توني عروس وهلت المشاكل ابي وحده تنصحني مثل اختها

[ريـاانه]

مااااااااقصرو البنات ..

 

[bint_looda]

من اولها تزعلتي ؟؟ ليش ضامنه ان لي رحتي لاهلج بيصير له تهديد ويردج ويدفع تراكم توكم متزوجين لاتهججين الريال !
طاباتج وايد على عروس المفروض تنطرينه يعطي ماتطلبين ،، والصور مو ملزوم لانها صورج وانتي متفقه معاها واكيد المبلغ مو هين لو انها خمسين دينار هم يمكن تخرب ميزانيته ماتدرين شنو مصاريف كانت عليه وقت الزواج ! لازم اتقدرين الريال وتشكرينه لي صرف وخصوصا اهوا ماقصر وقالج البيت ماتصرفين انتي عليه وشي معناته الريال عارف الحق ويطبقه .. نصيحه لاتهججينه منج حبيه وخليه يحبج وباجر بيكت عليج فلوسه كلها ان شالله بس انتي الي بتحرصين عليها عقب الله يوفقج

 

[بنوته كيكه]

تعالي جنبي بقولج نصيحه من اخة الي اختة شوفي حبيبتي توكم مشاءالله معاريس شحلاتكم
فيه شي اسمه سياسخ كلام حلو مشاءالله فينه مزه يا البنات انه عندنا قدره كلام حلو عسل
ويسحر الرجال وذوب الرجال وانتي لا تثقلين علي طلبات شوي شوي ويعني انتي الحمدالله متوظفه
عندج راتب اهو صح من حق الزوج يدفع الاصور بس اما سوالف مصرف عندج راتبج انتي تصريفين
تبني اقولج متي يصرف عليج اذا كنتي مو متوظفه اهنيه يصرف عليج
لحد يقص عليج وقولج تطلقي ومدري شون لا ولا زوج بخيل انتي رجلج الحمدالله صلي وخاف ربه
بس انتي لا تكثرين طلبات مصرف هديه اهو يشري لج وقت مناسبه عيد زواج وعيد ميلاد
وعساء ربي صلح بينكم

 

[عيش و مرق]

مابى اعطى مقدمات واجامل

انتى توج عرووس وشقيتى الريال شق طلبات صور صالون بدلات مصروف مادرى شنو صبرى على انتى خذيتى وعارفه مستواه المادى عادى مو غنى ولا مليونير الحياة الزوجيه تعاون واى اثنين يتزوجون فى بدايه الزواج الاثنين الميزانيه عندهم مكسوره لن توهم طالعين من مصاريف العرس واحفلات والفرش والمطاعم ساعديه لاتضغطين على تعلمى على وعلمى عليج مو على اى شى تروحون بيت اهلكم كبرو عقولكم لاتصيرون سخيفات ما اقصدج انتى بذات لالا اقصد كل البنات الى على اقل شى زعلت واستغرب من امهاتكم واهلكم يشجعونكم عالخراب والدلع هذه حيااااااااااااة مو لعب ترا الريال يقدر ياخذ 4 لا اتخربين حياتج بيدج اعرف وحده توها عروس وحامل وتهاوشت مع زوجها على خدامه ماخدامه تبى فلبينيه وزوجها مايقدر على معاشها وسعرها زعلت وراحت بيت اهلها عبالها براضيها ويجيب معاة الفلبينيه وحياتج ادبها مسكينه خذا عليها سوريه عمرها 16 سنه واهى صغيره عمرها 21 سنه وعروس وحامل ,,,,,,
القصد لا اتخربين على عمرج خلى المركب يمشى زين انتى موضفه حريم قبل مايشتغلون وتحملو رياييلهم على عصبيتهم وضعف معاشاتهم ويابو 6 و7 عيال ماضرهم شى لين تحملى واحتسبى صبرج اجر عند الله تدشين فى الجنه والله يهديكم لبعض ويوفقكم

 

[هجووورة]

تصبري الله يسخره لج

 

[زبده جلوه]

الحين انا زعلانه لانه ماراح يطلع صوري انا دافعه نص فلوس التصوير ولما قلته انصدم من المبلغ وقال غالي وعصب قلت انا دافعه اكثر من النص ومابقى عليك الا اقل من نص المبلغ
ومعروف الصور يطلعها الريال المهم سكت وطنش

ومنو قالج ان الصور يطلعها الريال صج عقليتج صغيره كل الحنه والرنه على الزوج وليش مايصرف علي وانتي ماصارلج شهر اتقي الله ياابنت الناس وعيب اللي تسوينه بالريال الريال ماخذ المره عشان تاخذ فلوسه غصب عليه هو كيفه بيعطي يعطي مايبي مايبي كيفه فلوسه وهو حر فيها
بعدين انتي اللي متفقه مع المصوره تحملي اتفاقج ليش تحطين مصاريفج علي ريالج وتقولين لوع جبدي من اولها والله عجيبه سوالفج
انتي غلطانه والشطان حي وسواسه قوي اول ايام الزواج يخلي كل واحد نفسيته علي الثانيه خايسه لين يتطلقون وتبتدي الفضحيه علي شي تافه
لا تكلفين ريلج اشياء مالها داي ولا تغصبينه علي شي مايبيه ترا يكرهج
وتلوع جبده منج
وماعاد يحترمج وكل يوم يذلج وبقهرج
ساسيس ريالج بالكلام الزين والدلع واذا عيا خلاص سكتي قولي فديتك انت اللي تشوفه سوه انا تحت امرك وشوورك انت الرجال وانا النثيه تحتك
وخلاص


​

 

[د-سوسه]

الي اشوفه من خلال كلامج ..
انتي حاطه ببالج ان الرياال لاااااازم يصرف عليج ومايتعود ان يقط عليج المصاريف وقاعده تدافعين بقوه عن هالمبدا واهو حاط بباله ان المره تاكل فلوس الريال وتاخذ المهر وتخشه وتطلب منه فلوس ولازم اهو يعودها ان تصرف من معاشها وماتفلسه ..
وكل واحد فيكم قاعد يحارب عن مبداه ..
الي تقولينه صح ومو عيب بس اشوي اشوي الريال بعده ماعرف طبعج كل الي يعرفه عن الزواج كلمتين من ربعه عن الحريم من ربعه الي زهقانين من حريمهم والا الكلام الي الكل يقوله عن الحريم ..لا تعطيها ويه بالفلوس واضغط عليها لاتاكلك وواضح جدااا ن انتي سامعه نفس النصيحه ونفس الكلام من البنات الي دار مدارج ...
الكلام هذا الكل يقوله بس الحياه الصجيه مو جذيه تفلسف الحريم والرياييل مايخلص بس لما يدشون بيوتهم يقطون الكلام هذا بره ويعيشون حياتهم ..
خلي الريال يعرف طبعج وحسسيه ان اخر شي الماده بنظرج وان انتي ماتحبين المظاهر وماتبينها بس شتسوين خواتج واهلج اهم الي يعلقون عليج ويقولولج ليش ريلج مايابلج وليش ماعطاج ..بس قبلها حطي اساس قوي حق نفسج.. قوليله ان عندج مناسبه وان خواتج راحو يشترون بدل ومستعدين بس انتي بتلبسين بدله قديمه من عندج لانج ماتبين تضغطين عليه بالمصاريف (طبعا انتي عروس وعندج شغلات يديده)..قوليله بطريقه سالفه عاديه ان اختج مثلا قالتلج سوي شغله بس انتي قلتيلها لا لان انتي الحين غيرتي قناعاتج لان اهو قالج ان وراكم مصاريف وان حياتكم محتاجه تمسكون ايدكم اشوي ....قصي عليه وحسسيه انج مقتنعه بكلامه بالكلام بس فتره قصيره لان اهو خذا انطباع انج ماديه والريال اذا حط فكره عنج صعب يغيرها وبعدين خليج علكلام بس بالفعل ابتدي بسياسه الاخت بدويه وموضروري توصلين لمستوي حياتها بس اسمج غيرتي ريلج ..
بصراحه انا ماحب اخذ من ريلي مصروف واجزرها عليه وهم اقوله ادفع يعني كل وحده لها طبعها وشخصيتها انا لو ريلي اييبلي شغله بعشره استانس اذا كنت عارفه ان هذا الي يقدر عليه ماعنده وبخل علي وكل وحده فينا عندها معاشها ومومحتاجتله ..شوفي شلي يرضيج وسويه بس موحلوه تنهين حياتج وتخسرين ريلج عشان جم فلس ..وموفقه انشالله

 

[عاشقة وطنها]

،


مريت بكل الي مريتي فيه


وتدرين وين وصلت؟ طلبت الطلاق وحطيت راسي ع المخده وانا ناويه باجر اروح المحكمه ارفع عليه قضية طلاق بس سبحان الي ردني ومارحت
وقالي انا ابيج وشاريج ..... إلخ ورديت معاه
وكل يوم هوشه
كل يوم ابي وابي بعدين فكرت ليش اسوي جذي؟

قلتله الرجال يزيد مرته ماينقصها وجم كلمه حلوه وثقيله عليه بنفس الوقت
واذا قال عندي مصاريف وماعندي ومضغوط هالشهر اقوله مايصير تقصر على بيتك يقول اي اقوله ولاعلى اهل بيتك
واقوله الرجال مايعيبه الا جيبه وهالشي معرووووف

اتفقت يعطيني مصروف كل شهر
وصار لما يعطيني اقوله ماتقصر عسى الله لايقصر بعمرك
وصار يعطيني ويقول تبين شي نقصج شي قوليلي صرت اقول ادري ماتقصر الله لايحرمني منك
بعدين صار يعطيني مصروفي ويقول صالونج كل شهر علي وصالوني 50 كل شهر
وصرت امدحه واطيره واحسسه انه كريم ومافيه منه
صرت لما اطلع معاه السوق اخذ منه مصروفي واخليه اهو يدفع
اشتري بالهبل
طبعا الكلام الحلوو والمساااحل والتبوس على الراس وماكو منك وماتقصر وانا مرتاحه عسى الله يخليك لي هذي جرعه كل شوي اعطيه منها


النتيجه ....

صار يعطيني بالهبل مصروفي كل شهر + فلوس الصالون+ طلعة السوق عليه اشتري جنطه بـ 200 و300 ومكياج على 80و90 ومصروووفي بجيبي

اشترى لي جنطه بـ 800 ومصرووفي بجيبي !

والحين الحمد الله الحمد الله الحمدالله تبارك الرحمن وصلت لمرحله يعطيني بطاقته البنك اذا بطلع مع امي وهو مومعاي

وربي كل شي مريتي فيه مريت فيه والعن زوجج مو بخيل حبيبتي بس حريص مثل زوجي والحين تسنع
مسكي زوجج وسنعيه ولاساااحليه
والله يسخره لج يااارب

أنا أيد كل كلمه قالتها وبعدين الامور تكون حبه حبه // صعبــــــــــــــــــــــــه تطبيقين اللي تبيه بيوم وليله ..حتى اهو سامع وحاط باله انه يطبق عليج ويحكم من البدايه خليه يعيش الدور وبعدين كل شي يتغير عااادي ولاتهدمين حياتج من البدايه واستهدي بالله ,,والله يوفقج

 

[يرخصلك كل غالي]

توج عرووووس لا تطلبين منه


وكلام بدويه واييد عيين العقل

 

[بنت.المطيري]

قصتج بالضبطذذذذ مريت فيها وكانت اول هوشه لنا سالفه المصور قلتله انا السهر الجاي بتنزلي فلوس بس الصور الحين والكل يتشره عليها يبي يشوفها قال اوكي انا ادفع يوم عرف السعر عصب بعد مامخمخها براسه حسب اني قاعده اتحايل عليه واقص عليه عشان يدفع المهم سالفهطويله عريضه المهم حييييل حز بخاطري وخذيت موقف منه اشمئزيت منه حييييل لان انا موتي واللي يطيح الريال من عيني اهو الريال البخيل

مع مرور الشهور تأذيت حييييل معاه عاد لقيت وقت مناسب افاتحه بالموضوع قلتله ابي مصروف شهري قال انتي منتيحدامة انا مسؤول عنج اي شي تبينه ادفع وقلت اوكي وكل مابغيت شي لازم ليش وشحقه ومو ضروري ومومهم يااااربي ياربي حتى اشياء بدينار ونص مايني كرهني عمري انا مرا ابي اكسسوارات جنط مكياج بالنسبه له هذي خرابيط بس بالنسله لي لااازم هالاشياء خصوصا اني ليلحين عروس

ليييينصارت تصك فيني الدنيا واتسلف من اهلي ويعطوني بالميات وماعلمته بس يوم صكت فيني قلتله تنا احتتج وانت ماتحس فيتي واشحذ من اهلي وانت موجود يرضيك؟؟ انا محتاجه ولازم تصرف علي اهلي حطوني بذمتك الحين انت مسؤول عني مو اهم
عاد اهني حس انه صج مقصر معاي يوم عرف ان اهلي يصرفون علي وساكتين قلتله ابي مصروف معين مارصا قال وايد وعطاني اقل بشوي وصار ينقصني فلوس وعرف بعدها ان صج المصروف اللي طلبته اهو اللي يكفيي لان بنفسه يروح يشتري معاي ويشوف اني مااشتري الا حاجتي

الشغله تدريجيه مو مهم يصرف المهم مصروفج يمشي او مثلا تحددين مصروف للبيت ويعطيجاياه
انا الحين قريب ااسنة ترا هذا ثاني معاش يمشيلي بس! تخيلي شلون كنت بااشهور اللي ذافت هدوم جهازي حللللتهم لان بنظرة كل شي ماله داعي

 

[بنت.المطيري]

سووووري عالبدليات حتى لو بعدلهم واااايد
لاني شابكه من الفون

 

[اسراب الطيور]

لاتحسسينه ان اهم شي عندك هو فلوسه بالعكس اذا قالك ما عندي شي قولي انا وياك بصبرلمن تسدد القرض انا ما اقولك سددي وياه القرض بس عادي لو تشيلين نفسك لمن تتيسر الامور
زي ما قالت بدويه الكلمه الطيبه لها دور
وحلو انك تقولين له انا بالعكس ابغي اصبر وانت وانا واحد اللي يضرك يضرني
لو خبزه نتقاسمها
صدقيني الطيبه لها دور سحري كبير في الحياه الزوجيه
خلي هالايام ذكرى لزوجك انك وقفتي وياه وساندتيه فكوني كالام في حنانها وزوجه تتقاسم مع زوجها الايام الحلوه والمره

 

[Na6o3a]

حبيبتي شوي شوي و شلج بعوار الراس.. خو دفعي فلوس الصور مدام عندج معاش .. و بعدين عشان مايصير بينكم مزاعل خل يخصص لج معاش او مصروف شهري حقج و حق صالونج و غيره... و المره الذكيه اهي اللي تعرف تطلع الفلس من الريال بطريقه ذكيه مثل ما قالت بدويه وايد ... و بعدين شوي شوي عالريال لاتبينيله ان جنج داشه على طمع.. والله يسخره لج

 

[أأأميرة الورد]

الله يوفقج

 

[ملوكـه]

السلام عليكم ورحمه الله وبركاته
توني عروس وراده من شهر العسل وبدت المشاكل مع زوجي واليوم انا ببيت اهلي زعلانه
بنات زوجي زين يصلي ويخاف الله مشكلتنا الوحيده تتمحور في الامور الماديه
زوجي وظيفته زينه بس عنده التزامات ومن ثاني يوم زواج وهو يلمح على الامور الماديه ولوع جبدي من الايام الاولى انا حيلتي بس راتبي انا مستواي عادي يعني لاتطلبين ولا تتوقعين ادفع ويحاول يوصلي رسايل ان حياتنا بتكون على قدنا
قلت بقلبي حلو هذا وانا بالايام الالوى الي المفروض يدلعني ويصرف علي بدون حساب ويجيب لي من الهدايا بصراحه نكد علي لاتوقعين نسافر لاتوقعين نجيب لاتوقعين يعني يبيني استعد للحياة الجاية حسيت اني متزوجه حارس مدرسه مو ضابط هو صحيح عليه قرض بس مو معناته يسوي جذي وقال لي مابيج تصرفين على البيت وراتبج كله لج بس امورج ومصاريفج الشخصيه عليج يعني ماراح تشوفين فلس مني
الحين انا زعلانه لانه ماراح يطلع صوري انا دافعه نص فلوس التصوير ولما قلته انصدم من المبلغ وقال غالي وعصب قلت انا دافعه اكثر من النص ومابقى عليك الا اقل من نص المبلغ ومعروف الصور يطلعها الريال المهم سكت وطنش
حسيت مبداه جذي يماطل ليمن يخليني ادفع
ومن يومين كنت بروح الصالون لاننا بنروح لاهله وقلت عطني فلوس قال ادفعي انتي وبعدين اعطيج وضايقتني الكلمه قلت ماعندي كاش مر البنك ومريت البنك وسحبت وهو بالسياره ورحت للصالون وطول الطريج لاهله وانا مطنقره ولما ردينا بالليل كلمته وقلت له ليش ماعطيتني قال ماكان عندي كاش قلت طيب انا مريت البنك وسحبت لو بتعطيني جان سحبت سكت قال انتي طنقرتي وعصبتي وماصبرتي علي
وامس قلت عطني بطلع بدلتي حق العيد وبعدين نروح المصور قال هالشهر ماقدر على فلوس المصور قت اوكي والشهر الياي قال لا الشهر الياي ولا الي وراه
عصبت ورحت لبست لانه كان قايل لي بوديج لاهلي وقلت له بروح لاهلي وماني راده وسكت وبالطريق قلت له ليش تقص علي وسكت وطول على المسجل ووصلت بيت اهلي ولا قال لي كلمه والحين انا نايمه عند اهلي ولا دق علي ولا شي
بنات انصحوني مثل اختكم

هذا مايستحي على دمه
:rgewrg:

 

[روح مووود]

،


مريت بكل الي مريتي فيه


وتدرين وين وصلت؟ طلبت الطلاق وحطيت راسي ع المخده وانا ناويه باجر اروح المحكمه ارفع عليه قضية طلاق بس سبحان الي ردني ومارحت
وقالي انا ابيج وشاريج ..... إلخ ورديت معاه
وكل يوم هوشه
كل يوم ابي وابي بعدين فكرت ليش اسوي جذي؟

قلتله الرجال يزيد مرته ماينقصها وجم كلمه حلوه وثقيله عليه بنفس الوقت
واذا قال عندي مصاريف وماعندي ومضغوط هالشهر اقوله مايصير تقصر على بيتك يقول اي اقوله ولاعلى اهل بيتك
واقوله الرجال مايعيبه الا جيبه وهالشي معرووووف

اتفقت يعطيني مصروف كل شهر
وصار لما يعطيني اقوله ماتقصر عسى الله لايقصر بعمرك
وصار يعطيني ويقول تبين شي نقصج شي قوليلي صرت اقول ادري ماتقصر الله لايحرمني منك
بعدين صار يعطيني مصروفي ويقول صالونج كل شهر علي وصالوني 50 كل شهر
وصرت امدحه واطيره واحسسه انه كريم ومافيه منه
صرت لما اطلع معاه السوق اخذ منه مصروفي واخليه اهو يدفع
اشتري بالهبل
طبعا الكلام الحلوو والمساااحل والتبوس على الراس وماكو منك وماتقصر وانا مرتاحه عسى الله يخليك لي هذي جرعه كل شوي اعطيه منها


النتيجه ....

صار يعطيني بالهبل مصروفي كل شهر + فلوس الصالون+ طلعة السوق عليه اشتري جنطه بـ 200 و300 ومكياج على 80و90 ومصروووفي بجيبي

اشترى لي جنطه بـ 800 ومصرووفي بجيبي !

والحين الحمد الله الحمد الله الحمدالله تبارك الرحمن وصلت لمرحله يعطيني بطاقته البنك اذا بطلع مع امي وهو مومعاي

وربي كل شي مريتي فيه مريت فيه والعن زوجج مو بخيل حبيبتي بس حريص مثل زوجي والحين تسنع
مسكي زوجج وسنعيه ولاساااحليه
والله يسخره لج يااارب

اعجبنى ردك سراحه ورائى من رايه بدويه وايد مشاء الله عليك

 

[..هموسه..]

انا مو متزوجه بس حبيت اعطيج رايي لاني شايفه خواتي ورفيجاتي متزوجات

الرجال ببداية حياته الزوجيه يرتب مصاريفه وهيك
ويبي يعلمج ويخليج تعرفين شنو الحياه اللي تبون تعيشونها
حتا لو طنتي موظفه او مو موظفه
يبي يخليج تعرفين شنو الحياه اللي جدامكم
مايبي يعودج ع الدلع وبعدين ما يقدر ولا يبي يعودج يحرمج وتزعلين


انتي ببداية حياتكم ... يعني يبي لها بال طووووول
مو معقوله من اول مشطله تطنقرين عليه
اخذيه بالمسايس

,,, يعني مثلا سالفة الصور .. كنت تقدرين تجينه من باب ثاني غير تقولين له ابي فلوس جم كلمه وبيعطيج اللي تبين << لان الصور يشوفها شي تافه
والصالون .. >>كنتي تقدرين تقولين يرضيك اروح لهم مو كاشخه والا مو متعدله وتمدين البوز شوي وجم كلمه حلوه

وزوجج لا تخلينه بروحه لو مهما كان
ترا بيحط بباله انج زعلانه عشان الفلوس ...
والله لو اني منج لا اكلمه واقوله ما اشتقت له واكسبي زوجج بصفج
وتفاهموا مع بعض عن مصاريفكم وعن حياتكم ودامه قايل لج لا تدفعين شي من عندج دليل انه عنده اتم الاستعداد انه يصرف عليج ويغنيج

وبعد من متا الرجال يعطي شي من عنده
هذي بدويه وايد وردها حيييل عجبني وماكو رجاااال يعطي بالساااهل لو مهما كان
لازم المساااهل والمسايس

والله يوفقكم بحياتكم
واخذيها نصيحه مني لاتزعلين ببيت اهلج لو مهما كان
ازعلي ببيتج وخليج جدامه عشان يراضيج ويسوي لج كل اللي تبينه

نصيحه من اخت يالغاليه
ونشالله ترجع المياه لمجاريها وهذا مجرد رأيي واتمنا ما اكون ضايقتج

 

[لجين]

هالنوع عنيد بالبدايه وراح تتعبين معاه

هو الحين شاد حيله باجر يسلمج الخيط والمخيط

نفسج كنت ازعل واعصب بس قمت اغير اسلوبي

واصرف معاشي جدامه كله ضحيت بجم شهر وفعلا افلس

وبروحه قام وتغير ويمد ايده ويعطيني

صبري وتحملي ولا تفكرين اشلون تطلعين منه فلوس

خلي همج انه يمدح جمالج وكشختج ودلعج وعقبه

تنكت عليج الفلوس

 

[عبالي حبيبي]

رااي الشخصي ان ريلج طيب وفيه خير

بس المشكله انه ممكن يكون سمع نصيحة فلان وعلان ووريها العين الحمرا ومدر شنو

لوترجعين لداخله تلاقيه ملاك

ومع الوقت بيرد لطبعه وانتي بتفرضين عليه الحب وحسن العشره

ولاابي احلف لكن مايخرب حياة ناس كثير الانصايح الي مايخافون الله للعرسان باول حياتهم

فيدخل على الحياه وهو يبي يطبق الي سمعه

والدليل انه مومقتنع فيه انه مايجادلج حيل يقط الكلمه ويسكت

والله يسخركم لبعض

 

[بحر الرمال]

انا مابي احبطج بس اتوقع كلش ماراح يكون في توافق بينكم لان الامور المادية من الاشياء المهمه و انتو الاثنين ماتصلحون لبعض لان كل طرف له توقعات مختلفه و متمسك برايه