تو فى البيبي في بطني

[FuSheYa]

الله يعوضج يارب ويرزقج بالطفل السليم المعافى كامل الخلق والخلق ياارب

 

[فبيت العز]

لاتحاتين حبيبتي مومعناته انه يتكررمره ثانيه لا عادي
بس اكلي ادويتج بانظام وفولك وحديد
والله يرزقج ويسهل علي ولادتي

 

[حبيبي مالكني]

الله يرزقج بالذرية الصالحة يارب

لازم تراجعين عند اخصائي يشوف اذا عندج مشاكل
صحية او
انتي وريلج عندكم مشاكل صحية
اذا طلع كل شي سليم
توكلي على الله
وربج راح يعوضج عاجلاً وليس آجلاً

 

[اناظرك وكلي حزن]

الله يعوضج وان شاء الله ماراح يتكرر في البيبي الثاني

 

[بنكساري شموخ]

الله يجزيكم خير
مشكوريين ماقصرتوابالردود

 

[بنكساري شموخ]

يعطيكم العافيه ما قصرتوا
الله يرزقني طفل سليم معافى ويرزق كل محروم

 

[haninoooo]

الله يعوضج خير حبيبتي وقولي الحمدالله علي كل حال
انا مريت بالتجربه هذي توفي البيبي فبطني وكنت بالشهر الخامس وكان ولد وكان مشوه والحمدالله لك يارب ونصحني الدكتور اخذ حبوب فوليك اسيد واستمر عليه ليم احمل
وولدوني طبيعي لان ولاداتي اللي قبل كلها قيصريات لكن بالبيبي المتوفي ولدوني طبيعي ومن وقتها عطاني فوليك اسيد وشاء رب العالمين ان اكون حامل الحين والحمدالله ومازلت مستمره عالفوليك اسيد بالاضافه الي حبوب البيبي اسبرين هذي جدا ضروريه
وان شاءالله يارب ربي يتمم علي ويثبت حملي واولد طفل سليم يارب ويثبت حملج ويرزقج بالطفل المعافي بس ترا ضروري حبوب الاسبرين ودعواتج​

 

[لمست ود]

الله يعوضج ياقلبي ويرزقج بالطفل السليم
راجعي الدكتوره افضل
​

 

[Dalalyv]

الله يعوضج خير
و لا تحاتين رفيجتي نفسج اول حمل لها كان مشوه وطاح و حملت مره ثانيه وجابت بنوته سليمه مافيها الا العافيه الله يخليها لها

 

[Habibat Abooha]

الله يعوضج ويرزقج ي رب

لازم تاخذين فوليك اسيد عشان بطانة الرحم واشياء ثانييه واااايد زين

وعسى الله ياجرج ويرزقج بطفل سليم معافئ