جاوبوني قبل فوات الاوان

[دولنغا]

السلام عليكم :aha: شلونكم بنات ؟ ان شاء الله تكونين بخير :eh_s(15):

بنات انا راح اسافر ان شاء الله بانكوك وماليزيا عندي سؤالين اترجاكم تجاوبوني:eh_s(2)::eh_s(16): عليها

السؤال الاول :- شلون طريقة الاتصال الدولي او اسهل طريقة للاتصال الدولي وتكون رخيصه من بانكوك وماليزيا الى الكويت

السؤال الثاني :- انا ابي انظم رحله داخليه من سياحة وتسوق في بعض مناطق ماليزيا وفي بانكوك فياليت تعطوني مكاتب سياحيه عربيه زينه وأمان في كل من الدولتين علشان تاجير ميني باص وسائق واذا في احد يعرف ناس معينيين لا تبخلون علي الله يعافيكم


بنات الله يخلييييكم :yaaaaaarb:جاوبوني لاني حاجزه من زمان والعد التنازلي لسفرتي وصل ما باقي شي :ada:

واشكركم مقدما :balo::hearting:​

 

[manoor01]

بالنسبه لتايلند في حي العرب سكومفيت اهناك تلاقين مكاتب يسوون رحلات

 

[ArEEj]

بماليزيا في شركه عربيه
هذا موقعهم
http://www.daleel-malaysia.com/index.php
وبالنسبه للاتصال اخذى من عندهم شريحة سيلكوم
مالت الموبايل وتعبينها مثل الايزي عندنا

 

[دولنغا]

manoor01 مشكووووووووووووووووووره :e3: بعد عمري يعطيج العافيه :aha:


ArEEj تسلمييييييين حياتي :edbf4317b9: على الرد شكرا :e3:​

 

[*^*يا^عمري^أنا*^*]

اختي الغالية

انصحج تزورين حديقة الزهور و حديقة الفراشات

و تزورين الاكويريم و برج التوأم و من المجمعات

لوت تن و سينغ وينق و ماينز و اصحج اكثر شي بماينز

احنا زرنا كذا مجمع بس اكثر شي قضى حاجتنا هو ماينز

رخيص تقريبا و حلو و كل شي فيه

وبخصوص الباص و السايق هذا لازم تقولين للفندق يطلبون لكم

واحد مع سيارة كبيرة يعني لوصلتو كلموا الفندق يجهز لكم لليوم الي

تبون تطلعون فيه



اتمنى اكون فدتج لو بالقليل

اختج

*^*يا^عمري^أنا*^*

 

[الكادي 1981]

تروحين وتردين بالســـلامة وانشاءلله ألقــاج هنــاك

 

[أحلى همبه كويتية]

ماليزيا ما رحت لها
بس تايلند بالشارع تلاقين المكاتب السياحية بالشوارع اخذيلج فرة عليهم واختاري الأرخص
ولا تحجزين من الفندق لأن رحلاتهم تطلع دبل

وبالشارع اللي فيه فندق زينيث المنطقة يسمونها نانا
تلقين أحسن العروض

رحلتي اان شاء الله 2/8

 

[أحلى همبه كويتية]

وبالنسبة للإتصالات
اشتريلج كرت من هناك وطبعا رقمه معاي
ودقي على كيفك وايد أرخص من موبايلج مال الكويت

 

[دولنغا]

والله العظيم مادري شقووول :eh_s(22): لساني يعجز يعبر عن الشكر والامتنان :eh_s(2)::aha: ايدي ترجف :rerrerek: يعني ماشالله عليكم صج قدها وقدود :hjy5jewf::nbvppw: كل وحده عطت من عمرها الي تعرفه وزياده قبلااااااااااااااتي الحاره :fun::hearting: حق كل وحده فيكم متمنيه التوفيق وتييسر الامور لكم وسامحوني على التاخير :tek:​

 

[وردة نقية]

حبيبتي انا رحت تايلاند شارع العرب اسمه نانو

ولاتاخذين حجز انتي سوي بنفسج احنا شفنا الاوراق الموجودة بالفندق والمكان الي يعجبنا نقول للسايق يودينا

لاتطوفج السفاري الي بانكوك روووووووووعة. والسوق الي بالماي

والماركات بشارع بك بونج بس كاسريهم واخذي منهم الشالات روعه عندهم والجناط الماركة فيه وحدة بالشارع تبيع بضايع وسعرها زين اسمها امينة.

 

[أبلة كويتية]

حبيبتي
بالنسبة لماليزيا إشتري منهم خط تلفون
ناسية إسمه بس لونه أحمر وااايد زين
يدز مسجات للوطنية والإتصالات وكروت التعبئة عندهم نفس الإيزي عندنا
بكل مكان حتى بالبقالة

7

7
الرحلات لا تاخذين من الفنق غالي
تلاقين مكاتب في شارع العرب بماليزيا يسوون رحلات
أو التاكسي يوديج للمكان إللي تبينه
لا يطوفج بماليزيا
جبل جنتنج روحي من الصبح وردي بالليل
صن واي لاجون
رحلة لأفاموزا رووووعة
الماينز بيج ريزورت
هذي الرحلات روحي لها من الصبح لانها بعيدة من كوالالمبور
عشان يمديج تستانسين
ولا تروحين لها يوم سبت ولا أحد لأن عطلتهم وتصير وااايد زحمة
خاصة جبل جنتنج

7
7
التاكسي ركبي مع إللي أشباهم صينية على أندونيسية لأنهم أمينين
لا تركبين مع السمر إللي جنهم هنود ترى يغشونج

7
7
موفقة وإنشاء تروحين وتردين بالسلامة:tek:
ولا تنسينا بالدعاء خاصة لأبوي لأنه مريض
دعوة المسافر مستجابة

7

7

 

[angelic^smile]

بالنسبه للاتصالات اخذي لج سيم كارد تلقينه بكل مكان وحتى بالبقالات وبالنسبة للاتصال اول شيء دقي 009965 وبعدين الرقم اللي تبينه راح تطلع لج المكالمه بربع قيمتها العاديه يعني الكرت اللي تتكلمين فيه بعشر دقايق بالتسعيره العاديه تقدرين تتكلمين فيه ساعه بالطريقة هذي

وبالنسبه للرحلات تقدرين تأجرين ميني باص وتروحين المكان اللي انتي تبينه احسن من انج تلتزمين بمجموعة