توني عروس وحزينة حيل ..

[147147]

قوووة يااغلى واحلى ناس بهالوجود :eh_s(7)::eh_s(7):
خواتي اللي صج ينصحون من قلب ويفيدوني ...
انا ودي ادخل بالموضوع وبقولكم قصتي وانا كلي دموع صارلي شهرين هذي حالتي ..
بنات انا صارلي 7 اشهر متزوجة طبعا اول شهرين او ثلاث اشهر عسسل بعسسل بعد ها انصدمت صدمة حياتي ريلي هالايام كلة اهواش بهواش صايرة مااتحملة ولااهو يتحملني على اشياء تافهة صرنا نتزاعل واهو الله يهدية انفعالي ع لو شي بسيط كل يوم اقولة ماله داعي الانفعال ووانا حامل وعارفه نفسية الحامل اشلون تكون واهو مايراعي يعني ا فهمتة ان نفسيتي تعبانة ويقدر جم يوم ومايتحمل يالله بس يعصب ومزاجي ومايسولف وانا ماني متعلقة فية ولاني من الحريم اللي دق 24 ساعه ع ريلها ولا اللي تقولة مشتاقتلك ولا لازقة فية الحمد الله معطيتة حقوقة واضحك واسولف بس هو طبعا سايلنت و24 ساعه بتلفونة مشغول او يطلع ومايرد الا ثاني يوم يعني مااشوف اني مقصرة معاه واهو شوي حالتة النفسية تعبانة لان عنده شغلة ينطر موافقتها وانا مراعيتة بس يابنات ابي حل وسط ابي طلعه مثل الاوادم مو كل يوم ع الاقل بشهر 3 مرات رفيجاتي مايبيني اروح عندهم يعني ماادري احترت معاه
وفي مشكلة ثانية واهي سالفه القرض مااخذ مبلغ وايد اكبير يعني 30 الف امانة بنات واحنا تونا بداية الطريج كل يوم اقوله وفر سو شغلة ماشي ع مثل اصرف مافي الجيب ياتيك مافي الغيب وهذي حالتنا ماادري اشلون اتصرف ابي اصير ذكية ابي اسلوب اتعامل معاه حيرني ..:eh_s(16)::eh_s(16):

 

[آسآس الغلآ]

آب

الله يسسسسخره لج يآرب​

 

[شووشة الفرفووشة]

جان استخرتي ربج قبل لا تاخذينه

الله يهديه ويسخره لج....

 

[معزوفة عشق&]

مصيره بيتغير بس اصبري والتزمي بالدعاء والاستغفار

 

[~ بنت الهدى ~]

الله يهديه و يصلح الحال يارب

 

[فوفو22]

ما اشوف في مشكله جاده

باختصار الزوج. يهرب من الشخصيه النكديه او اللي لما تشوف وجهه

تذكره انه يا فلان انا سويت وحطيت ونطرت وانت فعلتك من تركتك

خليكي. فرفوشيه دمك خفيف

طلعي منه الضحكه غصب

انتي بادري بالسوالف اللي فيها محاوره

مثل

شفت اليوم احداث مصر صار هيك وهيك

او قريت كتاب عن الطفل ينصح ب

او امور كثيره انتي تفتحينها غير سوالف النكد

اعطيج قصه حقيقيه

رفيجتي دكتوره مشهوره. وزوجها مشغول 24 ساعه وبيني وبينها تحلطم وكل شي

بس لما يدخل

تهلي وترحب فيه جنه جاي من سفر

ويقعد. يسولف معاها احيانا الى الفجر

يقولها تفتحين نفسي ،،،،،

علما بان انشغاله لعمل

والمقصود من القصه شخصيه الزوجه تجذب وتنفر الزوج من البيت


فوفو

 

[أم حسوون]

السلام عليكم ، لازم كل عروس تمر بهالمرحله وهي ببداية زواجها ، بعدين بتعرف اطباعه وهو بيعرف اطباعها ، بس اهم شي بهالوقت لا تنصحينه واجد ولا تعلمينه شلون يدير حياته لأن رجل شوره بيده ، بالعكس اسمعي منه أكثر حتى لو كانت سوالفه ما تثيرج ، طيعيه صيري مرحة وابعدي عن الحنة ، ما راح يفهم انج حامل وأنه نفسيتج متغيرة توه معرس ما مرت عليه هالأشياء من قبل ، وبعدين دام فكره مشغول بوظيفه فلا توترينه بكثرة المشاكل والزعل لأنه قاعد يمر بمرحلة صعبه ، أخوي مستقيل من فترة ومقدم على وظيفه تعالي شوفي شلون صاير نفيسه الله يعين بس .

 

[وبعدين يعن]

ياعمرررري وربي حاسهه فيك كأنك تتكلمي عني قبل ٣ شهور

انا كنت مثلك والعن مشاكل اريع وعشرين شاعه وانا حامل وكنت تو عروس


يس الحمدالله من ولدت تغير زوجي وتغيرت انا


اتطمني بما تولدي انشاءالله امورك بتتيسر


وتصير حياتكم حلوه مع البيبي

 

[HayaaB]

سبب المشكلة القرض ،
الرجل بصفة عامة الدين و قلة الفلوس تعصبة،
لا تضغطين عليه ماديا و اذا مو حاب إنج تنصحينه
مادياً لا تتدخلين، توكم متزوجين ممكن يحس بالضعف

 

[امـ خــزامـى]

انا وللمره الثانيه مع اموحسووون

شي طبيعي اللي تمرون فيه انتم في بداية المشوار
ومارح يتحسن حالكم الا بعد سنتين
ومع القرض يمكن تاخذون وقت اكثر لي ماتتاقلموون



الله يسر امركم

 

[Laidy n3ooma]

روحي بيت هلج يومين وارجعي وحده يديده لاتكلمينه وايد واذا تكلمتني لاتذكرينه بالتوفير والصرف والدين

بادري بالطلعه قوليله خل نطلع نتمشى واذا تمشيتوا مو لازم مطعم غالي يمكن هو مايقدر يدفع عشان جذي مايقدر يطلعج

 

[الأوركيد~]

الله يسخركم لبعض

و يبعد عنكم الحزن

 

[M!SS.LOBY]

الله يسخره لج

 

[زين ودلال]

ان شاء الله راح يتغير

الله يسخركم لبعض

 

[banota_kuwaitya]

حبيبتي اللي تمرين فيه عادي، عصبية الريال تحر وتنرفز وتحير بس الطناش أحسن شي، عالفلوس، شوفي قوليله خل نسوي جمعية صغيرة بينا نوفر لها للمستقبل، وفجي حساب باسمكم اثنينكم مو اسمه اهو بس، ووفروا فيه، وذكريه انه سورة الواقعة وكثرة الاستغفار تزيد بالرزق، كلميه بالجانب الروحاني والديني، مثلا "وان شكرتم لأزيدنكم" فداوم عالشكر وانت تسوق وانت تمشي وجذي،"ولسوف يعطيك ربك فترضى" يعني الله سبحانه راح يعطيك ويعطيك لين تكون راضي بس هالشي يتحقق باليقين بالله والإيمان القوي انه فعلا ربك بيعطيك لان الله سبحانه وتعالى يقول في الحديث القدسي "أنا عند ظن عبدي بي"، يعني ظنيت بييلك خير راح اييلك، ظنيت بالشر راح اييلك، بس لا تيبينها من باب النصيحة بشكل مباشر عشان لا يتحسس، وانتي حامل الله يسهل عليج فاستثمري وقتج بالقرايه عشان تلهين عنه شوي.. والله يفرج همج وهم كل شخص مهموم يارب

 

[Smchoocha]

سبحان الله جنج تتكلمين عن ريلي بالضبط
المشكله فيه مو فيج
اهو يحاتي القرض و الفلوس فلا تذكرينه بهالموضوع
خليه ينسى انه عليه قرض و لا تحنين عليه عشان يجمع مرده بينقرص و يفهم بروحه

 

[مرتبة]

صفات زوجج
عصبي
غير حكيم
غير متحمل للمسؤوليه

صفاتج
تتدخلين في تخطيطه المادي نصيحه بطقاق في فلوسه الرجال لكثرت فلوسه اعرس
خليها بسياره ولا مره


الحل ابحثي علي مواضيع عن ترويض الزوج العصبي
شوفي وتابعي ناعمه الهاشمي بتويتر تعطي نصايح

اذا هو سايلنت اساليه اسئله مفتوحه
مو اسئله اجابتها صح او خطا
شوفي تويتر ماله شنو يتابع تابعيه
وتناقشي بالاراء الي نازله
بيني وبينج اغلب الرياييل طرمان
لانه سوالف الحريم غير عنهم
شوي شوي ينجذب لج

 

[M!SS.LOBY]

لا حول ولا قوة الا بالله

 

[M!SS.LOBY]

الله يهديه

 

[{عسوله مطير]

عادي ياقلبي انا مع بنات

وانتي حامل وحساسه طووفي كل شي يكدر وتعوذي من بليس

وأنتي بنفسج تقدرين تجذبينه بالسوالف حلوه موشرط هو يبادر أنتي بادري

والله يسعدج

♡♥