توني والدة عفيا ساعدوني بسالفة الرضاعة و الشفط !!

[omahmad10]

السلام عليكم

انا والدة صارلي اسبوع و الله رزقني باحمد الله يخليه و يحميه و يقر عيني فيه :aha:

ما رضعته من صدري بالمستشفى لاني والدة قيصرية و حيل تكلفت و كنت وايد تعبانة

حاولت ارضعه من صدري بس ما يبي و ما يعرف يمص منه لان صدري وايد وايد كبير و حلمتي بعد وايد كبيرة و اهوا بعد قلبي وايد نتفه و اصغير

اعطيه سيميلاك و اشفط له من صدري بماكينة ماديلا

الماكينة مريحة و اعط كمادات حارة حق صدري

اول يومين صدري يعطي كل 4 ساعات تقريبا 40 مل كل صدر 20 مل

بعدين قلت الكمية و توجهت للمنتدى و قريت وايد مواضيع مفيدة عن زياده ادرار الحليب و بديت من امس آخذ حلبة و قمت اشرب حليب و آكل سمسمية و كاكاو

حسيت اليوم بزيادة بادرار الحليب الحمد لله لكن مو بالارقام الللي تشبع ولدي و تغنيني عن الصناعي

سؤالي حق اخواتي بالمنتدى

هل صحيح ان الحليب يزيد بعد الايام ال 10 الاولى ؟ و ان الكمية اللي اشفطها الحين طبيعية لعمر ولدي؟

للعلم اني والدة قبل موعدي باسبوعين

يا ريت اللي تشفط اتزودني بتجربتها و اتبشرني بزيادة ادرار الحليب لان الحليب اللي اشفطه مازال دسم مو خفيف وايد و اشفط لكل صدر تقريبا 20 الى 30 دقيقة و ما يطلع الا 20 الى 30 مل

ارجووكم فييدوني و جزاكم الله الف خير​

 

[meen_ana]

حبووبه صدقيني الحليب للي تشفطينه اهو الكميه المناسبه للطفل وحاول يتحطينه على صدرج احسن اشوي اشوي يتعلم

 

[بروق مطير]

ما حبيت اطلع بدون رد ..<< انا ما رضعت طبيعي ..بس على ما اظن حبوب بصيدليه لادرار الحليب .. << وحطيه على صدرج وهو يتعود ..

 

[om al ghaleen]

حبيبتي كلما الياهل رضع زادت نسبه الحليب
وترا على قوله امي الله يحفظها الياهل يشرب ترس اذنه
يعني لاتحاتين ان شاء الله يشبعه
ودامه مايبي صدرج شفطي وعطيه لين يكمل الـ 3 وبعدها اهو يخيرج
سبحان الله
وترا حليب سيميلاك وايد زين عيالي وعيال خواتي نستخدم لهم
هالحليب ووايد مرتاحين له مااشاء الله "

\\

 

[Um ЯaYaN彡]

انا نفسج ولدت قيصريه وهم بعد ولدي احمد
وتعبني وايد مايعرف يشرب وكلمت خبيره رضاعه وتربيه وعلمتني طريقه وايد مريحه وسهله في الرضاعه وتخلي البيبي مرتاح وهو يرضع
حبيبتي
اول شي لازم تاكلين الاكل اللي قلتيه وشربي عصيرات وحليب وسوائل وايد واكلي رههههش وايد وسمسيه انا ماكليت حلبه لاني ماحبه: $
المهم حاول في البدايه تجبرين انه يشرب من الصدر عشان يتعود
وكل ماشرب كل مادر حليبج اكثروكلماعطيته كل مابغاا اكثر
وعلى كثر مايشرب يشبع لاتقولين مايشبع لانه الياهل اي شي تحطين بحلجه شربه واذا استفرغ هذا الزياده لاتحاتين
انا رضعت ولدي لين 7 شهور والحمدلله اللحين اعطيه حليب بيبي لاك واكل
وربي يوفقج ويتربي في عزج ان شا ءالله

 

[*ماي الورد*]

رد : توني والدة عفيا ساعدوني بسالفة الرضاعة و الشفط !!

خلج منتظمة عل الشفط كل 3 ساعات علشان يدر الحليب
لا تغلطين غلطتي انا كنت اتعييز اشفط و استسهل الممية لمن قل الحليب و نشف

 

[_Pure_]

مادري عن الشفط
لاني ارضع طبيعي من صدري

بس بقولج ان ترا في شفاط حليب ماركة ميديلا اصلي يشفط الصدرين بوقت واحد و يقلد حركة مص البيبي عرفتي ؟ فا الحليب يدر اكثر انصحج فيه اسم الشفاط ميديلا بمب ان ستايل او يمكن منزلين واحد احسن منه و سعره بال١٠٠ دينار او بهالحدود
الشفاط مهم يكون جذي والله يوفقج

و حاولي تكلمين خبيرة رضاعه طبيعيه
انا اللي اعرفها رئيسة الممرضات برويال حياة اسمها ايلينا رومانيه علمتني وايد اشياء

 

[ZajiL]

انا ولدي كان خدج واعطيه من صدري بس هم اشفطله
اهم شي اهم شي بالموضوع
انه كل 3 ساعات تشفطين عشان يتعود الصدر على انه كل 3 ساعات ينتج حليب
انا سويت جذي علموني بالمستشفى وكنت اودي جم رضعه حق ولدي وعلى قولتج حدي 30 ملي مو اكثر من الصدرين
ومع الوقت يزيييييد وترى الياهل بالنفاس مايشرب اكثر من 30 او 40 ملي انا عيالي جذي يشربون لا وعندي ولدي الي قبل
الاخير كان يشرب اقل واذا صج تبين الحليب ازيد السواااااااااااااااااااااائل كثري سوائل عصيرات كثر ماتقدرين

وعسى الله يتمم عليج يارب وترضعينه لين يكبر شوي

 

[مظلومة حيل]

رد : توني والدة عفيا ساعدوني بسالفة الرضاعة و الشفط !!

دربي ولدج يرضع منن صدرج جيبي سسترالي اجار باليوم للبيبي عشان تعلمج او كلش كلش
كلساعتين او 3 اشفطي

 

[ام ساره&ابراهيم]

رد : توني والدة عفيا ساعدوني بسالفة الرضاعة و الشفط !!

اول شي حمدلله على سلامتج ومبروك مايايلج
سمعيني حبيبتي أنا بقولج كلمتين أمي دايمن تقولها لي ان الكميه اللي تطلع منج أهي رزق الطفل بالنسبه حق حاجته فعادي شفطي له كل ماحسيتي انه محتاج وعلى فكره هالشفاطه ممتازه وانا استخدمها حق ولدي بس عسى الله يهديني واسحب له

 

[ام ساره&ابراهيم]

رد : توني والدة عفيا ساعدوني بسالفة الرضاعة و الشفط !!

:balo:اول شي حمدلله على سلامتج ومبروك مايايلج
سمعيني حبيبتي أنا بقولج كلمتين أمي دايمن تقولها لي ان الكميه اللي تطلع منج أهي رزق الطفل بالنسبه حق حاجته فعادي شفطي له كل ماحسيتي انه محتاج وعلى فكره هالشفاطه ممتازه وانا استخدمها حق ولدي بس عسى الله يهديني واسحب له

 

[omahmad10]

مشكورين جميعا على الردود

من صج حسيت اني استفدت و تجدد لي الامل عشان اكمل و ما اوقف الشفط

انا ملتزمة كل 3 ساعات اشفط

صدري اليسار يدر اكثر من اليمين بنسبة بسيطة

لكن عندي ملاحظة و يا ريت اتفيدوني فيها ؟؟؟

الصدر اليسار لما اشفط منه اشوف الحليب يطلع من نقطة معينة بالحلمة بمعنى اني اشوف مصدر الحليب اما الصدر اليمين ما اشوف مصدر الحليب مجرد قطرات تتجمع اسفل الحلمة و تنزل للمميه و احس انه دسم

هل معناته ان صدري اليمين قنواته امسكرة او شي ؟

ارجو الافادة بنات ... احتاج خبرتكم

 

[_Pure_]

بالنسبه حق سؤالج الاخير ماعندي فكره

بس نصيحه شوفيلج خبيرة رضاعه او يبيلج ممرضه بالبيت تعلمج

 

[بـاسي قــوي]

رد : توني والدة عفيا ساعدوني بسالفة الرضاعة و الشفط !!

حبيبتي عطيه من صدرج على طوول خليه يتعود على ريحتج لا تعطينه صناعي ابد خلج عالطبيعي و عادي طريقه شفطج مافيها شي اهوا جذي يصيير بس حبيبتي نصيييحه اول شهر رضاعه تحدد كمية الحليب حق الاشهر اليايه, يعني كل ماكثرتي رضاعه و خليتيها يوميه و بشكل مستمر كل مازاد عندج الحليب و يتم فتراات طويله تقدرين ترضعينه لي سنه او اكثر و كثري من الخضروات خاصه الجرجير و كثري شرب سواائل و ابتعدي عن المشروبات الغازيه و الاكلات اللي تتفخ البطن مثل البصل و الزهره لانه ينتقل للبيبي عن طريق حليبج و يسبب له غازاات,,
و حبيبتي لا تخلين فيتاميناتج استمري عليها عشان تنتقل للبيبي خلال الرضاعه و بتشوفين صحته اوكيه احسن من غيره حتى تلقينه يسنن ابجر و جسمه يكون اقوى

 

[mariam_q8]

حبيبتي يعطيج العافيه و مبروك يا ياج
حاولي تخففين الشفاطه لان انا من كنت ابي اوقف رضاع قمت اشفط لين نشف
و لازم تحطينه على صدرج واذا كان فيه وايد حليب شفطي شوي و خليه اهو اي يرضع من صدرج سبحان الله الياهل اهو الي يخلي الخليب يزيد و الشفاطه تنشف وترى انا ما رضعت ولدي وايد و تحسف حييييييل الحين الله يسامحني

 

[روان_الكويت]

روحي المواساه واخذي ولدج معاج عندهم خبيره رضاعه كل ما راجعت وانا حامل تيي تعطيني محاضره عن اهميه الرضاعه
ويوم ولدت يو حطوه علا صدري علموني
دقي عليهم سالي عنها
وانشالله تفيدج
بس يفضل البيبي هو الي يمص ترى الشفاط مع الوقت يمكن يقلل كميه الحليب
المص احسن من الشفظ عوديه علا حلمتج
خل اعطيج مثال
خل يكون جوعان وحطيه علا صدرج او قريب منه ورعصي عليه خل تطلع نقط الحليب وقربي صوب حلجه وخشمه عشان يعرف انه هذا مصدر الحليب وحطي الحلمه بحلجه واذا بدا يمص لازم السواده الي حول الحلمه كلها داخل حلجه انتي ضغطي عليها عشان تصغر واذا دخلت بحلجه هديها عرفتي
والله يوفقج

 

[الأميرة جوري]

رد : توني والدة عفيا ساعدوني بسالفة الرضاعة و الشفط !!

حاولي تعطينه صدرج صغير اي شيء يمصه مع الاستمرار بيتعود يمص صدرج ...

 

[NFOOOL]

حبيبتي حاولي ما تستخدمين الشفط ألا حق الضرورة خليه يرضع أكثر لا تقوولين مايبي خلييه ايووع عدل بعدين شربيه بطلي حلجه صووب الحلمه وخلليه يرضع لما يتعود وعلى الحلييب حاول تخللين يمج كرتوون حلييب أزرق وبالموز وبالككاو أنا جذي أسوي واذا بترضعيينه شربي وااحد أو اثنين اذا قدرتي ورااح ينزل الحلييب على طوول وعندج الرهش واايد زين حق الحلببب وشووربة دياي حاارة واايد زيين حق الي ترضع وحاول دايما تلمينه على صدرج ترى هالطريقه زيينه حق الي بترضع وترى عاادي انا صدري الييمين كان ينزل حلييب أكثر من اليساار ولا تحااتيين بالأربعين بينترس صدرج من الحلبب وودج لو كل شوي يرضع واهما أساسا بهالعمر ما يشربون أكثر من 60 مل