ودي بشوفك دام الأعمار بفسوح
قبل الرحم ياخــــــوي منا يروحي
زل الزمــــــان اللي به أفراح ومزوح
انخاك " تكفى " لا تظنه مــــــزوحي
هي عبارات ..
" لا "
بل عبرات تسكب لمن هجر وقهر وقطع
---
على عتبات تذكر الموت تنقطع كل حضوض النفس وكبريائها
" ياخوي "
بيفرحك خبر موتي وانت ماشفتني من سنين ؟
قاطعتني عشان كلام الناس أو بسبب كلام الناس أو بسبب أرض ودنيا دنيئة
أو لأي سبب !!
ونسيت أيام طفولتنا مع بعض !
يوم كنت أنام في حضنك .. وتشوف سعادة دنياك في سعادتي
يوم كنت تقدمني في طلباتي على نفسك وعيالك .. وحتى زوجتك !
يوم كنا نتقاسم " حلاوة " أبوي اللي يجيبها لنا وهو جاي من الدوام !
نسيت يوم كنت تمرض واجلس جنبك افرك بيدي مدري وش اسوي عشانك ..
ويوم كنت أمرض وتسرع بي للمستشفى
تخاف علي من إحساسي بالألم ..
" واليوم أنت كل الألم "
--
آآآآآهـ يا " أخوي "
كيف قلبك وسع كل هالكون والناس اللي فيه من عدو وصديق
و" ضاق " على أختك وزوجها وعيالها !!
--
وش أقول لعيالي وهم يسألوني عنك !
أقول " خالكم " مايبيكم ولا يبي شوفكم !
كيف أقولها وانا حضنت عيالك في حجري وياكثر ما ناموا على يدي
واليوم " تطرد " عيالي من دنياك وهم يدورون عليك !
----
ياخوي
وش حال قلب أبوي وأمي وهم يشوفون تقاطعنا كذا !
وش حال قلبك لو شفت عيالك متقاطعين قدام عيونك
وأنت تضرب بيد على يد من قلة الحيلة وكلك أسف ..
--
ياخوي
عجز الكلام
7
7
7
7
فــــلاش
http://flash.ma3ali.net/Flashiat/rsalah.swf
الانشـــــــودهـ
http://download.media.islamway.com/several/324/02_Dwaween.rm
اتمنى يعجبكم الموضوع
