جرح الولاددده ساعدوني الله يسهل اموركم

[أم عزوز21]

مرحبا



بنات اسالكم الله يرزقكم ردوا علي

انا والده لي 32 يوم وخياطي ماطاح

واليوم طلع لي حبتين بجانب الخياط ع اليسار تحت

الله يخليكم منو صارلها جذي وشلون يروح


والحبتين يعورون حييييل



وانا استخدم ميبو ع الجررررح



تعبت وربي


اللي عندها فكره عن الحبوب تساعدني


والله يرزق اللي ترد علي ويسهل امورهااا*

 

[جـــواهر]

معقوله للحين ماطاحت خيوطج ؟
الميبو بروحه ماينغع لازم اسبريه البيتادين للتطهير

انزين الحبتين شلون شكلهم ؟ شكل ثالول ؟
اذا شكل ثالول هذا فايرس لازم تراجعين الطبيب يشيل لج خيوطج ويجيك
ع جرحج ويشوف هالحبوب شنووو !!

 

[أم عزوز21]

استخدم سبري بتادين وميبو والخيوط للحين ماطاحت

والحبوب ثنتين بارزين لونهم ابيض وتعووور حيييييل

 

[توتا حمرا]

سمعت ان في نوع من الخياط الدكتورة اتشيله مايطيح بروحه روحي لدكتورة افضل
وتنقعي بملح خشن ييبس الخياط ويطهره ومسحيه بمنقوع المرة هم يشد الخياط عشان يطيح وهالامور المفروض اتسوينها من بداية نفاسج وايد طول الخياط

 

[الأميرة جوري]

لازم تشيله الدكتوره يمكن من نوع اللي مايذوب بروحه

 

[أم عزوز21]

الدكتوره تقول يطيح بروحه

بنات انا الخياط عادي مافيه الم

بس الحبتين ذبحتني تعور حيييل مادري من شنو

 

[أم عزوز21]

الله يجزاكم خير اللي عندها فكره لاتبخل علي

والله يرزقكم اللي تمنونه بالايام المباركه

 

[شموووخ بدويه]

ماعندي فكره،،مري دكتورتج تشوف الجرح

 

[أم عزوز21]

جزاكم الله خير حبايبي

 

[بنت الرحاب]

انا متعووده الدكتوره تشيل الخياط بعد اسبووع وصراحه اريح جذي ماتحاتين انتي الله يعينج بس لازم تراجعين الدكتوره يمكن التهاب ويبيلج كريم مضااد وبعدين لحقي مابقي شي وتطلعين من الاربعين والادويه والكريم يبيله اسبوع علي ماتشافين واسال الله العظيم ان يشفيج

 

[أم عزوز21]

بنت الرحاب جزاج الله خير على الدعوه والله يوفقج ..

 

[ناتشوو]

راجعي الطبيب

اشلون ناطرة الخياط هالمدة
روحي وارتاحي
بدل المحاتاه
الحبتين اتوقع التهاب او حساسية يبيلهم ادوية خاصة
والخياط بتشيله الطبيبه
بنفسهادام ماطاح

 

[دلوعة مبارك]

لا تحاتين حبوووووبة هاذي حبة عادية عليج بالغسول هالحبوب تطلع بيض عادية وتروح

 

[دلوعة مبارك]

واذا عالخياط لازم تمرينها واستمري عالبخاخ و المرهم

 

[نونينونو]

روحي الطبيب

أنا نفسج تميت اربعين وماطاحت وطلعلي دمل هالحبوب يمكن دمامل

قالت الدكتوره خياطتج ملتهبه عشان هالشي ماتلتئم ومفتوحه 2 سانتي اهم شيء خل نعالج الالتهاب إذا راح التهاب يمكن ترد تسكر لان تقول في خيوط ماطاحت ع جنب وقالت معاج فقر دم عشان هالشي ماتجلط الدم وماتلتئم جروح بسرعه فمشوني ع دربات حديد لشهرين وع مضاد ودهانات وغسول وبخاخ والحمدلله راجعتها تالي

وطلعت نتايج مسحات قالو جرثومه من غرفه ولاده غيرو لي مضاد زينات


والحمدلله تمام

طولت عليج ادري
كنت والده بالاحمدي عنايتهم حلوه بس خياطهم موشي جنه خيط حداق

 

[ملاك ^ الحب]

يمكن الحبوب دمامل

لان الدمل يعور وايد

بس الخياط لازم تراجعين ليش لي الحين ماطاح

 

[أم عزوز21]

بنات رحت لدكتور قالتلي الخياط خليه يطيح بروحه 

وعطتني مرهم مضاد حق الحبوب وغسول

بس شنو احط تحت ؟! الميبو والا المرهم المضاد

ادري ازعجتكم وياي 

مششكووورييين اللي ردوا عسى الله يرزقكم كل خير ..

 

[.. BNT ..]

:

عليج بالمره تراها نفس المضاد مشي جرحج فيها ..

وفيه خلطة الخوا جا وزيت زيتون والمره مممتازه بعد

والميبو اذا بتحطين منه لاتحطين وايد مسحه بسيطه ع الجرح

وتى غسول البيتادين ممتاز

الله يعيج ي رب

:

 

[.. BNT ..]

اذا رقدتي حطي مرهم المضاد والميبو بالنهار بس لاتثرين منه

واعيد عليج الخلطه ملوت الخوا جوا والمره وزيت الزيتون مممتازه

 

[أم عزوز21]

جزاج الله خير حبيبتي bnt
والله يوفقكم جميعا ..