جامعة الكويت تعلن عن حاجتها إلى شغل الوظائف الإدارية والفنية 2013

[iNoor]

هذا موقع التقديم حوسوا فيه
iRecruitment Visitor Home Page.



جريدة الوطن 3/3/2013
http://watanpdf.alwatan.com.kw/alwatanpdf/2013-03-03/20.pdf

 

[مولاي الفرج]

ماقصرتي

 

[الدلـــع كله]

مشكووورة

 

[كلي_أمل]

مشكورة

 

[صريحة جدا جدا]

مشكورة يقلبي مشكله اني قدمت واوصل لمقابله العميد وماكو فائدة يقولون ماكو درجه وكلام وحكي من الاخر لازم واسطة الله كريم

 

[auker]

مشكوره اختي
بس كلش ما عرفت شلون اقدم و شنو التخصصات الي يبونها و شروطهم
ممكن تساعدينا

 

[iNoor]

ولا انا عيزت وانا أدور التخصصات سايتهم اييب المرض :$

 

[ghalyah91]

حتى انا ما عرفت -.-

 

[بنت الكويت العسل]

ييبي واسطتج قبل لاترسلين شي معروفه جامعة الكويت

 

[Talyan Rose]

مشكوورة اختي

بس ماعرفت اسجل دهاااليز والغاااز شنو هذا !!

اذا عرفتو عفيه علموني

 

[miss twilight]

شنو هذي شهادة الحاسوب ما عرفتها ؟

 

[سكرة هانم]

بنات نصيحة سجلو مو خسرانين اعرف بنات ماشالله تسهلت والله فتحها عليهم وانقبلو بدوووووووووووووووووووون واااسطه ومتاكده من هالحجي 100%

مو خسرانين سجلي وانسي انج سجلتي جوود يدقوون

 

[نور الكويت]

من ناحية التخصصات


دائماً الجامعة تعلن عن حاجتها لوظائف ادارية وفنية بدون ذكر تخصصات معينة ، لأن الجامعة تشمل كل التخصصات

المهندس ، القانوني ، المحاسب ،........... وغييره من التخصصات سواءاً جامعي ام دبلوم ما تفرق لأن الجامعة هي المكان الوحيد اللي يشمل كل التخصصات العلمية والأدبية



من ناحية القبول



لا ترسخون كلمة واسطة في بالكم

انا قدمت العام الماضي قلت اجرب اذا صارت صارت واذا ماصارت ان شآءالله انها خييره


وسبحان الله بعد شهرين من التقديم والمقابلة اتصلوا عليّ وقالوا اني مقبولة

ادري البعض بيقول ان شهرين واجد بس كان وقتها انتخابات مجلس الأمة عشان جذي كل شي كان واقف من تعيينات وغييره من ديوان الخدمة المدنية والجامعة وغييرهم من اماكن ثانية




توكلوا على الله سبحانه واسألوا الله الخييره وقدموا مؤهلاتكم وخبراتكم وكل الأوراق المطلوبة







وابي منكم دعوة بظهر الغيب ان الله يسهل اموري ويفرح قلبي وقلب امي

 

[سمو ذاااتي]

نور الكويت

شلون دوام الجامعه

وجم معاش البكالريوس

خصوصا القانونين

ومشكوره 

 

[عادت ذكرياتي]

ما قصرتي ^-*


تسلمين

 

[نور الكويت]

الرواتب على اللي اسمع عنهم ما تقل عن 900


اما الدبلوم الله اعلم

وللأسف الاداره عندنا مايصرحون عن الرواتب ممنوع

 

[Talyan Rose]

بنااات

انا قاعده احاول اسجل بالموقع بس كل ما ابي احمل الشهاده عالموقع مايصير

ولا ما احمل الشهاده بس اعبي بيانات

بليز بنات ردو عليي
ادق على الجامعه مايردون استغفر الله

 

[جنيفيه]

السلام عليكم
بنات شلون سجلتوا بالموقع ماني عارفه
أسجل فيه كلش !!
على اي موقع ادخل و وين ارووح بعدين بليييييز

 

[miss twilight]

شنهي شهادة الحاسوب هذي لازم يعني ؟!؟! او اللي تسأل عن التوظيف لازم من الموقع ما يصير هناك رحت انا مكانهم الخالديةكلية الهندسة بس في موظفة حبوبة علمتنا ان حصلتيها او الله كريم

 

[Talyan Rose]

شهاده الicdl معروفه والاغلب قاعد ياخذها وخصوصا بعد ما وزارة التربيه اقرت انه كل مدرس لازم ياخذها
تقدرون تاخذون من اي معهد تبون واهيا عباره عن 7 امتحانات عمليه في سبع برامج من برامج الoffice
وتاخذ من 3 اسابيع الى شهر حسب انتي وشطارتج


انا سجلت بس هم مو متاكده من تسجيلي عقدني الموقع بصراحه