ثلاثينية وابي اتزوج

[المبهمه]

السلام عبيكم ورحمة الله وبركانه
في البداية اشكر صديقتي وحبيتي مزيونة الخبر على دعوتي لهذ المنتدى الرائع

بنات انا عضوه يديدة معاكم وحابة اطرح مشكلتي

بنات انا عمري 31 سنة وللحين ماتزوجت تعبت من الحياة :eh_s(11)::eh_s(11)::eh_s(11)::eh_s(11)::eh_s(11)::eh_s(7):

كل اللي كبري عيالهم بالمدرسة وانا للحين ماتزوجت

تعبت من نظرة اهلي لي واني العانس


واني كل شي ممنوع علي لاني عانس مايصير تلبسين جذي مايصير تحطين جذي والسبب انج

للحين ماتزوجتي

بنات ودي اتزوج وارتاح تعبت من الحياة هذي

بنات الحمد لله جسمي حلو وبشرتي حنطية تميل الى البياض

تكغون بنات ابي حل لوضعي هذا :eh_s(7)::eh_s(7)::eh_s(7)::eh_s(7)::eh_s(7):

 

[تحت ظلك]

إن الله هو الرزاق ذو القوة المتين


تعلقي باالله
واطرحي دعواك وطلبك عنده
الأمر بيده وحده.

 

[يحبنى الله *]

يا ما ناس تزوجوا على كبر وخذوا احسن من كل اللى تزوجوا

نصيحة عيشى حياتك وحبى تسون خير لغيرم لأهلك وناسك


واشغلى نفسك بعبادة الله


لا تضيعين احلى سنوات عمك بالتفكير سواء بشخص او زوج


ويضيع عمرك على الفاضى

كلشى بوقته حلو

 

[المبهمه]

اول شي جزاكم الله خير على ردودكم
بس انا تعبت من نظرنهم لي تعبت من اقرب الناس لي

 

[مدمنة كوفي]

اذا تعرفين ناس ثقة يزوجون ويخافون الله كلميهم لكن اللي يهمهم المادة يسوون نفسهم خطابات وهم نصابات ابتعدي عنهم انا وحدة تطلقت بسبب نصب خطابين مشهورين في ديرتنا وماخذين الشغلة نصب واحتيال وغير جذي ما يحافظون على اسرار الناس

وعمر 31 مو كبيرة بس مجتمعتنا العربية المختلفة من البنت تدخل 25 سنة كبروها وعجزوها ونصيحة نصيحة لا تاخذين اي واحد عشان نظرات الناس والله اني متحسفة على قد شعر راسي تزوجت عشان كلمة عانس ياريت تميت عانس ولا مطلقة

مثل ما قالت الاخت يحبني الله عيشي حياتج

 

[المبهمه]

الله يجزيج الف خير

ويرزقنا انا وياج وجميع البنات بالزوج الصالح

 

[مزيونة الخبر]

ياحياتي تسلمين اللة يرزقنا الازواج الصالحين كلنا نفسج بس صابرين ومتفالين بالله خير

 

[سحرالعيوون]

شوفي حبيبتي ترى مو عيب العانس والنظرة الدونية دليل عادات وتقاليد قديمة والعانس ماهي بطاقة اعلان الفشل الله كاتب الرزق
صح مهم البنت تزوج ما بقولج قعدي في بيت ابوج ولا تتزوجين وما يهمج احد بالعكس لازم تتزوجين
وتشوفين حياتج واللي يريحج ومن حقج تكونين اسرة انا عندي قاعدة اللي يبغي شي يتعب عليه
تبين فلوس تشتغلين تبين شهادة تدرسين لكن الزواج مو بيدج صح عليج بصلاة الليل ثم صلاة الليل
انتي صبري عليها شوي مع دعوات الوالدة الله يحفضها وخليج بارة بأمج عدل ولا تتكلمين بكلمة اذا عصبت عليج
سكووت وكلمة ان شاءالله والله بيسر لج امرج ان شاءالله وبتشوفين كل الخير
ولج مني اجمل تحية والله يزوج كل عازب وعازبة يارب

 

[المبهمه]

الله يجزيكم الف خير

 

[درب الخير دربي]

نصيحة اخوية لك ولغيرك
ماغير الله احد هو الرازق تقربي الى الله واصدقي في الدعاء
اكثري من قيام الليل والدعاء والبكاء والتضرع بين يدي الله
لاتنسي ان تعيدي النظر في حياتك لعل هناك امور اخرت زواجك

لذلك ابحثي في رضا وطاعة والديكي.هل هي
خالية من العقوق !؟؟
وانظري للذنوب اللي تؤخر الرزق
اعيدي حساباتك
ولن تندمي وباذن الله ستأتين تبشرينا بقرب زواجك

 

[صلو على رسول الله]

الله يرزقك يارب

و انصحج تخلين عندج مسبحة تستغفرين و صلي عالنبي عدد كبير و ان شا الله بتشوفين الفرج و الخير

و قيام الليل سهام الليل لا تخطيء

 

[قاهره عذالي]

توج شباب

والرزق بايد الله

انتي لا تقصرين بحق نفسج


اذا عندج دراسه ما كملتيها كمليها

اذا خلصتي دراسه توظفي بمجالج

اذا عندكم دار قرآن

دشي دار قرآن

تعرفي على الناس وزوريهم واعزميهم

مو عشان ماعندج زوج توقفين حياتج

مو شرط الزواج يكون حلووو ياما بنات تزوجوا وتبهذلوا وما عزهم الا وظايفهم ومعاشاتهم واهلهم ترا الرجال ما وراه عز


ولا مانع دام كبرتي تشوفين خطابه ثقه بس تكونين تعرفينها معرفه شخصيه وواثقه منها

لان اللي اشوفه انه الخطابه اللي تعرفج معرفه شخصيه هي اللي تصفط لج الزين

وبالنهايه الخطابه ممكن تكون سبب وممكن تكون مو سبب

لان بالنهايه هذا قدر

اقري سورة البقره يوميا سبحان الله ماتدرين شنو ممكن موقف نصيبج

سورة البقره تبعد الحسد والشياطين وتبطل السحر

وسورة الواقعه تجلب الرزق

انا حاليا مطلقه ومرتاحه ومو مقصره بحق نفسي

بالطقاق الزواج جاني جاني ان ما جاني ماراح اموت بدون رجال

صحتي الحمدلله زينه والله قاعد يرزقني وعلى وجه وظيفه وباجر احط لي مجتمع د
جديد من الزميلات واسوق سياره عن قريب


انتي مو مشكلتج ما تزوجتي انتي مشكلتج الاساسيه اهلج تفكيرهم قديم عبالهم الزواج والرجال هو الزين

هذا انا ورفيجاتي تزوجنا بالعكس مرات الزوج يكون هم وعله

هو مو مهم متى تزوجين المهم بالنهاية ان تزوجتي تزوجين شخص زين ورجال هالوقت قليل اللي فيه الخير وصالح

اغلبهم عندهم افكار شاذه وخبايا وما يحترمون المراه ولا يحطون لها قيمه

 

[ورود وبس]

حبيبتي والله لا تحاتين ولا تشيلين هم
شنو بعني الزواج مو اساس الحياة والله اسألي مجربين
قبل لا اتزوج وايد وايد كنت احاتي
والحين ورب الكعبة ودي انا بمكانج
حبيبتي هو الزواج اول وتالي نصيب واخذي بالاسباب بس لا تعطين الموضوع اهمية
ولا تخلينه يسببلج ضيق واكتئاب
خلي كل شي للنصيب ما تدرين بييج نصيبج من غير لا تحسين
واللي عليج الحين اشغلي نفسج بالمفيييييد
استمتعي بحياتج مع اهلج واخوانج شغلج
دخلي دورات تفيدج سوي عمل خير
ساعدي الناس تصدقي
هذي هي الراحه
والا الزواج توفيقات يا تصيب يا تخيب وخليها ع ربج
والمكتوب بيصير وخلج قنوعه بالمكتوب
والله نص المتزوجات حاسدينج
الله يرزقج بولد الحلال اللي يسعدج وتسعدينه

 

[ورود وبس]

حبيبتي والله لا تحاتين ولا تشيلين هم
شنو بعني الزواج مو اساس الحياة والله اسألي مجربين
قبل لا اتزوج وايد وايد كنت احاتي
والحين ورب الكعبة ودي انا بمكانج
حبيبتي هو الزواج اول وتالي نصيب واخذي بالاسباب بس لا تعطين الموضوع اهمية
ولا تخلينه يسببلج ضيق واكتئاب
خلي كل شي للنصيب ما تدرين بييج نصيبج من غير لا تحسين
واللي عليج الحين اشغلي نفسج بالمفيييييد
استمتعي بحياتج مع اهلج واخوانج شغلج
دخلي دورات تفيدج سوي عمل خير
ساعدي الناس تصدقي
هذي هي الراحه
والا الزواج توفيقات يا تصيب يا تخيب وخليها ع ربج
والمكتوب بيصير وخلج قنوعه بالمكتوب
والله نص المتزوجات حاسدينج
الله يرزقج بولد الحلال اللي يسعدج وتسعدينه

 

[هدوووشه]

انا مع قاهرة الله يرزقك حبيبتي

 

[المبهمه]

مشكورات حبايبي
انا مشكلتي من اهلي بعد واخواني وتدخلهم بحياتي مع ان زوجاتهم على كيفهم بحجة انهم متزوجات
وانا عيب كل شي عيب لاني بنت وومكن اجيب العار

 

[قاهره عذالي]

مشكورات حبايبي
انا مشكلتي من اهلي بعد واخواني وتدخلهم بحياتي مع ان زوجاتهم على كيفهم بحجة انهم متزوجات
وانا عيب كل شي عيب لاني بنت وومكن اجيب العار

الكلام اذا كنتي توج بالغه وجاهله
المراه من تصير 23 او 24 خلاص كبرت وتعرف مصلحتها
هم 31 سنه وانتي عندهم وربوج يعني مايعرفون اخلاقج
فيها غلط لو اعزمتج صديقاتج او عزمتيهم
شوفي هو بالطبيعه السعوديين حكرين
وانا قبل اتزوج هم ابونا كان حارمنا نزور رفيجاتنا ببيوتهم حتى ملابس عيد او عرس يروح هو وامي يختارون ويجيبون لنا بس كنا وقتها طعش اقل من 20

تزوجت وتطلقت واهلي تعودوا بالبدايه عشان التجهيز اروح واجي مع امي مع سواق اجره
عقب امي ملت وصرت اروح لحالي بس اهلي عارفين وين اروح يا بيت رفيجتي فلانه والا فلانه ومرات اعزمهم ومرات لما مايجيني السايق ادق على ابوي او اخوي ياخذني من بيتهم وخلاص اوثقوا والحين خواتي اللي اصغر مني صاروا نفس النظام قبل كانوا اهلي يخافون الحين عادي

انتي عوديهم انه لج رفيجات تعزمينهم ويعزمونج وروحي عروس وروحي صالون وفكري بوظيفه او شي مفيد يشغل وقتج فكي القيود عنج شوي شوي وباجر راح يتعودون انج تروحين وتجين عادي

 

[إبتِهـال 1991 م]

حبيبتي ادخلي موقع العفاف
موقع مضمون واعرف شخصه قريبتي تزوجت عن طريقه وربي وفقها وتراها صغيييره بالعشرين اول العشرين بعد
الموقع حق شيخ مع وف بالرياض

 

[مدّهره !]

الله يرزقك بالزووج الصاالح .’,

 

[*عزة نفس*]

ياعيوني والله،،
لا تحطي في بالش ولا تتضايقي،،وجود للزوج نعمة واحيانا نقمة،،اقصد ان عدم وجوده مو نقمة،،
دوري لك وظيفة مو علشان احد يشوفك ويخطبك لا،،لنفسك تحسي بالاستقلالية المادية وتشتري اللي خاطرك فيه وتكشخي،،
اي اكشخي لنفسك مو لأحدًًصار زواج،،تعدلي واطلعي بس في الزواج كوني على طبيعتك مع شوية برسيتيج بحيث ان ماتبيني لأحد ان تبغي تلفتي نظر الحريم حتى يخطبوك،،

شوفي اني عمري مثلك او اكبر منك31 بس عندي سلاح المتزوجة وغير المتزوجة اللي هي الوظيفة اللي اعتبرها افضل من الزواج مو لشي بس حاطه همي بالدوام يعني اهم شي بالوظيفة تبعدش عن التفكير الحرام والعلاقات المحرمة لاسمح الله،،

كل بنات حواء وادم فيهم هالغريزة مانقدر ننكر حاجتنا للطرف الاخر بس العقل هو اللي يقود هالغريزة حتى لاتغطى على التفكير والحياة كلها ويكون بس محور حياتنا وشغلنا الشاغل بس زواج وتكوين اسرة،،

ممكن انتو اسرة محافظة ولها عاداتها وتقاليدها علشان عيب ماتلبسي كدا،،احترمي رغبتهم بس لا تهملي نفسك،،،مافي بنت الحين ماتحط ميك اب ولا تسوي شعرها ستايل قصه وحركات حتى لو الشعر طويل افتحي يوتيوب وشوفي النيولوك في الشعر والميك اب،،
اتمنى لك التوفيق في حياتك وتحصلي مرادك،،