جباتي ناشف + باذنجان بالصبارة

[عهود الحب]

السلام عليكم


سويت اليوم كذا طبق بسيط
عاد أول مرة أنزل طبق :/
من دفاتري القديمة يعني مو من بنات افكاري
و أحب أضيف نقطة بعض الأحيان ما أدقق عالمقادير
أحس بالنظر تعرفون مقاديركم
واعذروني على رداءة التصوير لأنه كان في سباق بين ايدين عيالي والكاميرا


باذنجان بالصبارة

باذنجان
2 فص ثوم
مكعب ماجي
شوية صبار
2 م ك سكر
1 م ك نعناع ناشف
2 م ك معجون طماط
شوية زيت
ملح و فلفل أسود
التزيين بقدونس وكزبرة اذا تحبون


- تاخذين الباذنجان و تقشرينه وتقصينه دوائر متوسطة الحجم شوي
نرش عليه طحين ونتركه شوي عشان ما يشرب الزيت
- و بعدها نقليه بزيت غزيز ونحطه بالورق النشاف
- نحط بالمقلاة زيت ذرة شوية و فصين ثوم مفرومين ونحمره شوي
وراها ملعقتين كبار معجون طماط و شوية ماي ومكعب ماجي وملح وفلفل أسود
- نتركه شوي يغلي ويتسبك بعدها سيدا نضيف ملعقتين كبار سكر وشوية صبار وملعقة نعناع ناشف
- وبعدها نضيف لهم الباذنجان و نوطي على النار ونغطي المقلاة ونخليه يتسبك أكثر الين نحس انه تناشف شوي واذا قدمناه نزينه بكيفكم تبون ببقدونس او كزبرة كيفكم الخيار متروك لكم
ملاحظة : البعض يحط الباذنجان بصينية بالفرن ويضيف له الخلطة وبعد ما تنشف يشب عالشواية
بس أنا سويتها كلها بالمقلاة عشان ظروف الوقت :gr4uu:

الطعم لذييييذ و الريحة خنييييييينة وأتمنى تجربونه



الطبق الثاني
جباتي ناشف

المقادير :
2 كوب طحين
نص ملعقه صغيره ملح
ملعقه كبيره بصل اخضر مفروم ناعم [ كراث ]
ملعقه كبيره كزبره مفرومه ناعم
ماء على حسب احتياج الطحين
ملعقه كبيره زيت زيتون

للأمانة أنا دبلت الكمية و بدلت البصل الأخضر ببقدونس بس
وما ادري أحس البصل بيطلع أنطع

الطريقة سلمكم الله
تخلطون كل ماسبق الا الزيت يضاف اخر شي وبعدها تعجنون بالماي الين يضبط معاكم
وتحصلون على عجينة لينة بس متماسكة
ونغطيها بفوطة ونتركها ساعتين ترتاح
بعدها نكورها بالحجم الي نبيه

ونفردها بالنشابة مالت العجين على طبق مرشوش بالطحين
وعقب نخبزها على التاوة او الصاج بعد دهنه بقليل من الزيت
الخبز نلفه بفوطه حبه حبة الين نخلص
راح يطلع معاكم ناشف شوي بس الطعم روعة



و الطبق الثالث

بيض أومليت

أخذت طريقته من العضوة غنوة ستايل
وهذا الرابط

http://www.q8yat.net/showthread.php?t=210689

الله يوسع لها ماقصرت والطعم لذيذ جدا ً
أنصحكم بتطبيقه ..


و هذا كان فطوري أمس لأني صايمة

و لا تفشلوني عاد أدري الصحون كل واحد شكل وما زينا بس هذا طبعنا
ناكل بالمكسرين ونخش الصحون السنعة للضيوف عشتو :lkmnkl:

حياكم ​

 

[رحيل المرافيء]

رد : جباتي ناشف + باذنجان بالصبارة

تسلم ايدج
اطباق خفيفة وحلوة

 

[عهود الحب]

رد : جباتي ناشف + باذنجان بالصبارة

يسلم قلبج
وتسلمين

احنا ندور الخفيف أحيانا :/

 

[أحلى الجياكر]

رد : جباتي ناشف + باذنجان بالصبارة

تسلم الايادى عهود
امووووووووووت على البيديان

 

[عهود الحب]

رد : جباتي ناشف + باذنجان بالصبارة

أحلى الجياكر
سويه وادعي لي
انا من عشاق البيذيان اصلا
بيني وبينه عشق

 

[عنايد]

رد : جباتي ناشف + باذنجان بالصبارة

يمال العافيه خوووش شغل

 

[جارة القمر]

رد : جباتي ناشف + باذنجان بالصبارة

تسلم ايدج



حبيبتي

 

[عهود الحب]

رد : جباتي ناشف + باذنجان بالصبارة

يعافيج الرحمن
عنايد
اشلونج ؟ عساج بخير
لج وحشة

 

[عهود الحب]

رد : جباتي ناشف + باذنجان بالصبارة

يسلم راسج جارة القمر
منج نستفيد

 

[[[ عيون جابر ]]]

تسللللم ايدج

 

[&& دعاء &&]

تسلم ايدج ,,,,,,,,,,

 

[عهود الحب]

رد : جباتي ناشف + باذنجان بالصبارة

يسلم راسكم

فراولة و دعاء الصالحين

 

[ام جويسم]

شكلها يشهي

واكيد طعمه واااااااااااو


يسلمو طيوبه حبيبتي على احلا طبخات

 

[مساء مونترو]

يسلموووووو...

 

[عهود الحب]

رد : جباتي ناشف + باذنجان بالصبارة

شكرا ام جويسم و مساء مونتروو

شكرا وحياكم

 

[قطوة@@]

رد : جباتي ناشف + باذنجان بالصبارة

يمي يمي الاكل مبين لذييذ


يسلموو الايادي

 

[(النايفه)]

يعطيك العااااافيه يالغلااااا

 

[ظمأ الوجدان]

يعطيج العافية حبيبتي يوووووووة شي البيديان اموووت فية

 

[فوشيه عجيبه]

مشكووووووووووووره

 

[فوقهن و تسواهن]

رد : جباتي ناشف + باذنجان بالصبارة

تسلم ايدج