جدولي مافيه غير ماده وحده وين راحت باقي المواد ؟ بنات التربيه ساعدوني

[Miss ksh5h]

السلام عليكم


دشيت قبل شوي بشيك على جدولي انصددددمت ان كل المواد اللي سجلتهم طارووووا ؟؟؟

بس ماده وحده موجووده ؟؟


شسسسالفه بنااااات احد صار معاه نفسي ؟؟؟؟


بالييييالله حصلتهم ليش جذذذذي :eh_s(16)::eh_s(16)::eh_s(16):

 

[Miss ksh5h]

بنااات متى السحب والاضاااافه ؟؟؟

واذا ماااكووو شلون ارجع موادي ؟؟؟؟

 

[حال قلبي]

❤☺••و؏ـلـِْ♡̨̐ـِْيّيّگمَ آڵسَـِْ♡̨̐ـِْڵٱمَ••☺❤

حبيبتي انتي بالجامعه ولا الاساسيه؟؟

وسالي التوجيه وان شاءالله يفيدونج

 

[Miss ksh5h]

بالاسااسيه حبيبتي

 

[لعنبآك دهورتني!]

حبيبتي انا صار لي نفس اللي صار لج

رحت التشجيل يوم الخميس وقالوا راجعي الاحد ونشوف اللي صار لج

وعلى فكره تر يبين عندهم منو سحب الماده يعني يا انتي يالتسجيل نفسه اللي سحب عرفتي


وان شاء الله ترجع لنا الموااااد

 

[لعنبآك دهورتني!]

اعذرووني ع البدلياات شابكه من فوني

 

[PrettyPretty]

الله يعينكم

 

[طالبه مصدومه]

وانا بعد ساحبين مني ثقافه علميه عند حسين المطيري ...شسوي؟؟

وهل اقدر ارجع اسجل الماده

 

[جنة الابرار]

انا ساحبين مني عبد الرؤوف الكمالي مادة تخصص انقهرت عليها ٣وحدات

 

[طالبه مصدومه]

المشكله انا موموصوره جدولي. بنات شالحل؟؟ لونروح للتسجييل يبين عندهم انه في ماده مسحوبه؟؟

 

[طبعي مزاجيه]

انا صارت معاي هالسالفه الكورس اللي طاف كنت مسجله مهارات دراسيه عند بدر العازمي وسحبوها مني
وكان عندي صوره الجدول

ولمن راجعت التسجيل قالوا لي الدكتور سحب هالمقرر وصكر الشعبه وحطوا بداله دكتور مشاري الحسيني <=== هالسالفه كانت بالتسجيل المبكر قالوا تبين مشاري قلت لا وسحبت الماده ومشيت

وبعدين بالسحب والاضافه ردوا الدكتور بدر العازمي والناس سجلت عنده وانا اخر من يعلم

وراحت علي الماده

خييييره ان شاء الله

 

[بنت الكويت90]

مو لازم تكونيين اصلا مصوره جدولج لان مبين عندهم منو اللي ساحبها ومتى سجلتي المواد




انا العام مسجله مادة انجليزي ولقيتهم مغيرين موعدها وحاطيلي من 4 لي 5


رحت وقلتلهم انا مسجلتها الظهر وشعبه غير ودكتوره غير


ووجبت معاي جدولي



قالت موو لازم تجيبينه احنا يبين عندنا كل شي


وفعلا فتح الكمبيوتر وطلع ان انا اللي مغيره الشعبه وحااطه انتظار يعني مو معتمده المااده


وطلع الغلط مني بدون مادري لان مااحطيت تاكيييد حطيت نفسي بقائمة الانتظار والسستم بروحه يسجلني بالشعبه الي ماعليها ضغط



شوفي يمكن انتي حاطه المواد بقائمة الانتظااار

 

[Miss ksh5h]

هلا بنات


المشكله خمس مواد طارت مو وحده ولا ثنتين وسجلتهم وضبطت الوقت والايام بالتسجيل اللي بعد المبكر

وكان قبلها مسجله ماده بالتسجيل المبكر وهذي اللي بقت بس

لعنباك دهورتني

شنو صار معاج ؟ رجعوا لج المواد ؟




الحين اقدر بالسحب والاضافه اسجل المواد من يديد ؟

 

[-_-Designer-_-]

اكيد تقدرين تسجلين والسحب و اللاضافه اليوم من الساعه 8 الصبح يبلش