جابلي ريلج احسن لج

[مملكة الحب]

لا تضيعين وقتج مع خمًه تلاقين حريمهم سنع ومنع

والرجال هذا صدقيني يستهبل عليج ويستعبط

انتبهي لدراستج

موتيني من الضحك
صاجه والله
مع الاسف انا طليقي من ضمن هالخمه مع اني مو مقصره وياه ولله الحمد
ومثل ما قالت الاخت هذا يستعبط الريال إذا يبي ييب راس البنت ييبها
وعلى فكره البنات اهم الي يركضون وريلي واغلبهم بنات صغار من 18 وما فوق وهو 40 سنه
ويوقلون له كلام حلو احبك ووو
ويكلمونه بالتلفون بكل سهوله ويعطونه صورهم وينعمون صوتهم عشان يجذبونه عمى بعينهم بنات ابليس
وياما نصحته لوجه الله بس ماكو فايده وقلت له خاف الله في بنات الناس
وهم احاول انصح البنات الي كان يكلمهم بس يتهربون يوسون نفسهم اقوياء
وعلى فكره اهو يغطيني من فوق لي تحت يعني ما يقدرر يال يشوف مني ولا شيء واهو يطالع في بنات الناس ويكلمهم
ودي الله يعاقبه اهو وامثاله عشان يتوبون
وودي الله يعاقب بنات ابليس ويحطون نفسهم مكان الزوجه المسكينه الي مضحيه وريلها يضحك على بنات الناس ويقول لهم انه مو متزوج وزوجتي مقصره معاي ولا مو مرتاح وياها عشان يستعطف بنات الناس ولا اشلون ييب راس البنت وغير الجذب الي يجذبونه على بنا ت الناس
الحمد لله اني ما كلمت غير ريلي ولا حطيت عيني بريال غير ريلي

اختي لمار لا تزعلين احنا المتزوجات وايد نعاني
والبنت الي تخاف الله مستحيل نفسها تسمح لها تكلم رجل غريب متزوج ولا مو متزوج اشدراهم يمكن متزوج ويجذب عليها
لما تتزوجين رح تعرفين معنى كلامنا ويمكن تعانين مثلنا

 

[*loveli-noni*]

الرجل اذكى من جذي...!!

 

[كويتيه79]

:050103nbh_prv: انت لييييش تكلميينه من الاساس وهنا دايريييين بالنا على رياييلنا :rgewrg::balo:

 

[فاقده ابوهاااا]

لو كل ريال خان زوجته علشان انها انشغلت عنه بشغله جان السالفه صارت خواره عيل انا بعد اقول من حق المره اذا الزوج انشغل عنها تقوم تكلم وتخرب ... يا حبيبتي الهدايه من ربج ولو هالحثاله الي كلمتيه لو مرته سنع ومنع بس اهو وصخ ما راح يرده شي وبعدين عمرج سمعتي من شخص خاين يخون زوجته يقولج ان مرتي زينه لازم يقول انها موزينه وامقصره عيل اشلون راح يرر خيانته ويقص على امثالج انا اقول هالمره اسلمت الجره وحطي بالج المره الثانيه لا يطلع ولد حرام ويأذيج

 

[كويتيه مذهله 87]

لوووووووووووووووووووووووووووووووووووووووووووووووول

وانتي صدقينيه يا ماما

جابلي دراستج احسن حووووبي

 

[الجوهرة777]

الله يهديج ان شاء الله وتكون آخر مره تكلمين واحد غريب


وترى عمر انشغال المره ما كان مبرر للخيانه << وده يخون


المحترم واللي خايف ربه يراعي أهله ويخاف الله فيهم واذا انشغلوا عنه يعذرهم

واذا ما قدر يستحمل يتزوج بالحلال

لكن اللي يدور الخراب والمغازل يبي أي عذر علشان يخون

اعرف حريم انتي يا المره تطالعينها ما تملين من وجهها ونظافه وأخلاق واسلوب يهبل تستانسين تقعدين معاها

وزوجها الله يسامحه يدور الوساخه

الله يهديج ويهديه وكل مسلم

 

["اسطورة العشق"]

اممممم

انا معاج في ان الريال ما تكفيه مرا وحده

و في معلومه شبه اكيده بس للحين ما انتهى بحثها مادري دراستها
ان الريال الي عنده مره يعني متزوج او مرتبط سهل تييبين راسه اكثر من الوحداني او لعزوبي

 

[pяiήcєşš]

مممممممممممممممم

الله يهدي الجميع يارب

مشكووووووره صوتج وووووصل :d

 

[الله معايا]

بنات اشفيكم كليتوها اشدعوه يعني ولا وحده من كتبت الردود ما خاطب لسانها الا ريلها يعني عادي ممكن تكلمين مع زميلج بالدوام ممكن زميلج بالدراسه بالعكس البنت قاعده تنصح وصج في امهات وبعيالهم محتاجين نصايحها واي اشدعوه ..........,,,
حبيبتي الله يجازيج خير يا قلبي وديري بالج على نفسج وحلو انه انتي منتبها و احد مصحيج يا قلبي مو بس الرياييل الكبار المتزوجين يلعبون على البنات حتى حتى الشباب الي بالشارع وممكن بالجامعات يعشم البنت بالزواج بس علشان يستغلها سواء بالشينه ولا ماديه
ديري بالج قلبي والله الي يبيج ويحبج ما يتاخر لحظه يخطبج قلبي لا تخلين نفسج بلحظه تسليه لاحد لو منو يكون لو حبيبج بعد ترا الريال يحب الصاحيه الي تحافظ على اهلها ولا نفسها قلبي علشان يظمن انها راح تحافظ على سمعته بعد اذا تزوجها الله يحفظج قلبي

 

[chica loca]

رد: رد : جابلي ريلج احسن لج

ثانكس بنات على مشاركتكم معاي

وانا عارفة اني غلطت لان صارت محادثة بيني وبين متزوج
والحمدلله اخاف ربي وماخربت بيته بالعكس نصحته وان شاء الله الله يهديه
واكيد مو كل الرياييل نفسه بس اغلبهم


وماقصرتوا بالنصايح على راسي :eh_s(15):
[/QUOTE

حبيبتي هذا اسمه مجاهره بالمعصيه حتى لو كنتي تبين تنصحينا وبعدين كلامح هذا

بيني وبين متزوج

!!!!!!!!!!!!

يعني عادي عندج تكلمين مو متزوج

بس سؤال شنو استفدتي انتي لمن تكلمينه ؟؟؟

 

[مسك وطيب]

رد : جابلي ريلج احسن لج

اللي يخاف ربه سواء مره أو رجال ويصلي وذاكر لربه ماراح تسمح له نفسه لهالمعاكسات ,,,
انتبهي على نفسج من الشيطان وانتبهي لربج ولاهلج ودراستج احسن لج من هالاستنتاجات اللي كل عارفها ,,, مو شيء جديد

 

[المستغفرة 74]

مخبرة سرية
ماشاءالله والله انج مخترعه شنو هالاكتشاف العظيم الي راح يكسر الدنيا
اول مرة اسمع ان لازم المرة تجابل ريلها .صج اكتشاف عبقري


وانتي جابلي ربج بالشهر الفضيل وابتعدي عن طريج بنات ابليس .

 

[هيبة ملك]

حبيبتي أكبر منج بيوم أعرف منج بسنة

وهذا هو اللي يلعب عليج مو أنت

يمه جابلي دراستك واتقي الله في نفسج


مو زين لج بتطيحين في شر أعمااااااااااااااااالج

 

[eastfem]

اي صاجين جابلي دراستج شمالله تستكشفين وتفلسفين

ياااااامال العافيه

 

[dectora 7elwa]

مشكوره عالنصيحه
الله يكملج بعقلج امس بدت الدراسه ترا

 

[الشهد كله]

أقول حبيبتي خليج بدراستج أهم من الإيميلات ، ترى الدراسة بدت

والريال إذا ما لقى بنات من أمثالج بس يسولفون ترى الدنيا بخير وراح يمشون سيدة

يقول يحبها وخليك على مينونك ، والله يبا زين :nbvppw:​

 

[أنفاسي دخون]

يا قلبي الرجال اللي بدمه الخيانه ويحب الخراب ولعاب لو زوجته تقابله 24 ساعه وقايمه بواجباته على اكمل وجه وما تقصر معاه باي شي بيخون واللي الله هاديه وعاقل وخايف الله لو زوجته مهملته وما تدري عنه بيتم وفي لها

بالاول والتالي شخصيه الزوج وخوفه من الله وقدرته على التحكم بنفسه

وانتي انتبهي لنفسش وقابلي دروسش ابرك من هالعلاقات اللي بتضيعش اليوم لعب وهبال وبكره بلاوي متلتله

 

[احلى ـآ وحده]

والله تلاقين مرته يادهينه لا تنكتين بس رياجيل مايملي عينهم الا التراب

 

[ام طمبحله]

رد : جابلي ريلج احسن لج

الله يستر عليج وعلى بناتي ويرزقكم بالازواج الصالحه
ويبعد عنكم طريج الحرام
يا بنتيتي المكالمات حرااام وطريجها حرااام حافظي على الامانه اذا عطيناكم النت والايفون خافوا الله وخافوا على نفسكم سلامتكم من سلامتنا وسلامة العايلة كلها هذا شرف أمانه برقبتكم ليوم الدين
شلون بنت وتكلمين رياييل!!! الله اكبر من غضب ربي علينا
وينا عن بناتنا وينا من الأمانه ورعايتهم
يا حريم البنت هذه صادقه ونيتها سليمه والله يجزاها خير نبهتني لنشي أنا غافله عنه
ومنها راح انتبه لبناتي قبل ريلي
يا بنات مو على بو انه متزوج تحسون ان انتوا اقوى منه صدقوني الشيطان يتلبس بكل ثوب
بنتي يا حياتي انتبهي لعمرج وحافظي على نفسج وتركي هالاستنتاجات لها حلول غير انج انت تكوني الضحيه
الله يستر عليج وتستخدمين ذكائج بعلم ينفعج وينع البشر ويفخر فيه اهلج
الله يرضى لي عليج
قلبي عورني على بناتنا والله كل شي بيدهم وموفرينه لهم وما قصرنا واحنا الامهات والابهات خايفين ربنا ومانبي لهم طريج للغلط
الله لا يآثمنا على جهلنا
اللهم احفظ بنيتي صاحبة المقال وبناتي وبنات المسلمين من كل زله وعله
واجعلهم من أشرف نساء العالم والامه

 

[brettey]

رد : جابلي ريلج احسن لج

وانتي صدقتي ان زوجته هاملته ؟
جذب مافيه ريال الحين بزمنا زوجته هاملته بس هذا حثاله وحيوان وتركيه خلاص الله يستر عليج