جدة زوجي توفت

[يغار القمر]

سلام حبيباتي شلونكم شخباركم بنات انا عرسي بعد العيد تخيلوا يعني ماباقي شىء قبل 3 ايام توفت جدة زوجي قالوا اهلي خلاص مو لازم يتاجل العرس كل شىء يكون على مايرام بس يكون زواج بس زي العشاء اهل زوجي قالوا لا افضل يتاجل لين العيد الكبير كلمت زوجي بالموضوع قال افضل يتاجل شوي لين يخف الحزن وش اسوي بالحجوزات حدى متوهقة تكفون بنات ساعدوني

 

[<miss botamba>]

الله يرحمها

كلمي الصالون يأجلون الموعد عادي في صالونات تأجلج

واذا ما اجلوا معوضين خير

والي توفت من الاقارب درجه اولى وفشله تسوون الحفله بوقتها

 

[لوولوو_88]

عظم الله اجركم و اهر احزانكم انشالله
خبيبتي اذا دافعه عرابين حيكي على العقود .. بعض المحلات ما يردون لج العربون و بعضهم يقولون ما نرد لج بس تقدرين تحجزين فيهم باي وقت .. ف تاكدي من العقود اذا ما يردون حطي موعد حتى لو تقريبي .. انشالله خيره حبيبتي

 

[لوولوو_88]

اخر**

 

[lulu_q88]

الله يرحمها

والحجوزات مثل ماقالولج البنات غيري الموعد

واجلي

 

[myaar]

عسى الله يرحمها ويغفر لها

ونصيحتي لج الفلوس معوضه بس نظرة زوجج لج ماتعوض

فيا حبيبتي استهدي بالله وتعوذي من الشيطان

بمثل هالظرف اوقفي مع زوجج بحزنه
ترى المواقف اللي تبقى بالذهن وتكبر قدرج عنده
فلاتحسسينه بأي ضيقه منج لتأجيلة العرس
وخيره سبحان الله يتم عرسج بفرحه احسن من عشا
وحتى نفسيته هو بتكون احسن وياج من هالظروف

هذا عموما

بالنسبه للحجوزات دقي عليهم وتفاهمي معاهم
واشرحي الموضوع
عموما المفروض يتفهمون الموضوع اذا بس بتأجلين مو تكنسلين نهائي

الله يوفقج بحياتج

 

[جوري الصالح]

الله يـــرحمهــــــا
مثـــل مـــاقالوا البنــــات أجــــلي الحجــوزات قــــضاء وقـــــــدر

 

[سور المدينه]

الله يرحمها
ويارب يرضون تاخرين المواعيد الحوزات ومايضيع العربون عليك

 

[الدموع الطاهره]

لا حول ولاقوة الا بالله الله يرحمها

 

[عآليه !]

الله يرحمهآ ..

مب مشكله أختي ان شاء الله الأفضل تأجلون لانه حالة حزن وعرس كلش محد بيفرح ويستآنس !!

كل شي يتعوض ماعليج ..

 

[HayaaB]

الله يرحمها،
لازم يتأجل مراعاة لأهل زوجج .

 

[كلي انوثه]

اجليه مراح يضرج


انا جم مرا يتاجل عشان ظروفي


صججج مهما اقولج شلون كبر بعيني وصار له قدر انه متحمل ظروفي مراح تصورين

 

[اكشخ الحلوات]

الله يرحمها وجعلها اخر الاحزان

خل يتاجل احسن كل تاخيره فيها خيره ان شالله

ولاتستعجلين عالزواج استمتعي بالعزوبيه ودلع فبيت اهلج

وحجوزاتج ان شالله ماتضيع كلها تاجل عادي

 

[مذهلة2013]

لاحول الله
الله يرحمها برحمته

شوفي انا قبل عرسي بجم يوم توفت شخص قريب لاهل زوجي فـ مااجلنا العرس كنسلناه
وسويت مكياج وصورت مع ريلي ماكو اغاني ولاشيء كلشششش

المهم التوفيق

 

[مدّهره !]

الله يرحمهاا ويرحم موتى المسلمين ويحسن خاتمتناااا اللهم آمييين ..’

إذاا مااقدرتِ تأجلين الحجوزاات معووضه خير ولاااتتضاايقين يخيتي

 

[Miss McDonald]

.


وعليكم السلام والرحمه

عظم الله اجرج .. والله يرحمها ويغفر لها ..

اجلي العرس احسن عشان تفرحين بليلة العمر :*

وكلمي الحجوزات ان شاء الله يرضون

 

[انصاريه قمره]

الله يرحمها ويغمد روحها الجنه
ولازم تأجلين حتى عشااا لا تسوين فشله