جرح الولاددده ساعدوني الله يسهل اموركم

[ام فواازي]

منو دكتورتج؟
خبله هالدكتوره لج 32 يوم وماطاح خياطج وتقولج بيطيح بروحه خليه؟
حبيبتي روحي دكتوره ثانيه شوفي شتقولج نصيحه مابقالج شي و تطلعين شلون متحمله نفسج ذي الله يعينج
انا من يتم ااسبوعين الخياط اروح اشيله اريح بلا عوار راس ومحاتاه وترى شيلته عند الدكتوره مايأثر عليه كلش لا اللحم اصلا بعد اسبوع يصك
الله يشافيج حبيبتي وتكفين روحي راجعي عند دكتور ثاني عفيه لا تنطرين على نفسج

 

[عيون^^زوجها]

حبيبتي لاتسكتين عن نفسج روحي الطبيب احسن

 

[انسام الكويت]

الدكتوره ادرى بشغلها مو كل وحده شالت خياطها بعد اسبوع او اسبوعين

لازم اهي تشيله نفسكم الخياط يفرق اكو نوعين نوع يطيح بنفسه على حسب

سرعة التأم الجرح واكو نوع خيط مايطيح لازم مراجعة طبيب تشيله ومو شرط

بعد اسبوع او اسبوغين لازم يطيح وان ماطاح لازم تروح دكتوره تشيله دام الدكتوره

قالت بيطيح من نفسه تطمني بيطيح من نفسه والظاهر انه طاح وانتي ماحسيتي فيه

وماشفتني الخيط فقمتي توسوسين ومرات على حسب كل وحده وسرعة التأم الغرز

ودام عطتج مرهم مضاد استمري عليه جم يوم وشوفي شيصير معاج*

 

[سمسومتي]

طبخي مره مع الماي واذا صارت ثقيله حطي عليها زيت زيتون وبعدين طبي النار ومن تبرد شوي حطيها عالكوتكس ولبسيه راح ترتاحين وكل ما تغيرين حطي من الخلطه وانشاالله تييب معاج نتيجه

 

[مهايا]

حبيبتي ليش ما استخدمتي جفت ؟؟ اهو ايبس الخياط ويطيحه
روحي الحواج قولي ابي جفت وشلون طريقته بيعلمج

اهو يصير مثل الغسول

 

[Zaina-al-zaina]

امبيه للحين ماراجعتي حبوبه !!!

سامعه عن وحده بالضبط نفس حالتج بس الحبوب اكثر منج

وسوولها دخول المستشفي وتاخذ مضاد عندهم 10 ايام

تلاحقي عمرج والله يسرلج !!!

 

[Zaina-al-zaina]

حبوبه روحي

دكتورا ثاني شنو 32 وماطاح الخياط !!!

حدها غريبه !!!

 

[أم عزوز21]

بناااات مشكلتي مو الخياط. الخياط مايعور وقالتلي تجميلي عشان جذي طول
مع اني ماطلبت تجميلي وانا بجر ..
بس مشكلتي هالحبوب تذبببح ومن احط مرهم المضاد تقارص
وان شاء الله بسوي اللي قلتلولي عليه

وجزاكم الله خير ع الرد ريحتوني وربي

احبكم في الله

 

[ناتشوو]

سوري
بس خلاص
شنو٣٢ يوم
وتو الناس؟
عادي جربنا التجميلي عند احسن الدكتورات
انا من النوع اتأخر مااروح بس حدي١٧ يوم
اكون خلصت
ومااستخدم غير الشغلات الطبية عليه
فهي شنو تبريرها لاستمرار الخيوط؟
يعني الجرح ماالتئم ولا شنو
بس مو شي عادي
لي ال٣٢ يوم وللحين خياط
فانت يا تدقين عليها تستفسرين
ولا تروحين دكتورة ثانية للاستشاره
عالاقل تتطمنين
وبالتوفيق
الله ييسر امورج
واعرف وحدة قالت لها الطبيبة
الخيط بيطيح من نفسه
بس ماطاح
ناسية والله جم استمر
فراحت لنفس الطبيبة وشالته لها

 

[أم عزوز21]

ابشركم خيوطي طاحت الحمدلله باليوم ال٣٤
بس مشكلتي الحبوب تعورني حييل.

ادعولي