جامعة الخليج والجمامعه المفتوحه حق كل البنات اللي ناويين يدخلونها معلومات تهمكم

[هيبهـ ملكيهـ]

بسم الله الرحمن الرحيم

شلونكم بنات بدخل بالموضوع على طوووول

انا في بالي ادخل التربيه يعني باذن الله حابه اصير مدرسه :ggdw:

وتعرفون ان جامعة الخليج فيها تربيه بس غاااااااليه شوي دراستها :eh_s(4):

وهم تعرفون ان كاااااااان بالجامعه المفتوحه تربيه وللامانه ماااادري اذا الحين فيها او لا؟؟:eh_s(2):

1/ بعرف هل حاليا على قولتهم لما يبطلون بالمبنى الجديد هل فاتحين التربيه فيها اولا؟؟

2/ لو بدخل جامعة الخليج جم سعر الكورس فيها اذا في وحده منكم تدرس فيها تقولي الله يجزاها خير:eh_s(7):

3/ ومتى التسجيل حق الكورس الجاي ؟؟ وين مكان الجامعه بأي منطقه؟؟

4/ وهل تنصحوني بجامعة الخليج والا لا؟؟

5/ امااااانه بنات اذا في وحده بالجامعه المفتوحه تقولي هل فيها التربيه وجم سعر دراستها ؟

6/ هل بالجامعه سواء المفتوحه او جامعة الخليج هل فيها اعانه؟؟؟ والا لا واذا فيها جم يقولون زادو الاعانه عن 100 هل صحيح؟؟؟
واللي بجامعة الخليج تقولي جم سعر دراستها وهل فيها التربيه وشلون الطريقه سهله او صعبه دراستها بليييييييييييز ابي جوااااااااب يريح قلبي عسى ربي ينول كل من ترد علي الجنه واللي في بالها عاجل غير اجل يارب :yaaaaaarb:

واللي ماتعرف ترفع الموضوع عسى ربي يرفع قدركم :eh_s(7)::eh_s(7)::eh_s(7):

 

[^^ROSE^^]

سعر الماده بقست 525 دينار
حسب جم ماده تاخذين بالكورس هذي بتكون التكلفه
تقريبا الاجمالي مابين 22000 الى 25000

 

[هيبهـ ملكيهـ]

ثانكس روز ع المعلومات بس بعرف انتي تدرسين فيها اولا؟

وهل دراستها سهله يعني نفس ماقلت انا بدخل تربيه يعني مثلا الكورس الواحد مثلا جم اخذ ماده؟؟؟

لان شوي المبلغ قوي بليييييز بنات اللي تدرس فيها او بالتربيه تقولي جم ماده خذت بالكورس الواحد؟؟

عشان اعرف على جم اعمل حسابي حق الكورس الواحد ادري طولت بالاسئله بس بليييييييييييييز ناطرتكم وابي معلومات اكثر وهل الدراسه فيها سهله او صعبه ؟؟

 

[Un-6be3iya]

كلام روز عدل
بس عشان تدشين جامعتنا لازم تكون لغتج الانجليزية قوية شوي وتتقوين بالتمهيدي اكثر واكثر

وعندهم نظآم اقسآط

 

[هيبهـ ملكيهـ]

ثانكس حبي بس بليييييز بنات اللي دخلت الخليج او الجامعه المفتوحه تعطيني معلومات واااااافيه عنها لاني صج ميييييييييييح ماعرف ولاشي يعني بلييز موتقولون كلمتين وتسكتون ابي معلومات عدل عشان اعرف اقرر وين اروح اتمنى احد يسااااااااااااعدني :eh_s(15)::eh_s(15):

 

[هيبهـ ملكيهـ]

شدعوه عشر تعش الف يتفرجون و2 اللي ردو عسى ماشر؟

وين بنات الجامعه المفتوحه ابي احد يرد علي مالها غير الدعوه ناطرتكم

 

[Peony]

كل الي اعرفهم ال guet
او الجامعه المفتوحه
مايقولون الصج !!
ولا جان سالتهم لج يالغاليه
على العموم اب اب اب


موفقه حبيبتي باختيارج

 

[هيبهـ ملكيهـ]

مافهمت؟؟ قصدج البنات اللي يدرسون بهالجامعات مايقولون الصج؟؟؟ ليش يبا عسى ماشر شصاير بالدنيا ترا كلها جامعه يعني ماضنتي شي ينخش وشنو اللي اصلا بتخشه استغفر الله صج حريم ونقاصة عقل الله يكفينا شر هالمرض

ترا والله جااااااااااااااامعه يعني كل امه محمد تدري عنها شنو الكنز اللي فيها عشان ينخش مثلا اما مايعلمون بلعنتهم خليهم يولوووووووون ويسلم راسج حبيبتي ثانكس ع المرور العسل

 

[bano0ta]

كلش ما انصحج بجامعه الخليج ..
نهيبه وبس يبون فلوس .. ورافعين النسب فيها
انا كنت ادرس هناك بس بعثه وسحبت اوراقي
قوانينها كلش مو ثابته وكل يوم مطلعين قرار ..
وغير هذا ما يقبلون اي عذر لما تغيبين ..
يعني مره كان عندي امتحان وطايحه بالمستشفى بالملاحظه
يبتلهم الورقه ما قبلو العذر وما عادو الامتحان !! ..
وايد اختربت :s

الاشياء الايجابيه اللي فيها :
مبنى الجامعه وايد حلو .. وايد يسوون ايفنتات وفعاليات حلوه

والجامعه العربيه المفتوحه مو سامعه فيها ,,

 

[هيبهـ ملكيهـ]

حياااااااااااتي ماتقصرين ياقلبي ع الاقل فدتييني

بنااااااااااات الجامعه المفتوحه وينكم ابي احد يعطيني معلومات عنها وهل فتحو التربيه فيها اولا؟؟

 

[Peony]

الجامعه العربيه المفتوحه هذا رقمهم احسن شي
دقي وتطمني بدال لا تسمعين خبر يمكن يكون قديم
**+(965) 24710279/37/87


جامعه الخليج هذا رقمهم
+(965) 2530-7000


موفقه حبيبتي

 

[atoooty]

آنا الي اعرفه انه جامعة الخليج مافيها تربيه ؟؟

بس يوم رحت استفسر عندهم وحده قالتلي نفس الكلام الي قالته بنوته تقوول نهيبه بشكل موطبيعي كل شي عليه فلوس يستفزون الوآحد وفوق هذا اذا مأفهم على المدرس ندفع لمدرسين خاصين عشان يجون يدرسوناا ب20 و30 بالساعه
وحتى اذكر دكتور عندنا ايقول انه يدرس بجامعة الخليج يقول لو على نص درجه مانجح الطالب الاداره قايلتلهم هالشي

وعالعموم اكيد بتكون ربحيه مو اهي جامعه خاصه

والجامعه العربيه ماظن مستحيل يردون يفتحون التربيه

 

[mweegah]

شوفي حبيبتي بالنسبة حق جامعة الخليج
المادة 525 يعني الوحده الوحده 175
عادة اغلب التخصصات ياخذون 12 او 15 وحده بالكورس حسب الحاجه يعني الكورس حوالي 2500 متوسط و في رسوم تسجيل حق الكورس و في رسوم مكتبه و رسوم فعاليات
اتوقع التربية التخرج 120 وحده
الدراسة في اغلب الجامعات الخاصه يبيلها لغة انجليزي قويه, يعمي احتمال تاخذين انجليزي كورس قبلها بس ما اعرف بجم
طبعا نهيبه و غالية بس واااااااااااااااااااااااااااااااااااااااااااااااااااااايد اقوى من العربية المفتوحه
انا ما اعرف عنها شي العربية المفتوحه بس اعرف انها ارخص و متسوى التدريس اقل
الدراسه بجامعة الخليج مو سهله بس اسهل من جامعة الكويت
و هم انا اقول دقي سئلي
و الاخت اللي تقول يجذبون مو قصدها البنات حبيبتي اعتقد قصدها الجامعة نفسهم يجذبون علشان تروحينلهم و تسجلين و يربحون
طبيعي حده
بس مثل ما قالوا الخوات اتصلي احسن لان فعلا كل يوم تتغير القوانين

 

[فديته يخرب بيته]

حبيبتي مثل ماقالولج البنات المادة ب 525 دينار واقل شي تاخذين 12 وحدة يعني 4 مواد التكلفة لم تتخرجين بحدود ال 25 الف

واذا تبين تصيرين مدرسة مالج الا تخصص انقلش اديوكيشن

مكان الجامعة بمشرف جدام ارض المعارض المبنى يديد وحلو ومافي مقارنة بينه وبين الجامعة المفتوحة من المكان والموقع والاجواء

وطبعا في اعانة 100 دينار واحتمال بتصير 200 مادري اذا اقروها ولا لا

واذا انتي خريجة ثنوية تقدرين ادشين بعثة اذا كانت نسبتج 74% او 75% واذا كنتي دبلوم 80%

واذا معدلج اقل من جذي دشي على حسابج التمهيدي واول كورس بعد التمهيدي شدي حيلج ويبي 3 نقاط يحولونج بعثة وتفتكين من كل هالمصاريف

ونصيحة لاتسمعين كلام احد ان الجامعة صعبة ويبيلها تكونين بلبل انا انقليزيتي اطقطق والحمدلله تخرجت منها واغلب رفيجاتي الي اعرفهم نفسي مافينا وحدة بلبل بس الحمدلله مشينا حالنا

واي سؤال حبيبتي كلميني ع الخاص يمكن ماشوف الموضوع

 

[I HAVE DREAMS]

هلا اختي

انا شهر 7 اللي طاف تخرجت من gust ان شاء الله اقدر افيدج

بالنسبة لسعر الماده 525 وكل سنه قاعدين يزيدون الاسعار يعني اول مادخلت الجامعة كانت المادة 475 وهما لاتنسين في مصاريف ثانية

مثل رسوم استخدام المكتبة يعني اذا ماخذه 5 مواد يطلعلج الكورس اقل شي 2700 اذا مو اكثر هذا بانسبة للاسعار, بالنسبة لي انا داشتها ببعثة داخلية ولا صج نهيبة لو تقارنينها باحسن الجامعات بره مثل هارفرد هارفرد ارخص!!!

بس تقدرين بعد ماتعدين 24 وحده وتييبين 3 نقاط وفوق تصير دراستج على الحكومة بس لازم تشدين حيلج وتاخذين مواد قادره عليهم

بالنسبة للدراسة تختلف من وحدة لثانية بس ايه اللي ميح بالانجليزي تحترم نفسها وتخش فلوسها احسنلها لان جذي جذي اذا خذت انذارين معدل الثالثة بره الكورس اللي طاف من كلام رفيجاتي شكثر انطردوا

بس اللي زينه وقابلة للتعلم واكتساب لغة ايه تدش وهناك راح تلاحظ انجليزيتها حيل راح تتحسن معاها وماتصير اللغة مشكله عندها عندج مثلا انا كنت جيد جدا بالانجليزي وبعد كورس من التمهيدي حيل تحسنت حتى بالمحادثة

واذا تبين تدرسين تربية بس موجود تخصص واحد اهو انجليزي وما انصحج تاخذين هالتخصص في gust لان كلش اللي يدرسون تربية
مايمدحون الدكاترة لانهم لاشرح سنع ولادرجات وحيل يظلمون وشكثر قاعدين البنات يشتكون عليهم بس محد ملقيهم ويه لان في نقص بالقسم

بس بالتخصصات الثانيه لا في تخصصات حلوه ودكاتره زينه

ايه امبله تذكرت وحده كانت معاي بالجامعة تقريبا سنتين كانت تدرس تخصص انجليزي تربية وبعدين يوم يابت معدل حولت لجامعة الكويت
عقب كورس شفتها في ايفينت عندنا بالجامعة كان اقولها انتي وينج كان تقولي حولت لجامعة الكويت اسهل واحسن دكاترة

عاد انتي استخيري شوفي الاحسن لج بس حطي في بالج اذا عندج عزيمة واصرار مافي شي يصعب عليج باذن الله
وكلها جم سنة وتصيرين ابلة مع انه هالمجال متعب حيل الله يعينج

واي سؤال انا بالخدمة ذكرتيني بروحي اول مادشيت الجامعة بس انا العكس كل من سألته كانوا يقولولي لايحوشج الجامعة حييييييل صعبة

يوم دشيتها ولا الوضع بالنسبة لي عادي وموبذاك الصعوبة ولاجان محد تخرج منها

 

[I HAVE DREAMS]

نسيت اقولج لان بقسم الانجليزي دايما في نقص مو كل كورس تلقين مواد يعني في كورس تلقين وكورس ماتلقين
انا اقصد مواد ال advanced والبنات بسبب هالشي يتأخرون ويتخرجون بعد 5 سنين واكثر

 

[سندس 90]

أب أب

 

[دَلالْ]

رَفْع

 

[رحـيـل ~|]

ان شاء الله اقدر افيدج
انا ادرس بالجامعه العربيه
لكن التربيه عندنا مسكر واحتمال يتبطل ع الكورس الثاني

يعني بعد سنه يالله يفتح التربيه عندنا
وبالنسبه للنظام التربيه الجديد مافيه اي معلومات عنه
راح يكون دراسته بالعربي او الانقليزي محد يدري
وسعر الكورس كامل عندنا بالبدايه يكون 300 وشي
وبعد ماتدخلين التخصص توصلين لي 500 وشي

 

[زبــــــــدة]

الجامعه العربيه المفتوحه ماعتقد راح يبطلون التربية ...للحين مافي قرار رسمي لا للتربية ولا للمبنى اليديد...