جايتكم الكويت قريييييييب....بس كل وحدة تدخل تساعدنس بلييييييييييييز ...

[لقيت روحي]

السلام عليكم ورحمة الله وبركاته ..
كيف حالكم حبيباتي ...
بدون مقدمات انا ابي اروح الكويت وحاطة في بالي أشياء كثيرة باخذها ,
مثل الجلابيات والتنانير وبلايز واحذية وبعد شنطة ماركة ...والاكسسوارات وين ألقاها ...
وبعد تجهيزات ولادة من قمصان نوم وتوزيعات البيبي وملحف وشنطة ووووووو....
فياليت تدلوني على أماكن اروح لها , من ناحية البضايع الحلوة , وبعد أبي اماكن أسعارها مناسبة .. والاشياء الغريبة ..
للعلم انا رحلتي بتكون خمس أيام للأسف ....ودي فيها أطول لكن ماباليد حيلة ...وسامحوني أذا ثقلت ...:eh_s(6):


وبعد قبل لاروح أي شي جديد خبروني عنه ....

 

[توت عنكبوت]

بالنسبة للدراريع الحين كلنا نشتري من مشاغل الحريم اللي تكون في البيوت حددي باي منطقة انتي عشان أفيدج.
التنانير شوفي زارا أو روحي مجمد الافينوز الجديد بالشويخ وبتلقين كل المحلات موجودة ( نكست - اتش ام _ مذركير للاطفال وتجهيز المولود_ محلات كثيرة وبتلقين حاجتج)الاكسسوارات شوفي الحفار بالعربيد بلازا بالفروانية ولوذان بكويت ماجيك واكويكويت ماجيك محلات تبيع القطع على 5 دينار ادا تبين كل شي متوفر

 

[ياحلاتي]

حبيبتي الكويت اكثر شئ فيها المجمعات للتسوق
يبيلج احد شاطر معاج يدليج وين تروحين
واعطيج فكره
الدراريع الجاهزة تلقينها اشكال والوان في مجمع الوقاف
وبجانب مجمع الاوقاف يوجد سنتر بوينت فيه تجهيز اطفال حلو وبدلات عملية
اذا اشياء راقية عندج السالمية اكثر من مجمع يم بعض مثل مجمع مريم (بدلات ماركات للاطفال) ليلى جاليري الفنار البستان زهرة كل هذي المجمعات في شارع واحد
عندج بعد مارينا مول وسوق شرق
للاشياء العملية مجمع النقره الشمالي والجنوبي في حولي

 

[حصووووص]

حبيبتي الدراريع تلاقينهم بالاوقاف والحمرا مول واييد يمدحونه والتنانير والبلايز روحي المجمع اليديد الافينوس الي بالشويخ او سوق شرق و الياهل ما في احلى من سنتر بوينت والنفاس الايوب والمجمعات الي بحولي

 

[MANGA]

حبيبتي تبين جناااااااااااااااط ماركه عندج مجمع الصالحيه والفنار وشرق

وبعدين في كل مجمع راح تلقين الي تبينه ومجمع الافنيووووووز مجمع

جديد وكبير وانشا الله تلقين الي تبينه فيه واذا تبين اشياء رخيصه وحلو

مثل تبين كل قطعه 5 دنانير عندج السالميه ستي سنتر - الايوب -

مجمع الجنوبي والشمالي - وبعد في مجمع العثماااااان -

وانشا الله تلقين الي تبينه

 

[لقيت روحي]

تسلمون حبيباتي عالمساعدة الطيبة ...والله ماقصرتوا ...
وبعد عندي طلبات صغيرة منكم (لو مصختها) وين هذا الايوب بالضبط اللي تقولون عنه ...
وبعد أبي مكان يبيع لبسات بنات صغار للمناسبات تكون كشخه يعني للعزايم والاعياد ,بناتي أعمارهم ست سنوات والثانية سنه ونص ...
والمعلم وين القاه وشني بضاعته بالضبط ...
وحماتي مرة شرت جلابات البيت الرخيصة كلنت وايد حلوة .... وين القاها حبيباتي .....

والله أدري اني ازعجتكم ... بس كل ماتذكر شي باجيكم ...

 

[Daffodil]

حياج الله بالكويت ,,,,

إذا تبين دراريع رخيصه عندج العربيد بمنطقة الفروانيه اهو مجمع كله خياطين انتي قوليلهم انا من السعوديه ورااح يعطونج من الجاهز اللي عندهم ,,

أغلب دراريعنا احنا من مشاغل الحريم بس لان ما عندج وقت تحوسين بالمناطق احسن لج روحي للعربيد

عندج التنانير تلقين تنانير وبدل شغل الكويت بالنقره الشمالي والجنوبي والمهلب بمنطقة حولي والحمرا مول و العربيد بلازا بالفروانيه
وعندج مجمعات المارينا و الفنار ومجمعات الثانيه اللي بالسالميه وسوق شرق بمنطقة شرق وعندج هم بشرق عند المستشفى الاميري بيت ديفا وكريزما فيها حريم يعرضون يمكن تلقين عندهم شي ,,

الايوب بحولي ,,, و المعلم سوق شعبي

 

[جكورة]

حياج الله حبيبتي بين خواتج... مجمع الأيوب بحــولي... سوق المعلم بالسالميه .... وإذا تبين دراريع عمليه عندج مجمع الحمراموول بالفروانيه والأوقاف ... ملابس النفاس ممكن تحصلين بمجمع النقرة الجنوبي .... البدلات الكشخه تحصلين بمجمع العثمان بحولي والنقرة بالسرداب ومجمع الأفنيوز ومجمع الكوت بالفحاحيل... وأي سؤال البنات ماراح يقصرون :eh_s(8):

 

[لقيت روحي]

والله ماقصرتوا كفيتوا ووفيتوا ...
تسلمون حبيباتي عالمساعدة الطيبة ...

 

[PearL]

احلى مجمع ومتوفر فيه كل شي مجمع الافنيوز بالرى

المجمع عادى لبيجامات البيت واليهال ورخيص سيتى سنتر سوق السالميه

الدراريع مجمع الاوقاف بسوق الكويت والارخص منه وحلو بعد مجمع العربيد و الحمرا مول بالفروانيه وروحى مغاتير بعد بنفس الشارع

 

[فراولة^فوشيا]

تبين بدلات كشخه حق اليهال روحي مجمع مريم تحت بالسرداب كله ماركات

ومجمع المهلب بعد تحت محل كبير اسمه لحظات كله ماركات

واذا تبين ماركات حقج عندج
الصالحيه (ماكس مارا - ماريلا - كينزو - اسكادا - فالينتينو -كريستيان ديور - لوي فيتون- ايغنر - فندي -.......)
الرايا (كاشاريل - سيلين - بيربري -ميسوني - بي سي بي جي - ويسلز - في كريستيان لاكروا للأطفال - .......)
الثريا (موسكينو - كافالي - كلوي - البيرتا فيريتي - ......)
مجمع زهره (عندج الفاتنه بدلات سهره ماركات - لايم لايت - .....)
والفنار (في وايد محلات عمليه زارا - مانجو - كارين ميلين - ......)
والبستان (كريستيان لاكوروا - في فوق محل جواتي ماركات حلو اسمه فواتور)
بدلات عمليه في سوق شرق - مارينا مول - الأفينيوز - المهلب - الكوت

هذي المحلات اللي اعرفها وللأسف ماعرف للدراريع البنات ما قصروا

وحياج الله بالكويت انشالله تستانسين

 

[lulucaty]

هلاحبيبتى فيج بديرتج الثانيه الكويت PFD

حبيبتى البنات ماقصرو عطوج الاماكن
بس انا حابه عطيج شبه تفصيلى للاماكن الى اعرفه روحى كل الاماكن
لاتخلين شى
من الاماكن الرخيصه للغاليه

عندج منطقه حولى فيه مجمعات ومحلات وكلها يم بعض ومتفرقه
نبلش:
المهلب مجمع حلو واسعاره حلوه ومعقوله فى غالى بروحه
النقر ها لشمالى اكثر شى بدلات حقنا قباله يصير نقره الجنوبى فى كل شى
مجمع السنام بجانب نقره الشمالى
مجمع شروق لاتروحينه مافيه شى
لاندمارك بروحه
مجمع بيروت فيه فاشن ميل حلو ومحلات ثانيه
حولى بارك حق اليهال مدينه ترفيهيه مصغره
مجمع العثمان -وسوق الذهب -والجوهره قبال المجمع العثمان - وسناء وسوق كرز -وسوق مستوره وفى بعد جم مجمع بس ناسيه اساميهم كل لهم فى نفس الشارع واسعارهم معقوله وفى رخيصه

نبلش السالميه السالميه طبى وتخيرى
نبلش بشارع المجمعات:
مجمع فنار _مجمع تالا _مجمع بستان_مجمع ليلى جاليرى _ مجمع مريم
مجمع ثريا _ لاندمارك _ الوطنيه_ وشاهه _ وفى عالم المذركير وبى اج اس _ ومركز سلطان كلهم بنفس الشارع وبجهتين

وفى سالميه الجهه الثانيه :
مارينا مول _ماكسبنسر
مجمع منيره كله وانتى بكرامه جواتى _ مجمع الانفال_والقيصريه _دانه
وسوقه

سالميه الطويله: فى محلات ومجمعات صغيره واسعارهم رخيصه ومعقوله
بى اج اس- مذركير - نكس-جوهره- محاميد- ومحلات كله بدلات حق صغار وكبار
هذا السوق حلو الكل يروحله سوق طويل كله محلات من الجهتين
وسناء بروحه على جهه اخرى

نروح حق اسوقه غير
سوق شرق بشرق يمه سوق المباركيه
ومجمع الرايه وفى مجمع يمه ما اعرف اسمه
ومجمع بهبهانى وسوق خالد بن وليد شارع طويل حق العاب اليهال
وفى جم مجمع ما اعرف اساميهم مجمع الاقمشه الخامات والبطانيات يم سوق الكويت
ومجمع الصالحيه كله ماركات ماانصحج تشترين بس روحى شوفى لسبب خاص عندى لاتشترين منه ماركات
وفى مجمع الاوقاف هذولا كلهم بالديره بشرق
وفى يمه المرقاب سوق الهنادوه وسوق الجهراء حق الفلبن
وفى شويخ او الراى
يم المشاتل فى دريم مول ومجموعه محلات
لاند مارك
فى سوق اليمعه يبطل يوم الخميس والجمعه فى خرابيط لاتروحينه بس الصبح روحيه اذا كنتى حابه
وسوق الايرانيين لاتروحينه مافيه شى
وفى بالفروانيه وخيطان وفحيحيل
ما اعرفهم خلى البنات يدلونج


روحى الكوت وايد حلو مع كويت ماجيك
وانشالله استفدتى وعسى بس مانسيت مجمعات بصراحه تعبت كثر ما افكر باسامى
واى شى تبينه حبيبتى احنا تحت اخدمه واذا تبين اى معلومه هم حاضرين
بس سويلج جدول من الصبح لحد الليل
اقضيه كله بره الفندق
ولاتنسين الاكواريوم


1​

​

 

[سعودية]

هلا بنات شخباركم يعطيكم العافية بعد اذن صاحبة الموضوع ابي اسأل عن سوق الاقمشة الي تسمونه بلوكات وين بالضبط ابي عنوانه مفصل لاني عجزت القاه

والله يجزاكم خير

سلااااااااام

 

[امون حبيبة زوجها]

سعوديه البلوكات صاير بالديره بس وين بالظبط ماعرف انا اقول البلوكات وسايقنا يدله خخخخخخخخخخخخخخخخخخخ

بس موبعيد عن المباركيه وبرج التحرير حداهم قريب منهم

 

[السنعة2]

البلوكات حبيبتي خلي مجمع الاوقاف على يمينج وروحي سيده راح يكون على اليسار مواقف تدخلين بفلوس وبعدين تروحين بلوك 2 اهو الي فيه الاقمشه وحياج الله بيننا

 

[سعودية]

امون والسنعه مشكوررين يل قلبي والله يجراكم خير ..

 

[q8iLady]

bead style. 9188790
اسعار معقوله و حياج الله بالكويت الحبيبه..