ثقب بقلب طفل رضيع .. شنو هالمرض احد سامع عنه ؟ :(

[مهناز]

الله يشفيها ياارب ويمسح على قلب امها

حبيبتي هالشي حاليا صار عادي الطب تطور

انا ولدعمي عمره حاليا 26 سنه هالثقب معااه من يوم كان صغير

والحمدالله مافيه الا العافيه ~

\\

مشكوره ياعمري ماتقصرين الله يحفظه ويطول بعمره
الله يطمنج دنيا وآخره ياقلبي


ويطمن كل البنات اللي ردوا علي بالدنيا والآخره ان شالله
وأم البنوته تسلم عليكم وتشكركم وايد وايد وتقول لكم عسى عمركم طويل والله يحفظكم

 

[كلي فرح]

السلام عليكم
أهم شي حبوبة الرضاء بقضاء الله و حسن الظن فيه
والدعاء لها بالشفاء في كل وقت
وأحب أطمنك أمن ولدي نفس الحالة وكانوا فتحتين وحدة منهم كبيرة وبجدار العضلة نفسها
بس الحمد لله مع الادوية ما احتاج للعملية لان الفتحات أنواع نوع يتسكر من نفسه و الثاني يحتاج عملية
أنا أقول لوتودونها للدكتور مصطفى القبندي في مستشفى العرف بالجهراء لأنه بعد الله دكتور بكل مافي هالكلمة من معنى
يحاول يفهمك الحالة بالضبط ودايما أن ادعيله بالتوفيق وماتشوفون شر ان شاء الله
وهو له عيادة بالصدري

 

[مهناز]

السلام عليكم
أهم شي حبوبة الرضاء بقضاء الله و حسن الظن فيه
والدعاء لها بالشفاء في كل وقت
وأحب أطمنك أمن ولدي نفس الحالة وكانوا فتحتين وحدة منهم كبيرة وبجدار العضلة نفسها
بس الحمد لله مع الادوية ما احتاج للعملية لان الفتحات أنواع نوع يتسكر من نفسه و الثاني يحتاج عملية
أنا أقول لوتودونها للدكتور مصطفى القبندي في مستشفى العرف بالجهراء لأنه بعد الله دكتور بكل مافي هالكلمة من معنى
يحاول يفهمك الحالة بالضبط ودايما أن ادعيله بالتوفيق وماتشوفون شر ان شاء الله
وهو له عيادة بالصدري

ياقلبي والله ..

مشكوره فديتج سجلت اسم الدكتور وان شالله اقول لأمها عنه

تسلمين ياقلبي الله يطمنج دنيا وآخره يارب ويحفظج من كل شر




والغاليه om keshaa

فديت قلبج مشكووووووووره على دعواتج الحلوه بالخاص فيج الخير ياعمري
الله يطمنج دنيا وآخره يارب ويحفظج من كل شر

 

[afesa]

حبيبتي هذا الشي عادي واستهدوا بالله ومافي داعي حق هالبجي كله والاحمدلله على كل حال بس الفتحه بالقلب احيانا تتسكر مع الوقت واحيانا تحتاج عمليه بسيطه يسكرونها فيها والله يشافيها

 

[dal3 kuwaiti]

يالغاليه انا بنت عمتي فيهااا فتحه بالقلب من الولاده وقال الدكتور عادي كل ماتكبر تسكر ... والبنت الحين بالمدرسه وصحتهااا زينه الحمدالله

 

[مهناز]

حبيبتي هذا الشي عادي واستهدوا بالله ومافي داعي حق هالبجي كله والاحمدلله على كل حال بس الفتحه بالقلب احيانا تتسكر مع الوقت واحيانا تحتاج عمليه بسيطه يسكرونها فيها والله يشافيها

يالغاليه انا بنت عمتي فيهااا فتحه بالقلب من الولاده وقال الدكتور عادي كل ماتكبر تسكر ... والبنت الحين بالمدرسه وصحتهااا زينه الحمدالله

شكرا ياعمري الله يطمنكم دنيا وآخره ان شالله تسلمون حبيباتي وماقصرتوا

 

[sweeta77]

حبيبتي لا تخافون نص عيال الكويت ينولدون فيهم هذا الشي شي اهلهم يدرون وشي ما يدرون
عادي اكو بعضهم يتسكر بروحه من غير شي
خليها تراجع مستشفى الصدري ممتازييييييييين
احسن من احسن مستشفى خاص

 

[Snow angel]

بسم الله عليها والحمدلله رب العالمين هذا ولا غيره

طبعا هالحاله هذي منتشره بشكل مو طبيعي ويلاحظونه على الطفل من تصير اطراف اصابعه وشفايفه تميل للون الأزرق ولد عمي عنده ولد كذا وبنت خالي عندها ولد كذا سبحان الله طبعا ولد عمي سبحان الله لمن كبر التأم من حاله لكن ولد بنت خالي الحين عمره 5 سنوات كل سنه تقريبا يسون له قسطره وبشرهم الدكتور ان حالته تحسنت ومع الوقت بيلتأم ويطيب ان شاء الله ركبوا له جهاز ينظم نبضات القلب والله كريم هانت بس لان ثقبه كبير وعنده صمام ياقلبي عاد بسم الله عليه اذكى اخوانه واحلاهم الله يحفظه

 

[غلاي غير]

طمنيها ان شاء الله تسكر الفتحه

 

[مع حبي]

حبيبتي أنا خالتي أول ماولدت ولدها كان في ثقب بالقلب لكن بعد فتره تسكر وهذا شي طبيعي إذا كان حجم الثقب موكبير حيل الدكتور قالها كل مايكبر سبحان الله راح يتسكر وفعلا اللهم لك الحمد تسكر الله يحفظه لنا ويحفظ لكم بنتكم ياااااااااارب

 

[مهناز]

حبيبتي لا تخافون نص عيال الكويت ينولدون فيهم هذا الشي شي اهلهم يدرون وشي ما يدرون
عادي اكو بعضهم يتسكر بروحه من غير شي
خليها تراجع مستشفى الصدري ممتازييييييييين
احسن من احسن مستشفى خاص

مشكوره ياعمري ماقصرتي
الله يطمن قلبج دنيا وآخره ان شالله

 

[مهناز]

بسم الله عليها والحمدلله رب العالمين هذا ولا غيره

طبعا هالحاله هذي منتشره بشكل مو طبيعي ويلاحظونه على الطفل من تصير اطراف اصابعه وشفايفه تميل للون الأزرق ولد عمي عنده ولد كذا وبنت خالي عندها ولد كذا سبحان الله طبعا ولد عمي سبحان الله لمن كبر التأم من حاله لكن ولد بنت خالي الحين عمره 5 سنوات كل سنه تقريبا يسون له قسطره وبشرهم الدكتور ان حالته تحسنت ومع الوقت بيلتأم ويطيب ان شاء الله ركبوا له جهاز ينظم نبضات القلب والله كريم هانت بس لان ثقبه كبير وعنده صمام ياقلبي عاد بسم الله عليه اذكى اخوانه واحلاهم الله يحفظه

هلا بعد عمري
ربي يحفظه لكم
مشكوره ياقلبي الله يطمن قلبج في الدنيا والآخره ان شالله

 

[مهناز]

طمنيها ان شاء الله تسكر الفتحه

حبيبتي أنا خالتي أول ماولدت ولدها كان في ثقب بالقلب لكن بعد فتره تسكر وهذا شي طبيعي إذا كان حجم الثقب موكبير حيل الدكتور قالها كل مايكبر سبحان الله راح يتسكر وفعلا اللهم لك الحمد تسكر الله يحفظه لنا ويحفظ لكم بنتكم ياااااااااارب

فديتكم حبيبات قلبي ماققصرتوا خواتي الله يحفظكم ويطمن قلبكم دنيا وآخره قولوا آمين

 

[أسيـل الجـــرح]

نفس حالت بنت خالي الحين بالاربعين وبنتها فيها 3 ثقوب الله يشافيهم امين بس سمعت والله العالم اذا فيه ثقب يا يصير زين بروحه لما يكبر او عمليه ووايد ناس فيهم واعرف وحده عندها توؤم كان فيهم والحين ما شاء الله بالمتوسطه

 

[احلا كويتيات*]

حبيبتي الله ايشافي بنيتكم وخليها لكم بس الامر الثقب صار اهون من اشياء اكثيره وتحمد ربي وتشكره وقولي لها يهال اعملون فيهم ماتموا 10 ايام وثقب امره سهل بنتي الله خليها فيها ثقب بالقلب والحمد الله ألحين اولى روضه وليمن ألحين الثقب موجود والحمد الله طبيعيه ومافيه شي .
ولا تطير الام لأن الثقب امره اسهل من اي اعاقه ذهنيه او حركيه والله ايحفظها وخليها لكم

 

[Anastasia]

حبووبة .. قولي حق اختج لاتحاااتييي والياهل مافيه الا العااافية ..
.
انا ولدي جذي اسم الله عليج مو ثقبب بس فتحة كبيرة وصمامااات وبلاوي ..والحمدلله سوا عملية قسطرة ومافيه الا العافية .. وكذا واحد من الاهل هم جذي ..
.
اهم مع الوقت يتسكرون اذا كانو صغار .. بس اذا كبار ممكن يحتاجون عملية .. والعملية جدا بسيييطة وممكن حتى تسوينها بالكويت ..
.
والله يشافي وليدكم ويقرر عينكم وهنيالكم ان شاللله يتربى بعزكم قولي آمين ..

 

[مهناز]

نفس حالت بنت خالي الحين بالاربعين وبنتها فيها 3 ثقوب الله يشافيهم امين بس سمعت والله العالم اذا فيه ثقب يا يصير زين بروحه لما يكبر او عمليه ووايد ناس فيهم واعرف وحده عندها توؤم كان فيهم والحين ما شاء الله بالمتوسطه

بعد عمري الله يشافيها ويخليها لكم
ويطمن قلبج يارب دنيا وآخره ويخلي لج احبابج

 

[مهناز]

حبيبتي الله ايشافي بنيتكم وخليها لكم بس الامر الثقب صار اهون من اشياء اكثيره وتحمد ربي وتشكره وقولي لها يهال اعملون فيهم ماتموا 10 ايام وثقب امره سهل بنتي الله خليها فيها ثقب بالقلب والحمد الله ألحين اولى روضه وليمن ألحين الثقب موجود والحمد الله طبيعيه ومافيه شي .
ولا تطير الام لأن الثقب امره اسهل من اي اعاقه ذهنيه او حركيه والله ايحفظها وخليها لكم

يابعد عمري الله يخليج لج بنتج ويحفظها ويطول بعمرها وتشوفيها عروووووس قولي آمين
ويطمن قلبج يارب دنيا وآخره ويخلي لج احبابج

 

[مهناز]

حبووبة .. قولي حق اختج لاتحاااتييي والياهل مافيه الا العااافية ..
.
انا ولدي جذي اسم الله عليج مو ثقبب بس فتحة كبيرة وصمامااات وبلاوي ..والحمدلله سوا عملية قسطرة ومافيه الا العافية .. وكذا واحد من الاهل هم جذي ..
.
اهم مع الوقت يتسكرون اذا كانو صغار .. بس اذا كبار ممكن يحتاجون عملية .. والعملية جدا بسيييطة وممكن حتى تسوينها بالكويت ..
.
والله يشافي وليدكم ويقرر عينكم وهنيالكم ان شاللله يتربى بعزكم قولي آمين ..

يابعد قلبي الله يشفي لج ولدج ويطول لج بعمره ويحفظه وتشوفينه معرس قولي آمين
ويطمن قلبج يارب دنيا وآخره ويخلي لج احبابج
ومشكوره على دعواتج الحلوه يابعد قلبي

 

[نوف الكويت]

حبيبتي لاتخافين هذا امر طبيعي يحصل لعدد نادر من الاطفال

انا بنت خالتي هم صار فيها ثقب بالقلب من اول ولادتها وبعد العنايه والاهتمام ومراجعات الطبيب
الحمدلله الحين عمرها سنتين ومافيها الا العافيه
الفتحه بتتسكر مع الوقت لاتخافين اهم شي ماتخلون توصيات الطبيب وربج مايقصر

وان شاء الله تطيب وتكبر جدام عيونكم
الله يخليها لكم ويحفظها