توني والدة بفضل الله,, متى أسبّح البيبي ؟

[нάγoηά cнεмίsтяγ]

السلام عليكم​

الحمدالله و بفضل الله​

الله رزقني بـ بنوته الله يحفظها يا رب​

ابي اسألكم متى أسبح البيبي سبوح كامل ؟​

اغسل شعرها متى ؟​

ما يأثر على سرتها ؟ مو لازم تطيح السره قبل و بعدين اسبحها ؟​

و شلون السره اتطيح بسرعه خالتي قالتلي دهنيها بزيت زيتون​

بس يا ربي شكلها يعور القلب مو قادرة اجيسها​

المستشفى معطيني مناديل كحول امسحها مع كل تبديل حفاظة​

 

[اللهم الجنة]

عادي سبحيها والسرة لها بودر تشترينه بالصيدليات

 

[нάγoηά cнεмίsтяγ]

مشـكورة حبيبتي ​

 

[منيرة خالد]

حمد لله على السلامة ومبروك البنوته تتربى بعزكم


سبحيها عادي ، وبالنسبة للسرة فيه بودرة امبي بالصيدليات بعد السبوح مسحي سرتها بمنديل الكحول وحطي عليها البودرة بسرعه ينشف ويطيح تقريبا خامس يوم


وموووفقه

 

[нάγoηά cнεмίsтяγ]

مشكورة حبيبتي الله يبارك فيج

بس اذا حاش السره ماي قبل ما تطيح ما تلتهب؟​

 

[AVE.NJ]

تدرين انه والده بامريكا
كل يوم اسبح ولدي
وقالو لي ولا شي تحطين للسره
وطاحت ومافي الا العافيه
والحمدالله على سلامتج ومبروك البنوته وانشالله تشوفينها من مواليد السعاده

 

[ام الحلوااات]

السلام عليكم​

الحمدالله و بفضل الله​

الله رزقني بـ بنوته الله يحفظها يا رب

الـــحــــــــمــــــــد للـــــه عـــلـــى ســـــــــلامــتــــج ومــبــــروووك الــبــنــــوووتـــــه

ابي اسألكم متى أسبح البيبي سبوح كامل ؟
اغسل شعرها متى ؟
بـــعــــــد طـــلـــعــــتــــج مـــن الــمـــســتــشـــفـــــى بــيــــومــــيــــن ثـــــــلاثــــه وســبــحــيــهـــــا مـــن الـــــى حــتـــى شــعــــــرهــــا​

ما يأثر على سرتها ؟ مو لازم تطيح السره قبل و بعدين اسبحها ؟​

و شلون السره اتطيح بسرعه خالتي قالتلي دهنيها بزيت زيتون​

اســتـــخــــدمــــي الــمـــســحــــااات الــطــبــيــــه مــســحـــي بــهــا الــســــر واعـــصـــري الــمــســحــــه بـــوســـــط الـــســــر ثــــم رشــــي بــــودرة الــــســـر وكـــلــــهــــا جـــم يــــووووم ويـــطـــــيــــح​

بس يا ربي شكلها يعور القلب مو قادرة اجيسها​

المستشفى معطيني مناديل كحول امسحها مع كل تبديل حفاظة​

واللـــــه يــخـــــلـــي لــــج بــنـــوووتــــج ويــفـــــرحـــج فــيــهـــا ​

 

[нάγoηά cнεмίsтяγ]

بعد عمري

ما قصرتوا

والله صارلي 8 ايام خايفة اسبحها و يحوش سرتها ماي

انزين مكان السره يعورها والا ما يحسون فيه ؟ ​

 

[منو انت]

المولود مايحس بفتره الاربعين لاتخافين ونصيحه خلج على الكحول


وكثر ماتسبحين المولود كثر مايرتاح وينام وماعليها شر ان شاءالله

 

[om MaRyooM]

ثاني او ثالث يوم عاادي

اصلا بالمستشفا يسبحونها بعد
والياهل تسبوحته كلها جم ثانيه بس لوول



وحمدلله علا سلااااااااااااامتجج

 

[bambena]

كل يوم عادي

 

[jawaa]

حمدالله عالسلامه وتتربى بعزج حبي سبحيها عادي أنا طبعن قبل لاتطيح سرة ولدي كنت أخاف اسبحه أمي عاد كانت تقلبه على ويهه وتسبحه وحتى لو حاشه ماي عادي بس عاد لاتغرقينها بالماي ودفي المكان عدل بعد الحين الجو براد وخلج عالكحول ماعليها شر انشالله ودايمن سمي

 

[kuwaitya_zoGaa]

up up up up

 

[قبوط ومربين]

واي حلاتج والله مشاعر اول ياهل حفظي هالمشاعر عدل مو تنسينها بعدين تذكرينها وتضحكين على نفسج شكثر كنتي خوافة
حبيبتي سبحيها عادي ومافيها الا العافية كثر مايسبح الياهل كثر مايرتاح وينام ويربرب

 

[المسكـ]

لوول والله انا انطر طلعت المستشفى نطاااااره بس عشان اسبح البيبي وافررررررررررركه تفررررررك من راسه لي ريوله وبعدين ينفش شعره الللللللللللللللله واحطله بودر وكلونيا اطفال
قمة السعاده عندي خخخخخخخخخ بالنسبه للسره عادي حبيبتي ما تتاثر واذا تبين تقضين اذنها استغلي الفرصه الحين لانهم ما يحسون بالالم ابدا

 

[нάγoηά cнεмίsтяγ]

ما قصرتوا سبحتها جم مرة فديتها بس الجو بارد اخاف اسبحها كل يوم تمرض
اسبحها كل يومين او ثلاث على حسب​