جدول سفرتي خبيرات سويسرا تعاولو بليز ساعدوني

[LoOoLY-]

السلام عليكم ورحمة الله وبركاته

بنات انا سويت هالجدول شرايكم فيه وحلوه هالمدن ولا لا

زيورخ 3 ليالي

لوقانو ليلتين

جنيف ليلتين

انترلاكن 4 ليالي

باريس 4 ليالي


شرايكم فيه ؟؟ شنو ابدل اذا في منطقه مو حلوه ؟ انا احب مناطق طبيعه وبحر مابي تسوق وهالسوالف

 

[هنـــد]

وعليكم السلام

التنقلات في السفر متعبه حتى لو كانت دوله وحده

حطي بالج شيلت الاغراض وسحب الجناط من قطار لي قطار ومن فندق لي فندق

جنيف تقريبا نفس زيورخ الأفضل تسكنين زيورخ واذا بتروحين يوم واحد جنيف من الصبح وتردين الليل

انترلاكن ولوقانو هم نفس الشي طبيعه انا سكنت انترلاكن رووعه ورحت يوم واحد لوقانو اذا بتسوين جذي اوكي

وباريس اقل شي 5 ليالي

 

[نـعـومـه]

تنقلاتج وايد احس تعب

حاولي تكنسلين شوي

 

[Samurai]

اذا ما معاكم اطفال
جدول معقول
بس فعلا شيلي جنيف وزيدي انترلاكن
ولوقانو حلوه تستاهل يومين واذا تبين زيديها ليله وخصصي يوم روحي فيه ميلانو زياره من الصبح للمغرب بس لا يكون يوم الأحد
تقريبا ساعه بالقطار
واذا تقدرون تأجرون سياره بيكون أفضل وأحسن

 

[Pink_Roses]

السلام عليكم ورحمة الله وبركاته

بنات انا سويت هالجدول شرايكم فيه وحلوه هالمدن ولا لا

زيورخ 3 ليالي

لوقانو ليلتين

جنيف ليلتين

انترلاكن 4 ليالي

باريس 4 ليالي


شرايكم فيه ؟؟ شنو ابدل اذا في منطقه مو حلوه ؟ انا احب مناطق طبيعه وبحر مابي تسوق وهالسوالف

جنيف ما تسوى مو حلوة وهم باريس اذا ما تبين تسوق وتحبين الطبيعة

زيدي الايام في لوقانو وروحي منها كومو بايطاليا يمكن ساعة بالقطار وفي مناطق عالبحيرة عجيبة

وعندج بعد بحيرة قاردا بايطاليا خيال

انترلاكن 4 ايام ؟؟ شنو بتسوين فيها انا لما اروح سويسرا اقعد بزيورخ واروح كل يوم منطقة

 

[Beautiful soul]

على حسب المسافة بين المناطق اذا بعيده قللوا المناطق

 

[Maraya85]

جنيف مدينه مزدحمه انصحج بزيورخ احلى من جنيف ..

وانترلاكن وايد عليها ٤ ايام .. قعدي فيها يومين ..

وترا سويسرا حيل حيل حيييل غاليه .. يعني يبيله همچه لي رحتيلها ..

 

[قلبي تركواز]

تبين طبيعه عندج انترلاكن بس
جنيف ماحبيتها حيل زحمه وازعاج
روحي مونترو حيل حلوه وارقي من جنيف

سبحان الله سويسرا عبرتها من من الشرق لي الغرب وقفت عند كذا منطقه بس ماعجبتني كلش كلش
وانترلاكن ويييييع السنتر مالها مافيه شي لا كافيهات سنعه ولا قعده حلوه شارع رايح راد ونهر محوطينه بسور حتى مافي قعده عليه

 

[قلبي تركواز]

فعلا سويسرا غاليه وجبتين ماكدونالدز بعشر دنانير والماي بالكافيهات يوصل ٤ دنانير
وقمه الثلج اللي قريبه من انترلاكن التذكره الوحده ب٥٠ دينار حشى تذكره طياره مو تلفريك
عن نفسي سويسرا عطيتها اكس