توني والده بكريه وحبيت اسالكم شوية اسأله

[دلع شرقاويه]

السلام عليكم
الحمدالله ولدت بالسلامه بدار الشفا اول بيبي لي
حبيت تفيدوني بنات انا ولدتني الدكتوره لكتشمي وقلت لها سويلي تجميلي تقول ماتحتاجين توج اول بيبي بس اصريت عليها وسوتلي تقول شي بسيط
اللحين صارلي14يوم وشي يعورني من تحت احس واصل الخياط لي فخذي
ولما مسكته شفت شي منتفخ انتفاخ بسيط

-طيب الخياط راح يطيح من نفسه والا اروح للدكتوره
- المنطقه من تحت راح تتغير والا بترد نفس قبل
-ومتا اقدر اسوي ليزر

-الخياط التجميلي راحة يردني بكر والا عادي
- اللحين انا نفاس متا اخلي ادوية الانفاس

تحملو اسالتي عند اسأله اكثر من جذي بس انطر ردودكم *

 

[faty87]

الخياط حسب الخيط المستخدم وعلى الاغلب الخيط يطيح من نفسه
والمنطقة ترد نفس قبل بس عايزة القليل من الوقت
الليزر ما اعرف متى بس تقدرين تسألي دكتورة التجميل
وعشان الادوية حسب توصية الدكتورة بالضبط ولا تستهونين
انا اقولك عشان الانتفاخ دقي للدكتورة واسأليها انا اللي اعرفه مايصير يبقى الانتفاخ
والطبيب يراقب النفاس حتى يزول الانتفاخ
واهتمي بالغسول المعقم ولا تتهاوني به
واتمنى اني فدتك

 

[Om-azooz]

حبيبيتي اول شي الحمدالله على السلامه
الانتفاخ الظاهر الخياط ملتهب علييييج تغسلي بمره
وواذا على التجميل انا عن نفسي ما سويت تجمييل سبحان الله الرحم يرد نفس اول من ربج يرد نفسه سبحااان الله
الادويه عليييج عليها استمري فيها ووتنقعي بماي وومره ووملح حيييل زين ووان شالله يطيح الخياط في حريم ترووح للمستشفى ووتشيل الخياط انا عن نفسي خليتهم يطيحووون من نفسهم
والادويه عليييج عليهم ليما تنظفين بس تبخري بخور هوا جوا حيييل حلووو بس اذا حسيتي الخياط صار زين ووما تشوووفين شر ان شالله

 

[دلع شرقاويه]

تسلمووون فديتكم ماقصرتوو

طيب حبيت اسالكم
سمعت الحريم يقولون اذا ماتنفستي عدل راح تنحرجين مع زوجك بعد الاربعين اصوات وماي بالجماع
انا عشان اتفادى الاحراج وهالسوالف في ادويه معينه اكلها تبعدني عن الاصوات والماي

 

[um haya]

حبيبتي الخياط المفروض بعد عشر ايام يشيلونه بس انتي دقي على اللي خيطج واساليه لان في نوعين من الخياط عرفتي فيه اللي ينشال عن طريق الدكتور او يتحلل واذا حاسه منتفخ مثل ما صار فيني يعني ملتهب انا اقول راجعي مره وحده وجيكي على عمرج انا صار فيني التهاب ما قدرت اقعد رحت جان يشيلونا لخياط ويخيطوني مره ثانيه

 

[كل دنيتي امي@]

حبيبتي الحمد لله ع السلامه

احب اجاوبك بخبرت امي

طبعا الخياطه لازم تروحين للطبيب احتمال التهاب

زوجة اخوي خياطتها تجميليه عند دكتوره بالرياض الخيوط بع اسبوعين تروح للطبيبه تقصهم

وانتبهي تتوضين بالمره لانها تفتق الجرح

شوفي كورس امي معه وضو خطير حتى يساعد ع تضييق المهبل

ويطهر
بس بقولك الاغراض
جيبي فنجال قرض وفنجال قشر رمان وفنجال دباغ ( ارطى ) شوي صبره وشوي ملح خشن ملعقه صغيره
وتحطينهم ب٢ لتر ماء وتغلينهم ربع ساعه
بعدين تخلينه لين يبرد وتحطينه بعلبه بدورة المياه
وانتي بكرامه
وكل مادخلتي الحمام تتوضين فيه بدل الماء
مفعوله روووووعه

وعن الادويه
حبيبتي انتي لازم تهتمين بنفسك بالنفاس
والادويه ماتخلينها ابد
طول الاربعين
ماعدا الحلبه بس بالعشرين يوم الاوله
والعشرين يوم الاخيره ماتاكلينها
لانها تسبب رطوبه ومويات
وحاولي تكثرين من الماش مع الحليب والاكل

 

[دلع شرقاويه]

جزاكم الله خير

طيب العشرين يوم الاخيره شنو اكل انا احس الحلبه اساس الادويه

 

[Tic_Tac]

كل كلام بنات صح ومضبوط ميه ميه

الخياط شكله ملتهب روحي للطبيب وجيكي عليه احسن
بس ما كنتي تحتاجين تجميل خصوصا انج بكر

على العموم الادويه انتظمي عليهم عدل ولا اتخربطين بالاكل
ولا اتجوعين نفسج لانه الجوع يخرب الوحده

وان شاءالله تطلعين من النفاس كأنج بنت بيوت

وحمدالله على سلامتج ومبروك ما جاكم ويتربى في عزكم

 

[كل دنيتي امي@]

اكلي نفس ادويتك
بس الحلبه قلليها بالمره
خليك تشربين كاس الصباح ع الريق وعند النوم بس
اذا ماتعرفين
الادويه اراسلك ع الخاص

 

[كل دنيتي امي@]

اختي دلع شرقاوية
باذن الله افيدك

انتي ارسلتي لي ع الخاص
وانا مشاركاتي ماتسمح لي ارد ع الخاص

فارسلي لي ايميلك عشان اراسلك
وابشري

 

[كل دنيتي امي@]

اختي دلع شرقاوية
باذن الله افيدك

انتي ارسلتي لي ع الخاص
وانا مشاركاتي ماتسمح لي ارد ع الخاص

فارسلي لي ايميلك عشان اراسلك
وابشري

 

[ام الحلوااات]

الـــحــــمــــد للـــــه عـــلــــى ســــــلامـــتـــــج


ااااااااااااااااااب

 

[دلع شرقاويه]

تسلمون فديتكم

 

[*kim*]

ماعندي خبره البنات ماقصرو

 

[ناتشوو]

وقفي الحلبة خلاص
تسبب افرازات ورطوبة

 

[ناتشوو]

انا مااعرف الدكتورة علشان اقول لج
زينة او خياطها بيكون زين او لا
وهو يحدد اذا المنطقة ترد كما هي اولا

الجرح تقولين في انتفاخ
راجعي لا يكون ملتهب

ولا تستخدمين غير الشغلات الطبية اللي عطوج اياها

من المراهم والكريمات

 

[ناتشوو]

حبيبيتي اول شي الحمدالله على السلامه
الانتفاخ الظاهر الخياط ملتهب علييييج تغسلي بمره
وواذا على التجميل انا عن نفسي ما سويت تجمييل سبحان الله الرحم يرد نفس اول من ربج يرد نفسه سبحااان الله
الادويه عليييج عليها استمري فيها ووتنقعي بماي وومره ووملح حيييل زين ووان شالله يطيح الخياط في حريم ترووح للمستشفى ووتشيل الخياط انا عن نفسي خليتهم يطيحووون من نفسهم
والادويه عليييج عليهم ليما تنظفين بس تبخري بخور هوا جوا حيييل حلووو بس اذا حسيتي الخياط صار زين ووما تشوووفين شر ان شالله

الرحم ماله علاقة بالخياط و التجميلي

 

[دلع شرقاويه]

تسلمون

 

[عطاء أنثى]

حبيبتي اتوقع البنات فادووووج