جامعيه دشي هني ضروري احترت حدي

[طوووطه]

شوفي حبيبتي انتي بداومين بالجامعه وشوفي اذا ماعجبج الوضع تقدرين تروحين الاساسيه

انتي بنهايه القرار لج صدقيني الناس كل واحد يشوف من نظرته اهوه فهمتي
انا بقولج انا دشيت الجامعه لاني حابتها معنه رفيجاتي تربيه اساسيه بس انا طموحي الجامعه صراحه
واذا من ناحيه السهوله فاكيد الاساسيه اسهل بوايد
الجامعه التزام اكثر والشعب متعبه بس مو كل التخصصات
انا صج اقولج احنا رياض اطفال نعاني لانه البنات وايد فهمتي بس بنهايه مايمر الكورس الا مسجلين ومكملين الجدول
واذا ماتكمل نروح الباي فورس ونكمله
بنهايه القرار الاول ولاخير لج انتي
انتي تحدددين اللي تبينه شوفي الاساسيه والجامعه وشنو يناسبج واستخيري
موفقه خيررررررررررر

 

[بنوتة خجولة]

حبيبتي كل شي بدون دراسه صعععععععبببب والسستم بكل شي صعب عندي اختي بالتربيه الاساسيه حرااام متلعوزه مع هالسستم مره ماده تفتح ومره ولاماده نفس الجامعه بالضبط ماله شغل وعندي اختي الثانيه بكليه التربيه بالجامعه تقووول من اسهل مايكوون يعني لاتحاتين خليج بالجامعه وكله نفس الشي والتربيه سهللله





موفقه حبيبتي اقبلي مروري

 

[بنت عطا]

الاغلب يقول الاساسيه اسهل

اب اب

 

[أم منيـرة]

من قـآل الأسـآسيه سهـله ، حـآلها حال بـآقي الكليـات ..

فيها الشعـب تكون مغـلقه ، وفي دكـآتره مو شي ،

نفس الي بـالجـآمعه في التربية الأسـآسيه ..

دآم قبلتـج الجـآمعه خيـره لج ، وشدي حيـلج وسهـآلات

 

[بنوتة كول]

هيييييييييييييييييييييييي <<يعني اشهق من الصدمة
ليييييييييييييييييييييش يا الخايسة << ميانة هههههههه
بس صج ليش
وين راحت احلامنا وطموحاتنا وسوالفنا عن الجامعة وين راح كل هذا
ليش شصاير شلي تغير
اقول تعوذي من ابليس ماكو الا العافية بس انتي دلوعة زيادة عن اللزوم
على فكرة ثنتين من اهلي بالجامعة رياض اطفال يقولون تهببببببببببببببببببببببل ويقولون تتخصصي رياض اطفال احلى
واختهم الثالثة بالاساسية تقول انا اشوف خواتي مرتاحات اكثر مني
وبعدين لحظة الجامعة والاساسية فيهم تعب
وانا اقولج المكان الوحيد الي مراح تلقين فيه تعب بيتكم وفراشج وبسسسسسسسسسس
غير هذا كله تعب
خليج طموحة وتحملي و اتعبي شوي المهم اصير ابلة بتعبي واجتهادي وعيالج لهم الله فوقهم يحفظهم ورزقهم ماشي ماشي
وبعدين هذي جامعة احد يرفض الجامعة
لاااااااااااااااااااااااا انتي ما ينفع معاج الا ازورج في بيتج وامسكج من رقبتج وافهمج احسن
عطيني عنوان بيتكم جايتكم بالشر كله ابي اتهاوش <<<< ههههههههههههههههههه

 

[منار البربرية]

انا عن نفسي لو جذي ادري بيصير فيني من الاول رحت تربيه اساسيه وتخصصت

اجتماعيات اهني دشيت ولاعت جبدي طحت بالعربي اي شي ليش احنا خريجات العلمي

لازم نتخصص تخصصات علميه ولا اذا نبي لغات مثل عربي انجليزي

وبالنهايه انتي حاطه في بالج مدرسه يعني ما تبين تاخذين مكان ثاني

الفرق بين الجامعه والاساسيه ان الاساسيه تربيه بحت حت لو تبي تغير والتربيه
ممكن بعد جم سنه تشتغل مكان ثاني

والله وحده كبري خلصت وانا قاعده بهالجااااامعه وحدي بموت وطاقه جبدي
من الطالبات ومن الدكاتره بكل صراحه ،،ن

ويتبع بالخاص ،،،

 

[لجلك سهى فكري]

اولا اسمج اتوقع انلغى من التربيه الاساسيه ..
ثانيا اذا ماانلغى انصحج بالتربيه الاساسيه
انا نفسج متزوجه وعندي بنت وحامل وبالجامعه سنه ثانيه وحدي متبهذله مو مسألة صعووووبه
القصه قصة مواااااااااااااااااااااااد الجامعه مافي موااااااد مايعطووونج الا بالحسره
انا لي سنه وصيفي تخيلي مجتازه بس 24وحده وانا ماشيه بالسليم ولاسقطت ومعدلي زين ..
رفيجتي بدفعتي تربيه اساسيه نفسي سنه وصيفي تخيلي مجتازه 38وحده شوفي الفررررق يعني هي بتخرج قبلي لانه في مواد عندهم مونفسنااا ضغط عالموااااد ..
مشكلة الجامعه مافي مواد وماتخرجين بسرعه ...
ان بغيتي الكشخه تعالي الجامعه بس ان بغيتي السنع وتخريجين بسرعه وتفتكين روحي للتربيه الاساسيه ...
والجامعه بعد مشكلتها في مواد بعيده بالشويخ والخالديه تلوع جبدج من الروحه والرده ..
انا كنت بموووت عالتربيه الاسااااسيه بس ماحصلتلي عشان جذيه اضطريت ادش الجاااامعه ....
والجامعه ترى التزاميه اكثر من الاسااااسيه اول ناس نداوم واخر ناس نعطل التربيه الاساسيه مو حيل شديدين نفسناااا...
والله يوفقج ...

صرااحه كلامها منطق ,, معاها انا بكل كلمه , بخصووص المواد بالجاامعه ما تلقين وتتأخرين بهالسبب , انا بالجامعه واعااني بصرااحه , ما ادري والله , بس احسن شي تصلين استخااره , وهني دراسه وهناك درااسه , وكل شي يبي درااسه ,, موووفقه انشالله حبيبتي :eh_s(17):

 

[بنت عطا]

بنوته مدري شنو جاني باخر لحظه ههههههههه

عنوان بيتنا الدوار يسار قبال الفرع قطعه٤ ههههههه

اهم شي احلامنا بنووته وطموحتنا شوفي لو وضعج نفسي يمكن تغير تفكيرج شوي تدرين ادور الراحه وانا اختج بس ترا للحين ماقررت بس انطر قبول الاساسيه اشوف وين حطوني وبصلي استخاره

وسبحان الله ناس تقول تعب ناس تقول لا

وناس تقول الاساسيه اصعب

الخيره فيما يختار الله*

 

[بنوتة كول]

^
^
^
ههههههههههههههههه جايتج نطريني
انا اقول استخيري ابرك من كلامي وكلام غيري
اسألي ربج

 

[zqertya]

دامج ام عيال احسن لج التربيه الاساسيه وهذا الكلام من وااقع بنات شفتهم بعيني حولوا من الجامعه لي الاساسيه وبعدين الدكاتره هناك واايد يراعونج واذا ام يراعون اكثر غير انج بس تتخرجين وظيفتج جاهزه من الميداني تختارين اي مدرسه تبين انا اشرحلج الاساسيه لان رفيجاتي اغلبهم امهات شفت الدكاتره يراعونهم حتى بالغياب بس اذا تبين تشتغلين بمكان غير المدرسه خلج بالجامعه لان التربيه الاساسيه توظفج على طول ويحتكرونج 10 سنين ماتقدرين تنتقلين مكان ثاني الا باستقاله ولازم تقعدين سنه بالبيت

 

[مرمر^_^]

التربية الاساسية اخر ناس يداومون واول ناس يعطلون ...عكسنا ....ومن اول كورس وانتي متخصصه...موا مثل الجامعه اللي حاطين شروط ليما الراس عشان تتخصصين ولاتنسين المعدل ...والحين في مواد اللي لازم ناخذهم عشان نتخصص ومغلقه......يعني متى بتخصص؟!!....ودام طموحج رياض اطفال اقول فكري عدل

 

[رحماك ياربي]

كليه التربيه الاساسيه العن وألعن

رفيجتي ليلحين ما لقت مواد

من صجج روحي الجامعه وانتي مغمضه

من قال دكاترتنا يهبلون صراحه ويراعون اذا كنتي والده وبالنفاس يعطونج راحه أسبوعين

واذا عروس 3 اسابيع من صجج هاذا غير الراحه

الاساسيه ضغط فضييع

وانتي ابخص بس الافضل لج تروحين الجامعه

 

[قطوه بطه]

حبيبتي مو ع الجامعه ولا التربيه الاساسيه اهي عالتخصص

في تخصصصات كرف وفي لا

موفقه

 

[بنوتة كول]

ها بنت عطا شرايج؟؟
شنو في بالج؟؟
الله يوفقج ياااااااااااااااااااااااارب

 

[مس روبنز]

ما أحس في فرق بين التربيه بالجامعه وبين التربيه الأساسيه لأن شهادتهم صارت وحده بكالريوس

يمكن الأساسيه أخف من اللي نسمعه ونشوفه لأن يداومون بعدنا ويعطلون قبلنا مثل ما قالوا البنات
بس هم التعب والشغل والصعوبه موجوده عندهم

من رايي تكملين بالجامعه​

 

[..<< ندى الورد >>..]

لحظه لحظه لحظه 
مو عشاني غبت عنكم كم يوم تخربط تفكيركم >> اووم الثقه براا 

اول شي دامج انقبلتي بالجامعه انسحب اسمج من الاساسيه

ثاني شي لو انتي الحين سحبتي من الجامعه احلمي ترجعين لهاا

ثالث شي اذا انتي بعدين كرهتي الجامعه تقدرين تحولين للتربيه واتكملين عادي ماتصيرين مستجده

حراام عليج ي بنت النااس انتي في نعمه الكل يتمناهاا

انا الحين داخله من فوون بالليل ان شاء الله بدخل من ايبادي وابرد قلبي ااااه بتوقفوون قلبي وانا بعزز شبابي خخخ*

 

[بنوتة كول]

^
^
^
انتي وينج من زمان ما شفناج بالمنتدى << بعدين هالاسئلة مو وقتج
بس انا معاج بكل كللللللللللللللللللمة

 

[بنت عطا]

ندى ياقلبي اسم الله على قلبج شفتي اختفيتي خربتني بنوته ههههههههههه

انا اللي بوصل له قلتيه انتي مدام انقبلت بالجامعه اسمي انسحب تلقائيا من الهيئه


انا كنت اقول لو مانسحب اسمي كنت بستخير واشوف اللي ارتاح له بس مدام تقولين الاسم انسحب والبنات يقولون نفس الدراسه مافي فرق

خلاص بقعد عندكم *

 

[غ ـُــטּـج ..๓}]

آلجـآمعـه آحسن بس آنتي صـلي آستخـآره و شوفي ,’

 

[بنوتة كول]

ندى ياقلبي اسم الله على قلبج شفتي اختفيتي خربتني بنوته ههههههههههه

انا اللي بوصل له قلتيه انتي مدام انقبلت بالجامعه اسمي انسحب تلقائيا من الهيئه


انا كنت اقول لو مانسحب اسمي كنت بستخير واشوف اللي ارتاح له بس مدام تقولين الاسم انسحب والبنات يقولون نفس الدراسه مافي فرق

خلاص بقعد عندكم *

ههههههههههههههههههههه
المهم تقعدين معانا :eh_s(9):