ثــقــافة اسلامية .. عبدالرزاق الشايجي ... حامد العلي ....

[ورور92]

السلام عليكم ورحمة الله .


شخباركم بنات

باختصار امانة فيدوني .. وفيدو غيري من البنات ..:eh_s(2):

بسجل بهالصيفي ثقافة
بس محتارة مابين حامد او عبدالرزاق الشايجي


بتقولولي شوفي التقييم شفته

شفت لحامد .. امتحاناته سهله بس ولا بنت معلقة ماخذة ثقافة
كلهم مواد تخصصية بالشريعة ...

ويحب يعلق على اللبسس:eh_s(4): .. ( من حسن اسلام المر تركه ما لا يعنيه )
يعني ليش ما يقدر انها مواد مشتركة مو ملزومين نلبس على مزاج الدكاترة ..



بالنسبة لعبدالرزاق مو مكتوب عنه شي .. ماله تقييم بالموقع !
ودورت بالنت مالقيت !


عسى الله يوفق من ترد علي .. ويفرج همها ..:eh_s(2): ..


ويعطيكم الف عافية ...:eh_s(17)::eh_s(8):​

 

[ورور92]

؟؟؟؟؟؟؟؟؟؟؟؟؟؟؟؟

 

[ورور92]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[الحورية الصغيرة]

الثقافه ماده وايد سهلة خذها عند اي دكتور

انا ماخذتها عند عواد

 

[ورور92]

اي بس عواد زين

انا مااحاتي الدراسة

احاتي تعامل الدكاترة و طريقتهم


تسلمين حياتي عالمرور ^_^

 

[أيومه ..!!]

ماعندي فكره بس اب لعيونج

 

[وربي فديتني]

هم انا قاعد اسال عن حامد العلي


اب وان شاء الله يفيدونج

 

[ورور92]

حبايبي والله .. ماتقصرون .. :********

اسعدني مروركم ..

 

[ورور92]

up

up

 

[مشاعر خجوله]

حامد العلي يمدحوونه وعبدالرزاق ماسمعت عنه ..

وثقافه اغلب دكاترتها زينين مثل احمد الذايدي و شذى العبدالكريم و جاسميه شمس الدين اذا مو غلطانه باسمها و عواد العنزي و سالم الشمري و سعود الدوسري و ايمان عبدالغني ... طبي وتخيري فيهم


موفقه اخيتي

 

[Zozαĺiиaђ]

انا ماخذه هالكورس عند الدكتور حامد العلي ثقافه اسلاميه

الدكتور عجييب حدا

صح يعلق على اللبس ساعات .. يعني الي مو متحجبه كل شوي يقولها انشالله تتحجبين و نشوفج متحجبه ومادري شنو

و في امتحان الفاينل قال الي ما تحجبت راح انقصها ١٠ << مادري من صجه ولا لا لوووول

و قالنا عن كتاب المقرر و ما استخدمناه !
خلانا احنا نقرر المواضيع الي بندرسها ،، و البنات اهمه اشرحوو و اهوا موجود و يعلق

و في امتحان الفاينل خفف الكميه وايد يعني مو كل الي درسناه

و اذا كنتي بالعلوم ولا هندسه ولا طب يشيلج جم سؤال من الفاينل << حسافه انا مو منهم لوول

و مادري جم خذيت عنده باجر تطلع القريد انشالله a ! =)

 

[فديتوني..q8]

جآسمية سمعت آنهآ زوينة

بس تركز ع آلحضور وآلغيآب ~

 

[ملــحْ !]

انا ماخذه هالكورس عند الدكتور حامد العلي ثقافه اسلاميه

الدكتور عجييب حدا

صح يعلق على اللبس ساعات .. يعني الي مو متحجبه كل شوي يقولها انشالله تتحجبين و نشوفج متحجبه ومادري شنو

و في امتحان الفاينل قال الي ما تحجبت راح انقصها ١٠ << مادري من صجه ولا لا لوووول

و قالنا عن كتاب المقرر و ما استخدمناه !
خلانا احنا نقرر المواضيع الي بندرسها ،، و البنات اهمه اشرحوو و اهوا موجود و يعلق

و في امتحان الفاينل خفف الكميه وايد يعني مو كل الي درسناه

و اذا كنتي بالعلوم ولا هندسه ولا طب يشيلج جم سؤال من الفاينل << حسافه انا مو منهم لوول

و مادري جم خذيت عنده باجر تطلع القريد انشالله a ! =)

كنت معآج

يضحك عليهآ مرآح ينقصهآ .. :krkrkr:
وآزيد عليها
والله زين دكتور بس مشكلته يعلق بس والله آستفدت على المستوى الشخصي آكثر

وبآجر القريدآت الله يستر

 

[حجابي جهادي]

مادة ثقافه اسلاميه سهله وتقدرين تاخذين فيها اي وحامد العلي زين متفهم اذا على النصيحه فالنصيحه واجبه حتى عليج اذاشفتي منكر وهاذا اللي يميز الإسلام عن غيره من الأديان انه دين اصلاحي واجب على كل فرد وقبل النصيحه بفلوس ألحين بلاش ولا تلومينه اذا نصح على سالفة اللبس ترء البنات استخفوا بالبس يلبسون لبس انا استحي البسه في بيتي ولاحول ولاقوة إلابالله والله يهدينا

 

[ذهـبـيـة ~]

يمدحون عبد الرزاق الشايجي

اهو توه يديد

 

[ورور92]

مشكوورين كلكم و يعطيكم الف عافية ..

ابي احد مجرب عبدالرزاق ! ..


------------------


حجابي جهادي .. مششكورة حبيبتي ..
بس ترى فرق بين النصيحة و النغزات و التهزأ .. اذا بنت بالشريعة ومتخصصة عيب تكون مو متحجبة او تلبس بدلات ..

بس احنا من الكليات الثانية ماله شغل ...
يبي ينصحنا يكلمنا برووحنا .. واعتقد هم مو شغله .. يقدر ينصح بالكلاس بشكل عام و للكل و بس ..

--------------------------

ومشكورين كلكم عالمرووور فديتكم :** ^_^

 

[رجآي الجنه]

شوفي حبيبتي انا ماخذه ثقافه اسلاميه عند حامد العلي وباجر النتيجه وان شاءالله خير..
والماده سهههههله حييل وحلوه واشياء كلها ماخذينها
من ناحيه ايجابياته : امتحاناته سهله وخفيفه وحتى الفاينل ورقه وحده و10 اسئله
بس حدها سهله ثاني شي الكتاب مااستخدمناه مادري ليش قال لنا اشتروه

وبالنسبه للسلبيات : واااااااااااااااايد يعلق على اللبس وعلى الكلام وحيل يدخل
بأشياء ماله شغل فيها وعصبي يقط الكلمه عادي عنده ويحرج البنات وحتى اهوا قال لنا
بأول محاظره اللي ماتتحمل عصبيتي تسحب من الحين..وبنات ويانا بالكلاس مو متحجبات
كل يوم يقول لهم تحجبوا وقال لهم ناقصين 10 درجات لانكم ماتحجبتوا مثل ماقالت الاخت
بس عاد مادري من صجه ولالا..وخله بعض البنات يشرحون المواضيع ..
والحضور والغياب مهم عنده
بس مزاجه كلش مو شي .. مره سألته قلت : دكتور اللي خذيناه بالامتحان الاول راح يدش ويانا
بالامتحان الثاني؟! قال على حسب اذا انا مرتاح ماراح ادخله وياكم واذا مو مرتاح بدخله وياكم:eh_s(4):
ممم وشنو بعد ؟ اي مايحب اللي تتكلم انجليزي يعني لا تقولين مدتيرم ولا الفاينل قولي الامتحان النهائي لوووول عجيب هالدكتور
بس انتي مالج شغل فيه سوي اللي عليج واهوا مايظلم ان شاءالله
لو يرد فيني الزمن ورا جان ماخذيت عنده بس بشوف باجر نتيجتي وراح اقول لج
لان اهم شي النتيجه ولا الدكتور ماراح يفيدج بشي
وسوووري طولت عليج بس حبيت افيدج وربي يوفقج

 

[يالله رجواك]

دكتور حامد توني مخلصه منه علوم حديث امتحاناته سهله بس يكرهـــج باليوم اللي سجلتي عنده
لازم تحضرين لازم تحفظين لازم تلتزمين اللي تحط مكياج مصيبه اللي ماتلبس نقاب مايواطنها
والفانيل دخل كل الكميه
وكتاب ماااكو يعني تقعدين تكتبين معاه طووول المحاضرة ماتلحقين شنو تكتبين ومزاجه مو شي دايم معصب خو انت ماتبي بنات ليش تاخذ شعب بنات اخذ كله شباب وفكنا كرهني بالكورس بكبره
والله ماصدقــــت خلصت منه مع انه قريدي زين بس مافكراخذ عنده ماده كلــــــش طلع روووووحي
يعطيك جزءمن القران او الاربعين النوويه اوخيارات ثانيه اهو يختارها تحفظين شي من هذول عليه 10درجات
واذا الوحده غلطت بالاجابه يضغطها ويعلق ويهاوش بعد

انا مابيني وبينه شي اهو ماقصر بس هذي سلبيات عقدتنا طول الكورس

وبالنسبه

ثقافه اسلاميه ماده سهله مانصحج لا بهذا ولا بذاك اثنينهم مصعبينها والشايجي رفيجتي اخذت عنده سي بالثقافه مووو حرام اسهل ماده بجامعه الكويت كلها تاخذ سي ؟؟؟
اذا تبينها سهله اخذيها عند دكتور سعود الدوسري .. احمد الذايدي ..جميل المنيع بس ماتغيبين كلش .. عواد برد

اما هذول ما انصحج والماده سهله ماتستاهل صيفي اخذيها ع الراحه بكورس عادي عند دكتور من اللي كتبتهم لج وانا عن نفسي اخذتها عند الدوسري كانت مممممممتعه جدا اما دكتور حامد ودكتورالشايجي مانصحج لان وايد مصعبين المنهج مع انه تافه حده مع احترامي لهم اكيد دكاترتنا وعلى راسي
وهذي نصيحتي لــــج

 

[ورور92]

هلا رجااااااي الجنة .. بالعكس لا طولت و لا شي

يعطيج الف عافية على هالتفصيل الممل .. تسلمين يا قلبي ..

وعسى الله يوفقج و يفتحها عليج و تاخذين بكل المواد a :***

------------------------------



يالله رجواك ..حياج الله ياقلبي .. مشكووورة عالنصايح ^_^
اثلجتي صدري فيها .. بس غريبة يعني انا اختي قبل كانت اداب و حولت شريعة
وتداوم ببدلات و كعب !!@@ ... وخذت عند حامد العلي ما تمدحه لي
بس كان يقولها انتي الوحيدة اللي عادي تتأخرين ... و اذا بيقررون عن وقت امتحان
يقولها انتي متى تبين @@ !!!!!!!
حتى كانت تشك فيه
وتقول كان يزف باجي البنات عاللبس و يعلق ..
وقالتلي ما انصحج فيه ..


--------------------

وبالنسبة للشايجي .. اخاف رفيجتج ماخذة عن وليد الشايجي !؟؟
او ما شدت حيلها ..؟؟

-------------------

وتسلموون حبايبي ^_^

 

[يالله رجواك]

لاعند عبد االرزاق متاكدة انا انصحج باللي كتبتهم لج اذا تبين المادة سهالات وبالنسبه للبس عادي انا تربيه بس تخصصي اسلاميه ف اغلب المواد هناك محد يتكلم الا دكتور حامد وجم دكتور ينعدون بالاصابع اهما اللي يدققون ولا حيل عادي