تييج هالحاله ..... اشلون تتصرفين ؟

[استبرق الكندري]

ذكري ربج على طووووول وستغفري وحصني نفسج ..

هذي عين ما صلت على النبي لا اله الا الله ..

اقري سورة البقره والله بترتاحين راحه عمرج ما حسيتيها بس اختلي مع نفسج وقريها كامله قبل المغرب وان شاء الله ربي بريحج واذا عليكم عين او شي بروح باذن الواحد الاحد وعلى طول شغلي بيتج قران قبل ما تنامون .. سورة البقره تهدي النفوس والملائكه بتكون موجوده على طووول

وقري بماي المعوذات و واية الكرسي وشربي انتي وريلج واذا في ماي زم زم افضل بعد .. وان شاء الله بترتاحين يارب باذنه ​

 

[sharshora80]

مشكورين وايد وايد خواتي
صج لقيت بالمنتدى خوات يحبوني في الله
الحمد لله والشكر
الله يعطي كل وحده اضعاف اضعاف ما دعته لي سواء بسرها او اكتبته


وانا مو حامل هذا اول شئ سويته اني حللت قلت يمكن اكون حامل


ووايد ناس قالوا لي شرشورة هذا عين
والحمد لله قمت اشغل القرآن بشقتي مع اني قبل كنت اشغل القرآن بس يعني مو دايم يعني بالاسبوع 3 الى 4 مرات
بس
ونزلت سورة البقرة بلابي وبفوني علشان اقدر اقرى متى ما بغيت

وان شاء الله
يارب اتعدي هالفترة على خير لان صج صج احس ان حياتي قاعده تتلخبط

مشكورين

 

[نفهمها صح]

لا إله الا الله

معليش كلنا مغصووبين علي اشياء لكن نعديه علشان المركب تمشي
اقري بماء مقري فتحي نت وتحصليين شكثر عن الرقيه وشربي انتي وزوجج
ورشي بيتج وتعرفيين طلعات البحر تفتح نفس غير شووي
الله يهديكم يارب​

 

[ناتشوو]

لا اله الا الله

الله يشرح صدرج ويهديج

 

[زمرد Q8]

ثانكس

 

[nwir72]

الله يبعد عنج الضيقه اللي انتي فيها ويشرح صدرج ويهديلج زوجج ويهدج ل زوجج

 

[Princess Lady]

والله يا حبيبتي نفس الحاله صادتني يمكن أنتي أهون

بقولج على شي باذن الله بيفيد معاج بس ها !! لازم تسوين اللي أقولج عليه

أول شي :

سورة البقره يوميا تقرينها وأنتي في بيتج ( تقرينها ) وبعد شغليها بالبيت

ثاني شي :
اذكار الصباح والمساء

ثالث شي :
الدعاء وتحري الثلث الأخير من الليل وأدعي فيه وصلي

ربي ما بيردج خايبه ..

وعسى الله يصلح ما بينكم ويحفظكم من كل شي

 

[احلى بنت بالدنيا]

( لاإله الا الله )

شوفي دام ماكو سبب مادي أو شي غلط سواه بحقج عيل انتي يا أما عندج خلل بالهرمونات نفس الحالة اللي تيي للحوامل واللي توهم والدين وكارهين نفسهم

او عندج حالة ملل من حياتج ولازم تسوين اكشن .. سوي شي يديد تجددي فيه حياتج معاه ممكن تسافروا سوا أو تغيري البيت اللي ساكنين فيه .. أو اقل شي روحوا شالية من شاليهات هيلتون المنقف راح تحسون انكم رحتوا ديرة ثانية وناسة توه رفيجتي راحته في عيد زواجها واستانسوا على الاخر .

نسيت اسألج أنتي عندج عيال ؟

والله يسعدج مع ريلج

 

[sharshora80]

( لاإله الا الله )

شوفي دام ماكو سبب مادي أو شي غلط سواه بحقج عيل انتي يا أما عندج خلل بالهرمونات نفس الحالة اللي تيي للحوامل واللي توهم والدين وكارهين نفسهم

او عندج حالة ملل من حياتج ولازم تسوين اكشن .. سوي شي يديد تجددي فيه حياتج معاه ممكن تسافروا سوا أو تغيري البيت اللي ساكنين فيه .. أو اقل شي روحوا شالية من شاليهات هيلتون المنقف راح تحسون انكم رحتوا ديرة ثانية وناسة توه رفيجتي راحته في عيد زواجها واستانسوا على الاخر .

غيرنا والله ما قصر ريلي رحنا شاليه وسافرنا دبي وبشهر واحد هم حجزنا فندق بس انا احس ان هالشئ يايني من صوب الناس اللي تسمع عنا وعن سوالف ريلي انا ما اغبي عنكم امي مسكينه يعني على حسن نية تسولف عن ريلي وعن سوالفه وصرفه علينا وطيبته ووايد خواتي يقولون لي ترى هالشئ هو اللي مسوي فيج جذي شسوي امي ومستانسه بنسيبها

نسيت اسألج أنتي عندج عيال ؟
اي يا قلبي عندي 3 حلوين الله يخليهم

والله يسعدج مع ريلج

ويسعدج يارب

 

[جــــاذبية]

لاإله إلا الله
إنتي فجأة جتج الحالة وكنت تحبينه وإلا من قبل ومو متقبلتة
إذا فجأة هذه عين قوية فيج أو نفس ويمكن أحد مسويلج شي
ترى بعض الناس ماتخاف الله ..
وتجيني هالحالة بس يكون في سبب قوي أما إنتي من غير سبب
أنا مرات أقول أتضايق من غير سبب بس طلعت أسباب أكون
كاتمة بلاوي ومشاكل مع زوجي وأطوف ويتجمع علي وتجيني
فصلة بنت هو هو وأنفجر بلحظة وحزتها أقول ماكو مشاكل
والأكيد في ..

 

[sharshora80]

لا والله جاذبية احنا سمن على عسل والله حتى امي قامت تزفني تقولي هذا فسق فيج ماتستاهلين ريل مثل ريلج
محد فاهمني بس ان شاء الله بداوم على سورة البقرة والاذكار وان شاء الله الله يفرجها

 

[قمورة الكويت]

انا بذكر شي يمكن البنات غفلوا عنه بعد

لاااااا تقولين لاحد عن زوجج او تسولفين وين رحتوا وين تغديتوا باي مطعم حتي امج وخواتج ساعات النفس والواحد مايقصد ومايحس بروحه ديري بالج لهالشغله..
وتدري اني انا من تزوجت التلفزيون ماطفااا كلش والله اذا بروح انام احطه على قناة القراان واذا طلعت احه ع القناة بعد والله ماطفاااا التلفزيون كلللللش من تزوجت يعني ثمان شهور...

واقري البقره كل ثلاث ايام واقري علي ماي وكتيه بزوايا الشقه

 

[sharshora80]

يا بعد قلبي يا بنات ديرتي
الله يخليكم ويعطيكم اضعاف اضعاف ما دعيتوه لي
انا كتبت الموضوع بس علشان افضفض وما توقعت هالمشاركات الطيبة

 

[ضايعة بدنيتي]

لا إله الا الله

بسم الله عليج تعوذي من ابليس ليش كل هذا . انتي محتاجة تغيير جو بعيد عن زوجج لو تروحين بيت اهلج كم يوم اذا زوجج موافق غيري جو

بس حطي ف بالج ان هذا ابليس داش بينكم تعوذي من ابليس وصلي على النبي وقومي الليل وادعي من كل كل كل قلبك وادعي لنفسك ولزوجج واستغفري استغفري وتذكري شنو يعني زوجج ينام وهو غضبان عليج .. خلي الله بن عينج اولا واخيرا .. واظبي عالصلاة والدعاء وقراءة القرآن وسورة البقرة واظبي على قرائتها كل يوم

وعسى الله يفرج همج ويهدي بالج

 

[seedo]

لا اله اللا الله محمد رسول الله

انا حاليا نفس حالتج واسبوع قاعدة في بيتنا مالي خلق اشوف ريلي مع انه ما سوالي شي ومو قادرة امسك القرآن واقرا..

يمكن عين ...لان زوجي كل ما زار امه يقعد يمدح فيني وقدام خواته وحريم اخوانه ودايما اقوله خلك ساكت بس ماكو فايدة ..

انا حيل حيل مخنوقه منه مابي اشووووفه كل يوم اتهرب منه

المشكله عارفه دواي بالقران بس مو قادرة كأني مقيده وواذا سمعت القرآن تخدرت ونمت

 

[ام شووووق]

اقري قران يا قلبي وكثري من الاستغفار

 

[شطانه طفله]

لا اله الا الله انا ملقوفه طووشه :9

حياتي يمكن هالحاله تييج اذا قربت موعدج دورتج

بس ربي انشاء الله يفرجها عليج

 

[om MaRyooM]

احيانا تييلي هالحالة مو نفس القوة اللي انتي شرحتيها !!




شغلي سورة البقرة بالغرفة . . واقري دعاء تسخير الزوج

 

[نستيلا]

وعليكم السلام ورحمه الله وبركاته

لا إله إلا الله

يمكن عين ما صلت ع النبي ..
حبيبتي تعوذي من ابليس .. وشغلي قرآن ع طول ببيتج
والله ما ادري شنو اقولج أنا تيلي فتره جذي أحس قلبي مقموت وكله ابجي بس اقعد بروحي ..
بس ما ادري تيلي فتره بس تروح ..

لا إله إلا الله ..