- إنضم
- 7 يونيو 2010
- المشاركات
- 150
- مستوى التفاعل
- 1
- النقاط
- 0
جيتك وانا من لهفة الشـوق ولهـان
..............شوفتك .. فرصه من زمان احتريهـا
ماجيتك مسافر من اوطان لـ.. اوطان
..............يا أوطاني اللي وين مارحـت اجيهـا
شوفتك ! عندي مـا تقّـدر بالاثمـان
...............وآلله .. لا ابيـع العمـر واشتريهـا
دنيآ .. بدونك يابعد كـل مـن كـان
..................وش عاد ابي فيها وليـه ارتجيهـا !
اعيشها وحشـه وضيقـه وحرمـان
.................استغفـر الله / ميـر ماعـاد ابيهـا
ثيابي اشبه في غيابك بـ.. الاكفـان
................وايامـي بليـاك / تبـت يديـهـا !
حاولت اسلي خاطري قـدر الامكـان
..............آثـر الهمـوم .. تحدنـي واحتديهـا
كم ضيقة ٍ جاهدتهـا صبـر وايمـان
.............تفجرت .. وانـا عجـزت احتويهـا
وقفت .. مالي من بعدك اي عنـوان
.............قبل ابتدي كـل الـدروب / انتهيهـا
جيتك من آخر ديـرة الكبـت تعبـان
.............لـ.. عيونك اللي ودي ارتـاح فيهـا
ماجبت ورده / جبت لك 1000 بستان
..............[ هديـة ٍ متواضعـه ] .. واقبليـهـا
تعبان وعيوني عليهـا السهـر بـان
...............مدي يمينـك .. ودي ارقـد عليهـا
التعديل الأخير بواسطة المشرف:
.gif)
