توني والده ورضعته طبيعي تكفون دشو بسرعه

[غلاي عزوزي]

السلام عليكم
شلونكم


انا توني والده من شهرين واول مره ارضع طبيعي مارضعت عيالي من قبل

ليش

عشان الياهل طلع ضعيف وكر خاطري وسبحان الله الرضاعه تسهلت والحليب مع الحبوب الي تدر زاد


طبعا الطبيعي يهبل لا تعقيم مميه لا تبربس حليب ولا شي انصح كل ام تحب وتخاف علي صحة عيالها



وافيد للياهل وكافي انه مع تطور العلم محد قدر يقلد حليب الام ويسووي نفسه

الي متعبني
انه الياهل مايبي لامميه ولامصاصه

ماقدر لا اطلع ولا اداوم ولا اتحرك من يمه



تكفون الي مجربه هالوضع تقولي لانه صج لاعت جبدي


جربت انواع المصاصات الحلمات شفط حليب غيرت بالحليب الصناعي مااااااااااااااااااااااااااااااااكو فايده
شسو ربي يخليلكم عيالكم​

 

[ام كوشه منكووشه]

حبيبتي الحمدالله علي سلامتج ومبروك ماياج

انا مريت بنفس وضعج بس الفرق اني حاولت اعلم بنتي عالمميه متاخر حيييل يوم كملت ال 8 شهور فصار الشي صعب عليها تتقبله
لكن دكتورتها انصحتني انش اشفط لها حليب واخلي احد غيري يرضعها مو انا لان لو انتي كنتي ماسكه المميه وبترضعينه سبحان الله الياهل يميز ريحة امه فاكيييد بيرفض المميه ويبي يرضع طبيعي ..فانتي جربي خلي زوجج او امج او اي احد اهوا يعطيه الرضعه مو انتي فتره بس لين يتعود ..وحتي لة عااند اول فتره ورفض تحملي ماعليه يبيلها صبر شوي

الله يخلي لج ماعندج يارب

 

[ام الحوراء زينب]

الحمدلله على سلامتج ومبروك ماياج وزين تسوين والله

بس خرعتوني ريلي من الحين مانع انه البيبي يشرب حليب قواطي يقولي كله رضاعه
شكلي بالدوام بشفط بالمميه واحطها بالبيت

 

[غلاي عزوزي]

تسلمون عالرد ب مانحلت كمشكلتي اهي اهيب


ام كوشع سويت جذي شفطت اخ يعور ههههه وخليت الخدامه تعطيه النزقه بجي بجي مايبي


ام الحوراء انا عيالي مارضعتهم اح بالعبره لاني حرمتهم من نعمه ربي الي عطاهم اياها

اقري موضوع الرضضاعه جد واجتهاد وشوفي فوايد الرضاعه ومميزات حليب الام



تدرون انه ينزل من الام 3 انواع حليب مو نوغ واحد
سبحانك ربي

 

[zntoosha]

حبوبه انتي مشكلتج نفس مشكلتي بالضبط
انا بنتي كانت عسره ومارضت تاخذ لا مميه ولا مصاصه حتى لما كنت اشفطلها ماتبي تدز المميه
وشريتلها انواع المميات ولا فاد فتميت ارضعها طبيعي بس والحمدلله الله وفقني ورضعتها سنتين كاملين
طبعا اكيد تعب ومجهود وكنت اول ايام اعاني وايد معاها اذا طلعت واذا داومت صدري يعورني بس بعدين لما قامت تكبر قام يقل هالشي وكلا باجره وتصيرين احن على البيبي وسبحان الله البيبي يكوون واايد حنون ومتعلق بالام وعلى قولتج لا تعقيم ولا تجهيز مميه ولا شي اسهل حق النوم وقلتلج كلما يكبر البيبي ترتاحين شوي شوي
وعلى فكره وزنج ما يصعد من الرضاعه ايتم نفس ما اهوه لو شنو كلييتي ما شاءالله

 

[ماحب اتدلع]

اممممممممممم مادري شنو الحل حرام مانبي نكره البيبي على حليبج احسن له حليب الام بس عاد حبســــة زي ماتقولين خلاص اخذية معاج وين ما رحتي حتى بالدوام :krkrkr:
<< تنكتين مع الوي :cxxxp:
مادري صراحة انا بنتي كنت ارضعها طبيعي بس مسكينة على طول ترجع وحولت للصناعي .. تتقبله اي شي تشربة واعلية

 

[عالمي المجنون]

بجر

بس افضل حليب الام

يقرب البيبي من امه يخليه يحس بحنانها

 

[نـعـومـه]

نعمه تعود على حليبج بس الاحسن يتعلم بمميه عشان اذا شفطتي تطلعين تقدرين*

 

[om MaRyooM]

يما من هاليهااال المزاجيين لووول ياحلاتهم والله


انا بنتي العكس كانت تحب الممية وماتبيني لوول ..


وانتي شفطي وخلي الممية لو تعصب وتبجي رح تتعود . .
والحمدلله الله عطاج الارادة انج تحبين ترظعين طبيعي بس استمري . .يختج الواحد قام يخاف من هالامراض فماكو مناعة نعطيها لعيالنا غير حليبنا

 

[ســـووســـوو]

انتي حاولي كذا مره بس المفروض من اول شي كنتي تعودينه ع الاثنين انا الحين ارضع بنتي طبيعي والحليب القواطي الواحد مايضمن الظروف بس مره بعد مره راح يرضى خاصه انه للحين صغير شهرين بسرعه يتعود بس شرط لاتخلينه يكره الطبيعي ترى بسرعه يقلبون

 

[_Pure_]

انا بناتي رضعتهم طبيعي من غير صناعي
آخذ اجازة امومة ٦ شهور
و بعدها استاذن بنص الدوام عشان ارضع تقريباً شهر و بعدها عادي مو لازم لان البيبي يتعود و يشبع من الاكل و اكون مرضعة قبل لا اطلع الدوام

تحملي فترة قصيرة و تعدي و يصير الوضع عاااادي تقل الرضعات و ترتاحين

و ما انصح تعطين صناعي خلال اول سنه عشانياخذ الطفل اكبر فايدة من حليبج

الله يوفقج

 

[ام الحوراء زينب]

انا بناتي رضعتهم طبيعي من غير صناعي
آخذ اجازة امومة 6 شهور
و بعدها استاذن بنص الدوام عشان ارضع تقريباً شهر و بعدها عادي مو لازم لان البيبي يتعود و يشبع من الاكل و اكون مرضعة قبل لا اطلع الدوام

تحملي فترة قصيرة و تعدي و يصير الوضع عاااادي تقل الرضعات و ترتاحين

و ما انصح تعطين صناعي خلال اول سنه عشانياخذ الطفل اكبر فايدة من حليبج

الله يوفقج

مشكووووووورة حبيبتي فدتيني انا بعد
انا بمدرسه يعني راح يكون عندي عطله واداوم لمن يكون عمر البيبي 9 شهور

 

[غلاي عزوزي]

مشكورين خواتي والله يعينا ان شاء الله علي تربيتهم

 

[حرمه المصون]

الله يعينج بس لاتقطعينها والله احسن شي للبيبي حليب الام انا ولدي مسكين مارضعته ماعنده مناعه بسرعه يمرض اسم الله عليه ناوية اعوض هالمره الله يقدرني ان شاء الله

 

[cacaouette-qa]

الف الحمد الله علي سلامتج
من واقع تجربتي علي عيالي الاثنين

الاول كنت بالاربعين ارضعه طبيعي ورضعه صناعي .... يوم رديت البيت مالي خلق صناعي كله طبيعي اسرع ... بعدها بشهرين
مايبي الا طبيعي ... حتي المصاصه ما عودت عليهم ....
فكلا كان طبيعي طبعااا اللي برضع تنسى شي اسمه الطلعه .. لان البيبي كل ساعتين يبي حليبج
فقعت بالبيت 9 شهووووووووووووووور

وبعدها داومت فكنت اخذ ساعه رضاعه من الصبح واي الدوام ....

وعلي ولدي الثاااااااااااااني عودته علي رضعه وحده بس بليل والباجي طبيعي ... والحمد الله مشت الامووووووووووور

لما ترضعينه طبيعي ... عندي شعور اني ما ابي احد ياخذه مني واابي الااا حليبي

بس اهم شي الاتغذيه الصحيحيه وشرب الحليب الفرش واللبن واللحوم والخضار والفواكه

عشان لما ترضعينه من حليبج في قوة وصحه وعافيه

احلي شي حلييييييييييييييييب الام
اذكر مره بجري سافرت العمره وعمره 9 شهور واسم الله عليه كان يرضع من صدري وما يشرب مميه وكان ف اكل

حطيتله حليب صناعي ... ريلي يقولي كان مايبي المميه وكل دقيقه ينادي ماما ماما ماما .... حراااام

خليج عالطبيعي واسمري ويبيله صبررررررررررررررررر... وبالتوفيج انشالله