشر هوصفحه وأنطوت منحياتنا...."
أبو فيصل أكبر أخوانه....وكان الكل مايرد كلامه ...رجل حكيم وقليلكلام لكن إذا تكلم وقال رايه الكل يسمع لانه غالبا رايه هو الصح...

 

[بنوته كيوت]

في الليلوعقب ما أكدت لها أمل موافقة بسمة ....اتصلت في خالد ...
خالد : "هلا وغلا ...باحلى بدرية ..."
بدرية : "ههههههههههه هلا خلودي ..."
خالد :"أي خلوديهذا الظاهر أختي غلطانه في الرقم ..."
بدرية :" ههههههههه أسفه قصدي خالد ....وينك الحين أنت ...."
خالد : "في أرض الله الواسعه ...ليه بغيتي شي ..."
بدرية :"إيه ...أبوي عندي ونبيك تمرنا ...."
خالد : "أبوي عندك ...اللهيكافينا شر مؤمراتكم ...أوكيه ربع ساعه وأنا عندكم ..."
بدرية : "ننتظرك ..."
أول ماسكرت التفتت لأبوها : "يقول ربع ساعه وهو عندنا ..."
أبو خالد وهويفكر : "أنتي لما بلغتيني عن موافقة البنت حبيت أكلمه في بيتك وما أبي أمك تدريإلاعقب ماينتهي الموضوع لأن أمك إذا درت أكيد خالتك بتدري وأنا ما أبيهم يدرون الحين ..."
بدرية : "وإذا دروا..."
أبو خالد:"أنا بقولك كلام ما أقدر أقولهلغيرك.."
بدرية:"تفضل يبه..."
أبوخالد: "أنا من أول ما أبغى خالد يتزوج عبيروالمرة الأولى خطبتها له عشان خاطره....
بدرية:غريبه يبه ليش ماتبيهيتزوجها..."
أبو خالد:"ما أدري ليش يمكن لأني أخاف أخسر ولديبسبتها..."
بدرية:"ما فهمت يبه"
ابو خالد:"يعني عبير بنت دلوعه وأخوك مجنونبحبها من الحين أشلون عقب..."
بدرية:"هههههه طيب أش يدريك يمكن حتى بسمة يصيرمجنون بحبها..."
أبو خالد:"شفتي ما فهمتيني..."
بدرية:"اللي فهمته وأعذرنيعلى هالكلمه كأنك تغار على خالد..."
أبوخالد:"تصدقين ندمت أني قلتلك..."
بدرية:"ههههه ليه يبه..."
أبو خالد:'ما أدري أشلونأفهمك.."
بدرية:"ماعليه حاول يبه..."
أبو خالد:'أنا يابنتي ماعندي إعتراض أنخالد يحب اللي بتكون زوجته ولو غير أن مثل ما تقولين ماكنت اضغط عليه يتزوج...بس أناعبير بنت خالتك هي اللي معترض عليها..."
بدرية:"شفت عليها شي..."
أبو خالد:" حرااام أظلمه بس عبير نسخه مصغره عن أمها....وما أنسى أمها أشلون فرقت بين أبو محمدوأهله على أن أهله هم خوالها وهذا اللي أخاف منه...."
بدرية تبتسم بحنانلأبوها:'خالد يبه غير ومستحيل في حرمه تغيره على أهله وإن شاء الله تكون بسمة مننصيبه..."

سمعتاحد يطق باب غرفتها ....استغربت لأن ماحد في هالبيت يطق العاده يصارخون عليها إلينتسمعهم أو يفتحونه فجأه عليها ...
طلت عليها برأسها ...
-"أش رأيك فيهالمفاجأه ..."
ضحكت وراحت تركض لبنت عمها وحضنتها بقوة ...
بسمة : "مانيمصدقه عيوني ...اشتقت لك والله ياسحر ..."
سحر : "أنا أكثر أشلونك .."
بسمة : "الحمد لله... متى جيتي ..."
سحر : "توني واصله وما قلت للجميع حبيت أسويهامفاجأه..."
سكتت لما شافت يدها ووجهها ...وتنهدت :" أبوي صح .."
نزلت بسمةرأسها ولا ردت :"الله يسامحه ...تكفين بسمه سامحيه هوبس عصبي شوي ..."
بسمة :" الله يسامح الجميع ...بس قالوا منتي جايه إلاعقب الامتحانات..."
سحر:"هذا اللهيسلمك عند ابراهيم انتداب 4شهور يعني بقعد على قلوبكم الينتملون......"
بسمة:"بالعكس أنتي القعدة معكماتنمل..."






- "ها ... اشرايك فيالموضوع ..."
خالد بسخرية: "خلاص أنتي كلمتي البنت يعني مالي راي ..."
بدريةبعصبية : "ليش تقول كذا أنت اللي قلت لي أدورك ... وأنا لما حسيت أنها ممكن تطيرقلت أكلمها أول وأشوف .."
خالد في خاطره ليتها طارت : "أشفيك عصبتي أمزح معاك ...بعدين سوي اللي تبيونه ..."
أبوخالد : "خلاص أنا الحين أكلم أعمامك ونرحلعمها عقب العشاء ..."
خالد وهو متفاجأ : "اليوم يبه ..."
أبو خالد :" إيهاليوم ...خير البر عاجله ..."
خالد :"لا أشوف نأحل الموضوع شوي نخليه الأسبوعالجاي .."
أبو خالد : "أش الفرق بين اليوم والأسبوع الجاي ..."
خالد :" مافيهفرق بس ...."
سكت لما شاف أبوه رافع الجوال بيكلم أخوانه ...ولسان حاله يقولأسكت ......
تضايق مادرى أن الموضوع بيصير بهالسرعه ...قال أكيد أنه يبيلهم شهوروهم يدورون مادرى أنها جاهزه....حقد على بسمة اللي طلعت في طريقه فجأه ...

دخلعلى مرته اللي قاعه مع بناتها ..

أبو عبد العزيز :لقيت أبو مازن في المسجد وقال بيمرعلي هو وعمهأبو خالد .....
أم عبد العزيز : غريبه أش سبب هالزيارة ...
عبد العزيز : يبهأبو مازن جا معة رجال دخلتهم المجلس ...
استغرب أبوعبد العزيز أول ما دخل وشافأبو مازن ومعه أبو وأعمام مرته وأخوها خالد ...
-حيا الله منجانا...............


وهي تكلمها في التلفون ...
-"أقول ريم أنا عندي مشكله وأتمنى تساعديني فيها...."
ريم :" أكيدبساعدك ...بس اأش مشكلتك ...."
مشاعل : "هذا الله يسلمك سعود اللي أكلمه يحبنيوأنا بعد احبه وقرريخطبني بس أنا خايفه انه يكلم غيري ...."
ريم :"هههههههههانقلبت الأيه بدل ماهو يتأكد أنتي اللي تبين تتأكدين..."
مشاعل : "نفسي أعرف هوصادق ولا كذاب ..."
ريم : "والمطلوب ..."
مشاعل : "المطلوب ياعزيزتي أبعطيكرقمه وأبيك تكلمينه و..."
ريم مقاطعه : "آسفه ما أقدر ..."
مشاعل :"أخدمينيهالخدمه ..."
ريم : "والله ما أقدر في حياتي ماكلمت رجال غريب ..."
مشاعل : "هي مكالمه وحده بس ..."
ريم :" ما أقدر ........"
مشاعل مقاطعه : "أنتي فكريزين ولا تحملين الموضوع أكثر مما يستحق ..."
ريم : "خلاص أرد عليك بعدين ..."
مشاعل :" أنتظر ردك ..."

 

[بنوته كيوت]

كانفرحان من اللي قاعد يسمعه الحين وتمنى أن اللي يخطبونها هي وحده من بناته
وانصدم لما درى أنهم يخطبون بسمة وحاول يداري صدمته ومايبينها لهم....
كانالمتكلم هو أبو فيصل بحكم أنه هو الكبير ....
أبو فيصل : "وأنت شاور أهلك وردعلينا ...."
أبو عبد العزيز : "أنا ماعندي مانع ....وبشاور الأهل وإن شاء اللهمايصير إلاكل خير..."
أبو خالد : "ننتظر ردك يا أبو عبد العزيز بس لا تطول ..."
كان خالد أنه في عالم ثاني وندم أنه وافق ما توقع كل شي يصير بهالسرعه ....


كانت بسمة في الصالهمع مرة عمها وبناتها كانوا يسولفون وهي عقلها مو معها ...
لأنها عارفه ليشأبوخالد جاي عندهم ..انتبهت على دخلت عمها ...كانت ملامحه غامضه ...أول مادخل ناظربسمة بنظرات غريبه
أم عبد العزيز : "اش عندهم اللي كانوا موجودين عندك ..."
أبو عبدالعزيز :" جايين يخطبون ..."
فرحت أم عبد العزيز وبناتها لكناصدموا يوم سمعوا أبوعبد العزيز يكمل كلامه
أبو عبد العزيز : "يخطبون بسمةلولدهم خالد ..."
أم عبد العزيز بعصبيه : "ما قلت لهم أنها مخطوبه ..."
أبوعبد العزيز:" مستحيل أقول كذا ...هذا نسب ماينرد ..."
هدي : "وخطيبها الأولي ..."
أبو عبد العزيز :"ما علي منه وبعدين ماصار شي رسمي بيننا ..."
أبو عبدالعزيز :" ها ...بسمة اشرايك .."
بسمة :" اللي تشوفه عمي أنا موافقه ..."
أبوعبد العزيز : "جاك يابسمه اللي ما أقدر أرده مثل مارديت غيره ..."
سحر الوحيدةاللي فرحت لبسمة ...
سحر : "مبروك يابسمة ..."
أبو عبد العزيز:"للحين ماصارشي عشان تباركين..."
سكتت لما شافت نظرات أهلها لها...........

 

[غلا باباتي]

القصه روعه وأنا قريتها وبقراها مره ثانيه كملي بليززززززززز