جامعة الكويت تعلن عن حاجتها إلى شغل الوظائف الإدارية والفنية 2013

[احب روحي]

انا اتصلو علي وسويت المقابله

الاسألة جدا عاديه

انتي طالبه والا موظفه .. جم معدلج او وين توظفتي وليش قدمتي عندنا

كلش ماتخرع

سالت عن الراتب جدا عااادي اهم لهم كادر 240

في حال كان تخصصج له كادر نفس المحاسبه يشوفون الكادر الاعلى و يلغون الاقل


يعني البكلوريوس العاديين ياخذون 920 تقريبا اذا لج بدل شاشه يمكن يوصل 950

نسيت اسال عن مواعيد الدوام بس سمعت ان من 8-3 مو متاكدة
وشكرا

 

[Talyan Rose]

قابلوني حمدلله وطلع نظام الجامعه بالتوظيف انه كل ادارة تختار الي تبيهم من الي مقدمين اوراقهم ويدقون عليهم ويقابلون بعدها تتوظفين
يعني عادي يدقون عليج اكثر من اداره بالجامعه ويقابلونج اكثر من مره

الاسئله عاديه جدا حتى ولا سؤال بالتخصص بس سالوني عن الدورات الي ماخذتها
وبس كانو حبوبين فرق عن الي قابلوني بالبنك المركزي ?

بس الحين انا محتاره وبين نارين

الجامعه قابلوني وناطره ردهم واليوم طلع ترشيحي وزاره التجاره مادري وين ارووووح ???????

 

[جنيفيه]

بنات إلي قابلوهم عندكم دورة icdl وسؤلوكم عنها ولا لأ ؟؟
موفقين ان شاء الله

 

[Talyan Rose]

جنيفيه

اي عندي اي سي دي ال وما سالوني عنها لانه كنت يايبتها معاي وشافوها

شوفي البنات الباجيين يمكن سالوهم

 

[احب روحي]

انا ماعندي الدورة بس اتصلو علي عادي وكنت ناطرة يسالوني عنها بس كلش مايابو طاريها



تاليان روز التجارة هم سمعت خوش شي ترا الراتب ما يفرق بعد انتي استخيري وانشالله الله كريم

 

[Talyan Rose]

الله كريم احب روحي

بنطر وبشوف مابي استعيل

 

[jekara_maziona]

جنيفيه

اي عندي اي سي دي ال وما سالوني عنها لانه كنت يايبتها معاي وشافوها

شوفي البنات الباجيين يمكن سالوهم

حبيبتي شنو الاوراق اللي اوديها معاي للمقابله ؟

 

[احب روحي]

انا ما طلبو مني اوراق !!

رحت معاي اوراقي بس ماطلبو مني شي

 

[جنيفيه]

موفقين بنات
بس في أحد ما قابلوه لانه ما دقو علي ليلحين (

 

[ghalyah91]

موفقين بنات
بس في أحد ما قابلوه لانه ما دقو علي ليلحين (

انا بعد ما اتصلو علي.. الله كريم :yaaaaaarb:

 

[lomy]

شنو هالمهزله جامعيين يبونهم بوظيفة سكرتاريه دقوا علي الطب باجر بشوف شنو يبوني باي وظيفه كانوا داقين على لى اختي جامعيه كانت مديره بنك يبونها ترجم ميموز يعني رسايل يعني سكرتيره شهالمهزله
وانا دقوا علي كليه الهندسه يبوني سكرتييره ......... قالك عندج اهتمام قلت له طبعا لاااااااااااا الناس تطالع لي فوق ماتنزل تحت

اشكره التوظيف هناك محسوب وخالص واتوقع الاعلان وهمي نفس كل سنه ... واللي تتوظف ضروري تقولي لاني نويت اشن حررررررب على سياسه التوظيف بالجامعه ..

 

[احب روحي]

اختي هناك لو تتوظفين باي وظيفه ينزل راتبج على شهادتج

يعني لو مهندسه ينزلج معاش مهندسه حتى لو كنتي سكرتيرة

بس شغل السكرتاريه معروف متعب

وانا دقو علي كلية البنات و الخميس بروح اشوف

والله يوفق الجميع انشالله

 

[مشتطـه]

انا ما دقوووو علي

 

[صريحة جدا جدا]

انا هم ما دقوا

 

[مشتطـه]

بنات شنو تخصصاتكم ياللي دقو عليكم

 

[Talyan Rose]

انا محاسبه

 

[جنيفيه]

أنا محاسبه وما دقوا ليلحين

 

[ghalyah91]

انا محاسبه امس دقو علي الجامعه قالولي دزي السي في ايميل ،دزيته

واليوم دقو علي عشان المقابله باجر ان شاءالله بكلية الهندسة والبترول الساعه 8:30

انا محاسبه

شلون المقابله؟ واي كلية طلبوج؟

 

[احب روحي]

محاسبة

 

[نـعـومـه]

وناسه في تجمع

انا مقهوره من الجامعه زوجي قدم وقابلوه وكنا بنسافر عقب المقابله بس زوجي قال لا اخاف يدقون ويقبلوني حزه السفر واحتر وتروح علي !! وطبعا للحين مادقو وماسافرنا عشان الجامعه واخر شي مادقو