ثقلت عليكم بس والله مالي غيركم

[((shoOoshoOo))]

خلي حدوود لحياتج الزوجيـه ..

والله يرزقج بالذريه الصـــــــــــــــــــــــــالحه

 

[جروح خالده]

رد : ثقلت عليكم بس والله مالي غيركم

الله يرزقج بالذريه الصالحه

وانتي غلطانه ليش تخلينهم يتدخلون بحياتج الخاصه اي شخص يحاول يقترح او يقولج سوي وسوي تقدرين بكلمه توقفينهم عند حدهم قوليله حياتي الخاصه ومااحب احد يتدخل فيها

 

[ام الدرر]

((استعينوا على قضاء حوائجكم بالكتمان ))
حبيبتي الجئي لرب العالمين هو الملجا واليه الملاذ
حتى لو بتفضفضين وتشكين
بصلاتج ياقلبي افتحي قلبج لخالقج بترتاحين
اشتكي وادعي
عسى ربي يفرج همج ويرزقج الذريه الصالحة​

 

[معزوفة عشق&]

رد : ثقلت عليكم بس والله مالي غيركم

كلام الناس كثييييييييييييييير وماراح يخلص

وارضاء الناس غايه لا تدرك انتي توكلي وادعي ربك واستغفريه

ترا الحسد كثر هالايام

وادعي ربي انه يفرجها عليك ويحقق لك مناك ومبتغاك

ودايم ادعي وقولي ربي لا تذرني فردا وانت خير الوارثين خاصة ف السجودد وشوفي كيف راح تكون النتيجه

 

[أسيرة_أحزاني]

رد : ثقلت عليكم بس والله مالي غيركم

حبيبتي غلطتج انتي اللي سامحة لهم يتدخلون بحياتج ويكسرون مجاديفج بكلامهم

توكلي على الله وصلي الاستخارة وبلشي علاجج الانابيب ولاتقولين حق أحد أحسن عن العين والحسد

والبيت خليه ينبني شوي شوي مانتي مستعجلة على شي

بس توكلي وبلشي ولاتخلينهم يكسرونج وهم مرتاحين ويسوون اللي يبونه

خلي كل ثقتج بالله وتوكلي على الله

وإن شاء الله تبشرينا قريب بالحمال

اللهم آمين

اللهم آمين

وانا معاها

من صجج راده عليهم ؟ الطب تطووور جربي مره ومرتين وثلاث !!!!! وخلي املج برب العالمين كبير :33_1185028183::33_1185028183: وبشرينا الله يرزقج الذريه الصالحه

 

[aseell]

رد : ثقلت عليكم بس والله مالي غيركم

عليك في سورة آل عمران

وفي السجود
( اللهم إني أسألك بما سألك به زكريا ، يا رب لا تذرني فردا وأنت خير الوارثين ، اللهم هب لي ذرية طيبة إنك سميع الدعاء ، اللهم باسمك استحللتها ، وفي أمانتك أخذتها ، فإن قضيت في رحمها ولدا فاجعله مباركا ، ولا تجعل للشيطان فيه شركا ولا نصيبا)

 

[الاهله]

رد : ثقلت عليكم بس والله مالي غيركم

جزاكم الله خير

ماقصرتو والله واجد تغيرون مننفسيتى وتعينونى على حياتى

مو اول مرة تنورونى للطريق الصحيح

يااارب كل وحده دخلت ونصحتنى يارب تتحقق كل امانيهم وتيسر امورهم وترزقهم من حيث لا يحتسبون

 

[*ريما*]

رد : ثقلت عليكم بس والله مالي غيركم

طنشي كل الناس
وعيشي حياتك
والله يوفقك ويرزقك بالذرية الصالحة

 

[بنت عز وما تنهز]

ربي يعوضج خير ويرزقج الذريه الصالحه

 

[ماعرفتك زين!!]

رد : ثقلت عليكم بس والله مالي غيركم

الله يرزقج بالذريه الصالحه يارب وتقر عينج ويرتاح بالج
حبيبتي الناس الحين تخاف ماتستحي لاتعطين احد وجه يتدخل بحياتج ويجيبلج حجي ويودي واذا على الحش اغلب الحريم يحشون ببعض بس انتي لازم تكبرين راسج لانج بتتعبين من كلام الحريم اللي مايخلص ولاتتاثرين بسرعه من اي كلمه تنقال خليج قويه تكلمو ولا قعدو انا هي انا ماراح اتغير ومدام انا راضيه عن نفسي ومرضيه ربي الناس >>|بالطقااااااااااااااااااق >>سوري
وحسبي الله على كل من يضر الناس

 

[منطوق الغلا]

رد : ثقلت عليكم بس والله مالي غيركم

ماعليج من كلام حد الغاليه


ماشاء الله تبارك الله اعرف وحده 7 سنوات ماحملت ماخلت شي ماسوته وربي قعدت تستغفر بس شهرين الا شهر 3 هي حامل بدون لا انابيب ولا شياته



كله بفضل الله سبحانه وتعالى ماعليج من كلام حد داومي ع الاستغفار صدقيني مابتندمين بالعكس بتحسين براحه وامانيج كلها تحقق




الله يرزقج بالذريه الصالحه عاجل غير اجل

 

[*peace*]

رد : ثقلت عليكم بس والله مالي غيركم

البنات ماقروا

بعدين انتي مالج شغل فيهم

وغلط انج تتاثرين بكلامهم !

 

[جديده 1]

رد : ثقلت عليكم بس والله مالي غيركم

اختي انا بقولج اللي اقدر عليه و الباقي عليج ..
أول شي التزمي بالصلاه و بالاستغفار تراه اهم شي ..

خلي زوجج يفحص فحص حيوانات منويه .. اما انتي ابدأي مثل ما اقولج .

اذا انتي متينه حاولي تضعفين .. لأن السمنه تسبب خمل في المبيض ..
ثاني شي اكلي حبوب اسمها جلوكوفاج .. اول شي مالها اثار جانبيه حتى لو كنتي حامل " ان شاء الله " مايضرج .. و كذلك لو فيج تكيسات يشيلها .. و بعد ينزل الوزن و بعد ينشط لج المبيض .. و ترى سعره حيل حيل رخيص و تقدرين تاخذين منه مرتين باليوم بس بعد الاكل و الحجم 500 .

بخصوص فحوصاتج ..
الاشياء اللي ممكن تاخر الحمل .. قصور او نشاط الغده الدرقيه و علاجها حبه على الريق بس تاخذينها طول العمر و مالها ابدا مضره ..
هرمون الحليب و ارتفاعه .. تاخذين حبوب تنشف الحبوب ..
خمول المبيض .. يعني البويضه ماتكون بحجم ممتاز عشان جذي ما تتلقح !! و الحل هني حبوب كلوميد و في ابر تفجير و في ابر تنشيط شوفيلج دكتور شاطر بهالموضوع و الاهم ان منشطات المبيض ما تؤخذ اكثر من 6 شهور لانه مو زين !!
بعدها نجي لقنوات فالوب .. في عمليه بسيطه اسمها الصبغه .. يحقنونج بصبغه تحت التخدير او بدونه بس التخدير احسن و هالصبغه هذي تبين ان كان فيج انسداد بقنوات فالوب ولالا .. ان كان لا سمح الله فيج انسداد بالاثنين فعندج اما تسوين فتح القنوات بالمنظار لو كانت الالتصاقات خفيفه اما اذا مايقدرون فالحل النهائي طفل انابيب و انا سمعت ان الاردن شاطرين فيه .. اما اذا في انسداد انبوب واحد فإحتمال الحمل 50% .. يعني شهر في امكانيه تحملين بالمبيض السليم .. و الشهر اللي بعده مستحيل تحملين لان دور البويضه تنزل بالمبيض المسدود و للآيف ماراح تعرفين باي شهر المبيض الزين و اي شهر المبيض المسدود ,

بخصوص الجماع .. اختي لازم يتم بأيام معينه بالشهر .. يمكن تقريبا 3 ايام بالشهر ممكن تحملين فيهم و باقي الايام مستحيل .. و حسبته هالايام صعبه .. اذا كانت دورتج 28 يوم .. تحطين 28 - 14 = 16 .. مثلا اول يوم دورتج تاريخ 6 .. اذا تضيفين 16 على تاريخ 6 و راح يطلع تاريخ 22 فهو يوم التبويض و قبله يوم خصوبه عاليه و بعده يوم خصوبه عاليه و هذي هي ايام التبويض الثلاثه من كل شهر و طبعا لما يكون مده دورتج 33 يوم اتحطين 33-14 =19 يوم .. و قلنا مثلا تاريخ اول يوم لدورتج 6 فراح يصير 6 +19 = 25 وهو يوم التبويض ..

وهذا اللي عرفه و ياليت كل وحده تقرأ كلامي تدعيلي ان الله يرزقني بالذريه الصالحه عاجل غير اجل و يرزقكم كلكم ان شاء الله .

 

[عاشقه رويشد]

الله يرزقج يارب

 

[سعبوله نحله]

رد : ثقلت عليكم بس والله مالي غيركم

طااااااااااااااااف شوفي حبوبه اذا بتمشين على كلام الناس مارح ترتاحين طول عمرج لان الناس ماعندهم الا القيل والقال على اي شي يبون يتكلمون
واذا ع الحمل استغفري بنيه الحمل وان شالله تحملين

شوفي طبقي الي مكتوب وان شالله تيبين توم بعد =)

اول شي اتركي كل شي يغضب الله(اغاني,غيبه,الخ) على الاقل مدة هالاسبوع هذا اللي بيتطبقين فيه الخطوات
والمطلوب اربع اشياء
1_خللك على وضوء مدة 24 ساعه يعني كلما احدثتي توضي
2_ قول اشهد ان لا اله الا الله وحده لا شريك له له الملك وله الحمد وهو على كل شي قدير مئة مره باليوم واذا زدتي خير وبركه
3_تصدقي عن كل يوم بيومه لو بريال والافضل بدون مااحد يدري
4_قولي سبحان والحمدولا اله الا الله والله اكبر وكثري منها اكثر من خمسين مره اكثر اكثر
ولا تفكرين بالعرس واذا فكرتي قولي سبحان الله والحمدلله والله اكبر لان الله يحب هالكلمات علشان الله يعطيك اللي تحبين
بعدين ادعي في صلاتك باللي تبين عرس او غيره\
الخلاصه اعطوا الله مايحب يعيطيكم ماتحبون
شوفوا الشيطان بيجيكم وبيحبطكم بس ما عليك شدوا الهمه والا فضل يابنات استمعوا للمحاضره تلقونها باليوتيوب محبة الله للشيخ عبدالكريم المشيقح

 

[الاهله]

رد : ثقلت عليكم بس والله مالي غيركم

بعد عمري انتو ماقصرتو الله يجزاكم خير ويسر حياتكم تعبتكم واجد



بلنسبه لايام التبويض بحسبها اول مرة ادري عنها

وزوجى سوى تحليل بس عنده صفر


وعنده كسل بلغده الدرقيه بعد


يارب كل من رد علي تحقق له كل امنياته يارب

ولاتجي السنه الجاي الا امانيكم تحققت يااارب قادر على كل شي

يارب فرجو همي فرج همهم يارحيم

 

[kndora]

حسبي الله ونعم الوكييل

الله اكبر عليهم وعلينا ((كثري منها ))

والله انشالله يارب يرزقج بالذرية الصالحه يارب

ومالج شغل فيهم احسن شي انج توخرين عنهم عشان ع الاقل يخف الكلام

 

[lovely jojo]

الله يفرجها عليج

 

[طويت صفحة الماضي]

الله يرزقج بالبيبي يارب ويفرج همج

 

[جديده 1]

رد : ثقلت عليكم بس والله مالي غيركم

اي ايام التبويض لازم يتم فيها الجماع ولا ماراح يصير حمل !!!
هي تقريبا نفس الحسبه اللي عطيتج ياها .. و بعد لما تشوفين ينزل منج افراز تقريبا نفس بياض البيض فهو وقت التبويض ولازم يتم فيه الجماع ..

بخصوص زوجج تحليله صفر !! يعني عنده مشكلله !! و يمكن السبب منه مو منج !
انا سمعت بان ناس عندها الحيوانات المنويه صفر بس سوو حجامه اظن بعرق بالفخذ + عسل و تحسنوا .. ابحثي عن هالموضوع ..

اي شي راسلوني مو واجد ادش المواضيع انا .. و الله يرزقكم و يرزقنا الذريه عاجل غير اجل يارب يا كريم