جامعة الخليج او جامعة الكويت ؟؟؟؟؟

[الحورية الصغيرة]

:balo:
:balo:




:balo:




:balo:




:balo:





:balo:


السلام عليكم بنات

انا بس باقي لي كورس واحد و أتخرج من الثانوية و أفتك من قعدة الصبح

بس أنا في حيرة من أمري

انا وااااااااايد حابة أدرس إنجليزي و مستواي زين بالإنجليزي و لفظي وايد حلو

بس المشكلة أهيا ويين أدرس إنجليزي

gust(جامعة الخليج) ولا جامعة الكويت:eh_s(10):

سؤال وااااااااايد محيرني
ساعات اقول أدش غست أحسن لانه شهادتها وااااايد قويه:rerrerek:

و ساعات أقول انا أبي أطلع و أستانس ومالي خلق أدرس فأقول جامعة الكويت:016:
بس أذكر أمتحان القدرات لازم فوق السبعين و أرجع لغست:eh_s(16):


بليز
قولي شنو السلبيات و الإيجابيات في كل جامعة منهم ​

 

[الحورية الصغيرة]

شدعوه 12 مشاهده و محد رد

 

[عذآب إلـ أنآ]

شرآآآآآآآآآآآآيج تستخيرين

 

[أم منيـرة]

صـراحه استوقفتني كلمتـج هذي ..!!

وتعجبت حيييل منها ..

و ساعات أقول انا أبي أطلع و أستانس ومالي خلق أدرس فأقول جامعة الكويت

يعني الي ماله خلق يدرس يدخل جامعة الكويت ..! عجبي ..

لا يالغاليه ، جامعة الكويت + جامعة gust
كلهم يبيلهم دراسه ومجـآبل ..!

خل اقولج عني .. انا اول ماتخرجت من الثانويه شفت اعلانات الجامعات الخاصه ، ومن ضمنهم قست ،
قدمت وانقبلت بالجامعه الأمريكيه .. لكن سبحان الله خفت وترددت وسحبت نفسي من البعثه ، ورحت قدمت على جامعة الكويت أفضل لي ..
تدرين ليش .. حسيتهم ماديين بمعنى الكلمه .. يعني اذا عدتي المقرر تدفعين ، واذا تبين تعيدين امتحانهم مال المستوى هم تدفعين شسالفه ؟!!

ف كل الجامعات مثل مثل ..

جامعة قست عندهم اختبار تحديد مستوى ، وجامعة الكويت عندهم امتحان قدرات ..

وجامعة الكويت اذا انتي حابة الإنقلش ومستواج زين فيه .. شكثر تخصصات تدعم هاللغـه
كلية الآداب = قسم الإنجليزي ..
كلية التربية = التدريس انجليزي ..

كليات الهندسه & العلوم الإداريه & العلوم البيولوجيه والرياضيه & مركز العلوم الطبيه ..إلخ كلهم دراستهم بالإنقلش ..

والواحد لازم يشد حيله على أي حال ..!

وسـلآمتج

 

[عرموشة]

أم منيرة قالت الكلام الصح

جامعه الكويت كراف وتعب شلون بتشتغلين بعدين

وعلي فكره اذا انجليزي عندج ممتاز لا تخافين من اي شي بجامعه الكويت

 

[طالبة1990]

شلون تحبين الانجليزي ولغتج بيرفكت وماتقدرين تحصلين 70 بالقدرات؟؟!!

صدقيني اذا القدرات ما قدرتي عليها شلون بتكملين بجامعة الخليج

ومنو قال الانجليزي بجامعة الكويت ضعيف او شهادتها ضعيفة؟؟؟؟


اول مره ادري بضعف شهادة الجامعة اللي خرجت الآلاف من شخصيات الكويت !

والآلاف من دكاترتنا!!

واذا ودج بجامعة الكويت ومو قادرة على القدرات

احب اوضح لج ان في طرق وايد تتخصصين انجليزي من غير القدرات

تسجلين في مقررات معينة تطلعين فيها ب نقطتين وتتخصصين انجليزي سواء بالاداب او التربية


هذا غير ان في كليات وااايد دراستها انجليزي بانجليزي وماتطلعين منها الا وانتي تووب باللغة

مثل العلوم والهندسة والطب والطب المساعد واظن بس مو متأكدة كلية البنات الجامعية

 

[Sparkle]

الصراحه ما راح تفتكين من قعدة الصبح راد يصادفج مواد محاضرتها ساعه 8 يعني 6 أو 7 لازم تقوومين وترووحين

جامعة الكويت + جامعة gust
كلهم يبيلهم دراسه ماكو شىء اسمه خلاص دشيت جامعه كله طلعات ووناسه

 

[يمة يادلبي]

لا والله إذا يبتي نسبة دشي جامعة الكويييـت أحسسسن مليون مرة من جامعة الخليج
واهي قويـة حيل
وعلى امتحان القدرات ترا حييييييل سهل
روحي امتحني من الحين لي نهاية السنة وانشالله تنجحين فيه واتيييبين درجة زينة

 

[o.magic.o]

ما عندي شي زياده عاللي قالوه البنات

بس حبيت ألفت نظرج على انه شهادة جامعة الكويت معترف فيها عالميا

و باجي الجامعات الخاصة مادري عن شهاداتهم معترف فيها ولا لا .. لازم تسئلين

و عموما ... ترى جامعة الكويت كراف مو عبالج ماكو دراسة

ما في شي اسمه ماااكو دراسه ... و الله مو ملحقين على عمرنا


سئلي أكثر وفكري عدل .. و انشالله بتقررين .. موفقه يا قلبي

 

[wardia]

جامعة الكويت جامعة معترف فيها عالميا وشهادتها قويه والجامعة قاعده اتدز سنويا الطلبة حق جامعات براا لدراسة الماجستيؤر والدكتوراه , واذا بتدشين الجامعه وبتلعبين راح تتودرين .. ودريبالج شدي حيلج بالجامعة لانه السالفه مو غشمره

أما جامعة الخليج مادري عن شهادتها فمادري عنها , لكنها متطووره أكثر من جامعتنا من ناحية المبنى وجذي , لكن كدراسة مادري

 

[@@روح الورد@@]

بصراحة انا كنت بجامعة المفتوحة كل دفعي فلوس وبالاخير طلعت مومعترف فيها واذا تخرجتي لازم خبرة علشان توظفين خلي عنج الجامعات الخاصة فشلة بكل معنى الكلمة وترا رفيجتي بقست وتقول خذوا اللى وراي وقدامي نهب فلوس تخيلي حتى حمام السباحة دفعي فلوس بنصلحة والملعب بعد بنعدله قالتلهم مابي انا ياية ادرس مو اتسبح والعب تدرين شنو قالوا لها مو بكيفج اذا مو عاجبج سحبي اوراقك


والله العظيم نظام فاشل انا شوفيني نشحت وانقبلت بجامعة معترف فيها ويكفي انها جامعة البلد هي جامعة الكويت والبنات ما قصروا يعطيهم العافية

 

[Strawberry Shortcake]

اناا انصحج تدشين جاامعه الكويت
وعادي حتى لو ما عديتي القدرات اخذي تمهيدي وشدي حيلج فيه
والله يوفقج يارب